paliTIPITAKA Volume 11 - Sutta Pitaka 3

[1] Evamme sutam . ekam samayam bhagava mallesu viharati anuppiyam nama mallanam nigamo . athakho bhagava pubbanhasamayam nivasetva pattacivaramadaya anuppiyam pindaya pavisi . athakho bhagavato etadahosi atippago kho tava anuppiyayam pindaya caritum yannunaham yena bhaggavagottassa paribbajakassa aramo yena bhaggavagotto paribbajako tenupasankameyyanti. {1.1} Athakho bhagava yena bhaggavagottassa paribbajakassa aramo yena bhaggavagotto paribbajako tenupasankami . athakho bhaggavagotto paribbajako bhagavantam etadavoca etu kho bhante bhagava svagatam bhante bhagavato cirassam kho bhante bhagava imam pariyayamakasi yadidam idhagamanaya nisidatu bhante bhagava idamasanam pannattanti . Nisidi bhagava pannatte asane . bhaggavagottopi kho paribbajako

--------------------------------------------------------------------------------------------- page2.

Annataram nicam asanam gahetva ekamantam nisidi . ekamantam nisinno kho bhaggavagotto paribbajako bhagavantam etadavoca purimani bhante divasani purimatarani sunakkhatto licchaviputto yenaham tenupasankami upasankamitva mam etadavoca paccakkhatodani maya bhaggava bhagava nadanaham bhaggava ^1- bhagavantam uddissa viharamiti kaccetam bhante tatheva yatha sunakkhatto licchaviputto avacati . Tatheva kho etam bhaggava yatha sunakkhatto licchaviputto avaca purimani bhaggava divasani purimatarani sunakkhatto licchaviputto yenaham tenupasankami upasankamitva mam abhivadetva ekamantam nisidi. {1.2} Ekamantam nisinno kho bhaggava sunakkhatto licchaviputto mam etadavoca paccakkhamidanaham bhante bhagavantam nadanaham bhante bhagavantam uddissa viharissamiti . evam vutte aham bhaggava sunakkhattam licchaviputtam etadavocam api nu taham sunakkhatta evamavocam ehi tvam sunakkhatta mamam uddissa viharahiti . no hetam bhante . Tvam va pana mam evam avaca aham bhante bhagavantam uddissa viharissamiti. No hetam bhante . iti kira sunakkhatta nevahantam vadami ehi tvam sunakkhatta mamam uddissa viharahiti napi kira mam tvam vadesi aham bhante bhagavantam uddissa viharissamiti evam sante moghapurisa ko santo kam paccacikkhati ^2- passa moghapurisa @Footnote: ¹ Po. Ma. ayam patho natthi . ² paccakkhasi.

--------------------------------------------------------------------------------------------- page3.

Yavanca te idam aparaddhanti.

The Pali Tipitaka in Roman Character Volume 11 page 1-3. https://84000.org/tipitaka/read/roman_item.php?book=11&item=1&items=1&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=11&item=1&items=1&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=11&item=1&items=1&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=11&item=1&items=1&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=11&i=1 Contents of The Tipitaka Volume 11 https://84000.org/tipitaka/read/?index_11 https://84000.org/tipitaka/english/?index_11