paliTIPITAKA Volume 21 - Sutta Pitaka 13

[183] Ekam samayam bhagava rajagahe viharati veluvane kalandakanivape. Athakho vassakaro brahmano magadhamahamatto yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho vassakaro brahmano magadhamahamatto bhagavantam etadavoca mayam ^2- hi bho gotama evamvadi evamditthi yokoci dittham bhasati evam me ditthanti natthi tato doso yokoci sutam bhasati evam me sutanti natthi tato doso yokoci mutam bhasati evam me mutanti natthi @Footnote: ¹ Ma. pubbe attana katani. ² Ma. Yu. aham. Tato doso yokoci vinnatam bhasati evam me vinnatanti natthi tato dosoti. {183.1} Naham brahmana sabbam dittham bhasitabbanti vadami na panaham brahmana sabbam dittham na bhasitabbanti vadami naham brahmana sabbam sutam bhasitabbanti vadami na panaham brahmana sabbam sutam na bhasitabbanti vadami naham brahmana sabbam mutam bhasitabbanti vadami na panaham brahmana sabbam mutam na bhasitabbanti vadami naham brahmana sabbam vinnatam bhasitabbanti vadami na panaham brahmana sabbam vinnatam na bhasitabbanti vadami yam hi brahmana dittham bhasato ^1- akusala dhamma abhivaddhanti kusala dhamma parihayanti evarupam dittham na bhasitabbanti vadami yanca khvassa brahmana dittham bhasato akusala dhamma parihayanti kusala dhamma abhivaddhanti evarupam dittham bhasitabbanti vadami yam hi brahmana sutam bhasato akusala dhamma abhivaddhanti kusala dhamma parihayanti evarupam sutam na bhasitabbanti vadami {183.2} yanca khvassa brahmana sutam bhasato akusala dhamma parihayanti kusala dhamma abhivaddhanti evarupam sutam bhasitabbanti vadami yam hi brahmana mutam bhasato akusala dhamma abhivaddhanti kusala dhamma parihayanti evarupam mutam na bhasitabbanti vadami yanca khvassa brahmana mutam bhasato akusala dhamma parihayanti kusala dhamma abhivaddhanti evarupam mutam bhasitabbanti @Footnote: ¹ Ma. abhasato. ito param idisameva. Vadami yam hi brahmana vinnatam bhasato akusala dhamma abhivaddhanti kusala dhamma parihayanti evarupam vinnatam na bhasitabbanti vadami yanca khvassa brahmana vinnatam bhasato akusala dhamma parihayanti kusala dhamma abhivaddhanti evarupam vinnatam bhasitabbanti vadamiti . athakho vassakaro brahmano magadhamahamatto bhagavato bhasitam abhinanditva anumoditva utthayasana pakkamiti.

The Pali Tipitaka in Roman Character Volume 21 page 233-235. https://84000.org/tipitaka/read/roman_item.php?book=21&item=183&items=1 Classified by [Item Number] :- http://84000.org/tipitaka/read/roman_item.php?book=21&item=183&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=183&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=183&items=1 Study Atthakatha :- https://84000.org/tipitaka/attha/attha.php?b=21&i=183 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21