บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[300] Yo hi koci bhikkhave ime cattaro satipatthane evam bhaveyya satta vassani tassa dvinnam phalanam annataram phalam patikankham ditthe va dhamme anna sati va upadisese anagamita. {300.1} Titthantu bhikkhave satta vassani. Yo hi koci bhikkhave ime cattaro satipatthane evam bhaveyya cha vassani. Panca vassani. Cattari vassani . tini vassani . dve vassani. Ekam vassam .pe. Titthatu bhikkhave ekam vassam . yo hi koci bhikkhave ime cattaro satipatthane evam bhaveyya satta masani tassa dvinnam phalanam annataram phalam patikankham ditthe va dhamme anna sati va Upadisese anagamita. {300.2} Titthantu bhikkhave satta masani. Yo hi koci bhikkhave ime cattaro satipatthane evam bhaveyya cha masani. Panca masani. Cattari masani . tini masani . dve masani . ekam masam. Addhamasam 1- .pe. titthatu bhikkhave addhamaso. Yo hi koci bhikkhave ime cattaro satipatthane evam bhaveyya sattaham tassa dvinnam phalanam annataram phalam patikankham ditthe va dhamme anna sati va upadisese anagamita 2-. {300.3} Ekayano ayam bhikkhave maggo sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam cattaro satipatthanati . iti yantam vuttam idametam paticca vuttanti . Idamavoca bhagava . attamana te bhikkhu bhagavato bhasitam abhinandunti. Mahasatipatthanasuttam nitthitam navamam. ------------------ @Footnote: 1 Ma. addhamasam. 2 Ma. anagamitati. Payasirajannasuttam 1- [301] Evamme sutam . ekam samayam ayasma kumarakassapo kosalesu carikam caramano mahata bhikkhusanghena saddhim pancamattehi bhikkhusatehi yena setabya nama kosalanam nagaram tadavasari . Tatra sudam ayasma kumarakassapo setabyayam viharati uttarena setabyam sisapavane 2- . tena kho pana samayena payasi rajanno setabyam ajjhavasati sattussadam satinakatthodakam sadhannam rajabhoggam ranna pasenadina kosalena dinnam rajadayam brahmadeyyam. {301.1} Tena kho pana samayena payasissa rajannassa evarupam papakam ditthigatam uppannam hoti itipi natthi paro loko natthi satta opapatika natthi sukatadukkatanam 3- kammanam phalam vipakoti . Assosum kho setabyaka brahmanagahapatika samano khalu bho kumarakassapo samanassa gotamassa savako kosalesu carikam caramano mahata bhikkhusanghena saddhim pancamattehi bhikkhusatehi setabyam anuppatto setabyayam viharati uttarena setabyam sisapavane . tam kho pana bhavantam kumarakassapam evamkalyano kittisaddo abbhuggato pandito byatto medhavi bahussuto cittakathi kalyanapatibhano buddho 4- ceva araha ca sadhu kho pana tatharupanam arahatam dassanam hotiti . athakho setabyaka brahmanagahapatika setabyaya @Footnote: 1 Yu. payasisuttanta. Ma. payasisutta. 2 Ma. Yu. simsapavane. ito param @idisameva. 3 Si. Yu. sukkatadukkatanam. 4 Ma. vuddho. Yu. vuddho. ito @param idisameva. Nikkhamitva sanghasanghiganibhuta 1- uttarenamukha gacchanti yena sisapavanam 2-. [302] Tena kho pana samayena payasi rajanno uparipasade divaseyyam upagato hoti . addasa kho payasi rajanno setabyake brahmanagahapatike setabyaya nikkhamitva sanghasanghiganibhute uttarenamukhe gacchante 3- disva khattam amantesi kim nu kho bho khatte setabyaka brahmanagahapatika setabyaya nikkhamitva sanghasanghiganibhuta uttarenamukha gacchanti yena sisapavananti 4-. {302.1} Atthi kho bho samano kumarakassapo samanassa gotamassa savako kosalesu