ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext book chage to ROMAN letter  
Atthakatha Book 8 : PALI ROMAN Ma.A. (papa–ca.2)

page324.

10. Maratajjaniyasuttavannana [506] Evamme sutanti maratajjaniyasuttam. Tattha kotthamanupavitthoti kucchim pavisitva antanam anto anupavittho, pakkasayatthane nisinno. Garugaro viyati 1- garukagaruko viya thaddho pasanapunjasadiso. Masacitam manneti masabhattam bhuttassa kucchi viya masapuritapasibbako viya tintamaso viya cati attho. Viharam pavisitvati sace aharadosena esa garubhavo, ajjhokase 2- cankamitum na sappayanti cankama orohitva pannasalam pavisitva pakatipannatte asane nisidi. Paccattam yoniso manasakasiti "kinnu kho etan"ti avajjamano attanoyeva upayena manasi akasi. Sace pana thero attano silam avajjetva "yam hiyyo va pare va parasuve va paribhuttam apakkamatthi, 3- anno va koci visabhagadoso, sabbam jiratu, phasukam hotu"ti hatthena kucchim paramasissa, maro papima viliyitva agamissa. Thero pana tatha akatva yoniso manasakasi, ma tatha gatam vihesesiti yatha hi puttesu vihesitesu matapitaro vihesitava honti, saddhiviharikaantevasikesu vihesitesu acariyupajjhaya vihesitava, janapade vihesite raja vihesitova hoti, evam tathagatasavake vihesite tathagato vihesitova hoti. Tenaha "ma tathagatam vihesesi"ti. Paccaggale atthasiti patiaggaleva atthasi. Aggalam vuccati kavatam, mukhe 4- uggantva pannasalato nikkhamitva bahi pannasalaya kavatam nissaya atthasiti attho. [507] Bhutapubbaham papimati kasma imam desanam arabhi? thero kira Cintesi "akasatthakadevatanam tava manussagandho yojanasate thitanam abadham karoti. Vuttanhetam `yojanasatam kho rajanna manussagandho deve ubbadhati'ti. 5- @Footnote: 1 cha.Ma. garugarutaro viyati pali. garugaro viyati garukagaruko viya ukarassa @hi okaram katva ayam niddesoti tika 2 cha.Ma. abbhokase @3 cha.Ma. avipakkamatthi 4 cha.Ma. mukhena 5 di. maha. 10/415/277 guthakupaparisupama

--------------------------------------------------------------------------------------------- page325.

Ayam pana maro nagariko paricokkho 1- mahesakkho anubhavasampanno devaraja samano mama kucchiyam pavisitva antanam anto pakkasayokase nisinno ativiya paduttho bhavissati. Evarupam nama jeguccham patikulam okasam pavisitva nisiditum sakkontassa kimannam karaniyam 2- bhavissati, kimannam lajjissati, tvam mama natikoti pana vutte mudubhavam anapajjamano nama natthi, handassa natikotim pativijjhitva mudukeneva nam upayena vissajjemi"ti 3- cintetva imam desanamarabhi. So me tvam bhagineyyo hositi so tvam tasmim kale mayham bhagineyyo hosi. Idam pavenivasena vuttam. Devalokasmim pana marassa pituvamso pitamahassa vamso rajjam karonto nama natthi, punnavasena devaloke devaraja hutva nibbatto, yavatayukam thatva cavati, anno eko attana katena kammena tasmim thane adhipati hutva nibbatti, 4- iti ayam maropi tada tato cavitva puna kusalam katva imasmim kale tasmim adhipatitthane nibbattoti veditabbo. Vidhuroti vigatadhuro, annehi saddhim asadisoti attho. Appakasirenati appadukkhena. Pasupalakati ajelakapalaka. Pathavinoti maggapatipanna. Kaye upacinitvati samantato citakam bandhitva. Aggim datva pakkamimsuti ettakena sariram pariyadanam gamissatiti citakassa pamanam sallakkhetva catusu disasu aggim datva pakkamimsu. Citako padipasikha viya pajjali, therassa udakalenam pavisitva nisinnakalo viya ahosi. Civarani papphotetvati samapattito vutthaya vigatadhume kimsukavanne angare maddamano civarani vidhunitva. Sarire panassa usumamattampi nahosi, civaresu amsumattampi na jhayi, samapattiphalam nametam. [508] Akkosathati dasahi akkosavatthuhi akkosatha. Paribhasathati vacaya paribhasatha. Rosethati ghattetha. Vihesethati dukkhapetha. Sabbametam vacaya ghattanasseva adhivacanam. Yathatam dusi maroti yatha etesam dusi maro. Labhetha otaranti labhetha chiddam, kilesuppattiya arammanapaccayam labheyyati attho. @Footnote: 1 cha.Ma. parivarakkhotipi. tikayantu paricokkhoti sabbaso sucirupoti vuttam. @Si. parimokkho 2 cha.Ma. akaraniyam 3 cha.Ma. vissajjessamiti @4 cha.Ma. nibbattati

