|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
[404] Imasmim sati idam hotiti imasmim avijjadike paccaye sati idam sankharadikam phalam hoti. Imassuppada idam uppajjatiti imassa avijjadikassa paccayassa uppada idam sankharadikam phalam uppajjati, tenevaha "yadidam avijjapaccaya sankhara .pe. Samudayo hoti"ti. Evam vattam dassetva idani vivattam dassento avijjaya tveva asesaviraganirodhatiadimaha. Tattha avijjaya tvevati avijjaya eva tu. Asesaviraganirodhati viragasankhatena maggena asesanirodha anuppadanirodha. Sankharanirodhoti sankharanam anuppadanirodho hoti, evam niruddhanam pana sankharanam nirodha vinnananirodho hoti, vinnanadinam ca nirodha namarupadini niruddhaniyeva hontiti dassetum sankharanirodha vinnananirodhotiadim vatva evametassa kevalassa dukkhakkhandhassa nirodho hotiti vuttam. Tattha kevalassati sakalassa, suddhassa va, sattavirahitassati attho. Dukkhakkhandhassati dukkharasissa. Nirodho hotiti anuppado hoti. [406] Imasmim asatitiadi vuttapatipakkhanayena veditabbam. [407] Evam vattavivattam kathetva idani imam dvadasangapaccayavattam saha vipassanaya maggena janantassa ya patidhavana pahiyyati, tassa abhavam pucchanto api nu tumhe bhikkhavetiadimaha. Tattha evam janantati evam saha vipassanaya maggena jananta. Evam passantati tasseva vevacanam. Pubbantanti purimakotthasam, atitakkhandhadhatuayatananiti attho. Patidhaveyyathati tanhaditthivasena patidhaveyyatha. Sesam sabbasavasutte vittharitameva. Idani nesam tattha niccalabhavam pucchanto api nu tumhe bhikkhave evam jananta evam passanta evam vadeyyatha, sattha no garutiadimaha. Tattha garuti bhariko akama anuvattitabbo. Samanoti buddhasamano. Annam sattharam uddiseyyathati ayam sattha amhakam kiccam sadhetum na sakkotiti api nu evam sannino hutva annam bahirakam sattharam uddiseyyatha. Puthusamanabrahmanananti evam sannino hutva puthunam titthiyasamananam ceva brahmanananca. Vatakotuhalamangalaniti--------------------------------------------------------------------------------------------- page217.
Vatasamadanani ca ditthikutuhalani ca ditthasutamutamangalani ca. Tani sarato paccagaccheyyathati etani saranti evamsannino hutva patiagaccheyyatha, evam nissatthani ca puna ganheyyathati attho. Samam natanti sayam nanena natam. Samam ditthanti sayam pannacakkhuna dittham. Samam viditanti sayam vibhavitam pakatam katam, upanita kho me tumheti maya bhikkhave tumhe imina sanditthikadisabhavena dhammena nibbanam upanita, papitati attho. Sanditthikotiadinamattho visuddhimagge vittharito. Idametam paticca vuttanti etam vacanam idam tumhehi samam natadibhavam paticca vuttam. [408] Tinnam kho pana bhikkhaveti kasma arabhi? nanu hettha Vattavivattavasena desana matthakam papitati. Ama papita. Ayam pana patiekko anusandhi, "ayanhi lokasannivaso patisandhisammulho, tassa sammohatthanam viddhamsetva pakatam karissami"ti imam desanam arabhi. Apica vattamulam avijja, vivattamulam buddhuppado, iti vattamulam avijjam vivattamulam ca buddhuppadam dassetvapi "puna ekavaram vattavivattavasena desanam matthakam papessami"ti imam desanam arabhi. Tattha sannipatati samodhanena pindabhavena. Gabbhassati gabbhe nibbattanakasattassa. Avakkanti hotiti nibbatti hoti. Katthaci hi gabbhoti matukucchi vutta. 1- Yathaha:- "yamekarattim pathamam gabbhe vasati manavo abbhutthitova so yati 2- sa gaccham na nivattati"ti. 3- Katthaci gabbhe nibbattasatto. Yathaha "yatha kho panananda anna itthiyo 4- nava va dasa va mase gabbham kucchina pariharitva vijayanti"ti. 5- Idha satto adhippeto, tam sandhaya vuttam "gabbhassa avakkanti hoti"ti. Idhati imasmim sattaloke. Mata ca utuni hotiti idam utusamayam sandhaya vuttam. Matugamassa kira yasmim okase darako nibbattati, tattha mahati lohitapilaka @Footnote: 1 cha.Ma. vutto 2 ka. sayati 3 khu.ja. 27/2261/469 ayogharajataka (sya) @4 cha.Ma., pali. itthika 5 Ma. upari. 14/205/171 acchariyabbhutadhammasutta--------------------------------------------------------------------------------------------- page218.
