|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Sankhabrahmanacariyavannana
[11] Punaparam yada homi brahmano sankhasavhayo
mahasamuddam taritukamo upagacchami pattanam.
@Footnote: 1 Si....samutthata- 2 Ma.bhavitabhavana
---------------------------------------------------------------------------------------------
page35.
[12] Tatthaddasami 1- patipathe sayambhum aparajitam
kantaramaddhanam 2- patipannam tattaya kathinabhumiya.
[13] Tamaham patipathe disva imamattham vicintayim
idam khettam anuppattam punnakamassa jantuno.
[14] Yathapi kassako puriso khettam disva mahagamam 3-
na tattha bijam ropeti na so dhannena atthiko.
[15] Evamevaham punnakamo disva khettavaruttamam 4-
yadi karam 5- na karomi naham punnena atthiko.
[16] Yatha amacco muddikamo ranno antepure jane
na deti tesam dhanadhannam muddito 6- parihayati.
[17] Evamevaham punnakamo vipulam disvana dakkhinam
yadi tassa danam na dadami parihayissami punnato"ti.
#[11-2] Dutiye punaparanti puna aparam, na kevalamidam akitticariyameva, atha kho puna
aparam annam sankhacariyampi pavakkhissam, sunohiti adhippayo. Ito paresupi eseva
nayo. Sankhasavhayoti sankhanamo. Mahasamuddam taritukamoti suvannabhumim gantum navaya
mahasamuddam taritukamo. Upagacchami pattananti tamalittipattanam uddissa gacchami.
Sayambhunanena paccekabodhiya adhigatatta sayameva bhutanti sayambhum. Kilesamaradisu
kenacipi na parajitanti aparajitam, tinnam maranam matthakam madditva thitanti attho.
@Footnote: 1 cha.Ma. tatthaddasam 2 Si. kantaraddhana..., cha.Ma. kantaraddhanam 3 maharamam (sya)
@4 pali. khettam varuttamam 5 cha.Ma. yadi tattha karam 6 Si.,Ma. muddhato
---------------------------------------------------------------------------------------------
page36.
Tattaya kathinabhumiyati ghammasantapena santattaya sakkharavalukanicitatta kharaya
kakkhalaya bhumiya.
#[13] Tanti tam paccekabuddham. Imamatthanti imam idani vakkhamanam "idam
khettan"tiadikam attham. Vicintayinti tada sankhabrahmanabhuto cintesinti sattha
vadati. Tatrayam anupubbikatha:-
atite ayam baranasi molini nama ahosi. Molininagare brahmadatte rajjam
karente bodhisatto sankho nama brahmano hutva addho mahaddhano catusu
nagaradvaresu nagaramajjhe attano nivesanadvareti chasu thanesu cha danasalayo
karetva devasikam chasatasahassani vissajjento kapanaddhikadinam mahadanam pavattesi.
So ekadivasam cintesi "aham gehe dhane khine danam datum na sakkhissami,
aparikkhineyeva dhane navaya suvannabhumim gantva dhanam aharissami"ti. So navam
bhandassa purapetva puttadaram amantetva "yavaham agacchissami, tava me
danam anupacchindanta pavatteyyatha"ti vatva dasakammakaraparivuto upahanam
aruyha chattena dhariyamanena pattanagamabhimukho payasi.
Tasmim khane gandhamadane eko paccekabuddho sattaham nirodhasamapattim
samapajjitva nirodhasamapattito vutthaya lokam volokento tam dhanaharanattham
gacchantam disva "mahapuriso dhanam aharitum gacchati, bhavissati nu kho assa mahasamudde
antarayo, no"ti avajjento 1- "bhavissati"ti natva "esa mam disva chattanca
upahananca mayham datva upahanadananissandena samudde bhinnaya navaya patittham
labhissati, karissamissa anuggahan"ti akasena gantva tassa avidure otaritva
majjhanhikasamaye candavatatapena angarasanthatasadisam unhavalukam maddanto tassa
@Footnote: 1 cha.Ma. avajjetva
---------------------------------------------------------------------------------------------
page37.