--------------------------------------------------------------------------------------------- page326.

Mundakatiadisu hi munde mundati samane ca samanati vattum vatteyya, ime pana hilenta mundaka samanati ahamsu. Ibbhati gahapatika. Kinhati kanha, 1- kalakati attho. Bandhupadapaccati ettha bandhuti brahma adhippeto. Tanhi brahmana pitamahoti voharanti. Padanam apacca padapacca, brahmuno pitthipadato jatati adhippayo. Tesam kira ayam laddhi "brahmana brahmuno mukhato nibbatta, 2- khattiya urato, vessa nabhito, sudda januto, samana pitthipadato"ti. Jhayinosma jhayinosmati jhayino mayam jhayino mayanti. Madhurakajatati alasiyajata. Jhayantiti cintayanti. Pajjhayantitiadini upasaggavasena vaddhitani. Musikam maggayamanoti sayam gocaratthaya susirarukkhato nikkhantam rukkhasakhaya musikam pariyesanto. So kira upasantupasanto viya niccalova titthati, sampattakale musikam sahasa ganhati. Kotthuti singalo, senotipi 3- vadanti. Sandhisamalasankatireti sandhimhi ca samale ca sankatire ca. Tattha sandhi nama gharasandhi. Samalo nama guthaniddhamanapanali. Sankatiram nama sankaratthanam. Vahacchinnoti kantarato nikkhanto chinnavaho. Sandhisamalasankatireti sandhimhi va samale va sankatire va. Sopi hi thaddhagatto niccalo jhayati. Nirayam upapajjantiti sace maro manussanam sarire adhimuccitva evam kareyya, manussanam akusalam na bhaveyya, marasseva bhaveyya. Sarire pana anadhimuccitva visabhagavatthum vippatisararammanam dasseti, tada kira so bhikkhu khippam gahetva macche ajjhottharante viya, jalam gahetva macche ganhante viya, lepayatthim oddetva sakune bandhante viya sunakhehi saddhim aranne migavam carante viya, matugame gahetva apanabhumiyam nisinne viya, naccante viya, gayante viya, bhikkhuninam rattitthanadivatthanesu visabhagamanusse nisinne viya, thite viya ca katva dassesi. Manussa arannagatapi vanagatapi viharagatapi vippatisararammanam @Footnote: 1 Ma. kanhati kanha 2 cha.Ma. nikkhanta 3 cha.Ma. sonotipi

--------------------------------------------------------------------------------------------- page327.

