|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Etesu pana chasu varesu atthi koci paccayo ekantam anulomato na titthati, paccanikatova titthati, atthi ekantam paccanikato na titthati, anulomatova titthati, atthi anekantam anulomato ceva titthati, paccanikato cati idam pakinnakam veditabbam. Tattha pathamo panho pacchajatassa, dutiyo panho mahacatukkassa, tatiyo yujjamanakanam sesanam vasena veditabbo. 7- @Footnote: 1 khu.ja. 28/420/160 (sya) 2 sam.Ma. 19/832/245 @3 Si.,Ma. ayam sampayuttattho nama asamsattham 4 cha.Ma. ayam patho na dissati @5 cha.Ma. ekuppadalakkhanassa 6 cha.Ma. veditabbatiti patho na dissati @7 cha.Ma. veditabboti--------------------------------------------------------------------------------------------- page499.
7. Panhavaravibhangavannana [401-403] Panhavare "siya kusalo dhammo kusalassa dhammassa hetupaccayena paccayo"tiadinam 1- kusalattike uddharitabbapucchanam labbhamanavasena vissajjanam dassetum kusalo dhammo kusalassa dhammassa hetupaccayena paccayotiadi vuttam. Kusalo ca namesa sayam uppajjanto thapetva pacchajatanca vipakanca sesehi bavisatiya paccayehi uppajjati, kusalassa paccayo honto thapetva purejatapacchajatavipakavippayutte sesehi visatiya paccayehi paccayo hoti. Tasma yehi paccayehi kusalo kusalassa paccayo hoti, te paccaye patipatiya dassetum hetupaccayenatiadi araddham. Tattha ya esa paccayavibhangavare viya "hetusampayuttakanam dhammanan"ti akatva "hetu sampayuttakanam khandhanan"ti desana kata, tassa evam karane idam payojanam:- tattha hi sunnattham dipetum dhammananti vuttam, idha paccayato uppajjamana dhamma rasito uppajjanti, na ekekatoti rasattham dipetum khandhananti vuttam. Paticcavaradisu va khandhavasena paccayuppannadesana arulhati tenevanukkamena idhapi arulha. 2- Kasma panetesu evamarulhati? asankarato vibhagadassanattham. "ekam dhammam paticca sesa dhamma"ti hi adina nayena vuccamane asukadhammam nama nissaya asukadhammati na sakka asankarato paccaye ca paccayuppanne ca janitum, evam sante uddesaniddesa nibbisesa siyum. Tasma asankarato vibhagadassanattham evam arulhati veditabba. Cittasamutthanananti idam yassa abyakatassa kusalo hetupaccayena paccayo hoti, tameva dassetum vuttam. Paccayavibhange pana kusaladivasena vibhagam akatva samannato sabbesam hetunam vasena uppannarupadassanattham cittasamutthanananti avatva tamsamutthanananti @Footnote: 1 cha.Ma....adina 2 cha.Ma. arulhati--------------------------------------------------------------------------------------------- page500.
Vuttam. Tasma tattha abyakatahetusamutthanarupam, okkantikkhane katattarupampi sangahitam. 1- Imina upayena sesesupi evarupesu vissajjanesu attho veditabbo.The Pali Atthakatha in Roman Book 55 page 498-500. http://84000.org/tipitaka/atthapali/read_rm.php?B=55&A=11257&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=11257&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]