บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
137. 5. Rahosannakattherapadanavannana himavantassaviduretiadikam ayasmato rahosannakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto ekasmim buddhasunnakale majjhimapadese brahmanakule nibbatto vuddhimanvaya sakasippesu nipphattim patva tattha saram apassanto kevalam udaram puretva kodhamadamanadayo akusaleyeva disva gharavasam pahaya himavantam pavisitva isipabbajjam pabbajitva anekatapasasataparivaro vasabhapabbatasamipe assamam mapetva tini vassasahassani himavanteyeva vasamano "aham ettakanam sissanam acariyoti sammato garutthaniyo garukatabbo vandaniyo, acariyo me natthi"ti domanassappatto Te sabbe sisse sannipatetva buddhanam abhave nibbanadhigamabhavam pakasetva sayam ekako raho vivekatthaneva nisinno buddhassa sammukha nisinno viya buddhasannam manasi karitva buddharammanam pitim uppadetva salayam pallankam abhujitva nisinno kalam katva brahmaloke nibbatti. [34] So tattha jhanamukhena ciram vasitva imasmim buddhuppade kulagehe nibbatto kamesu anallino sattavassiko pabbajitva khuraggeyeva arahattam patva chalabhinno hutva pubbenivasananena attano pubbakammam saritva sanjatasomanasso pubbacaritapadanam pakasento himavantassaviduretiadimaha. Vasabho nama pabbatoti himavantapabbatam vina sesapabbatanam uccatarabhavena setthatarabhavena vasabhoti sankham gato pabbatoti attho. Sesam sabbattha uttanatthamevati. Rahosannikattherapadanavannana nitthita. -------------The Pali Atthakatha in Roman Book 50 page 179-180. http://84000.org/tipitaka/atthapali/read_rm.php?B=50&A=3885&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3885&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=137 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3993 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4865 The Pali Tipitaka in Roman Character :- http://84000.org/tipitaka/read/roman_read.php?B=32&A=4865 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]