AtthaPali Vol.47

36. Samasisatthanananiddesavannana [87] Samasisatthanananiddese pancakkhandhatiadihi dasahi rasihi sabbadhammasangaho veditabbo. Na hi ekekassa vasena ayatanadhaturasivajjehi sesehi

--------------------------------------------------------------------------------------------- page338.

Atthahi rasihi visum visum sabbadhammo sangayhatiti. Yasma pana lokuttaradhamma hetusamucchedena samucchinditabba na honti, tasma sabbadhammasaddena sangahitapi lokuttaradhamma samucchedavasena sambhavato idha na gahetabba, hetusamucchedena samucchinditabba eva tebhumakadhamma gahetabba. Samma samucchindatiti yathayogam vikkhambhanatadangasamucchedappahanavasena pariyutthanam anusayanca nirodhento samma samucchindati. Evam puggaladitthanaya desanaya samma samucchedo niddittho. Nirodhetiti anuppadanirodhena nirodheti. Imina samucchedattho vutto. Na upatthatiti evam nirodhe kate so so dhammo puna na upatitthati, na uppajjatiti attho. Imina nirodhattho vutto. Evam anupatitthamanadhammavasena anupatthanabhavo niddittho. Samanti kamacchandadinam samitatta samam. Tani pana nekkhammadini satta, ruparupajjhanani attha, mahavipassana attharasa, ariyamagga cattaroti sattattimsa honti. Terasa sisani sisabhutanam sabbesam sangahavasena vuttani. Idha pana saddhadini attheva sisani yujjanti. Na hi arahato tanhadini panca sisani santi. Palibodhasisanti paribuddhanam palibodho, nibbanamaggavarananti attho. Sisanti padhanam, adhikanti attho. Palibodhoyeva sisam, tamsampayuttadisabbapalibodhesu va sisanti palibodhasisam esa nayo sesesu. Visesato pana vinibandhananti unnativasena samsare bandhanam. Paramasoti abhiniveso. Vikkhepoti vippakinnata. Kilesoti kilissanam. Adhimokkhoti adhimuccanam. Paggahoti ussahanam. Upatthananti apilapanam. Avikkhepoti avippakinnata. Dassananti yathasabhavappativedho. Pavattanti upadinnakkhandhappavattam. Gocaroti arammanam. Imesu dvadasasupi varesu padhanattho sisattho. Vimokkhoti vikkhambhanatadangasamucchedapatippassaddhinissaranavimuttisu pancasu nissaranavimutti nibbanam. Sankharasisanti sabbasankhatasankharanam sisam, koti avasananti attho. Etena anupadisesaparinibbanam vuttam. Sankharabhavamattavasena va

--------------------------------------------------------------------------------------------- page339.

Khandhaparinibbanameva vuttam hoti. Nekkhammadikam samanca saddhadikam sisanca, samasisam va assa atthiti samasisiti. Atha va terasannam sisanam tanhadini panca sisani samudayasaccam, saddhadini panca maggasaccam, pavattasisam jivitindriyam dukkhasaccam, gocarasisanca sankharasisanca nirodhasaccanti imesam catunnam ariyasaccanam ekasmim roge va ekasmim iriyapathe va ekasmim sabhagajivitindriye va abhisamayo ca anupadisesaparinibbananca yassa hoti, so pubbe vuttasamananca imesanca sisanam atthitaya samasisiti vuccati. Samasisatthanananiddesavannana nitthita. ------------

The Pali Atthakatha in Roman Book 47 page 337-339. http://84000.org/tipitaka/atthapali/read_rm.php?B=47&A=7544&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7544&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=227 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2521 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2956 The Pali Tipitaka in Roman Character :- http://84000.org/tipitaka/read/roman_read.php?B=31&A=2956 Contents of The Tipitaka Volume 31 http://84000.org/tipitaka/read/?index_31