AtthaPali Vol.55

12. Upadapannattanuyogavannana [95] Idani upadapannattanuyogo hoti. Tattha puccha sakavadissa, patinnapatikkhepo paravadissa. So hi rukkham upadaya chayaya viya indhanam upadaya aggissa viya ca cakkhurupadini ^3- upadaya puggalassa pannattim pannapanam avabodhanam icchati, tasma "rupam upadaya"ti puttho patijanati. Puna yatha rukkhupadana chaya rukkho viya indhanupadano ca aggi indhanam viya aniccadidhammo, evam te rupadiupadano puggalo rupadayo viya aniccoti imamattham puttho attano laddhiyam thatva patikkhipati. @Footnote: ¹ cha.Ma. yatheva ^2-2 cha.Ma. evam te puggalopi tena @³ cha.Ma. rupadini [97] Nilam rupam upadaya nilotiadisu nilarupena saddhim puggalassa ekattam ekasarire niladinam bahunam vasena bahubhavanca anicchanto patikkhipati. [98] Kusalam vedananti etthapi vedanaya saddhim ekattam ekasantane bahunam kusalavedananam vasena bahubhavanca anicchanto patikkhipati. Dutiyanaye maggakusalotiadivacanasabbhavato chekattham sandhaya patijanati. Saphalotiadini puttho tatharupassa voharassa abhavato patikkhipati. [99] Akusalapakkhe achekattham sandhaya patijanati. [100] Abyakatapakkhe sassatadivasena abyakatabhavam sandhaya patijanati. Sesamettha hettha vuttanayeneva veditabbam. [104] Cakkhum upadayatiadisu ^*- "cakkhuma visamaniva .pe. Papani parivajjaye"tiadivoharasabbhavato patijanati. Cakkhumattadinirodhena puggalassa nirodham anicchanto patikkhipati. [107] Rupam upadaya vedanam upadayati ettha annepi rupamulaka dukatikacatukka veditabba. Yasma pana khandhe upadaya puggalassa pannatti, tasma dvepi tayopi cattaropi pancapi upadaya pannattim patijanati. Ekasantane pana dvinnam pancannam va abhava patikkhipati. Ayatanadisupi eseva nayo. [112] Idani yam upadaya yassa pannatti, yatha tassa aniccataya tassapi aniccata tato ca annattam siddham, evam tassa puggalassapi apajjatiti dassetum yatha rukkhantiadimaha. Tattha upadayati paticca agamma, na vina tanti attho. Paravadi pana tatha anicchanto laddhiyam thatva patikkhipati. @Footnote: ^* khu.u. 25/43/162 [115] Nigaloti sankhalikabandhanam. Negalikoti tena bandhanena ^1- bandhako. Yassa rupam so rupavati yasma yassa rupam so rupava hoti, tasma yatha na nigalo .pe. Anno rupavati attho. [116] Citte cittetiadisu saragadicittavasena saragaditam sandhaya cittanupassanavasena patijanati. Jayatitiadina nayena puttho puggalassa khanikabhavam anicchanto patikkhipati. "so"ti va "anno"ti va puttho sassatucchedabhaya ^2- patikkhipati. Puna na vattabbam "kumarako"ti va "kumarika"ti va puttho lokavoharasamucchedabhayena vattabbanti patijanati. Sesamettha pakatameva. [118] Idani paravadi annenakarena laddhim patitthapetukamo na vattabbam puggalo upalabbhatitiadimaha. Tattha na vattabbanti kinte imina evam bahuna upadapannattanuyogena, idantava vadehi, kim na vattabbam "puggalo upalabbhati sacchikatthaparamatthena"ti. tato sakavadina amantati vutte nanu yo passatitiadimaha. Tattha yoti puggalo. Yanti rupam. Yenati cakkhuna. Soti puggalo. Tanti rupam. Tenati cakkhuna. Idam vuttam hoti:- nanu yo yam rupam yena cakkhuna passati, so tam rupam tena cakkhuna passanto puggaloti. Sakavadi kincapi cakkhuvinnanassa nissayabhavam gacchantam cakkhumeva rupam passati, tatha sotameva saddam sunati .pe. Manovinnanameva ^3- dhammam vijanati, "atthi arahato cakkhu, passati araha cakkhuna rupan"tiadisammativasena pana amantati patijanati. [120] Tato chalavadam nissaya paravadina puggalassa vattabbataya sadhitaya tameva vadam parivattetva puggalo upalabbhatitiadimaha. Tattha yo na passatiti @Footnote: ¹ cha.Ma. ayam patho na dissati ² cha.Ma. sassatudchedabhayena ³ cha.Ma. vinnanameva Andho asannisatto ^1- arupam upapanno nirodhasamapanno anandhopi ca annatra dassanasamaya na passati nama. Sesavaresupi eseva nayo. Sesam palivaseneva atthato veditabbam. [122] Suttasamsandanayam dibbassa cakkhuno rupagocaratta rupam passatiti aha. Dutiyavare "satte passami"ti vacanato puggalam passatiti aha. Tatiyavare "rupam disva puggalam vibhaveti"ti laddhito ubho passatiti aha. Yasma pana passitabbam nama dittham sutam mutam vinnatanti catubbidhe rupasangahe rupayatanameva sangahitam, tasma sakavadi "rupam puggalo, puggalo rupam, ubho rupan"ti anuyogam karoti. Tassattho pakatoyevati. Upadapannattanuyogavannana nitthita. -----------

The Pali Atthakatha in Roman Book 55 page 149-152. http://84000.org/tipitaka/atthapali/read_rm.php?B=55&A=3343&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3343&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=516 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2268 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2551 The Pali Tipitaka in Roman Character :- http://84000.org/tipitaka/read/roman_read.php?B=36&A=2551 Contents of The Tipitaka Volume 36 http://84000.org/tipitaka/read/?index_36