AtthaPali Vol.9

3. Paribbajakavagga 1. Culavacchagottasuttavannana ^1- [185] Evamme sutanti culavacchagottasuttam. Tattha ekapundariketi pundariko vuccati setambarukkho, so tasmim arame eko pundariko atthiti ekapundariko. Etadahositi tattha pavisitukamataya ahosi. Cirassam kho bhanteti pakatiya agatapubbatam upadaya. Dhammassa canudhammanti idha sabbannutananam dhammo nama, mahajanassa byakaranam anudhammo nama. Sesam jivakasutte ^2- vuttanayameva. Na meti ananunnaya thatva anunnampi patikkhipati. "sabbannu sabbadassavi aparisesam nanadassanam patijanati"ti hi idam anujanitabbam siya, "carato ca me .pe. Paccupatthitan"ti idam pana nanujanitabbam. Sabbannutananena hi avajjitvava janati. Tasma ananunnaya thatva anunnampi patikkhipanto evamaha. [186] Asavanam khayati ettha sakim khinani asavanam puna khepetabbabhava yavadevati na vuttam. Pubbenivasananena cettha bhagava atitajananagunam dasseti, dibbacakkhunanena paccuppannajananagunam, asavakkhayananena lokuttaragunanti. Iti imahi tihi vijjahi sakalabuddhagune sankhipitva kathesi. Gihisamyojananti gihibandhanam gihiparikkharesu nikantim. Natthi kho vacchati gihisamyojanam appahaya dukkhassantam karonto ^3- nama natthi. Yepi hi santatimahamatto uggaseno setthiputto vitasokadarakoti gihilinge thitava arahattam patta, tepi maggena sabbasankharesu nikantim sukkhapetvava patta. Tam patva pana na tena lingena atthamsu, gihilingam nametam hinam, uttamagunam dharetum na sakkoti, tasma tattha thito arahattam patva tam divasameva pabbajati va parinibbati va. @Footnote: ¹ cha.Ma. tevijjavacchasuttavannana ² Ma.Ma. 13/51 adi/33 gahapativagga @³ cha.Ma. dukkhassantakaro Bhummadevata pana titthanti. Kasma? niliyanokasassa atthitaya. Sesakamabhave manussesu sotapannadayo tayo titthanti, kamavacaradevesu sotapanna sakadagamino ca, anagamikhinasava panettha na titthanti. Kasma? tanhitthanam lalitajanassa avaso, natthi tattha tesam pavivekaraham paticchannatthananca. Iti tattha khinasavo parinibbati, anagami cavitva suddhavase nibbattati. Kamavacaradevato upari pana cattaropi ariya titthanti. Sopasi kammavaditi sopi kammavadi ahosi, kiriyampi na patibahittha. Tam hi ekunanavutikappamatthake ^1- attanamyeva gahetva kathesi. ^2- Tada kira mahasatto pasandaparigganhanattham pabbajito tassapi pasandassa nipphalabhavam janitva viriyam na hapesi, kiriyavadi hutva sagge nibbattati. Tasma evamaha. Sesam sabbattha uttanamevati. Papancasudaniya majjhimanikayatthakathaya culavacchagottasuttavannana nitthita. Pathamam. -------------

The Pali Atthakatha in Roman Book 9 page 144-145. http://84000.org/tipitaka/atthapali/read_rm.php?B=9&A=3622&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=3622&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=13&i=240 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=4235 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4832 The Pali Tipitaka in Roman Character :- http://84000.org/tipitaka/read/roman_read.php?B=13&A=4832 Contents of The Tipitaka Volume 13 http://84000.org/tipitaka/read/?index_13