พระไตรปิฎกเล่มที่ ๓๕ ภาษาบาลี อักษรไทย
 พระอภิธรรมปิฎกเล่มที่ ๒ อภิ. วิภงฺโค

     [๖๐๐]   อิธาติ   อิมิสฺสา   ทิฏฺิยา   อิมิสฺสา  ขนฺติยา  อิมิสฺสา
รุจิยา   อิมสฺมึ   อาทาเย   อิมสฺมึ   ธมฺเม   อิมสฺมึ   วินเย   อิมสฺมึ
ธมฺมวินเย   อิมสฺมึ   ปาวจเน  อิมสฺมึ  พฺรหฺมจริเย  อิมสฺมึ  สตฺถุสาสเน
เตน วุจฺจติ อิธาติ ฯ
     [๖๐๑]   ภิกฺขูติ   สมญฺาย   ภิกฺขุ   ปฏิญฺาย   ภิกฺขุ   ภิกฺขตีติ
ภิกฺขุ   ภิกฺขโกติ   ภิกฺขุ   ภิกฺขาจริยํ   อชฺฌุปคโตติ  ภิกฺขุ  ภินฺนปฏธโรติ
ภิกฺขุ   ภินฺทติ   ปาปเก   อกุสเล   ธมฺเมติ  ภิกฺขุ  ภินฺนตฺตา  ปาปกานํ
อกุสลานํ   ธมฺมานํ   ภิกฺขุ  โอธิโส  กิเลสานํ  ปหานา  ภิกฺขุ  อโนธิโส
กิเลสานํ    ปหานา    ภิกฺขุ    เสกฺโข    ภิกฺขุ    อเสกฺโข    ภิกฺขุ
เนวเสกฺโขนาเสกฺโข   ภิกฺขุ   อคฺโค  ภิกฺขุ  ภโทฺร  ภิกฺขุ  มณฺโฑ  ภิกฺขุ
สาโร   ภิกฺขุ   สมคฺเคน   สงฺเฆน   ตฺติจตุตฺเถน   กมฺเมน  อกุปฺเปน
านารเหน อุปสมฺปนฺโนติ ภิกฺขุ ฯ
     [๖๐๒]   ปาติโมกฺขนฺติ   สีลํ   ปติฏฺา   อาทิ   จรณํ   สญฺโม
สํวโร   มุขํ  ปมุขํ  กุสลานํ  ธมฺมานํ  สมาปตฺติยา  ฯ  สํวโรติ  กายิโก
อวีติกฺกโม  วาจสิโก  อวีติกฺกโม  กายิกวาจสิโก  อวีติกฺกโม  ฯ  สํวุโตติ
อิมินา  ปาติโมกฺขสํวเรน  อุเปโต  โหติ  สมุเปโต  อุปาคโต  สมุปาคโต
อุปปนฺโน สมุปปนฺโน สมนฺนาคโต เตน วุจฺจติ ปาติโมกฺขสํวรสํวุโตติ ฯ
     [๖๐๓]   วิหรตีติ  อิริยติ  วตฺตติ  ปาเลติ  ยเปติ  ยาเปติ  จรติ
วิหรติ เตน วุจฺจติ วิหรตีติ ฯ
     [๖๐๔]   อาจารโคจรสมฺปนฺโนติ  อตฺถิ  อาจาโร อตฺถิ อนาจาโร ฯ
ตตฺถ   กตโม   อนาจาโร   กายิโก   วีติกฺกโม   วาจสิโก   วีติกฺกโม
กายิกวาจสิโก   วีติกฺกโม   อยํ   วุจฺจติ   อนาจาโร  สพฺพมฺปิ  ทุสฺสีลฺยํ
อนาจาโร   อิเธกจฺโจ  เวฬุทาเนน  วา  ปตฺตทาเนน  วา  ปุปฺผทาเนน
วา  ผลทาเนน  วา  สินานทาเนน  วา ทนฺตกฏฺทาเนน วา ปาตุกมฺยตาย
วา    มุคฺคสูปตาย    วา   ปาริภฏฺยตาย   วา   ชงฺฆเปสนิเกน   วา
อญฺตรญฺตเรน    พุทฺธปฏิกุฏฺเน    มิจฺฉาอาชีเวน    ชีวิตํ    กปฺเปติ
อยํ  วุจฺจติ  อนาจาโร  ฯ  ตตฺถ  กตโม  อาจาโร  กายิโก  อวีติกฺกโม
วาจสิโก    อวีติกฺกโม    กายิกวาจสิโก    อวีติกฺกโม    อยํ   วุจฺจติ
อาจาโร   สพฺโพปิ   สีลสํวโร   อาจาโร   อิเธกจฺโจ  น  เวฬุทาเนน
น   ปตฺตทาเนน   น  ปุปฺผทาเนน  น  ผลทาเนน  น  สินานทาเนน  น
ทนฺตกฏฺทาเนน   น   ปาตุกมฺยตาย   น  มุคฺคสูปตาย  น  ปาริภฏฺยตาย
น      ชงฺฆเปสนิเกน      น     อญฺตรญฺตเรน     พุทฺธปฏิกุฏฺเน
มิจฺฉาอาชีเวน ชีวิตํ กปฺเปติ อยํ วุจฺจติ อาจาโร ฯ
     {๖๐๔.๑}   โคจโรติ  อตฺถิ  โคจโร  อตฺถิ อโคจโร ฯ ตตฺถ กตโม
อโคจโร   อิเธกจฺโจ   เวสิยาโคจโร   วา   โหติ  วิธวาโคจโร  วา
ถุลฺลกุมารีโคจโร    วา    ปณฺฑกโคจโร    วา    ภิกฺขุนีโคจโร   วา
ปานาคารโคจโร    วา    สํสฏฺโ   วิหรติ   ราชูหิ   ราชมหามตฺเตหิ
ติตฺถิเยหิ     ติตฺถิยสาวเกหิ     อนนุโลมิเกน     คิหิสํสคฺเคน    ยานิ
วา    ปน   ตานิ   กุลานิ   อสฺสทฺธานิ   อปฺปสนฺนานิ   อโนปานภูตานิ
อกฺโกสกปริภาสกานิ     อนตฺถกามานิ     อหิตกามานิ     อผาสุกามานิ
อโยคกฺเขมกามานิ     ภิกฺขูนํ     ภิกฺขุนีนํ     อุปาสกานํ    อุปาสิกานํ
ตถารูปานิ กุลานิ เสวติ ภชติ ปยิรุปาสติ อยํ วุจฺจติ อโคจโร ฯ
     {๖๐๔.๒}   ตตฺถ  กตโม  โคจโร อิเธกจฺโจ น เวสิยาโคจโร โหติ
น  วิธวาโคจโร  น  ถุลฺลกุมารีโคจโร  น  ปณฺฑกโคจโร น ภิกฺขุนีโคจโร
น   ปานาคารโคจโร   น   สํสฏฺโ   วิหรติ   ราชูหิ  ราชมหามตฺเตหิ
ติตฺถิเยหิ   ติตฺถิยสาวเกหิ   อนนุโลมิเกน   คิหิสํสคฺเคน  ยานิ  วา  ปน
ตานิ   กุลานิ   สทฺธานิ   ปสนฺนานิ   โอปานภูตานิ   กาสาวปฺปชฺโชตานิ
อิสิวาตปฏิวาตานิ       อตฺถกามานิ       หิตกามานิ      ผาสุกามานิ
โยคกฺเขมกามานิ     ภิกฺขูนํ     ภิกฺขุนีนํ     อุปาสกานํ     อุปาสิกานํ
ตถารูปานิ      กุลานิ      เสวติ      ภชติ     ปยิรุปาสติ     อยํ
วุจฺจติ  โคจโร  ฯ  อิติ  อิมินา  จ อาจาเรน อิมินา จ โคจเรน อุเปโต
โหติ ฯเปฯ สมนฺนาคโต เตน วุจฺจติ อาจารโคจรสมฺปนฺโนติ ฯ
     [๖๐๕]   อณุมตฺเตสุ  วชฺเชสุ  ภยทสฺสาวีติ  ตตฺถ  กตเม  อณุมตฺตา
วชฺชา   ยานิ   ตานิ   วชฺชานิ   อปฺปมตฺตกานิ   โอรมตฺตกานิ  ลหุสานิ
ลหุสมฺมตานิ     สญฺมกรณียานิ     สํวรกรณียานิ     จิตฺตุปฺปาทกรณียานิ
มนสิการปฏิพทฺธานิ    อิเม    วุจฺจนฺติ    อณุมตฺตา    วชฺชา    อิเมสุ
อณุมตฺเตสุ  วชฺเชสุ  วชฺชทสฺสาวี  จ  โหติ  ภยทสฺสาวี  จ อาทีนวทสฺสาวี
จ นิสฺสรณทสฺสาวี จ เตน วุจฺจติ อณุมตฺเตสุ วชฺเชสุ ภยทสฺสาวีติ ฯ
     [๖๐๖]   สมาทาย   สิกฺขติ   สิกฺขาปเทสูติ  ตตฺถ  กตมา  สิกฺขา
จตสฺโส   สิกฺขา   ภิกฺขูนํ  ภิกฺขุสิกฺขา  ภิกฺขุนีนํ  ภิกฺขุนีสิกฺขา  อุปาสกานํ
อุปาสกสิกฺขา   อุปาสิกานํ   อุปาสิกาสิกฺขา   อิมา   วุจฺจนฺติ   สิกฺขาโย
อิมาสุ   สิกฺขาสุ   สพฺเพน   สพฺพํ   สพฺพถา   สพฺพํ   อเสสํ   นิสฺเสสํ
