บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๖๐๙} เตน สมเยนาติ อูนปญฺจพนฺธนสิกฺขาปทํ ฯ ตตฺถ น ยาเปตีติ โส กิร ยทิ อริยสาวโก นาภวิสฺส อญฺถตฺตํปิ อคมิสฺส เอวํ เตหิ อุพฺพาฬฺโห ฯ โสตาปนฺนตฺตา ปน เกวลํ สรีเรเนว น ยาเปติ ฯ เตน วุตฺตํ อตฺตนาปิ น ยาเปติ ปุตฺตทาราปิสฺส กิลมนฺตีติ ฯ {๖๑๒-๖๑๓} อูนปญฺจพนฺธเนนาติ เอตฺถ อูนานิ ปญฺจ พนฺธนานิ อสฺสาติ อูนปญฺจพนฺธโน ฯ นาสฺส ปญฺจ พนฺธนานิ ปูเรนฺตีติ อตฺโถ ฯ เตน อูนปญฺจพนฺธเนน ฯ อิตฺถมฺภูตสฺส ลกฺขเณ กรณวจนํ ฯ ตตฺถ ยสฺมา อพนฺธนสฺสาปิ ปญฺจ พนฺธนานิ น ปูเรนฺติ สพฺพโส นตฺถิตาย ตสฺมา ปทภาชเน อพนฺธโน วาติ อาทิ วุตฺตํ ฯ อูนปญฺจพนฺธเนนาติ จ วุตฺตตฺตา ยสฺส ปญฺจพนฺธโน ปตฺโต โหติ ตสฺส โส อปตฺโต ตสฺมา อญฺ วิญฺาเปตุํ วฏฺฏติ ฯ พนฺธนญฺจ นาเมตํ ยสฺมา พนฺธโนกาเส สติ โหติ อสฺติ น โหติ ตสฺมา ตสฺส ลกฺขณํ ทสฺเสตุํ อพนฺธโนกาโส นามาติ อาทิ วุตฺตํ ฯ ทฺวงฺคุลราชิ น โหตีติ มุขวฏฺฏิโต เหฏฺา ทฺวงฺคุลปฺปมาณา เอกาปิ ราชิ น โหติ ฯ ยสฺส ทฺวงฺคุลราชิ โหตีติ ยสฺส ปน ตาทิสา เอกา ราชิ โหติ โส ตสฺสา ราชิยา เหฏฺิมปริยนฺเต ปตฺตเวธเกน วิชฺฌิตฺวา ปจิตฺวา สุตฺตรชฺชุกมกจิรชฺชุกาทีหิ วา ติปุสุตฺตเกน วา พนฺธิตพฺโพ ฯ ตํ พนฺธน อามิสสฺส อลคฺคนตฺถํ ติปุปฏฺฏเกน วา เกนจิ พนฺธสิเลเสน วา ปฏิจฺฉาเทตพฺพํ ฯ โส จ ปตฺโต อธิฏฺหิตฺวา ปริภุญฺชิตพฺโพ ฯ สุขุมํ วา ฉิทฺทํ กตฺวา พนฺธิตพฺโพ ฯ สุทฺเธหิ ปน มธุสิฏฺกลาขาสชฺชุลสาทีหิ พนฺธิตุํ น วฏฺฏติ ฯ ผาณิตํ ฌาเปตฺวา ปาสาณจุณฺเณน พนฺธิตุํ วฏฺฏติ ฯ มุขวฏฺฏิสมีเป ปน ปตฺตเวธเกน วิชฺฌิยมาโน กปาลสฺส พหลตฺตา ภิชฺชติ ตสฺมา เหฏฺา วิชฺฌิตพฺโพ ฯ ยสฺส ปน เทฺว ราชิโย เอกาเยว วา จตุรงฺคุลา ตสฺส เทฺว พนฺธนานิ ทาตพฺพานิ ฯ ยสฺส ติสฺโส เอกาเยว วา ฉฬงฺคุลา ตสฺส ตีณิ ฯ ยสฺส จตสฺโส เอกาเยว วา อฏฺงฺคุลา ตสฺส จตฺตาริ ฯ ยสฺส ปญฺจ เอกาเยว วา ทสงฺคุลา โส พนฺโธปิ อพนฺโธปิ อปตฺโตเยว อญฺโ วิญฺาเปตพฺโพ ฯ เอส ตาว มตฺติกาปตฺเต วินิจฺฉโย ฯ อโยปตฺเต ปน สเจปิ ปญฺจ วา อติเรกานิ วา ฉิทฺทานิ โหนฺติ ตานิ จ อยจุณฺเณน วา อาณิยา วา โลหมณฺฑลเกน วา พทฺธานิ มฏฺานิ โหนฺติ เสฺวว ปตฺโต ปริภุญฺชิตพฺโพ อญฺโ น วิญฺาเปตพฺโพ ฯ อถ ปน เอกํปิ ฉิทฺทํ มหนฺตํ โหติ โลหมณฺฑลเกน พทฺธํปิ มฏฺ น โหติ ปตฺเต อามิสํ ลคฺคติ อกปฺปิโย โหติ อยํ อปตฺโต อญฺโ วิญฺาเปตพฺโพ ฯ {๖๑๕} เถโร วตฺตพฺโพติ ปตฺเต อานิสํสํ ทสฺเสตฺวา อยํ ภนฺเต ปตฺโต ปมาณยุตฺโต สุนฺทโร เถรานุรูโป ตํ คณฺหาถาติ วตฺตพฺโพ ฯ โย น คณฺเหยฺยาติ อนุกมฺปาย อคณฺหนฺตสฺส ทุกฺกฏํ ฯ โย ปน สนฺตุฏฺิยา กึ เม อญฺเน ปตฺเตนาติ น คณฺหาติ ตสฺส อนาปตฺติ ฯ ปตฺตปริยนฺโตติ เอวํ ปริวตฺเตตฺวา ปริยนฺเต ิตปตฺโต ฯ อเทเสติ มญฺจปีจฺฉตฺตนาค- ทนฺตกาทิเก อเทเส น นิกฺขิปิตพฺโพ ฯ ยตฺถ ปุริมํ สุนฺทรํ ปตฺตํ เปติ ตตฺเถว เปตพฺโพ ฯ ปตฺตสฺส หิ นิกฺขิปนเทโส อนุชานามิ ภิกฺขเว อาธารกนฺติ ๑- อาทินา นเยน ขนฺธเก วุตฺโตเยว ฯ น อโภเคนาติ ยาคุรนฺธนรชนปจนาทินา อโภเคน น ภุญฺชิตพฺโพ ฯ อนฺตรามคฺเค ปน พฺยาธิมฺหิ อุปฺปนฺเน อญฺสฺมึ ภาชเน อสติ มตฺติกาย ลิมฺปิตฺวา ยาคุํ วา ปจิตุํ อุทกํ วา ตาเปตุํ วฏฺฏติ ฯ น วิสฺสชฺเชตพฺโพติ อญฺสฺส น ทาตพฺโพ ฯ สเจ ปน สทฺธิวิหาริโก วา อนฺเตวาสิโก วา อญฺ วรปตฺตํ เปตฺวา อยํ มยฺหํ สารุปฺโป อยํ เถรสฺสาติ คณฺหาติ วฏฺฏติ ฯ อญฺโ วา ตํ คเหตฺวา อตฺตโน ปตฺตํ เทติ วฏฺฏติ ฯ มยฺหเมว ปตฺตํ อาหราติ วตฺตพฺพกิจฺจํ นตฺถิ ฯ {๖๑๗} ปวาริตานนฺติ เอตฺถ จ สงฺฆวเสน ปวาริตฏฺาเน ปญฺจพนฺธเนเนว วฏฺฏติ ปุคฺคลวเสน ปวาริตฏฺาเน อูนปญฺจพนฺธเนนาปิ @เชิงอรรถ: ๑. วิ. จุลฺลวคฺค. ๗/๑๙. ปาลิยเมว ปตฺตาธารกนฺติ ทิสฺสติ. วฏฺฏตีติ กุรุนฺทิยํ วุตฺตํ ฯ เสสเมตฺถ อุตฺตานตฺถเมว ฯ ฉสฺสมุฏฺานํ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ อูนปญฺจพนฺธนสิกฺขาปทํ ฯอรรถกถาภาษาบาลีอักษรไทย เล่มที่ ๒ หน้า ๒๔๘-๒๕๑. http://84000.org/tipitaka/atthapali/read_th.php?B=2&A=5220&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=5220&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=2&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=3081 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=1871 The Pali Tipitaka in Roman Character :- http://84000.org/tipitaka/read/roman_read.php?B=2&A=1871 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]