บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[182] Uppadetabbanca vo bhikkhave dhammam desissami na uppadetabbanca tam sunatha .pe. katamo ca bhikkhave na Uppadetabbo dhammo panatipato .pe. micchaditthi ayam vuccati bhikkhave na uppadetabbo dhammo . katamo ca bhikkhave uppadetabbo dhammo panatipata veramani .pe. sammaditthi ayam vuccati bhikkhave uppadetabbo dhammoti. [183] Asevitabbanca vo bhikkhave dhammam desissami na asevitabbanca tam sunatha .pe. katamo ca bhikkhave na asevitabbo dhammo panatipato .pe. micchaditthi ayam vuccati bhikkhave na asevitabbo dhammo . katamo ca bhikkhave asevitabbo dhammo panatipata veramani .pe. sammaditthi ayam vuccati bhikkhave asevitabbo dhammoti. [184] Bhavetabbanca vo bhikkhave dhammam desissami na bhavetabbanca tam sunatha .pe. katamo ca bhikkhave na bhavetabbo dhammo panatipato .pe. micchaditthi ayam vuccati bhikkhave na bhavetabbo dhammo . katamo ca bhikkhave bhavetabbo dhammo panatipata veramani .pe. sammaditthi ayam vuccati bhikkhave bhavetabbo dhammoti. [185] Bahulikatabbanca vo bhikkhave dhammam desissami na bahulikatabbanca tam sunatha .pe. katamo ca bhikkhave na bahulikatabbo dhammo panatipato .pe. micchaditthi ayam vuccati bhikkhave na bahulikatabbo dhammo . katamo ca bhikkhave bahulikatabbo dhammo Panatipata veramani .pe. sammaditthi ayam vuccati bhikkhave bahulikatabbo dhammoti. [186] Anussaritabbanca vo bhikkhave dhammam desissami na 1- anussaritabbanca tam sunatha .pe. katamo ca bhikkhave na anussaritabbo dhammo panatipato .pe. micchaditthi ayam vuccati bhikkhave na anussaritabbo dhammo . katamo ca bhikkhave anussaritabbo dhammo panatipata veramani .pe. sammaditthi ayam vuccati bhikkhave anussaritabbo dhammoti. [187] Sacchikatabbanca vo bhikkhave dhammam desissami na sacchikatabbanca tam sunatha .pe. katamo ca bhikkhave na sacchikatabbo dhammo panatipato .pe. micchaditthi ayam vuccati bhikkhave na sacchikatabbo dhammo . katamo ca bhikkhave sacchikatabbo dhammo panatipata veramani .pe. sammaditthi ayam vuccati bhikkhave sacchikatabbo dhammoti. Setthavaggo catuttho 2-. ----------- Sevitabbasevitabbavaggo pancamo [188] Dasahi bhikkhave dhammehi samannagato puggalo na sevitabbo katamehi dasahi panatipati hoti adinnadayi hoti kamesu micchacari hoti musavadi hoti pisunavaco hoti @Footnote: 1 Po. Ma. nanussaritabbam. 2 Ma. Yu. ariyamaggavaggo navamo. Pharusavaco 1- hoti samphappalapi hoti abhijjhalu hoti byapannacitto hoti micchaditthiko hoti imehi kho bhikkhave dasahi dhammehi samannagato puggalo na sevitabbo. {188.1} Dasahi bhikkhave dhammehi samannagato puggalo sevitabbo katamehi dasahi panatipata pativirato hoti adinnadana pativirato hoti kamesu micchacara pativirato hoti musavada pativirato hoti pisunaya vacaya pativirato hoti pharusaya vacaya pativirato hoti samphappalapa pativirato hoti anabhijjhalu hoti abyapannacitto hoti sammaditthiko hoti imehi kho bhikkhave dasahi dhammehi samannagato 2- sevitabboti 3-. {188.2} [idha dvisatadisuttam peyyalavasena ganitabbam] dasahi bhikkhave dhammehi samannagato puggalo na bhajitabbo ... Bhajitabbo ... Na payirupasitabbo ... payirupasitabbo ... Na pujjo hoti ... Pujjo hoti ... Na pasamso hoti ... Pasamso hoti ... Agaravo hoti ... Sagaravo 4- hoti ... appatikkho hoti ... sappatikkho hoti ... Na aradhako hoti ... Aradhako hoti ... Na visujjhati visujjhati manam nadhibhoti ... Manam adhibhoti ... pannaya na vaddhati ... pannaya vaddhati ... Bahum apunnam pasavati ... bahum punnam pasavati katamehi dasahi panatipata pativirato hoti adinnadana pativirato hoti kamesu micchacara pativirato hoti musavada pativirato hoti pisunaya vacaya pativirato hoti pharusaya vacaya pativirato hoti samphappalapa pativirato hoti anabhijjhalu @Footnote: 1 Yu. pharusavaco. 