สมาทาย วตฺตติ เตน วุจฺจติ สมาทาย สิกฺขติ สิกฺขาปเทสูติ ฯ
     [๖๐๗]   อินฺทฺริเยสุ  คุตฺตทฺวาโรติ  อตฺถิ  อินฺทฺริเยสุ  คุตฺตทฺวารตา
อตฺถิ    อินฺทฺริเยสุ    อคุตฺตทฺวารตา   ฯ   ตตฺถ   กตมา   อินฺทฺริเยสุ
อคุตฺตทฺวารตา   อิเธกจฺโจ   จกฺขุนา   รูปํ   ทิสฺวา  นิมิตฺตคฺคาหี  โหติ
อนุพฺยญฺชนคฺคาหี     ยตฺวาธิกรณเมนํ    จกฺขุนฺทฺริยํ    อสํวุตํ    วิหรนฺตํ
อภิชฺฌาโทมนสฺสา    ปาปกา   อกุสลา   ธมฺมา   อนฺวาสฺสเวยฺยุํ   ตสฺส
สํวราย   น   ปฏิปชฺชติ   น  รกฺขติ  จกฺขุนฺทฺริยํ  จกฺขุนฺทฺริเย  น  สํวรํ
อาปชฺชติ   โสเตน   สทฺทํ   สุตฺวา   ฯเปฯ   ฆาเนน  คนฺธํ  ฆายิตฺวา
ฯเปฯ   ชิวฺหาย   รสํ   สายิตฺวา   ฯเปฯ  กาเยน  โผฏฺพฺพํ  ผุสิตฺวา
ฯเปฯ   มนสา   ธมฺมํ   วิญฺาย   นิมิตฺตคฺคาหี   โหติ  อนุพฺยญฺชนคฺคาหี
ยตฺวาธิกรณเมนํ     มนินฺทฺริยํ    อสํวุตํ    วิหรนฺตํ    อภิชฺฌาโทมนสฺสา
ปาปกา   อกุสลา   ธมฺมา  อนฺวาสฺสเวยฺยุํ  ตสฺส  สํวราย  น  ปฏิปชฺชติ
น   รกฺขติ   มนินฺทฺริยํ   มนินฺทฺริเย   น   สํวรํ  อาปชฺชติ  ยา  อิเมสํ
ฉนฺนํ   อินฺทฺริยานํ   อคุตฺติ   อโคปนา  อนารกฺโข  อสํวโร  อยํ  วุจฺจติ
อินฺทฺริเยสุ อคุตฺตทฺวารตา ฯ
     {๖๐๗.๑}   ตตฺถ   กตมา   อินฺทฺริเยสุ  คุตฺตทฺวารตา  อิเธกจฺโจ
จกฺขุนา    รูปํ    ทิสฺวา   น   นิมิตฺตคฺคาหี   โหติ   นานุพฺยญฺชนคฺคาหี
ยตฺวาธิกรณเมนํ    จกฺขุนฺทฺริยํ    อสํวุตํ    วิหรนฺตํ    อภิชฺฌาโทมนสฺสา
ปาปกา   อกุสลา   ธมฺมา   อนฺวาสฺสเวยฺยุํ   ตสฺส   สํวราย  ปฏิปชฺชติ
รกฺขติ    จกฺขุนฺทฺริยํ   จกฺขุนฺทฺริเย   สํวรํ   อาปชฺชติ   โสเตน   สทฺทํ
สุตฺวา  ฯเปฯ  ฆาเนน  คนฺธํ  ฆายิตฺวา  ฯเปฯ  ชิวฺหาย  รสํ  สายิตฺวา
ฯเปฯ   กาเยน   โผฏฺพฺพํ  ผุสิตฺวา  ฯเปฯ  มนสา  ธมฺมํ  วิญฺาย  น
นิมิตฺตคฺคาหี    โหติ    นานุพฺยญฺชนคฺคาหี    ยตฺวาธิกรณเมนํ   มนินฺทฺริยํ
อสํวุตํ    วิหรนฺตํ    อภิชฺฌาโทมนสฺสา    ปาปกา    อกุสลา    ธมฺมา
อนฺวาสฺสเวยฺยุํ   ตสฺส   สํวราย  ปฏิปชฺชติ  รกฺขติ  มนินฺทฺริยํ  มนินฺทฺริเย
สํวรํ  อาปชฺชติ  ยา  อิเมสํ  ฉนฺนํ  อินฺทฺริยานํ  คุตฺติ  โคปนา  อารกฺโข
สํวโร   อยํ   วุจฺจติ   อินฺทฺริเยสุ  คุตฺตทฺวารตา  ฯ  อิมาย  อินฺทฺริเยสุ
คุตฺตทฺวารตาย   อุเปโต   โหติ   ฯเปฯ   สมนฺนาคโต   เตน   วุจฺจติ
อินฺทฺริเยสุ คุตฺตทฺวาโรติ ฯ
     [๖๐๘]   โภชเน   มตฺตญฺูติ   อตฺถิ   โภชเน  มตฺตญฺุตา  อตฺถิ
โภชเน    อมตฺตญฺุตา    ฯ    ตตฺถ   กตมา   โภชเน   อมตฺตญฺุตา
อิเธกจฺโจ   อปฺปฏิสงฺขา   อโยนิโส  อาหารํ  อาหาเรติ  ทวาย  มทาย
มณฺฑนาย     วิภูสนาย     ยา    ตตฺถ    อสนฺตุฏฺิตา    อมตฺตญฺุตา
อปฺปฏิสงฺขา  โภชเน  อยํ  วุจฺจติ  โภชเน  อมตฺตญฺุตา  ฯ  ตตฺถ กตมา
โภชเน   มตฺตญฺุตา   อิเธกจฺโจ  ปฏิสํขา  โยนิโส  อาหารํ  อาหาเรติ
เนว  ทวาย  น  มทาย  น มณฺฑนาย น วิภูสนาย ยาวเทว อิมสฺส กายสฺส
ิติยา   ยาปนาย   วิหึสุปรติยา   พฺรหฺมจริยานุคฺคหาย   อิติ   ปุราณญฺจ
เวทนํ   ปฏิหงฺขามิ  นวญฺจ  เวทนํ  น  อุปฺปาเทสฺสามิ  ยาตฺรา  จ  เม
ภวิสฺสติ   อนวชฺชตา   จ   ผาสุ  วิหาโร  จาติ  ยา  ตตฺถ  สนฺตุฏฺิตา
มตฺตญฺุตา   ปฏิสงฺขา   โภชเน   อยํ   วุจฺจติ  โภชเน  มตฺตญฺุตา  ฯ
อิมาย   โภชเน   มตฺตญฺุตาย   อุเปโต   โหติ   ฯเปฯ   สมนฺนาคโต
เตน วุจฺจติ โภชเน มตฺตญฺูติ ฯ
     [๖๐๙]   กถญฺจ   ภิกฺขุ  ปุพฺพรตฺตาปรรตฺตํ  ชาคริยานุโยคมนุยุตฺโต
โหติ   อิธ   ภิกฺขุ   ทิวสํ   จงฺกเมน   นิสชฺชาย  อาวรณิเยหิ  ธมฺเมหิ
จิตฺตํ  ปริโสเธติ  รตฺติยา  ปมํ  ยามํ  จงฺกเมน  นิสชฺชาย  อาวรณิเยหิ
ธมฺเมหิ   จิตฺตํ   ปริโสเธติ   รตฺติยา  มชฺฌิมํ  ยามํ  ทกฺขิเณน  ปสฺเสน
สีหเสยฺยํ    กปฺเปติ   ปาเทน   ปาทํ   อจฺจาธาย   สโต   สมฺปชาโน
อุฏฺานสญฺ    มนสิกริตฺวา    รตฺติยา    ปจฺฉิมํ    ยามํ    ปจฺจุฏฺาย
จงฺกเมน   นิสชฺชาย   อาวรณิเยหิ   ธมฺเมหิ   จิตฺตํ   ปริโสเธติ  เอวํ
ภิกฺขุ ปุพฺพรตฺตาปรรตฺตํ ชาคริยานุโยคมนุยุตฺโต โหติ ฯ
     [๖๑๐]   สาตจฺจนฺติ โย เจตสิโก วิริยารมฺโภ ฯเปฯ สมฺมาวายาโม ฯ
เนปกฺกนฺติ      ยา     ปญฺา     ปชานนา     ฯเปฯ     อโมโห
ธมฺมวิจโย สมฺมาทิฏฺิ ฯ
     [๖๑๑]   โพธิปกฺขิกานํ   ธมฺมานํ   ภาวนานุโยคมนุยุตฺโตติ   ตตฺถ
กตเม    โพธิปกฺขิกา    ธมฺมา    สตฺต   โพชฺฌงฺคา   สติสมฺโพชฺฌงฺโค
ธมฺมวิจยสมฺโพชฺฌงฺโค         วิริยสมฺโพชฺฌงฺโค        ปีติสมฺโพชฺฌงฺโค
ปสฺสทฺธิสมฺโพชฺฌงฺโค       สมาธิสมฺโพชฺฌงฺโค      อุเปกฺขาสมฺโพชฺฌงฺโค
อิเม  วุจฺจนฺติ  โพธิปกฺขิกา  ธมฺมา  อิเม  โพธิปกฺขิเก  ธมฺเม  อาเสวติ
ภาเวติ     พหุลีกโรติ     เตน    วุจฺจติ    โพธิปกฺขิกานํ    ธมฺมานํ
ภาวนานุโยคมนุยุตฺโตติ ฯ
     [๖๑๒]   กถญฺจ  ภิกฺขุ  อภิกฺกนฺเต  ปฏิกฺกนฺเต  สมฺปชานการี  โหติ
อาโลกิเต    วิโลกิเต    สมฺปชานการี   โหติ   สมฺมิญฺชิเต   ปสาริเต
สมฺปชานการี    โหติ    สงฺฆาฏิปตฺตจีวรธารเณ    สมฺปชานการี   โหติ
