|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
![อ่านหน้า[ต่าง] สุดท้าย](go4.gif)
พระไตรปิฎกเล่มที่ ๓๔ ภาษาบาลี อักษรไทย พระอภิธรรมปิฎกเล่มที่ ๑ อภิ. ธมฺมสงฺคณิ
[๗๙๑] กตเม ธมฺมา กิเลสา ทส กิเลสวตฺถูนิ โลโภ โทโส โมโห มาโน ทิฏฺิ วิจิกิจฺฉา ถีนํ อุทฺธจฺจํ อหิริกํ อโนตฺตปฺปํ ฯ [๗๙๒] ตตฺถ กตโม โลโภ โย ราโค สาราโค อนุนโย อนุโรโธ นนฺที นนฺทีราโค จิตฺตสฺส สาราโค อิจฺฉา มุจฺฉา อชฺโฌสานํ เคโธ ปลิเคโธ สงฺโค ปงฺโก เอชา มายา ชนิกา สญฺชนนี สิพฺพินี ชาลินี สริตา วิสตฺติกา สุตฺตํ วิสฏา อายูหนี ทุติยา ปณิธิ ภวเนตฺติ วนํ วนโถ สนฺถโว สิเนโห อเปกฺขา ปฏิพนฺธุ อาสา อาสึสนา อาสึสิตตฺตํ รูปาสา สทฺทาสา คนฺธาสา รสาสา โผฏฺพฺพาสา ลาภาสา ธนาสา ปุตฺตาสา ชีวิตาสา ชปฺปา ปชปฺปา อภิชปฺปา ชปฺปา ชปฺปนา ชปฺปิตตฺตํ โลลุปฺปํ โลลุปฺปายนา โลลุปฺปายิตตฺตํ ปุญฺจิกตา สาธุกมฺยตา อธมฺมราโค วิสมโลโภ นิกนฺติ นิกามนา ปตฺถนา ปิหนา สมฺปตฺถนา กามตณฺหา ภวตณฺหา วิภวตณฺหา รูปตณฺหา อรูปตณฺหา นิโรธตณฺหา รูปตณฺหา สทฺทตณฺหา คนฺธตณฺหา รสตณฺหา โผฏฺพฺพตณฺหา ธมฺมตณฺหา โอโฆ โยโค คนฺโถ อุปาทานํ อาวรณํ นีวรณํ ฉาทนํ พนฺธนํ อุปกฺกิเลโส อนุสโย ปริยุฏฺานํ ลตา เววิจฺฉํ ทุกฺขมูลํ ทุกฺขนิทานํ ทุกฺขปฺปภโว มารปาโส มารพลิสํ มารวิสโย ตณฺหานที ตณฺหาชาลํ ตณฺหาคทฺทุลํ ตณฺหาสมุทฺโท อภิชฺฌา โลโภ อกุสลมูลํ อยํ วุจฺจติ โลโภ ฯ [๗๙๓] ตตฺถ กตโม โทโส อนตฺถํ เม อจรีติ อาฆาโต ชายติ อนตฺถํ เม จรตีติ อาฆาโต ชายติ อนตฺถํ เม จริสฺสตีติ อาฆาโต ชายติ ปิยสฺส เม มนาปสฺส อนตฺถํ อจริ ฯเปฯ อนตฺถํ จรติ ฯเปฯ อนตฺถํ จริสฺสตีติ อาฆาโต ชายติ อปฺปิยสฺส เม อมนาปสฺส อตฺถํ อจริ ฯเปฯ อตฺถํ จรติ ฯเปฯ อตฺถํ จริสฺสตีติ อาฆาโต ชายติ อฏฺาเน วา ปน อาฆาโต ชายติ โย เอวรูโป จิตฺตสฺส อาฆาโต ปฏิฆาโต ปฏิฆํ ปฏิวิโรโธ โกโป ปโกโป สมฺปโกโป โทโส ปโทโส สมฺปโทโส จิตฺตสฺส พฺยาปตฺติ มโนปโทโส โกโธ กุชฺฌนา กุชฺฌิตตฺตํ โทโส ทูสนา ทูสิตตฺตํ พฺยาปตฺติ พฺยาปชฺชนา พฺยาปชฺชิตตฺตํ วิโรโธ ปฏิวิโรโธ จณฺฑิกฺกํ อสุโรโป อนตฺตมนตา จิตฺตสฺส อยํ วุจฺจติ โทโส ฯ [๗๙๔] ตตฺถ กตโม โมโห ทุกฺเข อญฺาณํ ทุกฺขสมุทเย อญฺาณํ ทุกฺขนิโรเธ อญฺาณํ ทุกฺขนิโรธคามินิยา ปฏิปทาย อญฺาณํ ปุพฺพนฺเต อญฺาณํ อปรนฺเต อญฺาณํ ปุพฺพนฺตาปรนฺเต อญฺาณํ อิทปฺปจฺจยตาปฏิจฺจสมุปฺปนฺเนสุ ธมฺเมสุ อญฺาณํ ยํ เอวรูปํ อญฺาณํ อทสฺสนํ อนภิสมโย อนนุโพโธ อสมฺโพโธ อปฺปฏิเวโธ อสงฺคาหนา อปริโยคาหนา อสมเปกฺขนา อปฺปจฺจเวกฺขณา อปฺปจฺจกฺขกมฺมํ ทุมฺเมชฺฌํ พาลฺยํ อสมฺปชญฺ โมโห ปโมโห สมฺโมโห อวิชฺชา อวิชฺโชโฆ อวิชฺชาโยโค อวิชฺชานุสโย อวิชฺชาปริยุฏฺานํ อวิชฺชาลงฺคี โมโห อกุสลมูลํ อยํ วุจฺจติ โมโห ฯ [๗๙๕] ตตฺถ กตโม มาโน เสยฺโยหมสฺมีติ มาโน สทิโสหมสฺมีติ มาโน หีโนหมสฺมีติ มาโน โย เอวรูโป มาโน มญฺนา มญฺิตตฺตํ อุณฺณติ อุณฺณาโม ธโช สมฺปคฺคาโห เกตุกมฺยตา จิตฺตสฺส อยํ วุจฺจติ มาโน ฯ [๗๙๖] ตตฺถ กตมา ทิฏฺิ สสฺสโต โลโกติ วา อสสฺสโต โลโกติ วา อนฺตวา โลโกติ วา อนนฺตวา โลโกติ วา ตํ ชีวํ ตํ สรีรนฺติ วา อญฺ ชีวํ อญฺ สรีรนฺติ วา โหติ ตถาคโต ปรมฺมรณาติ วา น โหติ ตถาคโต ปรมฺมรณาติ วา โหติ จ น จ โหติ ตถาคโต ปรมฺมรณาติ วา เนว โหติ น น โหติ ตถาคโต ปรมฺมรณาติ วา ยา เอวรูปา ทิฏฺิ ทิฏฺิคตํ ทิฏฺิคหนํ ทิฏฺิกนฺตาโร ทิฏฺิวิสูกายิกํ ทิฏฺิวิปฺผนฺทิตํ ทิฏฺิสญฺโชนํ คาโห ปฏิคฺคาโห อภินิเวโส ปรามาโส กุมฺมคฺโค มิจฺฉาปโถ มิจฺฉตฺตํ ติตฺถายตนํ วิปริเยสคฺคาโห อยํ วุจฺจติ ทิฏฺิ ฯ สพฺพาปิ มิจฺฉาทิฏฺิ ทิฏฺิ ฯ [๗๙๗] ตตฺถ กตมา วิจิกิจฺฉา สตฺถริ กงฺขติ วิจิกิจฺฉติ ธมฺเม กงฺขติ วิจิกิจฺฉติ สงฺเฆ กงฺขติ วิจิกิจฺฉติ สิกฺขาย กงฺขติ วิจิกิจฺฉติ ปุพฺพนฺเต กงฺขติ วิจิกิจฺฉติ อปรนฺเต กงฺขติ วิจิกิจฺฉติ ปุพฺพนฺตาปรนฺเต กงฺขติ วิจิกิจฺฉติ อิทปฺปจฺจยตาปฏิจฺจสมุปฺปนฺเนสุ ธมฺเมสุ กงฺขติ วิจิกิจฺฉติ ยา เอวรูปา กงฺขา กงฺขายนา กงฺขายิตตฺตํ วิมติ วิจิกิจฺฉา เทฺวฬฺหกํ เทฺวธาปโถ สํสโย อเนกํสคาโห อาสปฺปนา ปริสปฺปนา อปริโยคาหนา ถมฺภิตตฺตํ จิตฺตสฺส มโนวิเลโข อยํ วุจฺจติ วิจิกิจฺฉา ฯ [๗๙๘] ตตฺถ กตมํ ถีนํ ยา จิตฺตสฺส อกลฺยตา อกมฺมญฺตา โอลียนา สลฺลียนา ลีนํ ลียนา ลียิตตฺตํ ถีนํ ถียนา ถียิตตฺตํ จิตฺตสฺส อิทํ วุจฺจติ ถีนํ ฯ [๗๙๙] ตตฺถ กตมํ อุทฺธจฺจํ ยํ จิตฺตสฺส อุทฺธจฺจํ อวูปสโม เจตโส วิกฺเขโป ภนฺตตฺตํ จิตฺตสฺส อิทํ วุจฺจติ อุทฺธจฺจํ ฯ [๘๐๐] ตตฺถ กตมํ อหิริกํ ยํ น หิริยติ หิริยิตพฺเพน น หิริยติ ปาปกานํ อกุสลานํ ธมฺมานํ สมาปตฺติยา อิทํ วุจฺจติ อหิริกํ ฯ [๘๐๑] ตตฺถ กตมํ อโนตฺตปฺปํ ยํ น โอตฺตปฺปติ โอตฺตปฺปิตพฺเพน น โอตฺตปฺปติ ปาปกานํ อกุสลานํ ธมฺมานํ สมาปตฺติยา อิทํ วุจฺจติ อโนตฺตปฺปํ ฯ อิเม ธมฺมา กิเลสา ฯ [๘๐๒] กตเม ธมฺมา โนกิเลสา เต ธมฺเม เปตฺวา อวเสสา กุสลากุสลาพฺยากตา ธมฺมา กามาวจรา รูปาวจรา อรูปาวจรา อปริยาปนฺนา เวทนากฺขนฺโธ ฯเปฯ วิญฺาณกฺขนฺโธ สพฺพญฺจ รูปํ อสงฺขตา จ ธาตุ อิเม ธมฺมา โนกิเลสา ฯ [๘๐๓] กตเม ธมฺมา สงฺกิเลสิกา สาสวา กุสลากุสลาพฺยากตา ธมฺมา กามาวจรา รูปาวจรา อรูปาวจรา รูปกฺขนฺโธ ฯเปฯ วิญฺาณกฺขนฺโธ อิเม ธมฺมา สงฺกิเลสิกา ฯ กตเม ธมฺมา อสงฺกิเลสิกา อปริยาปนฺนา มคฺคา จ มคฺคผลานิ จ อสงฺขตา จ ธาตุ อิเม ธมฺมา อสงฺกิเลสิกา ฯ [๘๐๔] กตเม ธมฺมา สงฺกิลิฏฺา ตีณิ อกุสลมูลานิ โลโภ โทโส โมโห ตเทกฏฺา จ กิเลสา ตํสมฺปยุตฺโต เวทนากฺขนฺโธ ฯเปฯ วิญฺาณกฺขนฺโธ ตํสมุฏฺานํ กายกมฺมํ วจีกมฺมํ มโนกมฺมํ อิเม ธมฺมา สงฺกิลิฏฺา ฯ กตเม ธมฺมา อสงฺกิลิฏฺา กุสลาพฺยากตา ธมฺมา กามาวจรา รูปาวจรา อรูปาวจรา อปริยาปนฺนา เวทนากฺขนฺโธ ฯเปฯ วิญฺาณกฺขนฺโธ สพฺพญฺจ รูปํ อสงฺขตา จ ธาตุ อิเม ธมฺมา อสงฺกิลิฏฺา ฯ [๘๐๕] กตเม ธมฺมา กิเลสสมฺปยุตฺตา เตหิ ธมฺเมหิ เย ธมฺมา สมฺปยุตฺตา เวทนากฺขนฺโธ ฯเปฯ วิญฺาณกฺขนฺโธ อิเม ธมฺมา กิเลสสมฺปยุตฺตา ฯ กตเม ธมฺมา กิเลสวิปฺปยุตฺตา เตหิ ธมฺเมหิ เย ธมฺมา วิปฺปยุตฺตา เวทนากฺขนฺโธ ฯเปฯ วิญฺาณกฺขนฺโธ สพฺพญฺจ รูปํ อสงฺขตา จ ธาตุ อิเม ธมฺมา กิเลสวิปฺปยุตฺตา ฯ [๘๐๖] กตเม ธมฺมา กิเลสาเจวสงฺกิเลสิกาจ เตว กิเลสา กิเลสาเจวสงฺกิเลสิกาจ ฯ กตเม ธมฺมา สงฺกิเลสิกาเจวโนจกิเลสา เตหิ ธมฺเมหิ เย ธมฺมา สงฺกิเลสิกา เต ธมฺเม เปตฺวา อวเสสา สาสวา กุสลากุสลาพฺยากตา ธมฺมา กามาวจรา รูปาวจรา อรูปาวจรา รูปกฺขนฺโธ ฯเปฯ วิญฺาณกฺขนฺโธ อิเม ธมฺมา สงฺกิเลสิกาเจวโนจกิเลสา ฯ [๘๐๗] กตเม ธมฺมา กิเลสาเจวสงฺกิลิฏฺาจ เตว กิเลสา กิเลสาเจวสงฺกิลิฏฺาจ ฯ กตเม ธมฺมา สงฺกิลิฏฺาเจวโนจกิเลสา เตหิ ธมฺเมหิ เย ธมฺมา สงฺกิลิฏฺา เต ธมฺเม เปตฺวา เวทนากฺขนฺโธ ฯเปฯ วิญฺาณกฺขนฺโธ อิเม ธมฺมา สงฺกิลิฏฺาเจวโนจกิเลสา ฯ [๘๐๘] กตเม ธมฺมา กิเลสาเจวกิเลสสมฺปยุตฺตาจ โลโภ โมเหน กิเลโสเจวกิเลสสมฺปยุตฺโตจ โมโห โลเภน กิเลโสเจว- กิเลสสมฺปยุตฺโตจ โทโส โมเหน กิเลโสเจวกิเลสสมฺปยุตฺโตจ โมโห โทเสน กิเลโสเจวกิเลสสมฺปยุตฺโตจ มาโน โมเหน กิเลโสเจวกิเลสสมฺปยุตฺโตจ โมโห มาเนน กิเลโสเจวกิเลสสมฺปยุตฺโตจ ทิฏฺิ โมเหน กิเลโสเจว- กิเลสสมฺปยุตฺตาจ โมโห ทิฏฺิยา กิเลโสเจวกิเลสสมฺปยุตฺโตจ วิจิกิจฺฉา โมเหน กิเลโสเจวกิเลสสมฺปยุตฺตาจ โมโห วิจิกิจฺฉาย กิเลโสเจวกิเลสสมฺปยุตฺโตจ ถีนํ โมเหน กิเลโสเจว- กิเลสสมฺปยุตฺตญฺจ โมโห ถีเนน กิเลโสเจวกิเลสสมฺปยุตฺโตจ อุทฺธจฺจํ โมเหน กิเลโสเจวกิเลสสมฺปยุตฺตญฺจ โมโห อุทฺธจฺเจน กิเลโสเจวกิเลสสมฺปยุตฺโตจ อหิริกํ โมเหน กิเลโสเจวกิเลสสมฺปยุตฺตญฺจ โมโห อหิริเกน กิเลโสเจว- กิเลสสมฺปยุตฺโตจ อโนตฺตปฺปํ โมเหน กิเลโสเจวกิเลสสมฺปยุตฺตญฺจ โมโห อโนตฺตปฺเปน กิเลโสเจวกิเลสสมฺปยุตฺโต จ {๘๐๘.๑} โลโภ อุทฺธจฺเจน กิเลโสเจวกิเลสสมฺปยุตฺโตจ อุทฺธจฺจํ โลเภน กิเลโสเจวกิเลสสมฺปยุตฺตญฺจ โทโส อุทฺธจฺเจน กิเลโสเจว- กิเลสสมฺปยุตฺโตจ อุทฺธจฺจํ โทเสน กิเลโสเจวกิเลสสมฺปยุตฺตญฺจ โมโห อุทฺธจฺเจน กิเลโสเจวกิเลสสมฺปยุตฺโตจ อุทฺธจฺจํ โมเหน กิเลโสเจวกิเลสสมฺปยุตฺตญฺจ มาโน อุทฺธจฺเจน กิเลโสเจวกิเลส- สมฺปยุตฺโตจ อุทฺธจฺจํ มาเนน กิเลโสเจวกิเลสสมฺปยุตฺตญฺจ ทิฏฺิ อุทฺธจฺเจน กิเลโสเจวกิเลสสมฺปยุตฺตาจ อุทฺธจฺจํ ทิฏฺิยา กิเลโสเจว- กิเลสสมฺปยุตฺตญฺจ วิจิกิจฺฉา อุทฺธจฺเจน