AtthaPali Vol.47

20-24. Nanapancakaniddesavannana [75] Nanapancakaniddese tesam pancannam nananam apubbasambandhasabhavato ekatova pucchavissajjanani katani. Abhinnata hontiti dhammasabhavalakkhana- jananavasena sutthu nata honti. Nata hontiti nataparinnavasena sabhavato natatta nata nama honti. Yena nanena te dhamma nata honti, tam natatthena nanam, pajananatthena pannati sambandho. Iminava nayena sesanananipi yojetabbani. Parinnata hontiti samannalakkhanavasena

--------------------------------------------------------------------------------------------- page321.

Samantato nata honti. Tirita hontiti tiranaparinnavasena aniccadito upaparikkhita samapita nama honti. Pahina hontiti aniccanupassanadina nanena niccasannadayo bhanganupassanato patthaya pahina honti. Pariccatta hontiti pahanavaseneva chaddita nama honti. Bhavita hontiti vaddhita paribhavita ca honti. Ekarasa hontiti sakiccasadhanapatipakkhappahanena ekakicca honti, paccanikato va vimuttivasena vimuttirasena ekarasa honti. Sacchikata hontiti patilabhavasena phaladhammo pativedhavasena nibbanadhammoti paccakkhakata honti. Phassita hontiti patilabhaphusanena pativedhaphusanena ca phassita anubhuta honti. Imani panca nanani hettha sutamayananavasena vuttani, idha sakiccavasena. Nanapancakaniddesavannana nitthita. ------------

The Pali Atthakatha in Roman Book 47 page 320-321. http://84000.org/tipitaka/atthapali/read_rm.php?B=47&A=7160&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7160&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=185 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2119 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2538 The Pali Tipitaka in Roman Character :- http://84000.org/tipitaka/read/roman_read.php?B=31&A=2538 Contents of The Tipitaka Volume 31 http://84000.org/tipitaka/read/?index_31