อสิเต  ปีเต  ขายิเต  สายิเต  สมฺปชานการี  โหติ  อุจฺจารปสฺสาวกมฺเม
สมฺปชานการี   โหติ   คเต   ิเต  นิสินฺเน  สุตฺเต  ชาคริเต  ภาสิเต
ตุณฺหีภาเว  สมฺปชานการี  โหติ  ฯ  อิธ  ภิกฺขุ  สโต สมฺปชาโน อภิกฺกมติ
สโต    สมฺปชาโน   ปฏิกฺกมติ   สโต   สมฺปชาโน   อาโลเกติ   สโต
สมฺปชาโน   วิโลเกติ   สโต   สมฺปชาโน  สมฺมิญฺเชติ  สโต  สมฺปชาโน
ปสาเรติ     สโต     สมฺปชานการี    โหติ    สงฺฆาฏิปตฺตจีวรธารเณ
สโต   สมฺปชานการี   โหติ   อสิเต   ปีเต   ขายิเต   สายิเต  สโต
สมฺปชานการี   โหติ   อุจฺจารปสฺสาวกมฺเม   สโต   สมฺปชานการี  โหติ
คเต ิเต นิสินฺเน สุตฺเต ชาคริเต ภาสิเต ตุณฺหีภาเว ฯ
     {๖๑๒.๑}   สโตติ  ตตฺถ  กตมา  สติ  ยา  สติ  อนุสฺสติ  ปฏิสฺสติ
สติ   สรณตา   ธารณตา   อปิลาปนตา   อสมฺมุสนตา   สติ   สตินฺทฺริยํ
สติพลํ   สมฺมาสติ   อยํ   วุจฺจติ   สติ   ฯ   สมฺปชาโนติ  ตตฺถ  กตมํ
สมฺปชญฺ    ยา    ปญฺา    ปชานนา   วิจโย   ปวิจโย   ธมฺมวิจโย
สลฺลกฺขณา      อุปลกฺขณา      ปจฺจุปลกฺขณา     ปณฺฑิจฺจํ     โกสลฺลํ
เนปุญฺ    เวภพฺยา    จินฺตา   อุปปริกฺขา   ภูรี   เมธา   ปริณายิกา
วิปสฺสนา     สมฺปชญฺ    ปโตโท    ปญฺา    ปญฺินฺทฺริยํ    ปญฺาพลํ
ปญฺาสตฺถํ      ปญฺาปาสาโท      ปญฺาอาโลโก      ปญฺาโอภาโส
ปญฺาปชฺโชโต    ปญฺารตนํ    อโมโห   ธมฺมวิจโย   สมฺมาทิฏฺิ   อิทํ
วุจฺจติ   สมฺปชญฺ   ฯ  อิติ  อิมาย  จ  สติยา  อิมินา  จ  สมฺปชญฺเน
อุเปโต โหติ ฯเปฯ สมนฺนาคโต ฯ
     {๖๑๒.๒}   เอวํ  ภิกฺขุ  สโต  สมฺปชาโน อภิกฺกมติ สโต สมฺปชาโน
ปฏิกฺกมติ   สโต   สมฺปชาโน   อาโลเกติ   สโต  สมฺปชาโน  วิโลเกติ
สโต    สมฺปชาโน   สมฺมิญฺเชติ   สโต   สมฺปชาโน   ปสาเรติ   สโต
สมฺปชานการี    โหติ    สงฺฆาฏิปตฺตจีวรธารเณ    สโต   สมฺปชานการี
โหติ  อสิเต  ปีเต  ขายิเต  สายิเต  สโต  สมฺปชานการี โหติ อุจฺจาร-
ปสฺสาวกมฺเม   สโต  สมฺปชานการี  โหติ  คเต  ิเต  นิสินฺเน  สุตฺเต
ชาคริเต ภาสิเต ตุณฺหีภาเว ฯ
     [๖๑๓]   วิวิตฺตนฺติ   สนฺติเก   เจปิ   เสนาสนํ   โหติ   ตญฺจ
อนากิณฺณํ  คหฏฺเหิ  ปพฺพชิเตหิ  เตน  ตํ  วิวิตฺตํ  ฯ ทูเร เจปิ เสนาสนํ
โหติ ตญฺจ อนากิณฺณํ คหฏฺเหิ ปพฺพชิเตหิ เตน ตํ วิวิตฺตํ ฯ
     [๖๑๔]   เสนาสนนฺติ   มญฺโจปิ  เสนาสนํ  ปีปิ  เสนาสนํ  ภิสิปิ
เสนาสนํ    พิมฺโพหนํปิ   เสนาสนํ   วิหาโรปิ   เสนาสนํ   อฑฺฒโยโคปิ
เสนาสนํ   ปาสาโทปิ   เสนาสนํ  อฏฺโฏปิ  เสนาสนํ  มาโลปิ  เสนาสนํ
เลนํปิ   เสนาสนํ   คุหาปิ   เสนาสนํ  รุกฺขมูลํปิ  เสนาสนํ  เวฬุคุมฺโพปิ
เสนาสนํ ยตฺถ วา ปน ภิกฺขู ปฏิกฺกมนฺติ สพฺพเมตํ เสนาสนํ ฯ
     [๖๑๕]   ภชตีติ   อิมํ   วิวิตฺตํ  เสนาสนํ  ภชติ  สมฺภชติ  เสวติ
นิเสวติ สํเสวติ เตน วุจฺจติ ภชตีติ ฯ
     [๖๑๖]   อรญฺนฺติ นิกฺขมิตฺวา พหิอินฺทขีลา สพฺพเมตํ อรญฺ ฯ
     [๖๑๗]   รุกฺขมูลนฺติ  รุกฺขมูลํเยว  รุกฺขมูลํ ฯ ปพฺพโตเยว ปพฺพโต ฯ
กนฺทราเยว  กนฺทรา  ฯ  คิริคุหาเยว  คิริคุหา  ฯ  สุสานํเยว  สุสานํ ฯ
อพฺโภกาโสเยว อพฺโภกาโส ฯ ปลาลปุญฺโชเยว ปลาลปุญฺโช ฯ
     [๖๑๘]   วนปตฺถนฺติ  ทูรานเมตํ  เสนาสนานํ  อธิวจนํ ฯ วนปตฺถนฺติ
วนสณฺฑานเมตํ   เสนาสนานํ   อธิวจนํ   ฯ   วนปตฺถนฺติ   ภึสนกานเมตํ
เสนาสนานํ   อธิวจนํ   ฯ   วนปตฺถนฺติ   สโลมหํสานเมตํ   เสนาสนานํ
อธิวจนํ   ฯ   วนปตฺถนฺติ   ปริยนฺตานเมตํ   เสนาสนานํ   อธิวจนํ   ฯ
วนปตฺถนฺติ   น  มนุสฺสุปจารานเมตํ  เสนาสนานํ  อธิวจนํ  ฯ  วนปตฺถนฺติ
ทุรภิสมฺภวานเมตํ เสนาสนานํ อธิวจนํ ฯ
     [๖๑๙]   อปฺปสทฺทนฺติ   สนฺติเก   เจปิ   เสนาสนํ   โหติ  ตญฺจ
อนากิณฺณํ   คหฏฺเหิ   ปพฺพชิเตหิ   เตน  ตํ  อปฺปสทฺทํ  ฯ  ทูเร  เจปิ
เสนาสนํ   โหติ   ตญฺจ   อนากิณฺณํ   คหฏฺเหิ   ปพฺพชิเตหิ   เตน  ตํ
อปฺปสทฺทํ ฯ
     [๖๒๐]   อปฺปนิคฺโฆสนฺติ  ยเทว  ตํ  อปฺปสทฺทํ ตเทว ตํ อปฺปนิคฺโฆสํ
ยเทว  ตํ  อปฺปนิคฺโฆสํ  ตเทว  ตํ  วิชนวาตํ  ยเทว  ตํ วิชนวาตํ ตเทว
ตํ    มนุสฺสราหเสยฺยกํ    ยเทว   ตํ   มนุสฺสราหเสยฺยกํ   ตเทว   ตํ
ปฏิสลฺลานสารูปํ ฯ
     [๖๒๑]   อรญฺคโต  วา  รุกฺขมูลคโต  วา  สุญฺาคารคโต  วาติ
อรญฺคโต วา โหติ รุกฺขมูลคโต วา สุญฺาคารคโต วา ฯ
     [๖๒๒]   นิสีทติ   ปลฺลงฺกํ   อาภุชิตฺวาติ  นิสินฺโน  โหติ  ปลฺลงฺกํ
อาภุชิตฺวา ฯ
     [๖๒๓]   อุชุํ กายํ ปณิธายาติ อุชุโก โหติ กาโย ิโต ปณิหิโต ฯ
     [๖๒๔]   ปริมุขํ  สตึ  อุปฏฺเปตฺวาติ  ตตฺถ  กตมา  สติ  ยา  สติ
อนุสฺสติ   ฯเปฯ   สมฺมาสติ   อยํ   วุจฺจติ   สติ   อยํ  สติ  อุปฏฺิตา
โหติ   สุปฏฺิตา  นาสิกคฺเค  วา  มุขนิมิตฺเต  วา  เตน  วุจฺจติ  ปริมุขํ
สตึ อุปฏฺเปตฺวาติ ฯ
     [๖๒๕]   อภิชฺฌํ   โลเก   ปหายาติ  ตตฺถ  กตมา  อภิชฺฌา  โย
ราโค   สาราโค   ฯเปฯ  จิตฺตสฺส  สาราโค  อยํ  วุจฺจติ  อภิชฺฌา  ฯ
ตตฺถ  กตโม  โลโก  ปญฺจุปาทานกฺขนฺธา  โลโก  อยํ  วุจฺจติ  โลโก  ฯ