Passitva agantva annesam kathenti "samana evarupam assamanakam ananucchavikam karonti, etesam dinne kuto kusalam, ma etesam kinci adattha"ti. Evam te manussa ditthaditthatthane silavante akkosanta apunnam pasavitva apayapuraka ahesum. Tena vuttam "nirayam upapajjanti"ti. [509] Anvavitthati avattita. Pharitva viharimsuti na kevalam pharitva viharimsu. Kakusandhassa pana bhagavato ovade thatva ime cattaro brahmavihare nibbattitva jhanapadatthanam vipassanam vaddhetva arahatte patitthahimsu. [510] Agatim va gatim vati patisandhivasena agamanatthanam va, cutivasena gamanatthanam va na janami. Siya cittassa annathattanti somanassavasena annathattam bhaveyya. Saggam lokam upapajjantiti idhapi purimanayenevattho veditabbo. Yatha hi pubbe vippatisarakaram arammanam dasseti, evamidhapi pasadakaram. So kira tada manussanam dassanatthane bhikkhu akase gacchante viya akase thite viya pallankena nisinne viya akase sucikammam karonte viya akase potthakam vacente viya akase civaram pasaretva kayam utum ganhapente viya vuddhapabbajite 1- akasena carante viya tarunasamanere akase thatva pupphani ocinante viya katva dassesi. Manussa arannagatapi vanagatapi viharagatapi pabbajitanam tam patipattim disva agantva annesam kathenti "bhikkhusu antamaso samanerapi evammahiddhika mahanubhava, etesam dinnam mahapphalam nama hoti, etesam detha sakkarotha"ti. Tato manussa bhikkhusamgham catuhi paccayehi sakkaronta bahum punnam katva saggapathapuraka ahesum. Tena vuttam "saggam lokam upapajjanti"ti. [511] Etha tumhe bhikkhave asubhanupassino kaye viharathati bhagava sakalajambudipam ahindanto antamaso dvinnampi tinnampi bhikkhunam vasanatthanam gantva:- @Footnote: 1 cha.Ma. navapabbajite

--------------------------------------------------------------------------------------------- page328.

"asubhasannaparicitena bhikkhave bhikkhuno cetasa bahulam viharato methunadhammasamapattiya cittam patiliyati patikujjati 1- pativattati na sampasariyati, upekkha va patikulyata va santhati. Ahare patikulasannaparicitena bhikkhave bhikkhuno cetasa bahulam viharato rasatanhaya cittam patiliyati patikujjati pativattati na sampasariyati, upekkha va patikulyata va santhati. Sabbaloke anabhiratisannaparicitena bhikkhave bhikkhuno cetasa bahulam viharato lokacittesu cittam patiliyati patikujjati pativattati na sampasariyati, upekkha va patikulyata va santhati. Aniccasannaparicitena bhikkhave bhikkhuno cetasa bahulam viharato labhasakkarasilokesu 2- cittam patiliyati patikujjati pativattati na sampasariyati, upekkha va patikulyata va santhati"ti 3- evam anisamsam dassetva:- etha tumhe bhikkhave asubhanupassi kaye viharatha, ahare patikulasannino sabbaloke anabhiratisannino sabbasankharesu aniccanupassinoti. Imani kammatthanani kathesi. Tepi bhikkhu imesu catusu kammatthanesu kammam karonta vipassanam vaddhetva sabbasave khepetva arahatte patitthahimsu, imanipi cattari kammatthanani ragasantani dosamohasantani ragapatighatakani dosamohapatighatakanevati. 4- [512] Sakkharam gahetvati antomutthiyam titthanappamanam pasanam gahetva. Ayanhi brahmanagahapatikehi bhikkhu akkosapetvapi, brahmanagahapatikanam vasena bhikkhusamghassa labhasakkaram uppadapetvapi otaram alabhanto idani sahattha upakkamitukamo annatarassa kumarakassa sarire adhimuccitva evarupam pasanam aggahesi. Tam sandhaya vuttam "sakkharam gahetva"ti. @Footnote: 1 cha.Ma. patikutati evamuparipi 2 cha.Ma. labhasakkarasiloke @3 an. sattaka. 23/46/48,49 4 cha.Ma. dosamohapatighatani cati.