2 Ma. Yu. etthantare puggaloti dissati. 3 Ma. Yu. itisaddo @natthi. 4 Ma. garavo. Hoti abyapannacitto hoti sammaditthiko hoti imehi kho bhikkhave dasahi dhammehi samannagato puggalo bahum punnam pasavatiti. Sevitabbasevitabbavaggo 1- pancamo. Catutthapannasako catuttho. ------------- @Footnote: 1 Yu. puggalavaggo dasamo. Pancamapannasako pathamavaggo pathamo [189] Dasahi bhikkhave dhammehi samannagato yathabhatam nikkhitto evam niraye katamehi dasahi idha bhikkhave ekacco panatipati hoti luddho lohitapani hatapahate nivittho adayapanno sabbapanabhutesu adinnadayi hoti yantam parassa paravittupakaranam gamagatam va arannagatam va adinnam theyyasankhatam adata hoti kamesu micchacari hoti ya ta maturakkhita piturakkhita bhaturakkhita bhaginirakkhita natirakkhita dhammarakkhita sasamika saparidanda antamaso malagunaparikkhitapi tatharupasu carittam apajjita hoti {189.1} musavadi hoti sabhaggato va parisaggato va nati majjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha janamiti janam va aha na janamiti apassam va aha passamiti passam va aha na passamiti iti attahetu va parahetu va amisakincikkhahetu va sampajanamusa bhasita hoti pisunavaco hoti ito sutva amutra akkhata imesam bhedaya amutra va sutva imesam akkhata amusam bhedaya iti samagganam va bhetta bhinnanam va anuppadata vaggaramo Vaggarato vagganandi vaggakaranim vacam bhasita hoti pharusavaco hoti ya sa vaca andaka kakkasa parakatuka parabhisajjani kodhasamanta asamadhisamvattanika tatharupim vacam bhasita hoti samphappalapi hoti akalavadi anatthavadi adhammavadi avinayavadi anidhanavatim vacam bhasita hoti kalena anapadesam apariyantavatim anatthasanhitam abhijjhalu hoti yantam parassa paravittupakaranam tam {189.2} abhijjhita hoti aho vata yam parassa tam mama assati byapannacitto hoti padutthamanasankappo ime satta hannantu va vajjhantu va ucchijjantu va vinassantu va ma va ahesunti 1- micchaditthiko hoti viparittadassano natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti imehi kho bhikkhave dasahi dhammehi samannagato yathabhatam nikkhitto evam niraye. {189.3} Dasahi bhikkhave dhammehi samannagato yathabhatam nikkhitto evam sagge katamehi dasahi idha bhikkhave ekacco panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi viharati adinnadanam pahaya adinnadana pativirato hoti yantam parassa paravittupakaranam gamagatam va arannagatam va @Footnote: 1 Po. Yu. ahesum iti vati. Adinnam 1- theyyasankhatam na adata hoti kamesu micchacaram pahaya kamesu micchacara pativirato hoti ya ta maturakkhita piturakkhita bhaturakkhita bhaginirakkhita natirakkhita dhammarakkhita sasamika saparidanda antamaso malagunaparikkhitapi tatharupasu na carittam apajjita hoti {189.4} musavadam pahaya musavada pativirato hoti sabhaggato va parisaggato va natimajjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha na janamiti janam va aha janamiti apassam va aha na passamiti passam va aha passamiti iti attahetu va parahetu va amisakincikkhahetu va na sampajanamusa bhasita hoti pisunavacam pahaya pisunaya vacaya pativirato hoti na ito sutva amutra akkhata imesam bhedaya amutra va sutva na imesam akkhata amusam bhedaya iti bhinnanam va sandhata sahitanam va anuppadata samaggaramo samaggarato samagganandi samaggakaranim vacam bhasita hoti pharusam vacam pahaya pharusaya vacaya pativirato hoti ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti samphappalapam pahaya samphappalapa pativirato