อยํ  อภิชฺฌา  อิมมฺหิ  โลเก  สนฺตา  โหติ  สมิตา  วูปสนฺตา  อตฺถงฺคตา
อพฺภตฺถงฺคตา    อปฺปิตา    พฺยปฺปิตา   โสสิตา   วิโสสิตา   พฺยนฺตีกตา
เตน วุจฺจติ อภิชฺฌํ โลเก ปหายาติ ฯ
     [๖๒๖]   วิคตาภิชฺเฌน   เจตสาติ   ตตฺถ  กตมํ  จิตฺตํ  ยํ  จิตฺตํ
มโน   มานสํ   ฯเปฯ   ตชฺชา   มโนวิญฺาณธาตุ   อิทํ   วุจฺจติ  จิตฺตํ
อิทํ จิตฺตํ วิคตาภิชฺฌํ โหติ เตน วุจฺจติ วิคตาภิชฺเฌน เจตสาติ ฯ
     [๖๒๗]   วิหรตีติ  อิริยติ  วตฺตติ  ปาเลติ  ยเปติ  ยาเปติ  จรติ
วิหรติ เตน วุจฺจติ วิหรตีติ ฯ
     [๖๒๘]   อภิชฺฌาย   จิตฺตํ   ปริโสเธตีติ   ตตฺถ  กตมา  อภิชฺฌา
โย  ราโค  สาราโค  ฯเปฯ  จิตฺตสฺส  สาราโค  อยํ  วุจฺจติ อภิชฺฌา ฯ
ตตฺถ  กตมํ  จิตฺตํ   ยํ  จิตฺตํ  มโน  มานสํ ฯเปฯ ตชฺชา มโนวิญฺาณธาตุ
อิทํ   วุจฺจติ  จิตฺตํ  ฯ  อิทํ  จิตฺตํ  อิมาย  อภิชฺฌาย  โสเธติ  วิโสเธติ
ปริโสเธติ  โมเจติ  วิโมเจติ  ปริโมเจติ  เตน  วุจฺจติ  อภิชฺฌาย  จิตฺตํ
ปริโสเธตีติ ฯ
     [๖๒๙]   พฺยาปาทปโทสํ   ปหายาติ   อตฺถิ   พฺยาปาโท   อตฺถิ
ปโทโส  ฯ  ตตฺถ  กตโม  พฺยาปาโท  โย  จิตฺตสฺส  อาฆาโต  ปฏิฆาโต
ปฏิฆํ  ปฏิวิโรโธ  โกโป  ปโกโป  สมฺปโกโป  โทโส  ปโทโส สมฺปโทโส
จิตฺตสฺส     พฺยาปตฺติ    มโนปโทโส    โกโธ    กุชฺฌนา    กุชฺฌิตตฺตํ
โทโส    ทูสนา    ทูสิตตฺตํ    พฺยาปตฺติ    พฺยาปชฺชนา   พฺยาปชฺชิตตฺตํ
วิโรโธ    ปฏิวิโรโธ    จณฺฑิกฺกํ    อสฺสุโรโป   อนตฺตมนตา   จิตฺตสฺส
อยํ   วุจฺจติ   พฺยาปาโท   ฯ   ตตฺถ  กตโม  ปโทโส  โย  พฺยาปาโท
โส  ปโทโส  โย  ปโทโส  โส  พฺยาปาโท  ฯ  อิติ  อยญฺจ  พฺยาปาโท
อยญฺจ    ปโทโส    สนฺตา    โหนฺติ   สมิตา   วูปสนฺตา   อตฺถงฺคตา
อพฺภตฺถงฺคตา    อปฺปิตา    พฺยปฺปิตา   โสสิตา   วิโสสิตา   พฺยนฺตีกตา
เตน วุจฺจติ พฺยาปาทปโทสํ ปหายาติ ฯ
     [๖๓๐]   อพฺยาปนฺนจิตฺโตติ    ตตฺถ   กตมํ   จิตฺตํ   ยํ   จิตฺตํ
มโน   มานสํ   ฯเปฯ   ตชฺชา   มโนวิญฺาณธาตุ   อิทํ   วุจฺจติ  จิตฺตํ
อิทํ จิตฺตํ อพฺยาปนฺนํ โหติ เตน วุจฺจติ อพฺยาปนฺนจิตฺโตติ ฯ
     [๖๓๑]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๓๒]   พฺยาปาทปโทสา   จิตฺตํ   ปริโสเธตีติ  อตฺถิ  พฺยาปาโท
อตฺถิ   ปโทโส   ฯ   ตตฺถ  กตโม  พฺยาปาโท  โย  จิตฺตสฺส  อาฆาโต
ปฏิฆาโต    ปฏิฆํ   ปฏิวิโรโธ   โกโป   ปโกโป   สมฺปโกโป   โทโส
ปโทโส    สมฺปโทโส    จิตฺตสฺส    พฺยาปตฺติ    มโนปโทโส    โกโธ
กุชฺฌนา   กุชฺฌิตตฺตํ   โทโส   ทูสนา   ทูสิตตฺตํ   พฺยาปตฺติ  พฺยาปชฺชนา
พฺยาปชฺชิตตฺตํ   วิโรโธ   ปฏิวิโรโธ   จณฺฑิกฺกํ   อสฺสุโรโป  อนตฺตมนตา
จิตฺตสฺส   อยํ   วุจฺจติ   พฺยาปาโท   ฯ   ตตฺถ   กตโม  ปโทโส  โย
พฺยาปาโท   โส   ปโทโส   โย   ปโทโส   โส  พฺยาปาโท  ฯ  ตตฺถ
กตมํ   จิตฺตํ   ยํ   จิตฺตํ  มโน  มานสํ  ฯเปฯ  ตชฺชา  มโนวิญฺาณธาตุ
อิทํ   วุจฺจติ   จิตฺตํ   ฯ  อิทํ  จิตฺตํ  อิมมฺหา  พฺยาปาทปโทสา  โสเธติ
วิโสเธติ   ปริโสเธติ   โมเจติ   วิโมเจติ   ปริโมเจติ   เตน  วุจฺจติ
พฺยาปาทปโทสา จิตฺตํ ปริโสเธตีติ ฯ
     [๖๓๓]   ถีนมิทฺธํ   ปหายาติ   อตฺถิ  ถีนํ  อตฺถิ  มิทฺธํ  ฯ  ตตฺถ
กตมํ   ถีนํ   ยา   จิตฺตสฺส  อกลฺยตา  อกมฺมญฺตา  โอลียนา  สลฺลียนา
ลีนํ   ลียนา   ลียิตตฺตํ   ถีนํ   ถียนา   ถียิตตฺตํ   จิตฺตสฺส  อิทํ  วุจฺจติ
ถีนํ   ฯ   ตตฺถ   กตมํ   มิทฺธํ   ยา   กายสฺส  อกลฺยตา  อกมฺมญฺตา
โอนาโห    ปริโยนาโห   อนฺโตสโมโรโธ   มิทฺธํ   โสปฺปํ   ปจลายิกา
โสปฺปํ   สุปนา   สุปิตตฺตํ   อิทํ   วุจฺจติ   มิทฺธํ   ฯ  อิติ  อิทญฺจ  ถีนํ
อิทญฺจ    มิทฺธํ    สนฺตา    โหนฺติ    สมิตา    วูปสนฺตา   อตฺถงฺคตา
อพฺภตฺถงฺคตา    อปฺปิตา    พฺยปฺปิตา   โสสิตา   วิโสสิตา   พฺยนฺตีกตา
เตน วุจฺจติ ถีนมิทฺธํ ปหายาติ ฯ
     [๖๓๔]   วิคตถีนมิทฺโธติ   ตสฺส   ถีนมิทฺธสฺส  จตฺตตฺตา  วนฺตตฺตา
มุตฺตตฺตา     ปหีนตฺตา    ปฏินิสฺสฏฺตฺตา    ปหีนปฏินิสฺสฏฺตฺตา    เตน
วุจฺจติ วิคตถีนมิทฺโธติ ฯ วิหรตีติ ฯเปฯ เตน วุจฺจติ วิหรตีติ ฯ
     [๖๓๕]   อาโลกสญฺีติ   ตตฺถ   กตมา   สญฺา   ยา   สญฺา
สญฺชานนา    สญฺชานิตตฺตํ     อยํ    วุจฺจติ    สญฺา    อยํ   สญฺา
อาโลกา    โหติ    วิวฏา    ปริสุทฺธา   ปริโยทาตา   เตน   วุจฺจติ
อาโลกสญฺีติ ฯ
     [๖๓๖]   สโต   สมฺปชาโนติ   ตตฺถ   กตมา   สติ   ยา   สติ
อนุสฺสติ    ฯเปฯ   สมฺมาสติ   อยํ   วุจฺจติ   สติ   ฯ   ตตฺถ   กตมํ
สมฺปชญฺ    ยา    ปญฺา    ปชานนา   ฯเปฯ   อโมโห   ธมฺมวิจโย
สมฺมาทิฏฺิ   อิทํ   วุจฺจติ   สมฺปชญฺ   ฯ   อิติ   อิมาย   จ   สติยา
อิมินา   จ   สมฺปชญฺเน   อุเปโต   โหติ   ฯเปฯ  สมนฺนาคโต  เตน
วุจฺจติ สโต สมฺปชาโนติ ฯ
     [๖๓๗]   ถีนมิทฺธา  จิตฺตํ  ปริโสเธตีติ  อตฺถิ  ถีนํ  อตฺถิ  มิทฺธํ  ฯ
ตตฺถ   กตมํ   ถีนํ   ยา   จิตฺตสฺส  อกลฺยตา  ฯเปฯ  ถียิตตฺตํ  จิตฺตสฺส
อิทํ   วุจฺจติ   ถีนํ   ฯ   ตตฺถ   กตมํ   มิทฺธํ  ยา  กายสฺส  อกลฺยตา