--------------------------------------------------------------------------------------------- page329.

Sisam vo bhinditi sisam bhindi, mahacammam chijjitva 1- mamsam dvedha ahosi. Sakkhara panassa sisakataham abhinditva atthim ahacceva nivatta. Nagapalokitam apalokesiti paharasaddam sutva yatha nama hatthinago ito va etto va apaloketukamo givam aparivattetva sakalasarireneva nivattitva apaloketi, evam sakalasarireneva nivattetva apalokesi. Yatha hi mahajanassa 2- atthini kotiya kotim ahacca thitani, paccekabuddhanam ankusalaggani, na evam buddhanam. Buddhanam pana sankhalikani viya ekabaddhani hutva thitani, tasma pacchato apalokanakale na sakka hoti givam parivattetum, yatha pana hatthinago pacchabhagam apaloketukamo sakalasarireneva parivattati, evam parivattitabbam hoti. Tasma bhagava yantena parivattita suvannapatima viya sakalasarireneva nivattitva apalokesi, apaloketva thito pana "na vayam dusi maro mattamannasi"ti aha. Tassattho, ayam dusi maro papam karonto neva pamanam annasi, pamanatikkantam akasiti. Sahapalokanayati kakusandhassa bhagavato apalokaneneva saha tamkhananneva. Tamha ca thana caviti tamha ca devatthana cuto, mahanirayam upapannoti attho. Cavamano hi na yattha katthaci thito cavati, tasma vasavattidevalokam agantva cuto. "sahapalokanaya"ti ca vacanato na bhagavato apalokitatta cutoti veditabbo, cutikaladassanamattameva hetam. 3- Ulare pana mahasavake viruddhatta 4- kuthariya pahatam viyassa marassa 5- ayu tattheva chijjitva tatanti veditabbam. Tayo namadheyya hontiti tini namani honti. Chaphassayatanikoti chasu phassayatanesu patiekkaya vedanaya paccayo. Sankusamahatoti ayasulehi samahato. Paccattavedaniyoti sayameva vedanajanako. Sankuna sanku dahaye samagaccheyyati ayasulena saddhim ayasulam hadayamajjhe samagaccheyya. Tasmim kira niraye upapannanam tigavuto attabhavo hoti, marassapi 6- tadisova ahosi. Athassa hi nirayapala talakkhandhappamanani @Footnote: 1 Si. chinditva 2 Ma. pakatimahajanassa 3 Ma. hoti @4 cha.Ma. viraddhatta 5 cha.Ma. ayam patho na dissati 6 cha.Ma. therassapi

--------------------------------------------------------------------------------------------- page330.