carikam caramano mahata bhikkhusanghena saddhim pancamattehi bhikkhusatehi setabyam anuppatto setabyayam viharati uttarena setabyam sisapavane tam kho pana bhavantam kumarakassapam evamkalyano kittisaddo abbhuggato pandito viyatto medhavi bahussuto cittakathi kalyanapatibhano buddho ceva araha ca 5- tamete bhavantam kumarakassapam dassanaya upasankamissantiti 6- . tenahi bho khatte yena setabyaka brahmanagahapatika tenupasankama upasankamitva setabyake brahmanagahapatike evam vadehi payasi bho rajanno @Footnote: 1 Si. sanghasanghiganibhuta. 2 ito param Si. Yu. tenupasankamantiti dissati. @3 ito param Si. Yu. tenupasankamanteti dissati. 4 Ma. yena simsapavanam. @5 Ma. Yu. cati. 6 Ma. Yu. upasankamantiti. Evamaha agamentu kira bhavanto payasi 1- rajanno samanam kumarakassapam dassanaya upasankamissatiti 2- pura samano kumarakassapo setabyake brahmanagahapatike bale abyatte sannapeti itipi atthi paro 3- loko atthi satta opapatika atthi sukatadukkatanam kammanam phalam vipakoti natthi hi bho khatte paro loko natthi satta opapatika natthi sukatadukkatanam kammanam phalam vipakoti . evam bhoti kho so khatta payasissa rajannassa patissutva yena setabyaka brahmanagahapatika tenupasankami upasankamitva setabyake brahmanagahapatike etadavoca payasi bho rajanno evamaha agamentu kira bhavanto payasi 4- rajanno samanam kumarakassapam dassanaya upasankamissatiti. {302.2} Athakho payasi rajanno setabyakehi brahmanagahapatikehi parivuto yena sisapavanam yenayasma kumarakassapo tenupasankami upasankamitva ayasmata kumarakassapena saddhim sammodi sammodaniyam katham saraniyam vitisaretva ekamantam nisidi . setabyakapi kho brahmanagahapatika appekacce ayasmantam kumarakassapam abhivadetva ekamantam nisidimsu appekacce ayasmata kumarakassapena saddhim sammodimsu sammodaniyam katham saraniyam vitisaretva ekamantam nisidimsu appekacce yenayasma kumarakassapo tenanjalim panametva ekamantam nisidimsu appekacce namagottam savetva @Footnote: 1-4 Ma. payasipi. 2 Ma. itisaddo natthi. 3 Yu. paraloko. Ekamantam nisidimsu appekacce tunhibhuta ekamantam nisidimsu. {302.3} Ekamantam nisinno kho payasi rajanno ayasmantam kumarakassapam etadavoca ahanhi bho kassapa evamvadi evamditthi itipi natthi paro loko natthi satta opapatika natthi sukatadukkatanam kammanam phalam vipakoti . soham 1- rajanna evamvadim evamditthim addasam va assosim va kathanhi nama evam vadeyya itipi natthi paro loko natthi satta opapatika natthi sukatadukkatanam kammanam phalam vipakoti {302.4} tenahi rajanna tannevettha patipucchissami yatha te khameyya tatha nam byakareyyasi tam kim mannasi rajanna ime candimasuriya imasmim va loke parasmim va deva va [2]- manussa vati . ime bho kassapa candimasuriya parasmim loke na imasmim deva te na manussati . iminapi kho te rajanna pariyayena evam hotu itipi atthi paro loko atthi satta opapatika atthi sukatadukkatanam kammanam phalam vipakoti. [303] Kincapi bhavam kassapo evamaha athakho evamme ettha hoti itipi natthi paro loko natthi satta opapatika natthi sukatadukkatanam kammanam phalam vipakoti . atthi pana rajanna pariyayo yena te pariyayena evam hoti itipi natthi paro loko natthi satta opapatika natthi sukatadukkatanam kammanam phalam vipakoti . atthi bho kassapa pariyayo yena me pariyayena @Footnote: 1 Ma. Yu. naham. 