ฯเปฯ   สุปิตตฺตํ   อิทํ   วุจฺจติ  มิทฺธํ  ฯ  ตตฺถ  กตมํ  จิตฺตํ  ยํ  จิตฺตํ
มโน    มานสํ    ฯเปฯ    ตชฺชา    มโนวิญฺาณธาตุ    อิทํ   วุจฺจติ
จิตฺตํ   ฯ  อิทํ  จิตฺตํ  อิมมฺหา  ถีนมิทฺธา  โสเธติ  วิโสเธติ  ปริโสเธติ
โมเจติ    วิโมเจติ    ปริโมเจติ    เตน   วุจฺจติ   ถีนมิทฺธา   จิตฺตํ
ปริโสเธตีติ ฯ
     [๖๓๘]   อุทฺธจฺจกุกฺกุจฺจํ    ปหายาติ    อตฺถิ   อุทฺธจฺจํ   อตฺถิ
กุกฺกุจฺจํ   ฯ   ตตฺถ   กตมํ   อุทฺธจฺจํ   ยํ  จิตฺตสฺส  อุทฺธจฺจํ  อวูปสโม
เจตโส   วิกฺเขโป   ภนฺตตฺตํ   จิตฺตสฺส  อิทํ  วุจฺจติ  อุทฺธจฺจํ  ฯ  ตตฺถ
กตมํ    กุกฺกุจฺจํ    อกปฺปิเย   กปฺปิยสญฺิตา   กปฺปิเย   อกปฺปิยสญฺิตา
อวชฺเช   วชฺชสญฺิตา   วชฺเช   อวชฺชสญฺิตา   ยํ   เอวรูปํ   กุกฺกุจฺจํ
กุกฺกุจฺจายนา    กุกฺกุจฺจายิตตฺตํ    เจตโส    วิปฺปฏิสาโร   มโนวิเลโข
อิทํ    วุจฺจติ    กุกฺกุจฺจํ    ฯ    อิติ    อิทญฺจ    อุทฺธจฺจํ    อิทญฺจ
กุกฺกุจฺจํ   สนฺตา   โหนฺติ   สมิตา   วูปสนฺตา  อตฺถงฺคตา  อพฺภตฺถงฺคตา
อปฺปิตา    พฺยปฺปิตา   โสสิตา   วิโสสิตา   พฺยนฺตีกตา   เตน   วุจฺจติ
อุทฺธจฺจกุกฺกุจฺจํ ปหายาติ ฯ
     [๖๓๙]   อนุทฺธโตติ  ตสฺส  อุทฺธจฺจกุกฺกุจฺจสฺส  จตฺตตฺตา  วนฺตตฺตา
มุตฺตตฺตา     ปหีนตฺตา    ปฏินิสฺสฏฺตฺตา    ปหีนปฏินิสฺสฏฺตฺตา    เตน
วุจฺจติ อนุทฺธโตติ ฯ
     [๖๔๐]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๔๑]   อชฺฌตฺตนฺติ   ยํ   อชฺฌตฺตํ   ปจฺจตฺตํ  ฯ  วูปสนฺตจิตฺโตติ
ตตฺถ  กตมํ  จิตฺตํ  ยํ  จิตฺตํ  มโน  มานสํ  ฯเปฯ ตชฺชา มโนวิญฺาณธาตุ
อิทํ   วุจฺจติ  จิตฺตํ  ฯ  อิทํ  จิตฺตํ  อชฺฌตฺตํ  สนฺตํ  โหติ  สมิตํ  วูปสนฺตํ
เตน วุจฺจติ อชฺฌตฺตํ วูปสนฺตจิตฺโตติ ฯ
     [๖๔๒]   อุทฺธจฺจกุกฺกุจฺจา   จิตฺตํ   ปริโสเธตีติ   อตฺถิ   อุทฺธจฺจํ
อตฺถิ   กุกฺกุจฺจํ   ฯ   ตตฺถ   กตมํ   อุทฺธจฺจํ   ยํ   จิตฺตสฺส   อุทฺธจฺจํ
อวูปสโม  เจตโส  วิกฺเขโป  ภนฺตตฺตํ  จิตฺตสฺส  อิทํ  วุจฺจติ  อุทฺธจฺจํ  ฯ
ตตฺถ   กตมํ   กุกฺกุจฺจํ   อกปฺปิเย   กปฺปิยสญฺิตา   ฯเปฯ  มโนวิเลโข
อิทํ   วุจฺจติ   กุกฺกุจฺจํ   ฯ  ตตฺถ  กตมํ  จิตฺตํ  ยํ  จิตฺตํ  มโน  มานสํ
ฯเปฯ   ตชฺชา   มโนวิญฺาณธาตุ   อิทํ   วุจฺจติ   จิตฺตํ  ฯ  อิทํ  จิตฺตํ
อิมมฺหา    อุทฺธจฺจกุกฺกุจฺจา   โสเธติ   วิโสเธติ   ปริโสเธติ   โมเจติ
วิโมเจติ ปริโมเจติ เตน วุจฺจติ อุทฺธจฺจกุกฺกุจฺจา จิตฺตํ ปริโสเธตีติ ฯ
     [๖๔๓]   วิจิกิจฺฉํ  ปหายาติ  ตตฺถ  กตมา  วิจิกิจฺฉา  ยา  กงฺขา
กงฺขายนา    กงฺขายิตตฺตํ    วิมติ   วิจิกิจฺฉา   เทฺวฬฺหกํ   เทฺวธาปโถ
สํสโย     อเนกํสคาโห     อาสปฺปนา    ปริสปฺปนา    อปริโยคาหนา
ถมฺภิตตฺตํ   จิตฺตสฺส   มโนวิเลโข  อยํ  วุจฺจติ  วิจิกิจฺฉา  อยํ  วิจิกิจฺฉา
สนฺตา   โหติ   สมิตา   วูปสนฺตา   อตฺถงฺคตา   อพฺภตฺถงฺคตา  อปฺปิตา
พฺยปฺปิตา    โสสิตา   วิโสสิตา   พฺยนฺตีกตา   เตน   วุจฺจติ   วิจิกิจฺฉํ
ปหายาติ ฯ
     [๖๔๔]   ติณฺณวิจิกิจฺโฉติ   อิมํ   วิจิกิจฺฉํ  ติณฺโณ  โหติ  อุตฺติณฺโณ
นิตฺติณฺโณ       ปารคโต       ปารมนุปฺปตฺโต      เตน      วุจฺจติ
ติณฺณวิจิกิจฺโฉติ ฯ
     [๖๔๕]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๔๖]   อกถงฺกถี  กุสเลสุ  ธมฺเมสูติ  อิมาย  วิจิกิจฺฉาย  กุสเลสุ
ธมฺเมสุ   น   กงฺขติ    น   วิจิกิจฺฉติ   อกถงฺกถี   โหติ  นิกฺกถงฺกโถ
วิคตกถงฺกโถ เตน วุจฺจติ อกถงฺกถี กุสเลสุ ธมฺเมสูติ ฯ
     [๖๔๗]   วิจิกิจฺฉาย   จิตฺตํ  ปริโสเธตีติ  ตตฺถ  กตมา  วิจิกิจฺฉา
ยา    กงฺขา   กงฺขายนา   กงฺขายิตตฺตํ   ฯเปฯ   ถมฺภิตตฺตํ   จิตฺตสฺส
มโนวิเลโข   อยํ   วุจฺจติ   วิจิกิจฺฉา   ฯ   ตตฺถ   กตมํ   จิตฺตํ   ยํ
จิตฺตํ   มโน   มานสํ   ฯเปฯ   ตชฺชา   มโนวิญฺาณธาตุ   อิทํ  วุจฺจติ
จิตฺตํ   ฯ  อิทํ  จิตฺตํ  อิมาย  วิจิกิจฺฉาย  โสเธติ  วิโสเธติ  ปริโสเธติ
โมเจติ    วิโมเจติ    ปริโมเจติ   เตน   วุจฺจติ   วิจิกิจฺฉาย   จิตฺตํ
ปริโสเธตีติ ฯ
     [๖๔๘]   อิเม   ปญฺจ   นีวรเณ  ปหายาติ  อิเม  ปญฺจ  นีวรณา
สนฺตา   โหนฺติ   สมิตา   วูปสนฺตา   อตฺถงฺคตา  อพฺภตฺถงฺคตา  อปฺปิตา
พฺยปฺปิตา   โสสิตา   วิโสสิตา   พฺยนฺตีกตา   เตน  วุจฺจติ  อิเม  ปญฺจ
นีวรเณ ปหายาติ ฯ
     [๖๔๙]   เจตโส   อุปกฺกิเลเสติ   อิเม  ปญฺจ  นีวรณา  จิตฺตสฺส
อุปกฺกิเลสา ฯ
     [๖๕๐]   ปญฺาย    ทุพฺพลีกรเณติ   อิเมหิ   ปญฺจหิ   นีวรเณหิ
อนุปฺปนฺนา    เจว    ปญฺา   น   อุปฺปชฺชติ   อุปฺปนฺนา   จ   ปญฺา
นิรุชฺฌติ เตน วุจฺจติ ปญฺาย ทุพฺพลีกรเณติ ฯ
     [๖๕๑]   วิวิจฺเจว   กาเมหิ   วิวิจฺจ  อกุสเลหิ  ธมฺเมหีติ  ตตฺถ
กตเม   กามา   ฉนฺโท   กาโม   ราโค   กาโม   ฉนฺทราโค  กาโม
สงฺกปฺโป   กาโม   ราโค  กาโม  สงฺกปฺปราโค  กาโม  อิเม  วุจฺจนฺติ
กามา   ฯ   ตตฺถ   กตเม   อกุสลา   ธมฺมา  กามจฺฉนฺโท  พฺยาปาโท
ถีนมิทฺธํ   อุทฺธจฺจกุกฺกุจฺจํ   วิจิกิจฺฉา  อิเม  วุจฺจนฺติ  อกุสลา  ธมฺมา  ฯ
