|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Dhammacetiyasuttavannana
[364] Evamme sutanti dhammacetiyasuttam. Tattha medalupanti 2- namametam
tassa, tassa hi nigamassa medavanna pasana kirettha uppanna 3- ahesum,
tasma medalupanti sankham gatam. Senasanam panettha aniyatam, 4- tasma na tam vuttam.
Nagarakanti evamnamakam sakyanam nigamam. Kenacideva karaniyenati na annena
karaniyena, ayam pana bandhulasenapatim saddhim dvattimsaya puttehi ekadivaseneva
ganhathati anapesi, tam divasancassa bhariyaya mallikaya pancahi bhikkhusatehi
saddhim bhagava nimantito, buddhappamukhe bhikkhusamghe gharam agantva nisinnamatte
"senapati kalankato"ti sasanam aharitva mallikaya adamsu. Sa pannam gahetva
mukhasasanam pucchi. "ranna ayye senapati saddhim dvattimsaya puttehi
ekappahareneva gahapito"ti arocesum. Mahajanagatam 5- ma karitthati ovattikaya
@Footnote: 1 cha.Ma. itisaddo na dissati 2 Si. medalupanti 3 cha.Ma. ussanna
@4 Ma. adassitam 5 Ma. mahajanam katham
---------------------------------------------------------------------------------------------
page253.
Pannam katva bhikkhusamgham parivisi. Tasmim samaye eka sappicati niharita, sa
ummare ahacca bhinna, tam apanetva annam aharapetva bhikkhusamgham parivisi.
Sattha katabhattakicco kathasamutthapanattham "sappicatiya bhinnapaccaya na
cintetabban"ti aha. Tasmim samaye mallika pannam niharitva bhagavato purato
thapetva "bhagava imam dvattimsaya puttehi saddhim senapatino matasasanam, aham
etampi na cintayami, sappicatipaccaya kim cintessamiti 1- aha. Bhagava
"mallike ma cintayi, anamatagge samsare nama vattamananam hoti etan"ti
aniccatadipatisamyuttam dhammakatham katva agamasi. Mallika dvattimsa sunisayo
pakkosapetva ovadam adasi. Raja mallikam pakkosapetva "senapatino amhakam
antare bhinnadoso 2- atthi natthi"ti pucchi. Natthi samiti. So tassa vacanena tassa
niddosabhavam natva vippatisari balavadomanassam uppadesi, so "evarupam nama
adosakarakam mam sambhavayitva agatam sahayakam vinasesin"ti tato patthaya
pasade va natakesu va rajjasukhesu va cittassadam alamano tattha tattha
vicaritum araddho. Etadevassa 3- kiccam ahosi. Idam sandhaya vuttam "kenacideva
karaniyena"ti. Digham karayananti dighakarayano nama bandhulamallasenapatissa
bhagineyyo "etassa me matulo adosakarako nikkaranena ghatito"ti ranna
senapatitthane thapito. Tam sandhayetam vuttam. Mahaccarajanubhavenati mahata
rajanubhavena, dharanitalam bhindanto viya sagaram parivattento viya vicittavesasobhena
mahata balakayenati attho. Pasadikaniti dassaneneva saha ranjanakani 4-
pasadaniyaniti tasseva vevacanam. Athava pasadikaniti pasadajanakani 5- appasaddaniti
nissaddani. Appanigghosaniti avibhavitatthena nigghosena rahitani. Vijanavataniti
vigatajanavatani. Manussarahasseyyakaniti manussanam rahassakammanucchavikani,
rahassamantam mantentanam anurupaniti attho. Patisallanasaruppaniti
niliyanamanabhavassa ekibhavassa anucchavikani. Yattha sudam mayanti na tena tattha bhagava
@Footnote: 1 cha.Ma. cinteyyamiti 2 Si. cittakoso 3 cha.Ma. etadeva
@4 ka. pasadajanakani 5 Si., ka. dassaniyani
---------------------------------------------------------------------------------------------
page254.
Payirupasitapubbo, tadisesu pana payirupasitapubbo, tasma yadisesu sudam mayanti
ayamettha attho.
Atthi maharajati pandito senapati "raja bhagavantam mamayati"ti
janati, so sace mam raja "kaham bhagava"ti vadeyya, adandhayantena acikkhitum
yuttanti carapurise payojetva bhagavato nivasanatthanam natvava viharati. Tasma
evamaha. Aramam pavisiti bahinigame khandhavaram bandhapetva karayanena
saddhim pavisi.