2 Ma. Yu. te. Evam hoti itipi natthi paro loko natthi satta opapatika natthi sukatadukkatanam kammanam phalam vipakoti . yathakatham viya rajannati . idha me bho kassapa mittamacca natisalohita panatipati adinnadayi kamesu micchacari musavadi pisunavaca pharusavaca samphappalapi abhijjhalu byapannacitta micchaditthi te aparena samayena abadhika honti dukkhita balhagilana yadaham janami nadanime imamha abadha vutthahissantiti tyaham upasankamitva evam vadami santi kho bho eke samanabrahmana evamvadino evamditthino ye te panatipati adinnadayi kamesu micchacari musavadi pisunavaca pharusavaca samphappalapi abhijjhalu byapannacitta micchaditthi te kayassa bheda parammarana apayam duggatim vinipatam nirayam upapajjantiti {303.1} bhavanto kho panatipati adinnadayi kamesu micchacari musavadi pisunavaca pharusavaca samphappalapi abhijjhalu byapannacitta micchaditthi sace tesam bhavati 1- samanabrahmananam saccam vacanam bhavanto kayassa bheda parammarana apayam duggatim vinipatam nirayam upapajjissanti sace bho kayassa bheda parammarana apayam duggatim vinipatam nirayam upapajjeyyatha yena me agantva aroceyyatha itipi atthi paro loko atthi satta opapatika atthi sukatadukkatanam kammanam phalam @Footnote: 1 Ma. Yu. bhavatam. ito param idisameva. Vipakoti bhavanto kho pana me saddhayika paccayika yam bhavantebhi dittham yatha samam dittham evametam bhavissatiti te me sadhuti patissutva neva agantva arocenti na pana dutam pahinanti ayampi kho bho kassapa pariyayo yena me pariyayena evam hoti itipi natthi paro loko natthi satta opapatika natthi sukatadukkatanam kammanam phalam vipakoti. [304] Tenahi rajanna tannevettha patipucchissami yatha te khameyya tatha nam byakareyyasi tam kim mannasi rajanna idha te purisa coram agucarim gahetva dasseyyum ayante bhante coro agucari imassa yam icchasi tam dandam vadehiti 1- te tvam evam vadeyyasi tenahi bho imam purisam dalhaya rajjuya pacchabaham galhabandhanam bandhitva khuramundam karetva 2- kharassarena panavena rathiyaya 3- rathiyam singhatakena singhatakam parinetva dakkhinena dvarena nikkhamitva dakkhinato nagarassa aghatane sisam chindathati te te sadhuti patissutva tam purisam dalhaya rajjuya pacchabaham galhabandhanam bandhitva khuramundam karetva kharassarena panavena rathiyaya rathiyam singhatakena singhatakam parinetva dakkhinena dvarena nikkhamitva dakkhinato nagarassa aghatane nisidapeyyum labheyya nu kho bho 4- coro coraghatesu agamentu tava bhavanto coraghata @Footnote: 1 Si. Ma. Yu. panehiti. 2 Si. Ma. Yu. karitva. ito param idisameva. @3 Ma. rathikaya rathikam. ito param idisameva. 4 Ma. Yu. so. Amukasmim [1]- game va nigame va mittamacca natisalohita yavaham tesam uddisitva 2- agacchamiti udahu vippalapantasseva coraghata sisam chindeyyunti . na hi so bho kassapa coro labheyya coraghatesu agamentu tava bhavanto coraghata amukasmim game va nigame va mittamacca natisalohita yavaham tesam uddisitva agacchamiti athakho nam vippalapantasseva coraghata sisam chindeyyunti. {304.1} So hi nama rajanna coro manusso manussabhutesu coraghatesu na labhissati agamentu tava bhavanto coraghata amukasmim game va nigame va mittamacca natisalohita yavaham tesam uddisitva agacchamiti kim pana te mittamacca natisalohita panatipati adinnadayi kamesu micchacari musavadi pisunavaca pharusavaca