Abhimukham aganchi, 1- so tam disvava hatthatuttho "punnakkhettam me agatam, ajja maya
ettha bijam ropetum vattati"ti cintesi. Tena vuttam "tamaham patipathe disva, imamattham
vicintayin"tiadi.
Tattha idam khettantiadi cintitakaradassanam. Khettanti khittam bijam
mahapphalabhavakaranena tayatiti khettam, pubbannaparannaviruhanabhumi. Idha pana khettam viyati
khettam, aggadakkhineyyo paccekabuddho. Tenevaha "punnakamassa jantuno"ti.
#[14] Mahagamanti vipulaphalagamam, sassasampattidayakanti attho. Bijam na
ropetiti bijam na vapati.
#[15] Khettavaruttamanti khettavaresupi uttamam. Siladigunasampanna hi
visesato ariyasavaka khettavara, tatopi aggabhuto paccekabuddho khettavaruttamo.
Karanti sakkaram. Yadi na karomiti sambandho. Idam vuttam hoti:- idamidisam
anuttaram punnakkhettam labhitva tattha pujasakkaram yadi na karomiti punnena atthiko
namaham na bhaveyyanti.
#[16-7] Yatha amaccotiadinam dvinnam gathanam ayam sankhepattho:- yatha
nama yo koci ranna muddadhikare 2- thapito lanchanadharo amaccapuriso senapati
va soantepure jane bahiddha ca balakayadisu ranno yathanusittham na patipajjati,
na tesam dhanadhannam deti, tam tam kattabbam vattam parihapeti, so muddito 3- parihayati
muddadhikaraladdhavibhavato paridhamsati, evameva ahampi punnakammassa rato
laddhabbapunnaphalasankhatam punnakamo dakkhinaya vipulaphalabhavakaranena vipulam disvana ta
dakkhinam ularam dakkhineyyam labhitva tassa danam yadi na dadami punnato ayatim
punnaphalato ca paridhamsami. Tasma idha maya punnam katabbamevati.
@Footnote: 1 Si.,Ma. agacchati 2 Si.Ma. muddhadhakare 3 Si.,Ma. muddhito
---------------------------------------------------------------------------------------------
page38.
Evam pana cintetva mahapuriso duratova upahana orohitva vegena
upasankamitva vanditva "bhante mayham anuggahatthaya imam rukkhamulam upagacchatha"ti
vatva tasmim rukkhamulam upasankamante tattha valukam ussapetva uttarasangam
pannapetva paccekabuddhe tattha nisinne vanditva vasitaparissavitena udakena
tassa pade dhovitva gandhatelena makkhetva attano upahanam punchitva gandhatelena
makkhetva tassa pade patimuncitva "bhante imam upahanam aruyha imam chattam
matthake katva gacchatha"ti chattupahanam adasi. Sopissa anuggahatthaya tam gahetva
pasadasamvaddhanattham passantasseva vehasam uppatitva gandhamadanam agamasi. Tena vuttam:-
[18] "evaham cintayitvana orohitva upahana
tassa padani vanditva adasim chattupahanan"ti.
Bodhisatto tam disva ativiya pasannacitto pattanam gantva navam abhiruhi.
Athassa mahasamuddam tarantassa sattame divase nava vivaramadasi. Udakam ussincitum
nasakkhimsu. Mahajano maranabhayabhito attano attano devata namassitva mahaviravam
viravi. Bodhisatto ekam upatthakam gahetva sakalasariram telena makkhetva sappina
saddhim sakkharacunnani yavadattham khaditva tampi khadapetva tena kupakayatthimatthakam
aruyha "imaya disaya amhakam nagaran"ti disam vavatthapetva macchakacchapaparipanthato
attanam saccadhitthanena pamocento tena saddhim usabhamattatthanam atikkamitva
patitva samuddam taritum arabhi. Mahajano pana tattheva vinasam papuni. Tassa
tarantasseva satta divasa gata. So tasmimpi kale lonodakena mukham vikkhaletva
uposathiko ahosiyeva.
Tada pana idisanam purisavisesanam rakkhanatthaya catuhi lokapalehi thapita
manimekhala nama devadhita attano issariyena sattaham pamajjitva sattame divase
tam disva "sacayam idha marissa, ativiya garayha abhavissan"ti samviggahadaya
---------------------------------------------------------------------------------------------
page39.