อิติ   อิเมหิ  จ  กาเมหิ  อิเมหิ  จ  อกุสเลหิ  ธมฺเมหิ  วิวิตฺโต  โหติ
เตน วุจฺจติ วิวิจฺเจว กาเมหิ วิวิจฺจ อกุสเลหิ ธมฺเมหีติ ฯ
     [๖๕๒]   สวิตกฺกํ   สวิจารนฺติ  อตฺถิ  วิตกฺโก  อตฺถิ  วิจาโร  ฯ
ตตฺถ   กตโม   วิตกฺโก   โย   ตกฺโก   วิตกฺโก   สงฺกปฺโป   อปฺปนา
พฺยปฺปนา  เจตโส  อภินิโรปนา  สมฺมาสงฺกปฺโป  อยํ  วุจฺจติ  วิตกฺโก  ฯ
ตตฺถ   กตโม   วิจาโร   โย   จาโร  วิจาโร  อนุวิจาโร  อุปวิจาโร
จิตฺตสฺส   อนุสนฺธนตา   อนุเปกฺขนตา   อยํ   วุจฺจติ   วิจาโร  ฯ  อิติ
อิมินา   จ   วิตกฺเกน   อิมินา   จ   วิจาเรน  อุเปโต  โหติ  ฯเปฯ
สมนฺนาคโต เตน วุจฺจติ สวิตกฺกํ สวิจารนฺติ ฯ
     [๖๕๓]   วิเวกชนฺติ  วิตกฺโก  วิจาโร  ปีติ  สุขํ จิตฺตสฺส เอกคฺคตา
เต   อิมมฺหิ   วิเวเก  ชาตา  โหนฺติ  สญฺชาตา  นิพฺพตฺตา  อภินิพฺพตฺตา
ปาตุภูตา เตน วุจฺจติ วิเวกชนฺติ ฯ
     [๖๕๔]   ปีติสุขนฺติ   อตฺถิ   ปีติ   อตฺถิ   สุขํ  ฯ  ตตฺถ  กตมา
ปีติ   ยา   ปีติ   ปาโมชฺชํ   อาโมทนา   ปโมทนา   หาโส   ปหาโส
วิตฺติ   โอทคฺยํ   อตฺตมนตา   จิตฺตสฺส   อยํ   วุจฺจติ   ปีติ   ฯ  ตตฺถ
กตมํ   สุขํ   ยํ   เจตสิกํ   สาตํ   เจตสิกํ  สุขํ  เจโตสมฺผสฺสชํ  สาตํ
สุขํ   เวทยิตํ   เจโตสมฺผสฺสชา   สาตา   สุขา   เวทนา  อิทํ  วุจฺจติ
สุขํ   ฯ   อิทํ   สุขํ   อิมาย   ปีติยา   สหคตํ  โหติ  สหชาตํ  สํสฏฺ
สมฺปยุตฺตํ เตน วุจฺจติ ปีติสุขนฺติ ฯ
     [๖๕๕]   ปมนฺติ     คณนานุปุพฺพโต    ปมํ    อิทํ    ปมํ
สมาปชฺชตีติ ปมํ ฯ
     [๖๕๖]   ฌานนฺติ วิตกฺโก วิจาโร ปีติ สุขํ จิตฺตสฺส เอกคฺคตา ฯ
     [๖๕๗]   อุปสมฺปชฺชาติ   โย  ปมสฺส  ฌานสฺส  ลาโภ  ปฏิลาโภ
ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๕๘]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๕๙]   วิตกฺกวิจารานํ  วูปสมาติ  อตฺถิ  วิตกฺโก  อตฺถิ วิจาโร ฯ
ตตฺถ   กตโม   วิตกฺโก   โย   ตกฺโก  วิตกฺโก  ฯเปฯ  สมฺมาสงฺกปฺโป
อยํ   วุจฺจติ   วิตกฺโก  ฯ  ตตฺถ  กตโม  วิจาโร  โย  จาโร  วิจาโร
อนุวิจาโร   อุปวิจาโร  จิตฺตสฺส  อนุสนฺธนตา  อนุเปกฺขนตา  อยํ  วุจฺจติ
วิจาโร  ฯ  อิติ  อยญฺจ  วิตกฺโก  อยญฺจ  วิจาโร  สนฺตา  โหนฺติ สมิตา
วูปสนฺตา    อตฺถงฺคตา    อพฺภตฺถงฺคตา   อปฺปิตา   พฺยปฺปิตา   โสสิตา
วิโสสิตา พฺยนฺตีกตา เตน วุจฺจติ วิตกฺกวิจารานํ วูปสมาติ ฯ
     [๖๖๐]   อชฺฌตฺตนฺติ   ยํ   อชฺฌตฺตํ   ปจฺจตฺตํ   ฯ  สมฺปสาทนนฺติ
ยา สทฺธา สทฺทหนา โอกปฺปนา อภิปฺปสาโท ฯ
     [๖๖๑]   เจตโส   เอโกทิภาวนฺติ   ยา   จิตฺตสฺส   ิติ  ฯเปฯ
สมฺมาสมาธิ ฯ
     [๖๖๒]   อวิตกฺกํ   อวิจารนฺติ  อตฺถิ  วิตกฺโก  อตฺถิ  วิจาโร  ฯ
ตตฺถ   กตโม   วิตกฺโก   โย   ตกฺโก  วิตกฺโก  ฯเปฯ  สมฺมาสงฺกปฺโป
อยํ   วุจฺจติ   วิตกฺโก  ฯ  ตตฺถ  กตโม  วิจาโร  โย  จาโร  วิจาโร
อนุวิจาโร    อุปวิจาโร    จิตฺตสฺส   อนุสนฺธนตา   อนุเปกฺขนตา   อยํ
วุจฺจติ   วิจาโร   ฯ   อิติ   อยญฺจ   วิตกฺโก  อยญฺจ  วิจาโร  สนฺตา
โหนฺติ    สมิตา    วูปสนฺตา    อตฺถงฺคตา    อพฺภตฺถงฺคตา    อปฺปิตา
พฺยปฺปิตา    โสสิตา   วิโสสิตา   พฺยนฺตีกตา   เตน   วุจฺจติ   อวิตกฺกํ
อวิจารนฺติ ฯ
     [๖๖๓]   สมาธิชนฺติ   สมฺปสาโท   ปีติ  สุขํ  จิตฺตสฺส  เอกคฺคตา
เต    อิมมฺหิ    สมาธิมฺหิ    ชาตา    โหนฺติ    สญฺชาตา   นิพฺพตฺตา
อภินิพฺพตฺตา ปาตุภูตา เตน วุจฺจติ สมาธิชนฺติ ฯ
     [๖๖๔]   ปีติสุขนฺติ   อตฺถิ   ปีติ   อตฺถิ   สุขํ  ฯ  ตตฺถ  กตมา
ปีติ   ยา   ปีติ   ปาโมชฺชํ   ฯเปฯ   อตฺตมนตา  จิตฺตสฺส  อยํ  วุจฺจติ
ปีติ   ฯ   ตตฺถ   กตมํ  สุขํ  ยํ  เจตสิกํ  สาตํ  ฯเปฯ  สุขา  เวทนา
อิทํ   วุจฺจติ   สุขํ  ฯ  อิทํ  สุขํ  อิมาย  ปีติยา  สหคตํ  โหติ  สหชาตํ
สํสฏฺ สมฺปยุตฺตํ เตน วุจฺจติ ปีติสุขนฺติ ฯ
     [๖๖๕]   ทุติยนฺติ     คณนานุปุพฺพโต    ทุติยํ    อิทํ    ทุติยํ
สมาปชฺชตีติ ทุติยํ ฯ
     [๖๖๖]   ฌานนฺติ สมฺปสาโท ปีติ สุขํ จิตฺตสฺส เอกคฺคตา ฯ
     [๖๖๗]   อุปสมฺปชฺชาติ   โย  ทุติยสฺส  ฌานสฺส  ลาโภ  ปฏิลาโภ
ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๖๘]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๖๙]   ปีติยา   จ   วิราคาติ   ตตฺถ   กตมา  ปีติ  ยา  ปีติ
ปาโมชฺชํ    อาโมทนา   ปโมทนา   หาโส   ปหาโส   วิตฺติ   โอทคฺยํ
อตฺตมนตา   จิตฺตสฺส   อยํ   วุจฺจติ   ปีติ   อยํ   ปีติ   สนฺตา   โหติ
สมิตา    วูปสนฺตา    อตฺถงฺคตา    อพฺภตฺถงฺคตา   อปฺปิตา   พฺยปฺปิตา
โสสิตา วิโสสิตา พฺยนฺตีกตา เตน วุจฺจติ ปีติยา จ วิราคาติ ฯ
     [๖๗๐]   อุเปกฺขโกติ   ตตฺถ   กตมา   อุเปกฺขา  ยา  อุเปกฺขา
อุเปกฺขนา   อชฺฌุเปกฺขนา   มชฺฌตฺตตา   จิตฺตสฺส  อยํ  วุจฺจติ  อุเปกฺขา
อิมาย   อุเปกฺขาย   อุเปโต   โหติ  ฯเปฯ  สมนฺนาคโต  เตน  วุจฺจติ
อุเปกฺขโกติ ฯ
     [๖๗๑]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๗๒]   สโต   จ   สมฺปชาโนติ   ตตฺถ  กตมา  สติ  ยา  สติ
