AtthaPali Vol.55

Paticcavara paccayapaccaniyanulomavannana [190] Idani paccaniyanulome gananam dassetum nahetupaccaya arammane dvetiadi araddham. Tattha hetumhi paccanikato thite thapetva adhipatim avasesa anulomato labbhanti. Pacchajato pana anulomato sabbattheva na labbhati, ye nava paccaya "arupananneva"ti vutta, tesu purejatanca asevananca thapetva avasesesu sattasu paccanikato thitesu sesa arupatthanika anulomato na labbhanti. Yo hi arammanadihi nuppajjati, na so anantaradayo labhati. Patisandhivipako pana purejatato sabbavipako ca saddhim kiriyamanodhatuya asevanato anuppajjamanopi anantaradayo labhati, tasma "purejatanca asevananca thapetva"ti vuttam. @Footnote: ¹ cha.Ma. anantarasamanantarapaccayadayo na labhanti

--------------------------------------------------------------------------------------------- page487.

Purejatapacchajatasevanavipakavippayuttesu paccanikato thitesu avigatam ^1- thapetva avasesa anulomato labbhanti. Kammapaccaye paccanikato thite thapetva vipakapaccayam avasesa anulomato labbhanti. Aharindriyesu paccanikato thitesu thapetva sabbatthanike ceva annamannakammaharindriyapaccaye ca avasesa anulomato na labbhanti, itare yujjamanakavasena labbhanti. Jhanapaccaye paccanikato thite hetadhipatasevanamaggapaccaya anulomato na labbhanti, maggapaccaye paccanikato thite hetadhipatipaccaya anulomato na labbhanti. Vippayuttapaccaye paccanikato thite purejatapaccayam thapetva avasesa anulomato labbhanti. Evantesu tesu paccayesu paccanikato thitesu ye ye anulomato na labbhanti, te te natva tesam tesam paccayanam samsandane unataraganananam vasena ganana veditabba. [191-195] ^2- Dumulakadisu nayesu yam yam adim ^2- katva ye ye dukadayo dassita, te te labbhamanalabbhamanapaccayavasena yatha yatha dassita, tatha tatha sadhukam sallakkhetabba. Tattha yam nahetuvasena dumulakadayo naye dassentena nahetupaccaya narammanapaccaya .pe. Nasevanapaccayati vatva "yava asevana sabbam sadisan"ti vuttam. Tassa "naannamannapaccaya sahajate ekan"tiadihi sadisata veditabba. Yanca "nakamme ganite panca ganhati"ti ^3- sihalabhasaya likhitam, tassattho:- nahetupaccayamadim katva nakammapaccayati evam nakammapaccayena ghatite sahajate ekanti evam dassita panceva paccaya anulomato labbhanti, na anneti. Evam annesupi evarupesu thanesu byanjanam anadiyitva adhippetatthoyeva gahetabbo. Evarupanhi byanjanam attano sannanibandhanattham poranehi sakabhasaya ^4- likhitam. @Footnote: ¹ cha.Ma. ekam ^2-2 cha.Ma. dumulakadisu ca nayesu yam yam paccayam adim @³ Si. panca panhatiti ⁴ cha.Ma. sakasakabhasaya

--------------------------------------------------------------------------------------------- page488.

Apica imasmim paccaniyanulome paccayuppannadhammesupi atthidhammo kammapaccayam labhati, na indriyapaccayam, so asannesu ceva pancavokarabhave pavatte ca rupajivitindriyavasena veditabbo. Atthidhammo maggapaccayam labhati, na hetupaccayam, so vicikicchuddhaccasahagatamohavasena ^1- veditabbo, atthidhammo jhanapaccayam labhati, na maggapaccayam, so manodhatuahetukamanovinnanadhatuvasena veditabbo. Yattha katattarupani nanakkhanikakammavaseneva kammapaccayam labhanti, tattha rupadhamma hetadhipativipakindriyajhanamaggapaccaye na labhanti, sabbatthanika paccaniya na honti. Ahetuke adhipatipaccayo natthiti imesampi pakinnakanam vasenettha gananavaro asammohato veditabbo. Tatrayam nayo:- nahetupaccaya arammane dveti ettha tava ahetukamoho ceva ahetukavipakakiriya ca paccayuppanna, ^2- tasma akusalenakusalam, abyakatenabyakatam sandhaya ettha dveti vuttam. Sesesupi eseva nayo. Asevane pana vipakam na labbhati, tatha kiriyamanodhatu. Tasma kiriyahetukamano- vinnanadhatuvasenettha abyakatenabyakatanti ^3- veditabbam. Vipake ekanti abyakatenabyakatameva. Magge ekanti akusalenakusalameva. [196-197] Narammanamulake hetuya pancati rupameva sandhaya vuttam, tanhi kusalam akusalam abyakatam kusalabyakatam akusalabyakatancati panca kotthase paticca uppajjati. Sabbapancakesupi eseva nayo. Annamanne ekanti bhutarupani ceva vatthunca sandhaya vuttam. Tani hi narammanapaccaya annamannapaccaya uppajjanti. Timulakepi eseva nayo. [198-202] Nadhipatimulake hetuya navati anulome hetumhi vuttaneva. Tinitiadinipi hettha anulome vuttasadisaneva. Timulake dveti hettha nahetupaccaya arammane vuttasadisaneva. @Footnote: ¹ cha.Ma......sahajatamohavasena ² cha.Ma. paccayuppannam ³ cha.Ma. iti-saddo na dissati

--------------------------------------------------------------------------------------------- page489.

[203-233] Napurejatamulake hetuya sattati hettha "aruppe kusalam ekam khandham paticca"tiadina nayena napurejate ^1- dassitaneva. Sabbasattakesupi eseva nayo. Nakammamulake hetuya tinitiadisu cetanava paccayuppanna, tasma kusalam akusalam abyakatanca paticca uppattim sandhaya tiniti vuttam. Imina nayena "ekam dve tini panca satta nava"ti agatatthanesu ganana veditabba. "cattari cha attha"ti ima pana tisso ganana natthevati. Paccayapaccaniyanulomavannana nitthita. Nitthita ca paticcavarassa atthavannana. -------------

The Pali Atthakatha in Roman Book 55 page 486-489. http://84000.org/tipitaka/atthapali/read_rm.php?B=55&A=10984&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=10984&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=619 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=3659 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=3599 The Pali Tipitaka in Roman Character :- http://84000.org/tipitaka/read/roman_read.php?B=36&A=3599 Contents of The Tipitaka Volume 36 http://84000.org/tipitaka/read/?index_36