|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Subhutivagga 23. 1. Subhutittherapadanavannana himavantassaviduretiadikam ayasmato subhutittherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto ito kappasatasahassamatthake anuppanneyeva padumuttare bhagavati lokanathe hamsavatinagare annatarassa brahmanamahasalassa ekaputtako hutva nibbatti, tassa nandamanavoti namam akamsu. So vayappatto tayo vede ugganhitva tattha saram apassanto attano parivarabhutehi catucattalisaya manavasahassehi saddhim pabbatapade isipabbajjam pabbajitva attha samapattiyo pancabhinnayo ca nibbattesi. Antevasikanampi kammatthanam acikkhi. Tepi nacirasseva jhanalabhino ahesum. Tena ca samayena padumuttaro bhagava loke uppajjitva hamsavatinagaram upanissaya viharanto ekadivasam paccusasamaye lokam volokento nandatapasassa antevasikajatilanam arahattupanissayam, nandatapasassa ca dvihangehi samannagatassa savakatthanantarassa patthanam disva patova sarirapatijagganam katva pubbanhasamaye pattacivaramadaya annam kanci anamantetva siho viya ekacaro nandatapasassa antevasikesu phalaphalatthaya gatesu "buddhabhavam me janatu"ti passantasseva nandatapasassa akasato otaritva pathaviyam patitthasi. Nandatapaso buddhanubhavanceva lakkhanaparipurinca disva lakkhanamante sammasitva "imehi lakkhanehi samannagato nama agaram ajjhavasanto raja hoti cakkavatti, pabbajanto loke vivatacchedo sabbannu buddho hoti, ayam purisajaniyo nissamsayam buddho"ti natva paccuggamanam katva pancapatitthitena vanditva asanam pannapetva--------------------------------------------------------------------------------------------- page38.
Adasi. Nisidi bhagava pannatte asane. Nandatapasopi attano anucchavikam asanam gahetva ekamantam 1- nisidi. Tasmim samaye catucattalisasahassajatila panitapanitani ojavantani phalaphalani gahetva acariyassa santikam sampatta buddhananceva acariyassa ca nisinnakaram oloketva ahamsu "acariya mayam `imasmim loke tumhehi mahantataro natthi'ti vicarama, ayam pana puriso tumhehi mahantataro manne"ti. Nandatapaso "tata kim vadetha, tumhe sasapena saddhim atthasatthiyojanasatasahassubbedham sinerum upametum icchatha, sabbannubuddhena saddhim ma mam upamittha"ti aha. Atha te tapasa "sace ayam orako abhavissa, na amhakam acariyo evam upamam ahareyya, yava mahavatayam purisajaniyo"ti padesu nipatitva sirasa vandimsu. Atha te acariyo aha "tata amhakam buddhanam anucchaviko deyyadhammo natthi, bhagava ca bhikkhacaravelayam idhagato, tasma mayam yathabalam deyyadhammam dassama, tumhehi yam yam panitam phalaphalam abhatam, tam tam aharatha"ti aharapetva sahattheneva dhovitva sayam tathagatassa patte patitthapesi. Satthara phalaphale patiggahitamatte devata dibbojam pakkhipimsu. Tapaso udakampi sayameva parissavetva adasi. Tato bhojanakiccam nitthapetva nisinne satthari sabbe antevasike pakkositva satthu santike saraniyam katham kathento nisidi. Sattha "bhikkhusamgho agacchatu"ti cintesi. Satthu cittam natva satasahassamatta khinasava agantva sattharam vanditva atthamsu. Atha nandatapaso antevasike amantesi "tata buddhanam nisinnasanampi nicam, samanasatasahassassapi asanam natthi, tumhehi ajja ularam bhagavato bhikkhusamghassa ca sakkaram katum vattati, pabbatapadato vannagandhasampannani pupphani aharatha"ti aha, acinteyyatta iddhivisayassa te muhutteneva @Footnote: 1 Si. ekamante.--------------------------------------------------------------------------------------------- page39.
