AtthaPali Vol.55

2. Arammanapaccayaniddesavannana [2] Arammanapaccayaniddese rupayatananti rupasankhatam ayatanam. Sesesupi eseva nayo. Cakkhuvinnanadhatuyati cakkhuvinnanasankhataya dhatuya. Sesapadesupi eseva nayo. Tamsampayuttakananti taya cakkhuvinnanadhatuya sampayuttakanam tinnam khandhanam, sabbesampi cakkhupasadavatthukanam catunnam khandhanam rupayatanam arammana- paccayena paccayoti attho. Ito paresupi eseva nayo. Manodhatuyati sasampayutta- dhammaya tividhayapi manodhatuya rupayatanadini panca arammanapaccayena paccayo, no ca kho ekakkhane. Sabbe dhammati etani ca rupayatanadini panca avasesa ca sabbepi neyyadhamma ima cha dhatuyo thapetva sesaya sasampayutta- dhammaya manovinnanadhatuya arammanapaccayena paccayoti attho. Yam yam dhammam arabbhati imina ye ete etasam sattannam vinnanadhatunam arammanadhamma vutta, te tasam dhatunam arammanam katva uppajjanakkhaneyeva arammanapaccaya ^1- hontiti dipeti. Evam hontapi ca na ekato honti, yam yam arabbha ye ye uppajjanti, tesam tesam te te visum visum arammanapaccaya ^1- hontitipi dipeti. Uppajjantiti idam yatha najjo sandanti, pabbata titthantiti sabbakalasangaha- vasena vuccati, ^2- evam vuttanti veditabbam. Tena yepi arabbha ye uppajjimsu, yepi uppajjissanti, te sabbe arammanapaccayavaseneva ^3- uppajjimsu ca uppajjissanti cati siddham hoti. Cittacetasika dhammati idam "ye ye dhamma"ti @Footnote: ¹ cha.Ma. arammanapaccayo ² cha.Ma. ayam patho na dissati ³ cha.Ma. arammanapaccayeneva

--------------------------------------------------------------------------------------------- page412.

Vuttanam sarupato nidassanam. Te te dhammati te te arammanadhamma. Tesam tesanti tesam tesam cittacetasikadhammanam. Ayam tavettha palivannana. Idam pana arammanam nama ruparammanam saddagandharasaphotthabbadhammarammananti kotthasato chabbidham hoti. Tattha thapetva pannattim avasesam bhumito kamavacaram .pe. Apariyapannanti catubbidham hoti. Tattha kamavacaram kusalakusalavipaka- kiriyarupabhedato pancavidham, rupavacaram kusalavipakakiriyato tividham, tatha arupavacaram, apariyapannam kusalavipakanibbanavasena tividham hoti. Sabbameva va etam kusalakusalavipakakiriyarupanibbanapannattibhedato sattavidham hoti. Tattha kusalam bhumibhedato catubbidham hoti, akusalam kamavacarameva, vipakam catubhumikam, kiriyam tibhumikam, rupam ekabhumikam kamavacarameva, nibbanampi ekabhumikam apariyapannameva, pannatti bhumivinimuttati evamettha nanappakarabhedato vinnatabbo vinicchayo. Evam bhinne panetasmim arammane kamavacarakusalarammanam kamavacarakusalassa rupavacarakusalassa akusalassa kamavacaravipakassa kamavacarakiriyassa rupavacarakiriyassa cati imesam channam rasinam arammanapaccayo hoti. Rupavacarakusalarammanam tesu chasu rasisu kamavacaravipakavajjanam pancannam rasinam arammanapaccayo hoti. Arupavacara- kusalarammanam kamavacarakusalassa rupavacarakusalassa arupavacarakusalassa akusalassa arupavacaravipakassa kamavacarakiriyassa rupavacarakiriyassa arupavacarakiriyassa cati imesam atthannam rasinam arammanapaccayo hoti. Apariyapannakusalarammanam kamavacara- rupavacarato kusalakiriyanameva arammanapaccayo hoti. Akusalarammanam kamavacarakusalassa rupavacarakusalassa akusalassa kamavacaravipakassa kamavacarakiriyassa rupavacarakiriyassa cati imesam channam rasinam arammanapaccayo hoti. Kamavacaravipakarammanam kamavacarakusalassa rupavacarakusalassa akusalassa kamavacaravipakassa kamavacarakiriyassa rupavacarakiriyassa cati imesam channam rasinam

--------------------------------------------------------------------------------------------- page413.

Arammanapaccayo hoti. Rupavacaravipakarammanam kamavacarakusalassa rupavacarakusalassa akusalassa kamavacarakiriyassa rupavacarakiriyassa cati imesam pancannam rasinam arammanapaccayo hoti. Arupavacaravipakarammanampi imesamyeva pancannam rasinam arammanapaccayo hoti. Apariyapannavipakarammanam kamavacararupavacarato kusalakiriyananneva arammanapaccayo hoti. Kamavacarakiriyarammanam kamavacarakusalassa rupavacarakusalassa akusalassa kamavacaravipakassa kamavacarakiriyassa rupavacarakiriyassa cati imesam channam rasinam arammanapaccayo hoti. Rupavacarakiriyarammanam imesu chasu rasisu kamavacaravipakavajjanam pancannam rasinam arammanapaccayo hoti. Arupavacara- kiriyarammanam tesam pancannam arupavacarakiriyassa cati imesam channam rasinam arammanapaccayo hoti. Catusamutthanam rupakkhandhasankhatam ruparammanam kamavacarakusalassa rupavacarakusalassa akusalassa kamavacaravipakassa kamavacarakiriyassa rupavacarakiriyassa cati imesam channam rasinam arammanapaccayo hoti. Nibbanarammanam kamavacarakusalassa rupavacarakusalassa apariyapannato kusalassa vipakassa kamavacarakiriyassa rupavacarakiriyassa cati imesam channam rasinam arammanapaccayo hoti. Rupavacarakusalakiriyanam keci nicchanti, tam yuttito upadharetabbam. Nanappakarakam pana pannattiarammanam tebhumikakusalassa akusalassa ruparupavacaravipakassa tebhumikakiriyassa cati imesam navannam rasinam arammanapaccayo hoti. Tattha yam yam arammanam yesam yesam paccayo, te te tamtam- paccayuppanna nama hontiti evamettha paccayuppannatopi vinnatabbo vinicchayoti. Arammanapaccayaniddesavannana nitthita. -----------

The Pali Atthakatha in Roman Book 55 page 411-413. http://84000.org/tipitaka/atthapali/read_rm.php?B=55&A=9267&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9267&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=167 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=657 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=650 The Pali Tipitaka in Roman Character :- http://84000.org/tipitaka/read/roman_read.php?B=36&A=650 Contents of The Tipitaka Volume 36 http://84000.org/tipitaka/read/?index_36