ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                     16. Indriyapaccayaniddesavannana
     [16] Indriyapaccayaniddese cakkhundriyanti cakkhusankhatam indriyam.
Indriyapaccayenati sayam purejatam 1- hutva arupadhammanam uppadato patthaya
yava bhanga indriyapaccayena paccayo hoti. Sotindriyadisupi eseva nayo.
Arupino indriyati ettha arupajivitindriyampi sangahitam. Tamsamutthanananti
ettha hettha vuttanayeneva katattarupampi sangahitam. Vuttanhetam panhavare:-
patisandhikkhane vipakabyakata indriya sampayuttakanam khandhanam katatta ca
rupanam indriyapaccayena paccayo hoti. Evam tavettha palivannana veditabba.
     Ayam pana indriyapaccayo itthindriyapurisindriyavajjanam samavisatiya
indriyanam vasena thito. Itthindriyapurisindriyani hi kincapi itthilinga-
purisangadinam bijabhutani, kalaladikale pana vijjamanesupi tesu itthilingapurisa-
linganam abhava tani neva tesam, na annesam indriyapaccayatam pharanti. Indriya-
paccayo hi attano vijjamanakkhane avinibbhutadhammanam indriyapaccayatam apharanto nama
natthi, tasma tani indriyapaccaya na honti. Yesam panetani bijabhutani, tesam
@Footnote: 1 cha.Ma. purejato
Tani suttantikapariyayena pakatupanissayabhavam bhajanti. Iti indriyapaccayo samavisatiya
indriyanam vasena thitoti veditabbo. So jatito kusalakusalavipakakiriyarupavasena
pancadha bhijjati. Tattha kusalo bhumivasena catudha, akusalo kamavacarova, vipako
catudhava, kiriyasankhato tidha, rupam kamavacaramevati evam anekadha bhijjatiti evam
tavettha nanappakarabhedato vinnatabbo vinicchayo.
     Evam bhinne panettha catubhumikopi kusalindriyapaccayo pancavokare
sampayuttadhammananceva cittasamutthanarupassa ca indriyapaccayena paccayo, tatha
akusalo. Thapetva pana rupavacarakusalam avasesa kusalakusala arupe sampayutta-
dhammananneva indriyapaccayena paccayo. Catubhumikopi vipakindriyapaccayo
ekanteneva sampayuttakanam indriyapaccayena paccayo. Kamavacararupavacara panettha
pancavokare uppajjanato pavatte cittasamutthanarupassa, patisandhiyam katattarupassapi
indriyapaccayena paccaya honti. Lokuttara cittasamutthanarupasseva. Arupe
uppanna lokuttaravipaka indriya rupassa paccaya na honti. Tebhumikapi
kiriyindriya pancavokare sampayuttadhammananceva cittasamutthanarupassa ca,
kamavacararupavacara pana arupe sampayuttadhammananneva indriyapaccayatam pharanti.
Cakkhundriyadivasena chabbidhe rupindriye cakkhundriyam kusalakusalavipakato
sampayuttadhammanam dvinnam cakkhuvinnananam, sotindriyadini tathavidhananneva
sotavinnanadinam, rupajivitindriyam attana sahajatarupanam thitikkhane indriya-
paccayena paccayo. Sahajatapaccayata pana tassa natthiti evamettha paccayuppannatopi
vinnatabbo vinicchayoti.
                     Indriyaniddesavannana nitthita.
                          ------------



             The Pali Atthakatha in Roman Book 55 page 433-434. http://84000.org/tipitaka/atthapali/read_rm.php?B=55&A=9786&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9786&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=522              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2359              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2585              The Pali Tipitaka in Roman Character :- http://84000.org/tipitaka/read/roman_read.php?B=36&A=2585              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com