Santhahitva bhijjitva paggharati, vatthu suddham hoti, suddhe vatthumhi matapitusu ekavaram sannipatitesu yava sattadivasani khettameva hoti. Tasmim samaye hatthaggaha- veniggahadina angaparamasanenapi darako nibbattatiyeva. Gandhabboti tatrupagasatto. Paccupatthito hotiti na matapitunam sannipatam olokayamano samipe thito paccupatthito nama hoti. Kammayantayantito pana eko satto tasmim okase nibbattanako hotiti ayamettha adhippayo. Samsayenati "arogo nu kho bhavissami aham va, putto va me"ti evam mahantena jivitasamsayena. Lohitanhetam bhikkhaveti tada kira matulohitam tam thanam sampattam puttasinehena pandaram hoti. Tasma evamaha. Vankakanti gamadarakanam kilakam khuddakanangalam. Ghatika vuccati dighadandena rassadandakam paharanakila, mokkhacikanti samparivattakakila, akase va dandakam gahetva bhumiyam va sisam thapetva hetthuppariyabhavena parivattanakilananti vuttam hoti. Cingulikam vuccati talapannadihi katam vatappaharena paribbhamanacakkam. Pattalhakam vuccati pannanalika. Taya valikadini minanta kilanti. Rathakanti khuddakaratham. Dhanukampi khuddakadhanumeva. [409] Sarajjatiti ragam uppadeti. Byapajjatiti byapadam uppadeti. Anupatthitakayasatiti kaye sati kayasati, tam anupatthapetvati attho. Parittacetasoti akusalacitto. Yatthassa te papakati yassam phalasamapattiyam ete nirujjhanti, tam na janati nadhigacchatiti attho. Anurodhavirodhanti raganceva dosanca. Abhinandatiti tanhavasena abhinandati, tanhavaseneva aho sukhantiadini vadanto abhivadati. Ajjhosaya titthatiti tanhajjhosanagahanena gilitva parinitthapetva ganhati. Sukham va adukkhamasukham va abhinandatu, dukkham katham abhinandatiti. "aham dukkhito mama dukkhan"ti ganhanto abhinandati nama. Uppajjati nanditi tanha uppajjati. Tadupadananti sava tanha gahanatthena upadanam nama, tassa upadanapaccaya bhavo .pe. Samudayo hotiti, idam hi bhagavata puna ekavaram tisandhicatusankhepam 1- paccayakaravattam dassitam. @Footnote: 1 cha.Ma. dvisandhi tisankhepam--------------------------------------------------------------------------------------------- page219.
[410-4] Idani vivattam dassetum idha bhikkhave tathagato loke uppajjatitiadimaha. Tattha appamanacetasoti appamanam lokuttaram ceto assati appamanacetaso, maggacittasamangiti attho. Imam kho me tumhe bhikkhave sankhittena tanhasankhayavimuttim dharethati bhikkhave imam sankhittena desitam mayham tanhasankhaya- vimuttidesanam tumhe niccakalam dhareyyatha ma pamajjeyyatha. Desana hi ettha vimuttipatilabhahetuto vimuttiti vutta. Mahatanhajalatanhasanghatapatimukkanti tanhava samsibbitatthena mahatanhajalam, sanghatitatthena sanghatanti vuccati, iti etasmim mahatanhajale tanhasanghate ca imam satim bhikkhum kevattaputtam patimukkam dharetha, anupavittho antogadhoti nam dhareyyathati 1- attho. Sesam sabbattha uttanatthamevati. Papancasudaniya majjhimanikayatthakathaya mahatanhasankhayasuttavannana nitthita. -------------------The Pali Atthakatha in Roman Book 8 page 216-219. http://84000.org/tipitaka/atthapali/read_rm.php?B=8&A=5522&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=5522&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=12&i=440 เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=8041 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=9558 The Pali Tipitaka in Roman Character :- http://84000.org/tipitaka/read/roman_read.php?B=12&A=9558 Contents of The Tipitaka Volume 12 http://84000.org/tipitaka/read/?index_12
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]