AtthaPali Vol.55

9. Vacanasodhanavannana [55-59] Idani vacanasodhanam hoti. Tattha yadetam puggalo upalabbhatiti vacanam, tam sodhetum puggalo upalabbhati, upalabbhati puggaloti puccha sakavadissa. Tassattho:- yadetam puggalo upalabbhatiti padadvayam, tam ekattham va bhaveyya nanattham va. Yadi tava nanattham, yatha annam rupam anna vedana, evam @Footnote: ¹ cha. paccanikamattavasena, Ma. paccanikavasena ² cha.Ma. yathavato

--------------------------------------------------------------------------------------------- page143.

Anno puggalo, anno upalabbhatiti apajjati. Athekattham, yatha yam cittam tam mano, evam sveva puggalo, so upalabbhatiti apajjati. Tena tam vadami "yadi te yo puggalo, so upalabbhati, evam sante yo yo upalabbhati, so so puggaloti apajjati, kim sampaticchasi etan"ti. Tato sakavadi ^1- yasma puggalassa upalabbhatam icchati, na upalabbhamananampi rupadinam puggalabhavam, tasma puggalo upalabbhati, upalabbhati ke hi ci puggalo ke hi ci na puggalotiadimaha. Tassattho:- mama puggalo atthi puggaloti satthu vacanato upalabbhati. Yo pana upalabbhati, na so sabbo puggalo, athakho ke hi ci puggalo ke hi ci na puggaloti. Tattha kokarattho ^2- kekaro, hikaro ca cikaro ca ^3- nipatamatto, koci puggalo koci na puggaloti ayampanettha attho. Idam vuttam hoti:- puggalopi hi rupadisupi yo koci dhammo upalabbhatiyeva, tattha puggalova ko kova ^4- puggalo. Rupadisu pana kocipi na puggaloti. Tato tam sakavadi aha puggalo ke hi ci upalabbhati ke hi ci na upalabbhatiti. Tassattho:- puggalo upalabbhatiti padadvayassa atthato ekatthe yadi upalabbhatiti anunnato dhammo puggalato anannopi koci puggalo koci na puggalo, puggalopi te koci upalabbhati koci na upalabbhatiti apajjati, kim sampaticchasi etanti. So puggalassa anupaladdhim anicchanto na hevanti patikkhipati. Ito param "ajanahi niggahan"tiadi sabbam sankhittam. Vittharato pana veditabbam. Puggalo sacchikatthotiadisupi eseva nayo. Sabbani hetani upalabbhatiti vevacananeva, ^5- apica yasma "puggalo upalabbhati sacchikatthaparamatthena"ti ayam puggalavadino patinna, tasmassa yatheva puggalo upalabbhatiti laddhi, evameva puggalo @Footnote: ¹ cha.Ma. puggalavadi ² cha.Ma. ko-karatthe ³ cha.Ma. ci-karo cati patho na dissati @⁴ cha.Ma. "ko kova"ti patho na dissati ⁵ cha.Ma. upalabbhativevacananeva

--------------------------------------------------------------------------------------------- page144.

Sacchikatthotipi apajjati. Ya panassa puggalo atthiti laddhi, tassa vijjamanoti vevacanameva, tasma sabbanipetani vevacanani ^1- sodhitani. [60] Tattha yam avasane "puggalo atthi, atthi na sabbo puggalo"tiadi vuttam, tatrayamadhippayo:- yanhetam paravadina "puggalo atthi, atthi kehici puggalo kehici na puggalo"ti vuttam, tam yasma atthato puggalo atthi, atthi na sabbo puggaloti ettakam hoti, tasma nam sakavadi sampaticchapetva idani nam evam anuyunjati:- taya hi "atthi puggalo attahitaya patipanno"ti vacanamattam nissaya "puggalo atthi"ti laddhi gahita, yatha ca bhagavata etam vuttam, tatha "sunnato lokam avekkhassu, mogharaja sada sato"tiadina ^2- nayena "natthi"tipi vuttam, tasma yatheva te "puggalo atthi, atthi na sabbo puggalo"ti laddhi, tatha puggalo natthi, natthi na sabbo puggalotipi apajjati, kim etam sampaticchasiti. Atha nam asampaticchanto na hevanti patikkhipati. Sesamettha niggahadividhanam vuttanayeneva veditabbanti. Vacanasodhanavannana nitthita. ----------

The Pali Atthakatha in Roman Book 55 page 142-144. http://84000.org/tipitaka/atthapali/read_rm.php?B=55&A=3186&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3186&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=413 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1767 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1948 The Pali Tipitaka in Roman Character :- http://84000.org/tipitaka/read/roman_read.php?B=36&A=1948 Contents of The Tipitaka Volume 36 http://84000.org/tipitaka/read/?index_36