|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
135. 9. Yasojattheragathavannana
kalapabbangasankasoti ayasmato yasojattherassa gatha. Ka uppatti?
@Footnote: 1 Si.,i. ovadadhammena lokuttaradhamme 2 Ma. nati 3 Si.,i. ayatim duggatim
@4 i. codita ovadita 5 Si.,i. modanti abhiramantiti
---------------------------------------------------------------------------------------------
page550.
Ayampi purimabuddhesu katadhikaro tattha tattha bhave punnani upacinanto
vipassissa bhagavato kale aramagopakakule nibbattitva vinnutam patto ekadivasam
vipassim bhagavantam akasena gacchantam disva pasannamanaso labujaphalam adasi. So
tena punnakammena devamanussesu samsaranto imasmim buddhuppade savatthinagaradvare
kevattagame pancakulasatajetthakassa kevattassa putto hutva nibbatti, yasojotissa
namam akamsu. So vayappatto attano sahayehi kevattaputtehi saddhim micchagahanattham
aciravatiyam nadiyam jalam khipi. Tattheko suvannavanno mahamaccho antojalam pavisi.
Tam te 1- ranno pasenadissa dassesum. Raja "imassa suvannavannassa macchassa
vannakaranam bhagava janati"ti maccham gahapetva bhagavato dassesi. Bhagava
"ayam kassapassa sammasambuddhassa sasane osakkamane pabbajitva miccha 2-
patipajjanto sasanam osakkapetva niraye nibbatto ekam buddhantaram niraye
paccitva tato cuto aciravatiyam maccho hutva nibbatto"ti vatva tassa bhagininanca
niraye nibbattabhavam, tassa bhatikattherassa parinibbutabhavanca teneva kathapetva
imissa atthuppattiya kapilasuttam 3- desesi.
Satthu desanam sutva yasojo samvegajato saddhim attano sahayehi bhagavato
santike pabbajitva patirupe thane vasanto ekadivasam sapariso bhagavantam vanditum
jetavanam agamasi. Tassa agamane senasanapannapanadina vihare uccasaddamaha-
saddo ahosi. Tam sutva "bhagava saparisam yasojam panamesi"ti sabbam 4- udane 5-
agatanayena veditabbam. Panamito pana 6- ayasma yasojo kasabhihato bhaddo assajaniyo
viya samviggamanaso saddhim parisaya vaggumudaya nadiya tire vasanto ghatento
vayamanto vipassanam vaddhetva antovasseyeva chalabhinno ahosi. Tena vuttam
@Footnote: 1 Si.,i. ayam patho na dissati 2 Si.,i. micchapatipattim 3 khu.sutta. 25/277
@adi/dhammacariyasutta (mahacula.) 4 i. ayam patho na dissati 5 khu.u. 25/23/125
@atthato samanam 6 i. desanam sutva pana
---------------------------------------------------------------------------------------------
page551.
Apadane 1- :-
"nagare bandhumatiya aramiko aham tada
addasam virajam buddham gacchantam anilanjase.
Labujam phalamadaya buddhasetthassadasaham
akaseva thito santo patigganhi mahayaso.
Vittisanjanano mayham ditthadhammasukhavaho
phalam buddhassa datvana vippasannena cetasa.
Adhigacchim tada pitim vipulam sukhamuttamam
uppajjate me 2- ratanam nibbattassa tahim tahim.
Ekanavute ito 3- kappe yam phalam adadim tada
duggatim nabhijanami phaladanassidam phalam.
Kilesa jhapita mayham .pe. katam buddhassa sasanan"ti.
Chalabhinnam pana samanam saparisam ayasmantam yasojam sattha pakkositva anenja-
samapattina patisantharamakasi. So sabbepi dhutangadhamme samadaya vattati. Tenassa
sariram kisam ahosi lukham dubbannam, tam bhagava paramappicchataya pasamsanto:-
[243] "kalapabbangasankaso kiso dhamanisanthato 4-
mattannu annapanamhi alinamanaso 5- naro"ti
pathamam gathamaha.
Tattha kalapabbangasankasoti mamsupacayavigamena kisadusanthitasariravayavataya dantilata-
pabbasadisango, 6- tenaha "kiso dhamanisanthato"ti. Kisoti 7- moneyyapatipadapuranena
@Footnote: 1 khu.apa. 33/57/81 labujaphaladayakattherapadana (sya) 2 cha.Ma. uppajjateva
@3 cha.Ma. ekanavutito 4 pali. dhamanisanthito 5 cha.Ma. adinamanaso
@6 Ma. dantilatapabbasarirasankaso 7 Si.,i. tenaha kisoti
---------------------------------------------------------------------------------------------
page552.
Kisasariro. Dhamanisanthatoti dhamanihi santhatagatto appamamsalohitataya pakatihi 1-
kandarasirahi vitatasariro. Mattannuti pariyesanapatiggahanaparibhogavissajjanesu pamanannu.
Alinamanasoti kosajjadihi anabhibhutatta alinacitto akusitavutti. Naroti puriso,
porisassa dhurassa vahanato porisalakkhanasampanno purisadhorayhoti adhippayo.
Evam thero satthara pasattho pasatthabhavanurupam attano adhivasanakhanti-
viriyarambhavivekabhiratikittanamukhena bhikkhunam dhammam kathento:-
[244] "phuttho damsehi makasehi arannasmim brahavane
nago sangamasiseva sato tatradhivasaye.
[245] Yatha brahma tatha eko yatha devo tatha duve
yatha gamo tatha tayo kolahalam tatuttarin"ti
ima dve gatha abhasi.
Tattha nago sangamasisevati yatha nama ajaneyyo hatthinago yuddha-
mandale asisattitomaradippahare adhivasetva parasenam viddhamseti, evam bhikkhu
arannasmim brahavane arannaniyam 2- damsadiparissaye sato sampajano adhivaseyya,
adhivasetva ca bhavanabalena marabalam vidhameyya.
Yatha brahmati yatha brahma ekako cittappakoparahito jhanasukhena niccameva
sukhito viharati, tatha ekoti bhikkhupi eko adutiyo vivekasukhamanubruhento sukham
viharati. Ekassa samannasukham panitanti hi vuttam. Etena ekavihari bhikkhu "brahma-
samo"ti ovadam deti. Yatha devo tatha duveti yatha devanam 3- antarantara
cittappakopopi siya, tatha dvinnam bhikkhunam sahavase ghattanapi bhaveyyati
sadutiyavasena 4- bhikkhu "devasamo"ti vutto. Yatha gamo tatha tayoti asmimeva pathe 5-
tinnam
@Footnote: 1 Si.,i. pakatagatihi 2 Ma. arannakani 3 Ma. dutiyatthane
@4 Si.,i. dutiyavasena 5 Si.,i. ayameva va patho
---------------------------------------------------------------------------------------------
page553.
Bhikkhunam sahavaso gamavasasadiso vivekavaso na hotiti adhippayo. Kolahalam
tatuttarinti tato tayato 1- upari ca bahunam samvaso kolahalam uccasaddamahasaddamaha- 2-
janasannipatasadiso, tasma ekaviharina bhavitabbanti adhippayoti.
Yasojattheragathavannana nitthita.
----------------
The Pali Atthakatha in Roman Book 32 page 549-553.
http://84000.org/tipitaka/pitaka_item/read_rm.php?B=32&A=12306&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=32&A=12306&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=315
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6119
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6238
The Pali Tipitaka in Roman Character :-
http://84000.org/tipitaka/read/roman_read.php?B=26&A=6238
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]