Suvannapatiya dibbabhojanassa puretva vegenagantva "brahmana idam dibbabhojanam
bhunja"ti aha. So tam ulloketva "naham bhunjami, uposathikomhi"ti
patikkhipitva tam pucchanto:-
"yam tvam sukhenabhisamekkhase mam
bhunjassu bhattam iti mam vadesi
pucchami tam nari mahanubhave
devi nusi tvam uda manusi nu"ti 1-
aha. Sa tassa pativacanam denti:-
"devi aham sankha mahanubhava
idhagata sagaravarimajjhe
anukampika no ca padutthacitta
taveva atthaya idhagatasmi.
Idhannapanam sayanasananca
yanani nanavividhani sankha
sabbassa tyaham patipadayami
yam kinci tuyham manasabhipatthitan"ti 2-
ima gatha abhasi. Tam sutva mahasatto "ayam devadhita samuddapitthe mayham
`idancidanca dammi'ti vadati, yancesa mayham vadati, tampi mama punneneva, tam pana
punnam ayam devadhita janati nu kho, udahu na janati, pucchissami tava nan"ti
cintetva pucchanto imam gathamaha:-
@Footnote: 1 khu.ja.27/42/216 2 khu.ja.27/43-4/217
---------------------------------------------------------------------------------------------
page40.
"yam kinci yitthanca hutanca mayham
sabbassa no issara tvam sugatte
sussoni subbhuru vilaggamajjhe 1-
kissa me kammassa ayam vipako"ti. 2-
Tattha yitthanti danavasena yajitam. Hutanti ahunapahunavasena 3- dinnam. Sabbassa
no issara tvanti amhakam punnakammassa sabbassa tvam issara, "ayam imassa
vipako, ayam imassa"ti byakaritum 4- samattha. Sussoniti sundarajaghane. Subbhuruti
sundarehi bhamukehi uruhi ca samannagate. Vilaggamajjheti vilaggatanumajjhe. Kissa
meti maya katakammesu katarakammassa ayam vipako, yenaham appatitthe mahasamudde ajja
patittham labhamiti.
Tam sutva devadhita "ayam brahmano `yam attana kusalakammam katam, tam kammam
na janati'ti sannaya pucchati manne, kathessami nan"ti navabhiruhanadivase
paccekabuddhassa chattupahanadanapunnameva tassa karananti kathenti:-
"ghamme pathe brahmana ekabhikkhum
ugghattapadam 5- tasitam kilantam
patipadayi sankha upahanani
sa dakkhina kamaduha tavajja"ti 6-
gathamaha.
Tattha ekabhikkhunti ekam paccekabuddham sandhayaha. Ugghattapadanti
unhavalukaya ghattapadam, vibadhitapadanti attho. Tasitanti pipasitam. Patipadayiti
patipadesi yojesi. Kamaduhati sabbakamadayika.
@Footnote: 1 pali. subbha suvilakamajjhe 2 khu.ja. 27/45/217 3 Ma. ahunanapahunanavasena
---------------------------------------------------------------------------------------------
page41.
Tam sutva mahasatto "evarupepi nama appatitthe mahasamudde maya dinnam
chattupahanadanam mama sabbakamadadam jatam, aho sudinnan"ti tutthacitto:-
"sa hotu nava phalakupapanna
anavassuta erakavatayutta
annassa yanassa na hettha bhumi
ajjeva mam molinim papayassu"ti 1-
gathamaha.
Tattha phalakupapannati mahanavataya bahuhi phalakehi upeta. Udakappavesanabhavena
anavassuta. Samma gahetva gamanakavatena erakavatayutta.
