paliTIPITAKA Volume 4 - Vinaya Pitaka 4

Vinayapitake mahavaggassa pathamo bhago ---------- namo tassa bhagavato arahato sammasambuddhassa. Mahakhandhakam [1] Tena samayena buddho bhagava uruvelayam viharati najja neranjaraya tire bodhirukkhamule pathamabhisambuddho . athakho bhagava bodhirukkhamule sattaham ekapallankena nisidi vimuttisukhapatisamvedi . Athakho bhagava rattiya pathamam yamam paticcasamuppadam anulomapatilomam manasakasi {1.1} avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti avijjaya tveva asesaviraganirodha sankharanirodho sankharanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho phassanirodha vedananirodho vedananirodha tanhanirodho tanhanirodha Upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hotiti. {1.2} Athakho bhagava etamattham viditva tayam velayam imam udanam udanesi yada have patubhavanti dhamma atapino jhayato brahmanassa athassa kankha vapayanti sabba yato pajanati sahetudhammanti. [2] Athakho bhagava rattiya majjhimam yamam paticcasamuppadam anulomapatilomam manasakasi {2.1} avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti avijjaya tveva asesaviraganirodha sankharanirodho sankharanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho phassanirodha vedananirodho vedananirodha tanhanirodho Tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hotiti. {2.2} Athakho bhagava etamattham viditva tayam velayam imam udanam udanesi yada have patubhavanti dhamma atapino jhayato brahmanassa athassa kankha vapayanti sabba yato khayam paccayanam avediti. [3] Athakho bhagava rattiya pacchimam yamam paticcasamuppadam anulomapatilomam manasakasi {3.1} avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti avijjaya tveva asesaviraganirodha sankharanirodho sankharanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho phassanirodha vedananirodho vedananirodha tanhanirodho tanhanirodha Upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hotiti. {3.2} Athakho bhagava etamattham viditva tayam velayam imam udanam udanesi yada have patubhavanti dhamma atapino jhayato brahmanassa vidhupayam titthati marasenam suriyova ^1- obhasayamantalikkhanti. Bodhikatha nitthita ^2-.

The Pali Tipitaka in Roman Character Volume 4 page 1-4. http://84000.org/tipitaka/pali/roman_item_s.php?book=4&item=1&items=3&modeTY=2 Classified by [Item Number] :- http://84000.org/tipitaka/pali/roman_item_s.php?book=4&item=1&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=1&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=1&items=3&modeTY=2 Study Atthakatha :- http://84000.org/tipitaka/attha/attha.php?b=4&i=1 The Pali Atthakatha in Thai :- http://84000.org/tipitaka/atthapali/read_th.php?B=3&A=1 The Pali Atthakatha in Roman :- http://84000.org/tipitaka/atthapali/read_rm.php?B=3&A=1 Contents of The Tipitaka Volume 4 http://84000.org/tipitaka/read/?index_4