hoti kalavadi bhutavadi atthavadi dhammavadi vinayavadi nidhanavatim vacam bhasita hoti kalena sapadesam pariyantavatim atthasanhitam anabhijjhalu @Footnote: 1 Ma. Yu. na tam adinnam theyyasankhatam adata hoti. Hoti yantam parassa paravittupakaranam tam {189.5} anabhijjhita hoti aho vata yam parassa tam mama assati abyapannacitto hoti appadutthamanasankappo ime satta avera abyapajjha anigha sukhi attanam pariharantuti sammaditthiko hoti aviparittadassano atthi dinnam atthi yittham atthi hutam atthi sukatadukkatanam kammanam phalam vipako atthi ayam loko atthi paro loko atthi mata atthi pita atthi satta opapatika atthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti imehi kho bhikkhave dasahi dhammehi samannagato yathabhatam nikkhitto evam saggeti. [190] Dasahi bhikkhave dhammehi samannagato matugamo yathabhatam nikkhitto evam niraye katamehi dasahi panatipati hoti .pe. Micchaditthiko hoti imehi kho bhikkhave dasahi dhammehi samannagato matugamo yathabhatam nikkhitto evam niraye . dasahi bhikkhave dhammehi samannagato matugamo yathabhatam nikkhitto evam sagge katamehi dasahi panatipata pativirato hoti .pe. sammaditthiko hoti imehi kho bhikkhave dasahi dhammehi samannagato matugamo yathabhatam nikkhitto evam saggeti. [191] Dasahi bhikkhave dhammehi samannagata upasika yathabhatam nikkhitta evam niraye katamehi dasahi panatipatini hoti .pe. Micchaditthika hoti imehi kho bhikkhave dasahi dhammehi samannagata upasika yathabhatam nikkhitta evam niraye . dasahi bhikkhave dhammehi samannagata upasika yathabhatam nikkhitta evam sagge katamehi dasahi panatipata pativirata hoti .pe. sammaditthika hoti imehi kho bhikkhave dasahi dhammehi samannagata upasika yathabhatam nikkhitta evam saggeti. [192] Dasahi bhikkhave dhammehi samannagata upasika avisarada agaram ajjhavasati katamehi dasahi panatipatini hoti .pe. Micchaditthika hoti imehi kho bhikkhave dasahi dhammehi samannagata upasika avisarada agaram ajjhavasati . dasahi bhikkhave dhammehi samannagata upasika visarada agaram ajjhavasati katamehi dasahi panatipata pativirata hoti .pe. sammaditthika hoti imehi kho bhikkhave dasahi dhammehi samannagata upasika visarada agaram ajjhavasatiti. [193] Samsappatipariyayam 1- vo bhikkhave dhammapariyayam desissami tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca katamo ca bhikkhave samsappatipariyayo dhammapariyayo kammassaka bhikkhave satta kammadayada kammayoni kammabandhu kammapatisarana yam kammam karonti kalyanam va papakam va tassa dayada bhavanti . idha bhikkhave ekacco @Footnote: 1 Po. samsappatiyapariyayam. Ma. Yu. sabbattha samsappaniyapariyayam. Panatipati hoti luddho lohitapani hatapahate nivittho adayapanno sabbapanabhutesu so samsappati kayena samsappati vacaya samsappati manasa tassa jimham kayakammam hoti jimham vacikammam jimham manokammam jimha gati jimha 1- upapatti jimhagatikassa kho panaham bhikkhave jimhupapattikassa dvinnam gatinam annataram gatim vadami ye va ekantadukkha niraya ya va samsappajatika tiracchanayoni katama ca sa bhikkhave samsappajatika tiracchanayoni ahi vicchika satapadi nakula bilara musika uluka ye va panannepi keci tiracchanayonika satta manusse disva samsappanti iti kho bhikkhave bhuta bhutassa upapatti hoti yam karoti tena upapajjati upapannamenam phassa phusanti evamaham bhikkhave kammadayada sattati vadami. {193.1} Idha pana bhikkhave ekacco adinnadayi hoti ... Kamesu micchacari hoti ... Musavadi hoti ... Pisunavaco hoti ... Pharusavaco hoti ... samphappalapi hoti ... abhijjhalu hoti ... Byapannacitto hoti ... micchaditthiko hoti viparittadassano natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti so samsappati kayena samsappati vacaya samsappati manasa tassa jimham @Footnote: 1 Po. Yu. jimhupapati. Ma. jimhupapati. Kayakammam hoti jimham vacikammam jimham manokammam jimha gati jimhupapatti jimhagatikassa kho panaham bhikkhave jimhupapattikassa dvinnam gatinam annataram gatim vadami ye va ekantadukkha niraya ya va samsappajatika tiracchanayoni katama ca sa bhikkhave samsappajatika tiracchanayoni ahi vicchika satapadi nakula bilara musika uluka ye va panannepi keci tiracchanayonika satta manusse disva samsappanti iti kho bhikkhave bhuta bhutassa upapatti hoti yam karoti tena upapajjati upapannamenam phassa phusanti evamaham bhikkhave kammadayada sattati vadami. {193.2} Kammassaka bhikkhave satta kammadayada kammayoni kammabandhu kammapatisarana yam kammam karonti kalyanam va papakam va tassa dayada bhavanti . idha bhikkhave ekacco panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi viharati so na samsappati kayena na samsappati vacaya na samsappati manasa tassa uju 1- kayakammam hoti uju vacikammam uju manokammam uju gati ujupapatti ujugatikassa kho panaham bhikkhave ujupapattikassa dvinnam gatinam annataram gatim vadami ye ca ekantasukha satta 2- yani va pana tani uccakulani khattiyamahasalakulani va brahmanamahasalakulani va gahapatimahasalakulani va addhani mahaddhanani mahabhogani bahutajataruparajatani bahutavittupakaranani bahutadhanadhannani iti kho bhikkhave bhuta @Footnote: 1 Ma. Yu. ujum. 2 Ma. Yu. sagga. Bhutassa upapatti hoti yam karoti tena upapajjati upapannamenam phassa phusanti evamaham bhikkhave kammadayada sattati vadami. {193.3} Idha pana bhikkhave ekacco adinnadanam pahaya adinnadana pativirato hoti ... Kamesu micchacaram pahaya kamesu micchacara pativirato hoti ... Musavadam pahaya musavada pativirato hoti ... Pisunavacam pahaya pisunaya vacaya pativirato hoti ... pharusavacam pahaya pharusaya vacaya pativirato hoti ... Samphappalapam pahaya samphappalapa pativirato hoti ... Anabhijjhalu hoti ... abyapannacitto hoti ... sammaditthiko hoti aviparittadassano atthi dinnam atthi yittham atthi hutam atthi sukatadukkatanam kammanam phalam vipako atthi ayam loko atthi paro loko atthi mata atthi pita atthi satta opapatika atthi samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti so na samsappati kayena na samsappati vacaya na samsappati manasa tassa uju kayakammam hoti uju vacikammam uju manokammam uju gati ujupapatti ujugatikassa kho panaham bhikkhave ujupapattikassa dvinnam gatinam annataram gatim vadami ye va ekantasukha satta yani va pana tani uccakulani khattiyamahasalakulani va brahmanamahasalakulani va gahapatimahasalakulani va addhani mahaddhanani mahabhogani bahutajataruparajatani bahutavittupakaranani bahutadhanadhannani iti kho bhikkhave bhuta Bhutassa upapatti hoti yam karoti tena upapajjati upapannamenam phassa phusanti evamaham bhikkhave kammadayada sattati vadami . Kammassaka bhikkhave satta kammadayada kammayoni kammabandhu kammapatisarana yam kammam karonti kalyanam va papakam va tassa dayada bhavanti. Ayam kho bhikkhave samsappatipariyayo dhammapariyayoti. [194] Naham bhikkhave sancetanikanam kammanam katanam upacitanam appatisamviditva 1- byantibhavam vadami tanca kho dittheva dhamme upapajje 2- va apare va pariyaye na tvevaham bhikkhave sancetanikanam kammanam katanam upacitanam appatisamviditva dukkhassantakiriyam vadami tatra bhikkhave tividham 3- kayakammantasandosabyapatti 4- akusalasancetanika dukkhudraya dukkhavipaka hoti catubbidham 5- vacikammantasandosabyapatti akusalasancetanika