[366] Viharoti gandhakutim sandhayahamsu. Alindanti pamukham. Ukkasitvati
ukkasitasaddam katva. Aggalanti kavatam. Akotehiti agganakhena isakam
kuncikacchiddasamipe kotehiti vuttam hoti. Dvaram kira atiupari amanussa,
atihettha dighajatika kotenti. Tatha akotetva majjhe chiddasamipe kotetabbam, idam
dvarakotthakavattanti dipenta vadanti. Tatthevati bhikkhuhi vuttatthaneyeva.
Khagganca unhisancati desanamattametam,
valavijanimunhisam khaggam chattancupahanam
oruyha raja yanamha thapayitva paticchadanti
agatani pana pancapi rajakakudhabhandani adasi. Kasma pana adasiti.
Atigaruno sammasambuddhassa santikam uddhatavesena gantum na yuttanti ca, ekakova
upasankamitva attano rucivasena sammodissami cati. Pancasu hi rajakakudhabhandesu
nivattitesu tvam nivattati vattabbam na hoti, sabbe sayameva nivattanti. Iti
imehi dvihi karanehi adasi. Rahayatiti rahassam karoti nigguhati. Ayam kirassa
adhippayo "pubbepi ayam raja samanena gotamena saddhim catukkannamantam
mantetva mayham matulam saddhim dvattimsaya puttehi ganhapesi, idanipi
catukkannamantam mantetukamo, kacci nu kho mam ganhapessati"ti. Evam kopavasenassa
etadahosi.
---------------------------------------------------------------------------------------------
page255.
Vivari bhagava dvaranti na bhagava utthaya dvaram vivari, vivaratuti pana
hattham pasaresi. Tato "bhagava tumhehi anekesu kappakotisu danam dadamanehi
na sahattha dvaravivaranakammam katan"ti sayameva davaram vivatam. Tam pana yasma
bhagavato manena vivatam, tasma "vivari bhagava dvaran"ti vattum vattati. Viharam
pavisitvati gandhakutim pavisitva. Tasmim pana pavitthamatteyeva karayano panca
rajakakudhabhandani gahetva khandhavaram gantva vidudabham 1- amantesi "../../bdpicture/chattam
samma ussapehi"ti. Mayham pita kim gatoti. Pitaram ma puccha, sace tvam na
ussapesi, tam ganhitva aham ussapemiti. "ussapemi samma"ti sampaticchi.
Karayano ranno ekam assanca asinca ekameva ca paricarikam itthim thapetva "sace
raja jivitena atthiko, ma agacchatu"ti vatva vidudabhassa chattam ussapetva
tam gahetva savatthimeva gato.
[367] Dhammanvayoti paccakkhananasankhatassa dhammassa anunayo anumanam,
anubuddhiti attho. Idani yenassa dhammanvayena "sammasambuddho bhagava"tiadi
hoti, tam dassetum idha panaham bhantetiadimaha. Tattha apanakotikanti panoti
jivitam, tam mariyadam 2- anto karitva, maranasamayepi carantiyeva, tam na vitikkamantiti
vuttam hoti. "apanakotikan"tipi patho, ajivapariyantanti 3- attho. Yatha ekacce
jivitahetu atikkamanta panakotikam 4- katva caranti, na evanti attho.
Ayampi kho me bhanteti buddhasubuddhataya dhammasvakkhatataya samghasupatipannataya
ca etam evam hoti, evam hi me bhante ayam bhagavati dhammanvayo hotiti dipeti.
Eseva nayo sabbattha.
[369] Na viya manne cakkhum bandhanteti cakkhum abandhante viya.
Apasadikam hi disva puna olokanakiccam na hoti, tasma so cakkhum na bandhati
nama. Pasadikam disva punappunam olokanakiccam hoti, tasma so cakkhum bandhati
nama. Ime ca apasadika, tasma evamaha. Bandhukarogo noti kularogo 5-
@Footnote: 1 cha.Ma. vitutabham 2 Si.,ka. panakotim jivitamariyadam
@3 cha.Ma. ajivitapariyantanti 4 Si. ka. na panakotikam
@5 Ma. bandhukaroginoti kularoga
---------------------------------------------------------------------------------------------
page256.
Amhakam kule jata evarupa hontiti vadanti. Ularanti mahesakkham. Pubbenaparanti
pubbato aparam visesam. Tattha ca 1- kasinaparikammam katva samapattim nibbattento
ularam pubbe 2- visesam sanjanati nama, samapattim padatthanam katva vipassanam
vaddhetva arahattam ganhanto ularam pubabato aparam visesam sanjanati nama.
[370] Ghatetayam va ghatetunti ghatetabbayuttakam ghatetum. Japetayam
va japetunti dhanena va japetabbayuttakam japetum janitum adhanam katum.
Pabbajetayam va pabbajetunti ratthato va pabbajetabbayuttakam pabbajetum.
[373] Isidattapuranati 3- isidatto ca purano ca. Tesu eko
brahmacari, eko sadarasantuttho. Mamabhattati mama santakam bhattam etesanti
mamabhatta. Mamayanati mama santakam yanam etesanti mamayana. Jivitam 4- datati
jivitavuttim data. Vimamsamanoti upaparikkhamano.
Tada kira raja niddam anokkantova okkanto viya hutva nipajji.
Atha te thapatayo "katarasmim disabhage bhagava"ti pucchitva "asukasmim nama"ti
sutva mantayimsu "yena sammasambuddho, tena sise kate raja padato hoti.
Yena raja, tena sise kate sattha padato hoti, kim karissama"ti. Tato
nesam etadahosi "raja kuppamano yam amhakam deti, tam acchindeyya. Na kho
pana mayam sakkoma janamana sattharam padato katun"ti rajanam padato katva
nipajjimsu. Tam sandhaya ayam raja evamaha.
[374] Pakkamiti gandhakutito nikkhamitva karayanassa thitatthanam gato,
tam tattha adisva khandhavaratthanam gato, tatthapi annam adisva tam itthim
pucchi. Sa sabbam pavuttim acikkhi. Raja "na idani maya ekakena tattha
gantabbam, rajagaham gantva bhagineyyena saddhim agantva mayham rajjam
ganhissami"ti rajagaham gacchanto antaramagge kanajakabhattanceva bhunji,
bahalaudakanca pivi. Tassa sukhumalapakatikassa aharo na sammaparinami so rajagaham
@Footnote: 1 cha.Ma. ca-saddo na dissati 2 Ma. pubbena
@3 Ma.,ka. isidantapuranati 4 cha. jivikaya
---------------------------------------------------------------------------------------------
page257.
Papunantopi vikale dvaresu pihitesu papuni. "ajja salayam sayitva sve
mayham bhagineyyam passissami"ti bahinagare salaya nipajji. Tassa rattibhage
utthanani pavattimsu, katipayavare bahi nikkhami. Tato patthaya padasa gantum
asakkonto tassa itthiya anke nipajjitva balavapaccuse kalamakasi. Sa
tassa matabhavam natva "dvisu ratthesu 1- rajjam karetva idani parassa bahinagare
anathasalaya anathakalakiriyam katva nipanno mayham sami kosalaraja"tiadini
vadamana uccasaddena paridevitum arabhi. Manussa sutva ranno arocesum.
Raja agantva disva sanjanitva agatakaranam natva mahapariharena
sarirakiccam karitva "vidudabham ganhissami"ti bherincarapetva 2- balakayam
sannipatesi. Amacca padesu nipatitva "sace deva tumhakam matulo arogo
assa, tumhakam gantum yuttam bhaveyya, idani pana vidudabhopi tumhe nissaya
chattam ussapetum arahatiyeva"ti sannapetva nivaresum.
Dhammacetiyaniti dhammassa cittikaravacanani. Tisu hi ratanesu yattha katthaci
cittikare kate sabbattha katoyeva hoti, tasma bhagavati cittikare kate dhammopi
katova hotiti bhagava "dhammacetiyani"ti aha. Adibrahmacariyakaniti
maggabrahmacariyassa adibhutani, pubbabhagapatipattibhutaniti attho. Sesam sabbattha
uttanamevati.
Papancasudaniya majjhimanikayatthakathaya
dhammacetiyasuttavannana nitthita.
-------------
@Footnote: 1 cha.Ma. rajjesu 2 cha.Ma. bherim carapetva
The Pali Atthakatha in Roman Book 9 page 252-257.
http://84000.org/tipitaka/atthapali/read_rm.php?B=9&A=6357&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=9&A=6357&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=13&i=559
เนื้อความพระไตรปิฎกฉบับหลวง :-
http://84000.org/tipitaka/read/r.php?B=13&A=8789
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=13&A=10362
The Pali Tipitaka in Roman Character :-
http://84000.org/tipitaka/read/roman_read.php?B=13&A=10362
Contents of The Tipitaka Volume 13
http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]