กิเลโสเจวกิเลสสมฺปยุตฺตาจ อุทฺธจฺจํ วิจิกิจฺฉาย กิเลโสเจวกิเลสสมฺปยุตฺตญฺจ ถีนํ อุทฺธจฺเจน กิเลโสเจวกิเลสสมฺปยุตฺตญฺจ อุทฺธจฺจํ ถีเนน กิเลโสเจวกิเลสสมฺปยุตฺตญฺจ อหิริกํ อุทฺธจฺเจน กิเลโสเจวกิเลสสมฺปยุตฺตญฺจ อุทฺธจฺจํ อหิริเกน กิเลโสเจวกิเลสสมฺปยุตฺตญฺจ อโนตฺตปฺปํ อุทฺธจฺเจน กิเลโสเจวกิเลสสมฺปยุตฺตญฺจ อุทฺธจฺจํ อโนตฺตปฺเปน กิเลโส- เจวกิเลสสมฺปยุตฺตญฺจ {๘๐๘.๒} โลโภ อหิริเกน กิเลโสเจวกิเลสสมฺปยุตฺโตจ อหิริกํ โลเภน กิเลโสเจวกิเลสสมฺปยุตฺตญฺจ โทโส อหิริเกน กิเลโสเจว- กิเลสสมฺปยุตฺโตจ อหิริกํ โทเสน กิเลโสเจวกิเลสสมฺปยุตฺตญฺจ โมโห อหิริเกน กิเลโสเจวกิเลสสมฺปยุตฺโตจ อหิริกํ โมเหน กิเลโสเจว- กิเลสสมฺปยุตฺตญฺจ มาโน อหิริเกน กิเลโสเจวกิเลสสมฺปยุตฺโตจ อหิริกํ มาเนน กิเลโสเจวกิเลสสมฺปยุตฺตญฺจ ทิฏฺิ อหิริเกน {๘๐๘.๓} กิเลโสเจวกิเลสสมฺปยุตฺตาจ อหิริกํ ทิฏฺิยา กิเลโสเจว- กิเลสสมฺปยุตฺตญฺจ วิจิกิจฺฉา อหิริเกน กิเลโสเจวกิเลสสมฺปยุตฺตาจ อหิริกํ วิจิกิจฺฉาย กิเลโสเจวกิเลสสมฺปยุตฺตญฺจ ถีนํ อหิริเกน กิเลโส- เจวกิเลสสมฺปยุตฺตญฺจ อหิริกํ ถีเนน กิเลโสเจวกิเลส- สมฺปยุตฺตญฺจ อุทฺธจฺจํ อหิริเกน กิเลโสเจวกิเลสสมฺปยุตฺตญฺจ อหิริกํ อุทฺธจฺเจน กิเลโสเจวกิเลสสมฺปยุตฺตญฺจ อโนตฺตปฺปํ อหิริเกน กิเลโสเจวกิเลสสมฺปยุตฺตญฺจ อหิริกํ อโนตฺตปฺเปน กิเลโสเจวกิเลสสมฺปยุตฺตญฺจ {๘๐๘.๔} โลโภ อโนตฺตปฺเปน กิเลโสเจวกิเลสสมฺปยุตฺโตจ อโนตฺตปฺปํ โลเภน กิเลโสเจวกิเลสสมฺปยุตฺตญฺจ โทโส อโนตฺตปฺเปน กิเลโสเจวกิเลสสมฺปยุตฺโตจ อโนตฺตปฺปํ โทเสน กิเลโสเจวกิเลสสมฺปยุตฺตญฺจ โมโห อโนตฺตปฺเปน กิเลโสเจวกิเลสสมฺปยุตฺโตจ อโนตฺตปฺปํ โมเหน กิเลโสเจวกิเลสสมฺปยุตฺตญฺจ มาโน อโนตฺตปฺเปน กิเลโส- เจวกิเลสสมฺปยุตฺโตจ อโนตฺตปฺปํ มาเนน กิเลโสเจว- กิเลสสมฺปยุตฺตญฺจ ทิฏฺิ อโนตฺตปฺเปน กิเลโสเจวกิเลสสมฺปยุตฺตาจ อโนตฺตปฺปํ ทิฏฺิยา กิเลโสเจวกิเลสสมฺปยุตฺตญฺจ วิจิกิจฺฉา อโนตฺตปฺเปน กิเลโสเจวกิเลสสมฺปยุตฺตาจ อโนตฺตปฺปํ วิจิกิจฺฉาย กิเลโสเจวกิเลสสมฺปยุตฺตญฺจ ถีนํ อโนตฺตปฺเปน กิเลโสเจวกิเลสสมฺปยุตฺตญฺจ อโนตฺตปฺปํ ถีเนน กิเลโสเจว- กิเลสสมฺปยุตฺตญฺจ อุทฺธจฺจํ อโนตฺตปฺเปน กิเลโสเจวกิเลสสมฺปยุตฺตญฺจ อโนตฺตปฺปํ อุทฺธจฺเจน กิเลโสเจวกิเลสสมฺปยุตฺตญฺจ อหิริกํ อโนตฺตปฺเปน กิเลโสเจวกิเลสสมฺปยุตฺตญฺจ อโนตฺตปฺปํ อหิริเกน กิเลโสเจวกิเลสสมฺปยุตฺตญฺจ อิเม ธมฺมา กิเลสา- เจวกิเลสสมฺปยุตฺตาจ ฯ กตเม ธมฺมา กิเลสสมฺปยุตฺตาเจว- โนจกิเลสา เตหิ ธมฺเมหิ เย ธมฺมา สมฺปยุตฺตา เต ธมฺเม เปตฺวา เวทนากฺขนฺโธ ฯเปฯ วิญฺาณกฺขนฺโธ อิเม ธมฺมา กิเลสสมฺปยุตฺตาเจวโนจกิเลสา ฯ [๘๐๙] กตเม ธมฺมา กิเลสวิปฺปยุตฺตา สงฺกิเลสิกา เตหิ ธมฺเมหิ เย ธมฺมา วิปฺปยุตฺตา สาสวา กุสลาพฺยากตา ธมฺมา กามาวจรา รูปาวจรา อรูปาวจรา รูปกฺขนฺโธ ฯเปฯ วิญฺาณกฺขนฺโธ อิเม ธมฺมา กิเลสวิปฺปยุตฺตา สงฺกิเลสิกา ฯ กตเม ธมฺมา กิเลสวิปฺปยุตฺตา อสงฺกิเลสิกา อปริยาปนฺนา มคฺคา จ มคฺคผลานิ จ อสงฺขตา จ ธาตุ อิเม ธมฺมา กิเลสวิปฺปยุตฺตา อสงฺกิเลสิกา ฯ -----------
เนื้อความพระไตรปิฎกฉบับภาษาบาลี อักษรไทย เล่มที่ ๓๔ หน้าที่ ๓๑๐-๓๑๙. https://84000.org/tipitaka/read/pali_read.php?B=34&A=6220&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=34&A=6220&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=34&item=791&items=19 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=34&siri=63 ศึกษาอรรถกถานี้ได้ที่ :- https://84000.org/tipitaka/attha/attha.php?b=34&i=791 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=53&A=11044 The Pali Atthakatha in Roman :- https://84000.org/tipitaka/atthapali/read_rm.php?B=53&A=11044 สารบัญพระไตรปิฎกเล่มที่ ๓๔ https://84000.org/tipitaka/read/?index_34 https://84000.org/tipitaka/english/?index_34
![อ่านหน้า[ต่าง] แรก](go1.gif) ![อ่านหน้า[ต่าง] ที่แล้ว](go2.gif)   ![อ่านหน้า[ต่าง] ถัดไป](go3.gif)  |
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]