dukkhudraya dukkhavipaka hoti tividham manokammantasandosabyapatti akusalasancetanika dukkhudraya dukkhavipaka hoti. Kathanca bhikkhave tividham kayakammantasandosabyapatti akusalasancetanika dukkhudraya dukkhavipaka hoti idha bhikkhave ekacco panatipati hoti luddho lohitapani hatapahate nivittho adayapanno sabbapanabhutesu adinnadayi hoti yantam parassa paravittupakaranam gamagatam va arannagatam va adinnam theyyasankhatam adata hoti kamesu micchacari hoti ya ta maturakkhata piturakkhita bhaturakkhita bhaginirakkhita natirakkhita dhammarakkhita sasamika saparidanda antamaso @Footnote: 1 Po. Ma. apatisamveditva. 2 Po. Ma. Yu. apapajjam. 3-5 Po. Ma. Yu. sabbattha @tividha catubbidha. 4 Po. sabbattha ... sadosabyapatti. Malagunaparikkhitapi tatharupasu carittam apajjita hoti evam kho bhikkhave tividham kayakammantasandosabyapatti akusalasancetanika dukkhudraya dukkhavipaka hoti. {194.1} Kathanca bhikkhave catubbidham vacikammantasandosabyapatti akusalasancetanika dukkhudraya dukkhavipaka hoti idha bhikkhave ekacco musavadi hoti sabhaggato va parisaggato va natimajjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha janamiti janam va aha na janamiti apassam va aha passamiti passam va aha na passamiti iti attahetu va parahetu va amisakincikkhahetu va sampajanamusa bhasita hoti pisunavaco hoti ito sutva amutra akkhata imesam bhedaya amutra va sutva imesam akkhata amusam bhedaya iti samagganam va bhetta bhinnanam va anuppadata vaggaramo vaggarato vagganandi vaggakaranim vacam bhasita hoti pharusavaco hoti ya sa vaca andaka kakkasa parakatuka parabhisajjani kodhasamanta asamadhisamvattanika tatharupim vacam bhasita hoti samphappalapi hoti akalavadi abhutavadi anatthavadi adhammavadi avinayavadi anidhanavatim vacam bhasita hoti kalena anapadesam apariyantavatim anatthasanhitam evam kho bhikkhave catubbidham vacikammantasandosabyapatti akusalasancetanika dukkhudraya dukkhavipaka hoti. {194.2} Kathanca bhikkhave tividham manokammantasandosabyapatti akusalasancetanika dukkhudraya dukkhavipaka hoti idha bhikkhave ekacco abhijjhalu hoti yantam parassa paravittupakaranam tam abhijjhita hoti aho vata yam parassa tam mama assati byapannacitto hoti padutthamanasankappo ime satta hannantu va vajjhantu va ucchijjantu va vinassantu va ma va ahesunti micchaditthiko hoti viparittadassano natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti {194.3} evam kho bhikkhave tividham manokammantasandosabyapatti akusalasancetanika dukkhudraya dukkhavipaka hoti tividhakayakammanta- sandosabyapattiakusalasancetanikahetu va bhikkhave satta kayassa bheda parammarana apayam duggatim vinipatam nirayam upapajjanti catubbidhavacikammantasandosabyapattiakusalasancetanikahetu va bhikkhave satta kayassa bheda parammarana apayam duggatim vinipatam nirayam upapajjanti tividhamanokammantasandosabyapatti- akusalasancetanikahetu va bhikkhave satta kayassa bheda parammarana apayam duggatim vinipatam nirayam upapajjanti seyyathapi bhikkhave apannako mani uddham khitto yena yeneva patitthati supatitthitamyeva Patitthati {194.4} evameva kho bhikkhave tividhakayakammantasandosabyapatti- akusalasancetanikahetu va satta apayam duggatim vinipatam nirayam upapajjanti catubbidhavacikammantasandosabyapattiakusalasancetanikahetu va satta kayassa bheda parammarana apayam duggatim vinipatam nirayam upapajjanti tividhamanokammantasandosabyapattiakusalasancetanikahetu va satta kayassa bheda parammarana apayam duggatim vinipatam nirayam upapajjanti. {194.5} Naham bhikkhave sancetanikanam kammanam katanam upacitanam appatisamviditva