Ayasulani adittani sampajjalitani samjotibhutani 1- sayameva gahetva punappunam nivattamana "imina te thanena cintetva papam katan"ti puvadoniyam puvam kottento viya hadayamajjham kottetva pannasa jana padabhimukha pannasa jana sisabhimukha kottetva gacchanti, evam gacchanta pancahi vassasatehi ubho ante patva puna nivattamana pancahi vassasatehi hadayamajjham agacchanti tam sandhayetam 2- vuttam. Vutthanimanti vipakavutthanam vedanam. Sa kira mahanirayavedanato dukkhatara hoti, yatha hi sinehapanasattahato pariharasattaham 3- dukkhataram, evam mahanirayadukkhato ussade vipakavutthanavedana dukkhatarati vadanti. Seyyathapi macchassati purisasisanhi vattam hoti, sulena paharantassa paharo thanam na labhati parigalati, macchasisam ayatam puthulam, paharo thanam labhati, avirajjhitva kammakarana sukara hoti, tasma evarupam sisam hoti. [513] Vidhuram savakamasajjati vidhuram savakam ghattayitva. Paccattavedanati sayameva patiekkavedanajanaka. Idiso nirayo asiti imasmim thane nirayo devadutasuttena dipetabbo. Kanha dukkham nigacchasiti kalaka mara dukkham vindissasi. Majjhe sarassati mahasamuddamajjhe udakam vatthum katva nibbattavimanani kappatthitikani honti, tesam veluriyassa viya vanno hoti, pabbatamatthake jalitanalaggikkhandho viya ca nesam acciyo jotanti, pabhassara pabhasampanna honti tesu vimanesu nilabhedadivasena nanattavannaacchara naccanti. Yo etamabhijanatiti yo etam vimanavatthum janatiti attho. Evamettha vimanapetavatthukeneva attho veditabbo. Padangutthena kampayiti idam pasadakampanasuttena dipetabbam. Yo vejayantam pasadanti idam culatanhasankhayavimuttisuttena dipetabbam. Sakkam so paripucchatiti idampi teneva dipetabbam. Sudhammayabhito sabhanti sudhammasabhaya samipe, ayam pana brahmaloke sudhammasabhava, na tavatimsabhavane. Sudhammasabhavirahito hi devaloko nama natthi. @Footnote: 1 cha.Ma. sajotibhutani 2 cha.Ma. sandhaya evam. 3 Ma. pharitva aharasattaham

--------------------------------------------------------------------------------------------- page331.

Brahmaloke pabhassaranti brahmaloke sariputtamoggallanamahakassapadihi 1- savakehi saddhim tassa tejodhatum samapajjitva nisinnassa bhagavato obhasam. Ekasminhi samaye bhagava brahmaloke sudhammaya devasabhaya sannipatitva "atthi nu kho koci samano va brahmano va evammahiddhiko, yo idha agantum sakkuneyya"ti cintentassa 2- brahmaganassa cittamannaya tattha gantva brahmaganassa matthake nisinno tejodhatum samapajjitva mahamoggallanadinam agamanam cintesi. Tepi gantva sattharam vanditva tejodhatum samapajjitva paccekam disasu nisidimsu, sakalabrahmaloko ekobhaso ahosi. Sattha catusaccappakasanam dhammam desesi, desanapariyosane anekani brahmasahassani maggaphalesu patitthahimsu. Tam sandhaya ima gatha vutta, so panayamattho bakabrahmasuttena 3- dipetabbo. Vimokkhena aphassayiti jhanavimokkheneva 4- phusi. Vananti jambudipam. Pubbavidehananti pubbavidehananca dipam. Ye ca bhumisaya narati bhumisaya nara nama amaragoyanaka 5- ca uttarakuruka ca. Tepi sabbe phusiti vuttam hoti. Ayam pana attho nandopanandadamanena dipetabbo. Vatthu visuddhimagge iddhikathaya vittharitam. Apunnam pasaviti apunnam patilabhi. Asam makasi bhikkhusuti bhikkhu vinasemi 6- vihesemiti etam asam ma akasi. Sesam sabbattha uttanamevati. Papancasudaniya majjhimanikayatthakathaya maratajjaniyasuttavannana nitthita. Pancamavaggavannana nitthita. Mulapannasakatthakatha nitthita. -------------- @Footnote: 1 cha.Ma. mahamoggallanamahakassapadihi 2 cha.Ma. cintentasseva @3 cha.Ma. annatarabrahmasuttena, tika. bahubrahmakasuttena @4 cha.Ma. eva-saddo na dissati 5 cha.Ma. aparagoyanaka


             The Pali Atthakatha in Roman Book 8 page 324-331. http://84000.org/tipitaka/atthapali/read_rm.php?B=8&A=8287&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=8287&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=12&i=557              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=10287              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=12144              The Pali Tipitaka in Roman Character :- http://84000.org/tipitaka/read/roman_read.php?B=12&A=12144              Contents of The Tipitaka Volume 12 http://84000.org/tipitaka/read/?index_12

first pageprevious pageno pageNumbernext book chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com