AtthaPali Vol.16

4. Dutiyaaggisuttavaṇṇanā [47] Catutthe uggatasarīrassāti so kira brāhmaṇamahāsālo atta- bhāvenapi bhogehipi uggato sārappatto ahosi, tasmā uggatasarīrotveva paññāyittha. Upakkhaṭoti ^2- paccupaṭṭhito. Thūṇūpanītānīti yūpasaṅkhātaṃ thūṇaṃ upanītāni. Yaññatthāyāti vadhitvā yajanatthāya. Upasaṅkamīti so kira sabbantaṃ yaññasambhāraṃ sajjetvā cintesi "samaṇo kira gotamo mahāpañño, kiṃ nu kho me yaññassa vaṇṇaṃ kathessati udāhu avaṇṇaṃ, pucchitvā jānissāmī"ti iminā kāraṇena yena bhagavā tenupasaṅkami. Aggissa ādānanti ^3- yaññassa yajanatthāya navassa maṅgalaggino ādiyanaṃ. Sabbena sabbanti sabbena sutena sabbaṃ sutaṃ sameti saṃsandati, ekasadisaṃ hotīti dasseti. Satthānīti vihiṃsanaṭṭhena satthāni viyāti satthāni. Sayaṃ paṭhamaṃ samārabhatīti ^4- attanāva paṭhamataraṃ ārabhati. Haññantūti hanantu. ^5- @Footnote: ¹ cha.Ma. ayaṃ saddo na dissati ² Sī. upakaṭṭhoti ³ ka. ādhānanti @⁴ cha.Ma. samārambhatīti ⁵ cha.Ma. hantunti hanituṃ

--------------------------------------------------------------------------------------------- page184.

Parihātabbāti ^1- pariharitabbā. Ito hayanti ito ^2- hi mātāpitito ayaṃ. Āhutoti āgato. Sambhūtoti uppanno. Ayaṃ vuccati brāhmaṇa gahapataggīti ayaṃ puttadārādigaṇo yasmā gahapati viya gehasāmiko viya hutvā aggati vicarati, tasmā gahapataggīti vuccati. Attānanti cittaṃ. Damentīti indriyadamanena damenti. Samentīti rāgādisamanena samenti. Tesaññeva parinibbāpanena parinibbāpenti. Nikkhipitabboti yathā na vinassati, evaṃ ṭhapetabbo. Upavāyatanti upavāyatu. Evañca pana vatvā brāhmaṇo sabbesaṃpi tesaṃ pāṇānaṃ jīvitaṃ datvā yaññasālaṃ viddhaṃsetvā satthusāsane opānabhūto ahosīti.

The Pali Atthakatha in Roman Book 16 page 183-184. http://84000.org/tipitaka/atthapali/rm_line.php?B=16&A=4082&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4082&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=23&i=44 เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=980 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=892 The Pali Tipitaka in Roman Character :- http://84000.org/tipitaka/read/roman_read.php?B=23&A=892 Contents of The Tipitaka Volume 22 http://84000.org/tipitaka/read/?index_23