byantibhavam vadami tanca kho dittheva dhamme upapajje va apare va pariyaye na tvevaham bhikkhave sancetanikanam kammanam katanam upacitanam appatisamviditva dukkhassantakiriyam vadami tatra bhikkhave tividham kayakammantasampatti kusalasancetanika sukhudraya sukhavipaka hoti catubbidham vacikammantasampatti kusalasancetanika sukhudraya sukhavipaka hoti tividham manokammantasampatti kusalasancetanika sukhudraya sukhavipaka hoti. Kathanca bhikkhave tividham kayakammantasampatti kusalasancetanika sukhudraya sukhavipaka hoti idha bhikkhave ekacco panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi viharati adinnadanam pahaya adinnadana pativirato hoti yantam parassa paravittupakaranam gamagatam va arannagatam va adinnam theyyasankhatam na adata hoti kamesu micchacaram pahaya kamesu micchacara pativirato hoti ya ta Maturakkhita piturakkhita bhaturakkhita bhaginirakkhita natirakkhita dhammarakkhita sasamika saparidanda antamaso malagunaparikkhitapi tatharupasu na carittam apajjita hoti evam kho bhikkhave tividham kayakammantasampatti kusalasancetanika sukhudraya sukhavipaka hoti. Kathanca bhikkhave catubbidham vacikammantasampatti kusalasancetanika sukhudraya sukhavipaka hoti idha bhikkhave ekacco musavadam pahaya musavada pativirato hoti sabhaggato va parisaggato va natimajjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha na janamiti janam va aha janamiti apassam va aha na passamiti passam va aha passamiti iti attahetu va parahetu va amisakincikkhahetu va na sampajanamusa bhasita hoti pisunavacam pahaya pisunaya vacaya pativirato hoti na ito sutva amutra akkhata imesam bhedaya amutra va sutva na imesam akkhata amusam bhedaya iti bhinnanam va sandhata sahitanam va anuppadata samaggaramo samaggarato samagganandi samaggakaranim vacam bhasita hoti pharusam vacam pahaya pharusaya vacaya pativirato hoti ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti samphappalapam pahaya samphappalapa pativirato hoti kalavadi bhutavadi atthavadi dhammavadi vinayavadi Nidhanavatim vacam bhasita hoti kalena sapadesam pariyantavatim atthasanhitam evam kho bhikkhave catubbidham vacikammantasampatti kusalasancetanika sukhudraya sukhavipaka hoti. Kathanca bhikkhave tividham manokammantasampatti kusalasancetanika sukhudraya sukhavipaka hoti idha bhikkhave ekacco anabhijjhalu hoti yantam parassa paravittupakaranam tam anabhijjhita hoti aho vata yam parassa tam mama assati abyapannacitto hoti appadutthamanasankappo ime satta avera abyapajjha anigha sukhi attanam pariharantuti sammaditthiko hoti aviparittadassano atthi dinnam atthi yittham atthi hutam .pe. ye imanca lokam paranca lokam sayam abhinna sacchikatva pavedentiti evam kho bhikkhave tividham manokammantasampatti kusalasancetanika sukhudraya sukhavipaka hoti tividhakayakammantasampattikusalasancetanikahetu va bhikkhave satta kayassa bheda parammarana sugatim saggam lokam upapajjanti catubbidha- vacikammantasampattikusalasancetanikahetu va bhikkhave satta kayassa bheda parammarana sugatim saggam lokam upapajjanti tividhamanokammantasampatti- kusalasancetanikahetu va bhikkhave satta kayassa bheda parammarana sugatim saggam lokam upapajjanti seyyathapi bhikkhave apannako mani uddham khitto yena yeneva patitthati supatitthitamyeva patitthati evameva kho bhikkhave tividhakayakammantasampattikusalasancetanikahetu va Satta kayassa bheda parammarana sugatim saggam lokam upapajjanti catubbidhavacikammantasampattikusalasancetanikahetu va satta kayassa bheda parammarana sugatim saggam lokam upapajjanti tividhamanokammanta- sampattikusalasancetanikahetu va satta