Dutiyo kondannabuddhavamso
[3] |3.1| Dipankarassa aparena kondanno nama nayako
anantatejamitayaso appameyyo durasado.
|3.2| Caranupamo so khamanena silena sagarupamo
samadhina merupamo nanena gaganupamo.
|3.3| Indriyabalabojjhanga- maggasaccappakasanam
pakasesi sada buddho hitaya sabbapaninam.
|3.4| Dhammacakkam pavattente kondanne lokanayake
kotisatasahassanam pathamabhisamayo ahu.
|3.5| Tato parampi desente naramarunam samagame
navutikotisahassanam dutiyabhisamayo ahu.
|3.6| Titthiye abhimaddanto yada dhammamadesayi
asiti kotisahassanam tatiyabhisamayo ahu.
|3.7| Sannipata tayo asum kondannassa mahesino
khinasavanam vimalanam santacittana tadinam.
|3.8| Kotisatasahassanam pathamo asi samagamo
dutiyo kotisahassanam tatiyo navuti kotinam.
|3.9| Aham tena samayena vijitavi nama khattiyo
samuddaantamantena issariyam vattayamiham.
|3.10| Kotisatasahassanam vimalanam mahesinam
sahalokagganathena paramannena tappayim.
|3.11| Sopi mam buddho byakasi kondanno lokanayako
aparimeyye ito kappe buddho loke bhavissati.
|3.12| Ahu kapilavhaya ramma nikkhamitva tathagato
padhanam padahitvana katva dukkarakarikam.
|3.13| Ajapala rukkhamulasmim nisiditva tathagato
tattha payasam paggayha neranjaramupehiti.
|3.14| Neranjaraya tiramhi payasam adi so jino
patiyatta varamaggena bodhimulamhi ehiti.
|3.15| Tato padakkhinam katva bodhimandam anuttaram 1-
assattha rukkhamulamhi 2- bujjhissati mahayaso.
|3.16| Imassa janika mata maya nama bhavissati
pita suddhodano nama ayam hessati gotamo.
|3.17| Kolito upatisso ca agga hessanti savaka
anasava vitaraga santacitta samahita
anando namupatthako upatthissatimam jinam.
|3.18| Khema uppalavanna ca agga hessanti savika
anasava vitaraga santacitta samahita.
@Footnote: 1 Ma. bodhimandam anuttaranti ime patha natthi. 2 Ma. Yu. assatthamule sambuddho.
|3.19| Bodhi tassa bhagavato assatthoti pavuccati
citto ca hatthalavako agga hessantupatthaka.
|3.20| Nandamata ca uttara agga hessantupatthika
ayu vassasatam tassa gotamassa yasassino.
|3.21| Idam sutvana vacanam asamassa mahesino
amodita nara maru buddhavijankuro ayam.
|3.22| Ukkutthi sadda vattanti apphotenti hasanti ca
katanjali namassanti dasasahassi sadevaka 1-.
|3.23| Yadi massa lokanathassa virajjhissama sasanam
anagatamhi addhane hessama sammukha imam.
|3.24| Yatha manussa nadim taranta patitittham virajjhiya
hettha tittham 2- gahetvana uttaranti mahanadim.
|3.25| Evameva mayam sabbe yadi muncamimam jinam
anagatamhi addhane hessama sammukha imam.
|3.26| Tassaham vacanam sutva bhiyyo cittam pasadayim
tameva attham sadhento maharajjam jine adam
|3.27| maharajjam daditvana pabbajim tassa santike.
Suttantam vinayancapi navanga satthusasanam
|3.28| sabbam pariyapunitvana sobhayim jinasasanam.
@Footnote: 1 Ma. sadevata. 2 Ma. Yu. ...titthe.
|3.29| Tatthappamatto viharanto nisajjatthanacankame
abhinnaparamim gantva brahmalokamaganchiham.
|3.30| Nagaram rammavati nama sunando nama khattiyo
sujata nama janika kondannassa mahesino.
|3.31| Dasavassasahassani agaramajjhe ca so vasi
ruci suruci subho ca tayo pasadamuttama.
|3.32| Tini satasahassani nariyo samalankata
rucidevi nama sa nari jivitaseno 1- nama atrajo.
|3.33| Nimitte caturo disva ratha yanena nikkhami
anuna dasamasani padhanam padahi jino.
|3.34| Brahmuna yacito santo kondanno dipaduttamo
vattacakko mahaviro devananca 2- mahavane.
|3.35| Bhaddo ceva subhaddo ca ahesum aggasavaka
anuruddho namupatthako kondannassa mahesino.
|3.36| Tissa ca upatissa ca ahesum aggasavika
salakalyaniko 3- bodhi kondannassa mahesino.
|3.37| Sono ca upasono ca ahesum aggupatthaka
nanda ceva sirima ca ahesum aggupatthika.
|3.38| So atthasiti hatthani accuggato mahamuni
sobhati ulurajava suriyo majjhantike yatha.
@Footnote: 1 Ma. Yu. vijitaseno. 2 Ma. Yu. devanam nagaruttame. 3 Yu. salakalyanika.
|3.39| Vassasatasahassani ayu vijjati tavade
tavata titthamano so taresi janatam bahum.
|3.40| Khinasavehi vimalehi vicitta asi medani
yatha gaganam ulubhi evam so upasobhatha.
|3.41| Tepi naga appameyya asankhobbha 1- durasada
vijjupatamva dassetva nibbuta te mahayasa.
|3.42| Sa ca atuliya jinassa iddhi nanaparibhavito samadhi
sabbam samantarahitam nanu ritta sabbasankharati.
|3.43| Kondanno siridharo 2- buddho nandaramamhi nibbuto
tattheva cetiyo 3- tassa sattayojanamussitoti.
Kondannabuddhavamso dutiyo.
The Pali Tipitaka in Roman Character Volume 33 page 439-443.
http://84000.org/tipitaka/pali/roman_item_s.php?book=33&item=183&items=1&modeTY=2
Classified by [Item Number] :-
http://84000.org/tipitaka/pali/roman_item_s.php?book=33&item=183&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=183&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=183&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=183
The Pali Atthakatha in Thai :-
http://84000.org/tipitaka/atthapali/read_th.php?B=51&A=4317
The Pali Atthakatha in Roman :-
http://84000.org/tipitaka/atthapali/read_rm.php?B=51&A=4317
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