อนุสฺสติ    ฯเปฯ   สมฺมาสติ   อยํ   วุจฺจติ   สติ   ฯ   ตตฺถ   กตมํ
สมฺปชญฺ    ยา    ปญฺา    ปชานนา   ฯเปฯ   อโมโห   ธมฺมวิจโย
สมฺมาทิฏฺิ   อิทํ   วุจฺจติ   สมฺปชญฺ   ฯ   อิติ   อิมาย   จ   สติยา
อิมินา   จ   สมฺปชญฺเน   อุเปโต   โหติ   ฯเปฯ  สมนฺนาคโต  เตน
วุจฺจติ สโต จ สมฺปชาโนติ ฯ
     [๖๗๓]   สุขญฺจ   กาเยน   ปฏิสํเวเทตีติ   ตตฺถ  กตมํ  สุขํ  ยํ
เจตสิกํ   สาตํ   เจตสิกํ   สุขํ   เจโตสมฺผสฺสชํ   สาตํ   สุขํ  เวทยิตํ
เจโตสมฺผสฺสชา   สาตา   สุขา   เวทนา   อิทํ  วุจฺจติ  สุขํ  ฯ  ตตฺถ
กตโม     กาโย     สญฺากฺขนฺโธ    สงฺขารกฺขนฺโธ    วิญฺาณกฺขนฺโธ
อยํ   วุจฺจติ   กาโย  ฯ  อิทํ  สุขํ  อิมินา  กาเยน  ปฏิสํเวเทติ  เตน
วุจฺจติ สุขญฺจ กาเยน ปฏิสํเวเทตีติ ฯ
     [๖๗๔]   ยนฺตํ  อริยา  อาจิกฺขนฺตีติ  ตตฺถ  กตเม  อริยา  อริยา
วุจฺจนฺติ   พุทฺธา   จ   พุทฺธสาวกา  จ  เต  อิมํ  อาจิกฺขนฺติ  เทเสนฺติ
ปญฺาเปนฺติ   ปฏฺเปนฺติ   วิวรนฺติ   วิภชนฺติ  อุตฺตานีกโรนฺติ  ปกาเสนฺติ
เตน วุจฺจติ ยนฺตํ อริยา อาจิกฺขนฺตีติ ฯ
     [๖๗๕]   อุเปกฺขโก   สติมา  สุขวิหารีติ  ตตฺถ  กตมา  อุเปกฺขา
ยา   อุเปกฺขา   อุเปกฺขนา   อชฺฌุเปกฺขนา   มชฺฌตฺตตา   จิตฺตสฺส  อยํ
วุจฺจติ   อุเปกฺขา   ฯ   ตตฺถ   กตมา  สติ  ยา  สติ  อนุสฺสติ  ฯเปฯ
สมฺมาสติ   อยํ   วุจฺจติ   สติ  ฯ  ตตฺถ  กตมํ  สุขํ  ยํ  เจตสิกํ  สาตํ
เจตสิกํ   สุขํ   เจโตสมฺผสฺสชํ   สาตํ   สุขํ   เวทยิตํ  เจโตสมฺผสฺสชา
สาตา  สุขา  เวทนา  อิทํ  วุจฺจติ  สุขํ  ฯ  อิติ  อิมาย  จ  อุเปกฺขาย
อิมาย   จ   สติยา   อิมินา   จ   สุเขน  สมนฺนาคโต  อิริยติ  วตฺตติ
ปาเลติ   ยเปติ   ยาเปติ   จรติ   วิหรติ   เตน   วุจฺจติ  อุเปกฺขโก
สติมา สุขวิหารีติ ฯ
     [๖๗๖]   ตติยนฺติ     คณนานุปุพฺพโต    ตติยํ    อิทํ    ตติยํ
สมาปชฺชตีติ ตติยํ ฯ
     [๖๗๗]   ฌานนฺติ   อุเปกฺขา   สติ   สมฺปชญฺ   สุขํ   จิตฺตสฺส
เอกคฺคตา ฯ
     [๖๗๘]   อุปสมฺปชฺชาติ   โย  ตติยสฺส  ฌานสฺส  ลาโภ  ปฏิลาโภ
ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๗๙]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๘๐]   สุขสฺส   จ  ปหานา  ทุกฺขสฺส  จ  ปหานาติ  อตฺถิ  สุขํ
อตฺถิ   ทุกฺขํ   ฯ   ตตฺถ   กตมํ   สุขํ   ยํ  กายิกํ  สาตํ  กายิกํ  สุขํ
กายสมฺผสฺสชํ    สาตํ   สุขํ   เวทยิตํ   กายสมฺผสฺสชา   สาตา   สุขา
เวทนา   อิทํ   วุจฺจติ   สุขํ  ฯ  ตตฺถ  กตมํ  ทุกฺขํ  ยํ  กายิกํ  อสาตํ
กายิกํ   ทุกฺขํ   กายสมฺผสฺสชํ   อสาตํ   ทุกฺขํ   เวทยิตํ  กายสมฺผสฺสชา
อสาตา   ทุกฺขา   เวทนา   อิทํ   วุจฺจติ   ทุกฺขํ  ฯ  อิติ  อิทญฺจ  สุขํ
อิทญฺจ    ทุกฺขํ    สนฺตา    โหนฺติ    สมิตา    วูปสนฺตา   อตฺถงฺคตา
อพฺภตฺถงฺคตา    อปฺปิตา    พฺยปฺปิตา   โสสิตา   วิโสสิตา   พฺยนฺตีกตา
เตน วุจฺจติ สุขสฺส จ ปหานา ทุกฺขสฺส จ ปหานาติ ฯ
     [๖๘๑]   ปุพฺเพว    โสมนสฺสโทมนสฺสานํ    อตฺถงฺคมาติ   อตฺถิ
โสมนสฺสํ   อตฺถิ   โทมนสฺสํ   ฯ   ตตฺถ   กตมํ  โสมนสฺสํ  ยํ  เจตสิกํ
สาตํ  เจตสิกํ  สุขํ  เจโตสมฺผสฺสชํ  สาตํ  สุขํ  เวทยิตํ  เจโตสมฺผสฺสชา
สาตา   สุขา   เวทนา   อิทํ   วุจฺจติ   โสมนสฺสํ   ฯ   ตตฺถ   กตมํ
โทมนสฺสํ    ยํ    เจตสิกํ    อสาตํ   เจตสิกํ   ทุกฺขํ   เจโตสมฺผสฺสชํ
อสาตํ   ทุกฺขํ   เวทยิตํ   เจโตสมฺผสฺสชา   อสาตา   ทุกฺขา   เวทนา
อิทํ   วุจฺจติ   โทมนสฺสํ   ฯ   อิติ  อิทญฺจ  โสมนสฺสํ  อิทญฺจ  โทมนสฺสํ
ปุพฺเพว   สนฺตา   โหนฺติ   สมิตา   วูปสนฺตา  อตฺถงฺคตา  อพฺภตฺถงฺคตา
อปฺปิตา    พฺยปฺปิตา   โสสิตา   วิโสสิตา   พฺยนฺตีกตา   เตน   วุจฺจติ
ปุพฺเพว โสมนสฺสโทมนสฺสานํ อตฺถงฺคมาติ ฯ
     [๖๘๒]   อทุกฺขมสุขนฺติ   ยํ   เจตสิกํ   เนว   สาตํ   นาสาตํ
เจโตสมฺผสฺสชํ    อทุกฺขมสุขํ    เวทยิตํ   เจโตสมฺผสฺสชา   อทุกฺขมสุขา
เวทนา เตน วุจฺจติ อทุกฺขมสุขนฺติ ฯ
     [๖๘๓]   อุเปกฺขาสติปาริสุทฺธินฺติ   ตตฺถ   กตมา   อุเปกฺขา  ยา
อุเปกฺขา    อุเปกฺขนา    อชฺฌุเปกฺขนา    มชฺฌตฺตตา    จิตฺตสฺส   อยํ
วุจฺจติ   อุเปกฺขา   ฯ   ตตฺถ   กตมา  สติ  ยา  สติ  อนุสฺสติ  ฯเปฯ
สมฺมาสติ   อยํ   วุจฺจติ   สติ  ฯ  อยํ  สติ  อิมาย  อุเปกฺขาย  วิวฏา
โหติ ปริสุทฺธา ปริโยทาตา เตน วุจฺจติ อุเปกฺขาสติปาริสุทฺธินฺติ ฯ
     [๖๘๔]   จตุตฺถนฺติ    คณนานุปุพฺพโต    จตุตฺถํ    อิทํ   จตุตฺถํ
สมาปชฺชตีติ จตุตฺถํ ฯ
     [๖๘๕]   ฌานนฺติ อุเปกฺขา สติ จิตฺตสฺส เอกคฺคตา ฯ
     [๖๘๖]   อุปสมฺปชฺชาติ  โย  จตุตฺถสฺส  ฌานสฺส  ลาโภ  ปฏิลาโภ
ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๘๗]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๘๘]   สพฺพโส    รูปสญฺานํ    สมติกฺกมาติ   ตตฺถ   กตมา
รูปสญฺาโย    ยา   รูปาวจรสมาปตฺตึ   สมาปนฺนสฺส   วา   อุปปนฺนสฺส