Vannagandharasasampannani pupphani aharitva buddhanam yojanappamanam pupphasanam pannapesum. Aggasavakanam tigavutam, sesabhikkhunam addhayojanadibhedam, samghanavakassa usabhamattam pannapesum. Evam pannattesu asanesu nandatapaso tathagatassa purato anjalim paggayha thito "bhante amhakam digharattam hitaya sukhaya imam pupphasanam aruyha nisidatha"ti aha. Nisidi bhagava pupphasane. Evam nisinne satthari satthu akaram natva bhikkhu attano attano pattasane nisidimsu. Nandatapaso mahantam pupphacchattam gahetva tathagatassa matthake dharento atthasi. Sattha "tapasanam ayam sakkaro mahapphalo hotu"ti nirodhasamapattim samapajji. Satthu samapannabhavam natva bhikkhupi samapattim samapajjimsu. Tathagate sattaham nirodham samapajjitva nisinne antevasika bhikkhacarakale sampatte vanamulaphalaphalam paribhunjitva sesakale buddhanam anjalim paggayha atthamsu. Nandatapaso pana bhikkhacarampi agantva pupphacchattam dharentoyeva sattaham pitisukheneva vitinamesi. Sattha nirodhato vutthaya aranavihariangena dakkhineyyangena cati dvihi angehi samannagatam ekam savakam "isiganassa pupphasananumodanam karohi"ti anapesi. So cakkavattiranno santika patiladdhamahalabho mahayodho viya tutthamanaso attano visaye thatva tepitakam buddhavacanam sammasitva anumodanamakasi. Tassa desanavasane sattha sayam dhammam desesi, satthu desanavasane sabbepi catucattalisasahassatapasa arahattam papunimsu. Sattha "etha bhikkhavo"ti hattham pasaresi. Tesam tavadeva kesamassu antaradhayimsu. Atthaparikkhara sarire patimukkava ahesum. Te satthivassikatthera viya sattharam parivarayimsu nandatapaso pana vikkhittacittataya visesam nadhigacchi. 1- Tassa kira aranaviharittherassa dhammam @Footnote: 1 cha.Ma. nadhiganchi.--------------------------------------------------------------------------------------------- page40.
Sotum araddhakalato patthaya "aho vatahampi anagate ekassa buddhassa sasane imina savakena laddhagunam labheyyan"ti cittam udapadi. So tena vitakkena maggaphalapativedham katum nasakkhi. Tathagatam pana vanditva anjalim paggayha sammukhe thito evamaha "bhante yena bhikkhuna isiganassa pupphasananumodana kata, ko namayam tumhakam sasane"ti. Aranavihariangena ca dakkhineyyangena ca etadaggatthanam patto eso bhikkhuti. "bhante yvayam maya sattaham pupphacchattam dharentena sakkaro kato, tena adhikarena annam sampattim na patthemi, anagate pana ekassa buddhassa sasane ayam thero viya dvihangehi samannagato savako bhaveyyan"ti patthanam akasi. Sattha "samijjhissati nu kho imassa tapasassa patthana"ti anagatamsananam pesetva olokento kappasatasahassam atikkamitva samijjhanakabhavam disva "tapasa na te ayam patthana mogham bhavissati, anagate kappasatasahassam atikkamitva gotamo nama buddho uppajjissati, tassa santike samijjhissati"ti dhammakatham kathetva bhikkhusamghaparivuto akasam pakkhandi. Nandatapaso yava cakkhupatham na samatikkamati. Tava satthu bhikkhusamghassa ca anjalim paggahetva atthasi. So aparabhage kalena kalam sattharam upasankamitva dhammam sunitva aparihinajjhanova kalam katva brahmaloke nibbatto. Tato pana cuto aparanipi panca jatisatani pabbajitva arannakova ahosi, kassapasammasambuddhakalepi pabbajitva arannako hutva gatapaccagatavattam puresi. Etam kira vattam aparipuretva mahasavakabhavam papunanta nama natthi, gatapaccagatavattam pana agamatthakathasu 1- vuttanayeneva veditabbam. So visativassasahassani gatapaccagatavattam puretva kalam katva tavatimsadevaloke nibbatti. @Footnote: 1 su.vi. 1/168, pa.su. 1/271.--------------------------------------------------------------------------------------------- page41.