kayassa bheda parammarana sugatim saggam lokam upapajjanti. [195] Naham bhikkhave sancetanikanam kammanam katanam upacitanam appatisamviditva byantibhavam vadami tanca kho dittheva dhamme upapajje va apare va pariyaye na tvevaham bhikkhave sancetanikanam kammanam katanam upacitanam appatisamviditva dukkhassantakiriyam vadami tatra bhikkhave tividham kayakammantasandosabyapatti akusalasancetanika dukkhudraya dukkhavipaka hoti catubbidham vacikammantasandosabyapatti akusalasancetanika dukkhudraya dukkhavipaka hoti tividham manokammanta- sandosabyapatti akusalasancetanika dukkhudraya dukkhavipaka hoti. {195.1} Kathanca bhikkhave tividham kayakammantasandosabyapatti akusalasancetanika dukkhudraya dukkhavipaka hoti .pe. Evam kho bhikkhave tividham kayakammantasandosabyapatti akusalasancetanika dukkhudraya dukkhavipaka hoti. {195.2} Kathanca bhikkhave catubbidham vacikammantasandosabyapatti akusalasancetanika dukkhudraya dukkhavipaka hoti .pe. Evam kho bhikkhave catubbidham vacikammantasandosabyapatti akusalasancetanika dukkhudraya Dukkhavipaka hoti. {195.3} Kathanca bhikkhave tividham manokammantasandosabyapatti akusalasancetanika dukkhudraya dukkhavipaka hoti .pe. Evam kho bhikkhave tividham manokammantasandosabyapatti akusalasancetanika dukkhudraya dukkhavipaka hoti tividhakayakammantasandosabyapattiakusalasancetanikahetu va bhikkhave satta kayassa bheda parammarana apayam duggatim vinipatam nirayam upapajjanti catubbidhavacikammantasandosabyapattiakusalasancetanikahetu va .pe. tividhamanokammantasandosabyapattiakusalasancetanikahetu va bhikkhave satta kayassa bheda parammarana apayam duggatim vinipatam nirayam upapajjanti . naham bhikkhave sancetanikanam kammanam katanam upacitanam appatisamviditva byantibhavam vadami tanca kho dittheva dhamme upapajje va apare va pariyaye na tvevaham bhikkhave sancetanikanam kammanam katanam upacitanam appatisamviditva dukkhassantakiriyam vadami tatra bhikkhave tividham kayakammantasampatti kusalasancetanika sukhudraya sukhavipaka hoti catubbidham vacikammantasampatti kusalasancetanika sukhudraya sukhavipaka hoti tividham manokammantasampatti kusalasancetanika sukhudraya sukhavipaka hoti. {195.4} Kathanca bhikkhave tividham kayakammantasampatti kusalasancetanika sukhudraya sukhavipaka hoti .pe. Evam kho bhikkhave tividham kayakammantasampatti kusalasancetanika sukhudraya sukhavipaka hoti. {195.5} Kathanca bhikkhave catubbidham vacikammantasampatti kusalasancetanika sukhudraya sukhavipaka hoti .pe. evam kho bhikkhave catubbidham vacikammantasampatti hoti. {195.6} Kathanca bhikkhave tividham manokammantasampatti kusalasancetanika sukhudraya sukhavipaka hoti .pe. evam kho bhikkhave tividham manokammantasampatti kusalasancetanika sukhudraya sukhavipaka hoti tividhakayakammantasampattikusalasancetanikahetu va bhikkhave satta kayassa bheda parammarana sugatim saggam lokam upapajjanti catubbidhavacikammantasampattikusalasancetanikahetu va .pe. Tividhamanokammantasampattikusalasancetanikahetu va bhikkhave satta kayassa bheda parammarana sugatim saggam lokam upapajjanti.The Pali Tipitaka in Roman Character Volume 24 page 300-321. https://84000.org/tipitaka/read/roman_item.php?book=24&item=182&items=14 Classified by [Item Number] :- http://84000.org/tipitaka/read/roman_item.php?book=24&item=182&items=14&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=24&item=182&items=14 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=182&items=14 Study Atthakatha :- https://84000.org/tipitaka/attha/attha.php?b=24&i=182 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]