วา    ทิฏฺธมฺมสุขวิหาริสฺส    วา    สญฺา   สญฺชานนา   สญฺชานิตตฺตํ
อิมา     วุจฺจนฺติ    รูปสญฺาโย    อิมา    รูปสญฺาโย    อติกฺกนฺโต
โหติ   วีติกฺกนฺโต   สมติกฺกนฺโต   เตน   วุจฺจติ   สพฺพโส   รูปสญฺานํ
สมติกฺกมาติ ฯ
     [๖๘๙]   ปฏิฆสญฺานํ   อตฺถงฺคมาติ   ตตฺถ  กตมา  ปฏิฆสญฺาโย
รูปสญฺา     สทฺทสญฺา     คนฺธสญฺา     รสสญฺา    โผฏฺพฺพสญฺา
อิมา   วุจฺจนฺติ   ปฏิฆสญฺาโย   อิมา   ปฏิฆสญฺาโย   สนฺตา   โหนฺติ
สมิตา    วูปสนฺตา    อตฺถงฺคตา    อพฺภตฺถงฺคตา   อปฺปิตา   พฺยปฺปิตา
โสสิตา วิโสสิตา พฺยนฺตีกตา เตน วุจฺจติ ปฏิฆสญฺานํ อตฺถงฺคมาติ ฯ
     [๖๙๐]   นานตฺตสญฺานํ  อมนสิการาติ  ตตฺถ กตมา นานตฺตสญฺาโย
ยา    อสมาปนฺนสฺส   มโนธาตุสมงฺคิสฺส   วา   มโนวิญฺาณธาตุสมงฺคิสฺส
วา   สญฺา   สญฺชานนา   สญฺชานิตตฺตํ  อิมา  วุจฺจนฺติ  นานตฺตสญฺาโย
อิมา   นานตฺตสญฺาโย   น   มนสิกโรติ   เตน  วุจฺจติ  นานตฺตสญฺานํ
อมนสิการาติ ฯ
     [๖๙๑]   อนนฺโต   อากาโสติ   ตตฺถ   กตโม   อากาโส   โย
อากาโส   อากาสคตํ   อฆํ   อฆคตํ   วิวโร  วิวรคตํ  อสมฺผุฏฺ  จตูหิ
มหาภูเตหิ   อยํ   วุจฺจติ   อากาโส   ตสฺมึ   อากาเส   จิตฺตํ  เปติ
สณฺเปติ อนนฺตํ ผรติ เตน วุจฺจติ อนนฺโต อากาโสติ ฯ
     [๖๙๒]   อากาสานญฺจายตนนฺติ   อากาสานญฺจายตนํ   สมาปนฺนสฺส
วา อุปปนฺนสฺส วา ทิฏฺธมฺมสุขวิหาริสฺส วา จิตฺตเจตสิกา ธมฺมา ฯ
     [๖๙๓]   อุปสมฺปชฺชาติ    โย    อากาสานญฺจายตนสฺส   ลาโภ
ปฏิลาโภ ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๙๔]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๖๙๕]   สพฺพโส    อากาสานญฺจายตนํ    สมติกฺกมฺมาติ    อิมํ
อากาสานญฺจายตนํ     อติกฺกนฺโต    โหติ    วีติกฺกนฺโต    สมติกฺกนฺโต
เตน วุจฺจติ สพฺพโส อากาสานญฺจายตนํ สมติกฺกมฺมาติ ฯ
     [๖๙๖]   อนนฺตํ    วิญฺาณนฺติ    ตํเยว   อากาสํ   วิญฺาเณน
ผุฏฺ มนสิกโรติ อนนฺตํ ผรติ เตน วุจฺจติ อนนฺตํ วิญฺาณนฺติ ฯ
     [๖๙๗]   วิญฺาณญฺจายตนนฺติ    วิญฺาณญฺจายตนํ    สมาปนฺนสฺส
วา อุปปนฺนสฺส วา ทิฏฺธมฺมสุขวิหาริสฺส วา จิตฺตเจตสิกา ธมฺมา ฯ
     [๖๙๘]   อุปสมฺปชฺชาติ    โย    วิญฺาณญฺจายตนสฺส    ลาโภ
ปฏิลาโภ ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๖๙๙]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๗๐๐]   สพฺพโส     วิญฺาณญฺจายตนํ    สมติกฺกมฺมาติ    อิมํ
วิญฺาณญฺจายตนํ    อติกฺกนฺโต   โหติ   วีติกฺกนฺโต   สมติกฺกนฺโต   เตน
วุจฺจติ สพฺพโส วิญฺาณญฺจายตนํ สมติกฺกมฺมาติ ฯ
     [๗๐๑]   นตฺถิ   กิญฺจีติ   ตํเยว   วิญฺาณํ   อภาเวติ  วิภาเวติ
อนฺตรธาเปติ นตฺถิ กิญฺจีติ ปสฺสติ เตน วุจฺจติ นตฺถิ กิญฺจีติ ฯ
     [๗๐๒]   อากิญฺจญฺายตนนฺติ    อากิญฺจญฺายตนํ    สมาปนฺนสฺส
วา อุปปนฺนสฺส วา ทิฏฺธมฺมสุขวิหาริสฺส วา จิตฺตเจตสิกา ธมฺมา ฯ
     [๗๐๓]   อุปสมฺปชฺชาติ    โย    อากิญฺจญฺายตนสฺส    ลาโภ
ปฏิลาโภ ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๗๐๔]   วิหรตีติ อิริยติ ฯเปฯ วิหรติ เตน วุจฺจติ วิหรตีติ ฯ
     [๗๐๕]   สพฺพโส     อากิญฺจญฺายตนํ    สมติกฺกมฺมาติ    อิมํ
อากิญฺจญฺายตนํ    อติกฺกนฺโต   โหติ   วีติกฺกนฺโต   สมติกฺกนฺโต   เตน
วุจฺจติ สพฺพโส อากิญฺจญฺายตนํ สมติกฺกมฺมาติ ฯ
     [๗๐๖]   เนวสญฺีนาสญฺีติ   ตํเยว   อากิญฺจญฺายตนํ   สนฺตโต
มนสิกโรติ     สงฺขาราวเสสสมาปตฺตึ     ภาเวติ     เตน     วุจฺจติ
เนวสญฺีนาสญฺีติ ๑- ฯ
@เชิงอรรถ: ๑ อิมสฺส นิทฺเทสสฺส อุทฺเทโส มาติกายํ น ทิสฺสติ ตสฺมา อยํ วา นิทฺเทโส
@อติเรโก สิยา โส วา อุทฺเทโส อูโน ฯ
     [๗๐๗]   เนวสญฺานาสญฺายตนนฺติ     เนวสญฺานาสญฺายตนํ
สมาปนฺนสฺส    วา    อุปปนฺนสฺส    วา    ทิฏฺธมฺมสุขวิหาริสฺส    วา
จิตฺตเจตสิกา ธมฺมา ฯ
     [๗๐๘]   อุปสมฺปชฺชาติ   โย   เนวสญฺานาสญฺายตนสฺส   ลาโภ
ปฏิลาโภ ปตฺติ สมฺปตฺติ ผุสนา สจฺฉิกิริยา อุปสมฺปทา ฯ
     [๗๐๙]   วิหรตีติ  อิริยติ  วตฺตติ  ปาเลติ  ยเปติ  ยาเปติ  จรติ
วิหรติ เตน วุจฺจติ วิหรตีติ ฯ
                                 สุตฺตนฺตภาชนียํ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๓๕ หน้าที่ ๓๓๐-๓๕๖.
https://84000.org/tipitaka/read/pali_read.php?B=35&A=6666&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=35&A=6666&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=35&item=600&items=110
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=35&siri=48
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=35&i=600
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=54&A=8253
             The Pali Atthakatha in Roman :-
https://84000.org/tipitaka/atthapali/read_rm.php?B=54&A=8253
             สารบัญพระไตรปิฎกเล่มที่ ๓๕
https://84000.org/tipitaka/read/?index_35
https://84000.org/tipitaka/english/?index_35