Evam so tavatimsabhavane aparaparam uppajjanavasena dibbasampattim anubhavitva tato cuto manussaloke anekasatakkhattum cakkavattiraja padesaraja ca hutva ularam manussasampattim anubhavitva amhakam bhagavato uppannakale savatthiyam sumanasetthissa gehe anathapindikassa kanittho hutva nibbatti, subhutitissa namam ahosi. Tena ca samayena amhakam bhagava loke uppajjitva pavattitavaradhammacakko anupubbena rajagaham gantva tattha veluvanapatiggahanadina lokanuggaham karonto rajagaham upanissaya sitavane vihasi. Tada anathapindiko setthi savatthiyam utthanakam bhandam gahetva attano sahayassa rajagahasetthino geham gantva buddhuppadam sutva sattharam sitavane viharantam upasankamitva pathamadassaneneva sotapattiphale patitthaya sattharam savatthim agamanatthaya yacitva tato pancacattalisayojane magge yojane yojane satasahassapariccagena vihare patitthapetva savatthiyam atthakarisappamanam jetassa kumarassa uyyanabhumim kotisantharena kinitva tattha bhagavato viharam karetva adasi. Viharamahadivase ayam subhutikutumbiko anathapindikasetthina saddhim gantva dhammam sunanto saddham patilabhitva pabbaji. So upasampanno dve matika paguna katva kammatthanam kathapetva aranne samanadhammam karonto mettajhanam nibbattetva tam padakam katva vipassanam vaddhetva arahattam papuni. So dhammam desento yasma satthara desitaniyamena anodissakam katva deseti. Tasma aranaviharinam aggo nama jato. Yasma ca pindaya caranto ghare ghare mettajhanam samapajjitva vutthaya bhikkham patigganhati "evam dayakanam mahapphalam bhavissati"ti, tasma dakkhineyyanam aggo nama jato. Tena--------------------------------------------------------------------------------------------- page42.
Nam bhagava "etadaggam bhikkhave mama savakanam bhikkhunam aranaviharinam dakkhineyyananca yadidam subhuti"ti 1- dvayangasamannagate aggatthane thapesi, evamayam mahathero attana puritaparaminam phalassa matthakam arahattam patva loke abhinnato abhilakkhito hutva bahujanahitaya janapadacarikam caranto anupubbena rajagaham agamasi. Raja bimbisaro therassa agamanam sutva upasankamitva vanditva "idheva bhante vasatha, vasanatthanam vo karissami"ti vatva 2- pakkanto vissari. Thero senasanam alabhanto abbhokase vitinamesi. Therassanubhavena devo na vassati. Manussa avutthitaya upadduto ranno nivesanadvare ukkutthim akamsu. Raja "kena nu kho karanena devo na vassati"ti vimamsanto "therassa abbhokasavasena manne na vassati"ti cintetva tassa pannakutim karapetva "imissam bhante pannakutiyam vasatha"ti vatva vanditva pakkami. Thero kutim pavisitva tinasantharake pallankena nisidi. Tada devo thokam thokam phusayati, na sammadharam anupavecchati. Atha thero lokassa avutthikabhayam vidhamitukamo attano ajjhattikabahiravatthukassa parissayassa abhavam pavedento "../../bdpicture/channa me kutika"ti 3- gathamaha. Tassattho theragathayam vuttoyeva. Kasma panete mahathera attano gune pakasentiti? imina Dighena addhuna anadhigatapubbam paramagambhiram ativiya santam panitam attana adhigatalokuttaradhammam paccavekkhitva pitivegasamussahitaudanadipanattham sasanassa niyyanikabhavavibhavanatthanca paramappiccha ariya attano gune pakasenti. Yatha tam lokanatho bodhaneyyanam ajjhasayavasena "dasabalasamannagato bhikkhave @Footnote: 1 an.ekaka. 20/202/24. @2 "idheva bhante vasathati vatva "nivasatthanam karissami"ti (thera.A.1/33). @3 khu.thera. 26/1/258.--------------------------------------------------------------------------------------------- page43.