Devadhita tassa vacanam sutva tutthahattha dighato atthausabham vittharato catuusabham
gambhirato visatiyatthikam sabbaratanamayam navam mapetva kupaphiyarittayuttani
indanilarajatasuvannamayadini nimminitva sattannam ratananam puretva brahmanam
alingetva 2- navam aropesi, upatthakam panassa na olokesi. Brahmano attana
katakalyanato tassa pattim adasi, so anumodi. Atha devadhita tampi alingetva navaya
patitthapetva tam navam molininagaram netva brahmanassa ghare dhanam patitthapetva
attano vasanatthanameva agamasi. Tenaha bhagava:-
"sa tattha vitta 3- sumana patita
navam sucittam abhinimminitva
adaya sankham purisena saddhim
upanayi nagaram sadhuramman"ti. 4-
@Footnote: 1 khu.ja.27/47/217 2 Ma.alingitva 3 pali.sa tutthacitta 4 khu.ja.27/48/217
---------------------------------------------------------------------------------------------
page42.
Mahapurisassa hi cittasampattiya paccekabuddhassa ca nirodhato vutthitabhavena
sattasu cetanasu adicetana ditthadhammavedaniya atiularaphala ca jata. Idampi
tassa danassa appamattaphalanti datthabbam. Aparimanaphalam hi tam danam bodhisambharabhutam.
Tena vuttam:-
[19] "tenevaham satagunato sukhumalo sukhedhito
api ca danam paripurento evam tassa adasahan"ti.
Tattha tenati tato paccekabuddhato. Satagunatoti satagunena. Aham tada sankhabhuto.
Sukhumalo. Tasma sukhedhito sukhasamvaddho, api ca evam santepi danam paripurento, evam
mayham danaparami paripuretuti tassa paccekabuddhassa attano sariradukkham anapekkhitva
chattupahanam adasinti attano danajjhasayassa ularabhavam sattha pavedesi.
Bodhisattopi yavajivam amitadhanageham ajjhavasanto bhiyyoso mattaya danani
datva silani rakkhitva ayupariyosane sapariso devanagaram puresi. Tada devadhita
uppalavanna ahosi, puriso anandatthero, lokanatho sankhabrahmano.
Tassa suvisuddhaniccasilauposathasiladivasena silaparami, danasiladinam patipakkhato
nikkhantatta kusaladhammavasena nekkhammaparami, danadinipphadanattham abbhussahanavasena
tatha mahasamuddataranavayamavasena ca viriyaparami, tadattham adhivasanakhantivasena khantiparami,
patinnanurupappatipattiya saccaparami, sabbattha acalasamadanadhitthanavasena
adhitathanaparami, sabbasattesu hitajjhasayavasena mettaparami, sattasankharakatavippakaresu
majjhattabhavappattiya upekkhaparami, sabbaparaminam upakaranupakare
dhamme janitva anupakare dhamme pahaya upakaradhammesu pavattapanapurecara
sahajata ca upayakosallabhuta panna pannaparamiti imapi paramiyo labbhanti.
Danajjhasayassa pana atiularabhavena danaparamivasena desana pavatta.
Yasma cettha dasa paramiyo labbhanti, tasma hettha vutta mahakarunadayo
---------------------------------------------------------------------------------------------
page43.
Bodhisattaguna idhapi yatharaham niddharetabba. Tatha attano bhogasukham anapekkhitva
mahakarunaya "danaparamim puressami"ti danasambharasamharanattham samuddataranam,
tattha ca samuddapatitassapi uposathadhitthanam, silakhandabhayena devadhitayapi upagataya
aharanaharananti evamadayo mahasattassa guna veditabba. Idani vakkhamanesu
sesacaritesu iminava nayena gunaniddharanam veditabbam. Tattha tattha visesamattameva
vakkhama. Tenetam vuccati:-
"evam acchariya hete abbhuta ca mahesino .pe.
Pagevanukiriya tesam dhammassa anudhammato"ti.
Sankhabrahmanacariyavannana nitthita.
----------------
The Pali Atthakatha in Roman Book 52 page 34-43.
http://84000.org/tipitaka/atthapali/read_rm.php?B=52&A=729&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=52&A=729&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=33&i=210
เนื้อความพระไตรปิฎกฉบับหลวง :-
http://84000.org/tipitaka/read/r.php?B=33&A=8662
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=33&A=11369
The Pali Tipitaka in Roman Character :-
http://84000.org/tipitaka/read/roman_read.php?B=33&A=11369
Contents of The Tipitaka Volume 33
http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]