samphappalapi abhijjhalu byapannacitta micchaditthi [3]- kayassa bheda parammarana apayam duggatim vinipatam nirayam upapanna labhissanti nirayapalesu agamentu tava bhavanto nirayapala yava mayam payasissa rajannassa gantva arocema itipi atthi paro loko atthi satta opapatika atthi sukatadukkatanam kammanam phalam vipako 4- iminapi kho te rajanna pariyayena evam hotu itipi atthi paro loko atthi satta opapatika atthi sukatadukkatanam kammanam phalam vipakoti. @Footnote: 1 Ma. Yu. me. ito param idisameva. 2 Yu. uddassetva. ito param idisameva. @3 Ma. te. 4 Ma. Yu. vipakoti. [305] Kincapi bhavam kassapo evamaha athakho evamme ettha hoti itipi natthi paro loko natthi satta opapatika natthi sukatadukkatanam kammanam phalam vipakoti . atthi pana rajanna pariyayo yena te pariyayena evam hoti itipi natthi paro loko natthi satta opapatika natthi sukatadukkatanam kammanam phalam vipakoti . atthi bho kassapa pariyayo yena me pariyayena evam hoti itipi natthi paro loko natthi satta opapatika natthi sukatadukkatanam kammanam phalam vipakoti. {305.1} Yathakatham viya rajannati . idha me bho kassapa mittamacca natisalohita panatipata pativirata adinnadana pativirata kamesu micchacara pativirata musavada pativirata pisunavaca 1- pativirata pharusavaca 2- pativirata samphappalapa pativirata anabhijjhalu abyapannacitta sammaditthi te aparena samayena abadhika honti dukkhita balhagilana yadaham janami nadanime imamha abadha vutthahissantiti tyaham upasankamitva evam vadami santi kho bho eke samanabrahmana evamvadino evamditthino ye te panatipata pativirata adinnadana pativirata kamesu micchacara pativirata musavada pativirata pisunavaca pativirata pharusavaca pativirata samphappalapa pativirata anabhijjhalu abyapannacitta sammaditthi te kayassa bheda parammarana sugatim saggam lokam @Footnote: 1-2 Ma. Yu. pisunaya vacaya pativirata pharusaya vacaya .... ito param idisameva. Upapajjantiti bhavanto kho panatipata pativirata adinnadana pativirata kamesu micchacara pativirata musavada pativirata pisunavaca pativirata pharusavaca pativirata samphappalapa pativirata anabhijjhalu abyapannacitta sammaditthi sace tesam bhavati samanabrahmananam saccam vacanam bhavanto kayassa bheda parammarana sugatim saggam lokam upapajjissanti sace bho kayassa bheda parammarana sugatim saggam lokam upapajjeyyatha yena me agantva aroceyyatha itipi atthi paro loko atthi satta opapatika atthi sukatadukkatanam kammanam phalam vipakoti bhavanto kho pana me saddhayika paccayika yam bhavantebhi dittham yatha samam dittham evametam bhavissatiti te me sadhuti patissutva neva agantva arocenti na pana dutam pahinanti ayampi kho bho kassapa pariyayo yena me pariyayena evam hoti itipi natthi paro loko natthi satta opapatika natthi sukatadukkatanam kammanam phalam vipakoti.The Pali Tipitaka in Roman Character Volume 10 page 350-360. https://84000.org/tipitaka/read/roman_item.php?book=10&item=300&items=6 Classified by [Item Number] :- http://84000.org/tipitaka/read/roman_item.php?book=10&item=300&items=6&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=10&item=300&items=6 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=300&items=6 Study Atthakatha :- https://84000.org/tipitaka/attha/attha.php?b=10&i=300 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]