Tathagato catuvesarajjavisarado"tiadina 1- attano gune pakaseti. Evamayam therassa annabyakaranagathapi ahositi. [1] Evam so pattaarahattaphalo pattaetadaggatthano ca attano pubbakammam saritva somanassajato pubbacaritapadanam pakasento himavantassavidureti- adimaha. Tattha himavantassati himalayapabbatassa avidure asanne samipe pabbatapade manussanam gamanagamanasampanne sancaranatthaneti attho. Nisabho nama pabbatoti pabbatanam jetthatta namena nisabho nama selamayapabbato ahositi sambandho. Assamo sukato mayhanti tattha pabbate mayham vasanatthaya assamo arannavaso sutthu kato. Kutirattitthanadivatthanavatiparikkhepadivasena sundarakarena katoti attho. Pannasala sumapitati pannehi chadita sala mayham nivasanatthaya sutthu mapita nitthapitati attho. [2] Kosiyo nama namenati matapituhi katanamadheyyena kosiyo nama. Uggatapano pakatatapo ghorataPo. Ekakiyo annesam abhava aham eva eko. Adutiyo dutiyatapasarahito jatilo jatadhari tapaso tada tasmim kale nisabhe pabbate vasami viharamiti sambandho. [3] Phalam mulanca pannanca, na bhunjami aham tadati tada tasmim nisabhapabbate vasanakale tindukadiphalam mulaladimulam, karapannadipannanca rukkhato ocinitva na bhunjamiti attho. Evam sati katham jivatiti tam dassento pavattamva supatahanti aha. Tattha pavattam sayameva jatam supatam attano dhammataya patitam pannadikam nissaya aharam katva aham tavade tasmim kale jivami 2- jivikam kappemiti sambandho. "pavattapandupannani"ti va patho, tassa sayameva patitani pandupannani rukkhapattani upanissaya jivamiti attho. @Footnote: 1 Ma.mu. 12/148/107, an.dasaka. 24/21/27. 2 pali. upajivami.--------------------------------------------------------------------------------------------- page44.
[4] Naham kopemi ajivanti aham jivitam cajamanopi pariccagam kurumanopi tanhavasena phalamuladiaharapariyesanaya sammaajivam na kopemi na nasemiti sambandho. Aradhemi sakam cittanti sakam cittam attano manam appicchataya santutthiya ca aradhemi pasademi. Vivajjemi anesananti vejjakammadutakammadivasena anesanam ayuttapariyesanam vivajjemi duram karomi. [5] Ragupasamhitam cittanti yada yasmim kale mama ragena sampayuttam cittam uppajjati, tada sayameva attanayeva paccavekkhami nanena pativekkhitva vinodemi. Ekaggo tam damemahanti aham ekasmim kammatthanarammane aggo samahito tam ragacittam damemi damanam karomi. [6] Rajjase 1- rajjaniye cati rajjaniye alliyitabbe ruparammanadi- vatthusmim rajjase allino asi bhavasi. Dussaniye ca dussaseti dusitabbe dosakaranavatthusmim dusako asi. Muyhase mohaniye cati mohitabbe mohakaranavatthusmim moyhasi mulho asi bhavasi. Tasma tuvam vana vanato arannavasato nikkhamassu apagacchahiti evam attanam damemiti sambandho. [24] Timbarusakavannabhoti suvannatimbarusakavannabho, jambonadasuvannavannoti attho. Sesam suvinneyyamevati. Subhutittherapadanavannana nitthita ----------The Pali Atthakatha in Roman Book 50 page 37-44. http://84000.org/tipitaka/atthapali/read_rm.php?B=50&A=799&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=799&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=23 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1500 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1959 The Pali Tipitaka in Roman Character :- http://84000.org/tipitaka/read/roman_read.php?B=32&A=1959 Contents of The Tipitaka Volume 32 http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]