บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Vipallasakathavannana [236] Idani tassa kammassa paccayabhute vipallase dassentena kathitaya suttantapubbangamaya vipallasakathaya apubbatthanuvannana. Suttante tava sannavipallasati sannaya vipallatthabhava viparitabhava, viparitasannati attho. Sesadvayesupi eseva nayo. Cittakiccassa dubbalatthane ditthivirahitaya akusalasannaya sakakiccassa balavakale sannavipallaso. Ditthivirahitasseva akusalacittassa sakakiccassa balavakale cittavipallaso. Ditthisampayutte citte ditthivipallaso. Tasma sabbadubbalo sannavipallaso, tato balavataro cittavipallaso, sabbabalavataro ditthivipallaso. Ajatabuddhidarakassa kahapanadassanam viya hi sanna arammanassa upatthanakaramattaggahanato. Gamikapurisassa kahapanadassanam viya cittam lakkhanapativedhassapi sampapanato. Kammarassa mahasandasena ayogahanam viya ditthi abhinivissa paramasanato. Anicce niccanti sannavipallasoti anicce vatthusmim "niccam idan"ti evam gahetva uppajjanakasanna sannavipallaso. Imina nayena sabbapadesu attho veditabbo. Na sannavipallaso na cittavipallaso na ditthivipallasoti catusu vatthusu dvadasannam vipallasaggahanam abhava yathavaggahanam vuttam. Gathasu anattani ca attati anattani attati evamsanninoti attho. Micchaditthihatati na kevalam sanninova, sannaya viya uppajjamanaya micchaditthiyapi hata. Khittacittati sannaditthihi viya uppajjamanena khittena vibbhantena cittena samannagata. Visanninoti desanamattametam, viparitasannacittaditthinoti attho. Atha va sannapubbangamatta ditthiya pathamam catuhi padehi sannavipallaso vutto, tato micchaditthihatati ditthivipallaso, khittacittati cittavipallaso. Visanninoti tihi vipallasaggahehi pakatisannavirahita moham gata "mucchito visavegena, visanni Samapajjatha"ti ettha 1- viya. Te yogayutta marassati te jana satta marassa yoge yutta nama honti. Ayogakkheminoti 2- catuhi yogehi itihi khemam nibbanam appatta. Satta gacchanti samsaranti teyeva puggala samsaram samsaranti. Kasma? jatimaranagamino hi te, tasma samsarantiti attho. Buddhati catusaccabuddha sabbannuno. Kalattayasadharanavasena bahuvacanam. Lokasminti okasaloke. Pabhankarati lokassa pannalokankaRa. Imam dhammam pakasentiti vipallasappahanam dhammam jotenti. Dukkhupasamagaminanti dukkhavupasamam nibbanam gacchantam. Tesam sutvanati tesam buddhanam dhammam sutvana. Sappannati bhabbabhuta pannavanto. Sacittam paccaladdhuti vipallasavajjitam sakacittam patilabhitva. Patialaddhuti padacchedo, atha va patilabhimsu patialaddhunti padacchedo. Aniccato dakkhunti 3- aniccavaseneva addasamsu. Anattani anattati anattanam 4- anattati addakkhum. Atha va anattani "vatthusmim atta natthi"ti addakkhum. Sammaditthisamadanati gahitasammadassana. Sabbam dukkham upaccagunti sakalam vattadukkham samatikkanta. Pahinapahinapucchaya ditthisampannassati sotapannassa. Dukkhe sukhanti sanna uppajjati. Cittam uppajjatiti mohakalussiyassa appahinatta sannamattam va cittamattam va uppajjati, anagamissapi uppajjati, kim pana sotapannassa. Ime dve arahatoyeva pahina. Asubhe subhanti sanna uppajjati. Cittam uppajjatiti sakadagamissapi uppajjati, kim pana sotapannassa. Ime dve anagamissa pahinati atthakathayam vuttam. Tasma idam dvayam sotapannasakadagamino sannaya vuttanti veditabbam. Anagamino kamaragassa pahinatta "asubhe subhan"ti @Footnote: 1 khu.ja. 28/328/157 2 i. ayogakkhemagamino @3 Ma. aniccataddakkhunti 4 i. attanam Sannacittavipallasananca pahanam vuttanti veditabbam. Dvisu vatthusutiadihi padehi pahinapahine nigametva dasseti. Tattha "anicce niccan"ti, "anattani atta"ti imesu dvisu vatthusu cha vipallasa pahina. "dukkhe sukhan"ti, "asubhe subhan"ti imesu dvisu vatthusu dve ditthivipallasa pahina. Kesuci potthakesu dveti pathamam likhitam, paccha chati. Catusu vatthusuti cattari ekato katva vuttam. Atthati dvisu cha, dvisu dveti attha. Cattaroti dukkhasubhavatthusu ekekasmim dve dve sannacittavipallasati cattaro. Kesuci potthakesu "../../bdpicture/cha dvisu"ti vuttatthanesupi evameva likhitanti. Vipallasakathavannana nitthita. ------------------The Pali Atthakatha in Roman Book 48 page 207-209. http://84000.org/tipitaka/atthapali/read_rm.php?B=48&A=4666&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=4666&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=525 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=7274 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=8386 The Pali Tipitaka in Roman Character :- http://84000.org/tipitaka/read/roman_read.php?B=31&A=8386 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]