Arahantavannakatha
[1884] Arahantanam vannena amanussa methunam dhammam patisevantiti.
Amanta . arahantanam vannena manussa panam hananti .pe.
Adinnam adiyanti musa bhananti pisunam bhananti pharusam bhananti
sampham palapanti sandhim chindanti nillopam haranti ekagariyam
Karonti paripanthe titthanti paradaram gacchanti gamaghatakam
karonti .pe. Nigamaghatakam karontiti. Na hevam vattabbe .pe.
Arahantavannakatha.
------------
Issariyakamakarikakatha
[1885] Bodhisatto issariyakamakarikahetu vinipatam gacchatiti.
Amanta . bodhisatto issariyakamakarikahetu nirayam gacchati sanjivam
gacchati kalasuttam gacchati tapanam gacchati patapanam 1- gacchati
sanghatakam gacchati roruvam gacchati .pe. avicim gacchatiti . na hevam
vattabbe .pe.
[1886] Bodhisatto issariyakamakarikahetu vinipatam gacchatiti.
Amanta . bodhisatto issariyakamakarikahetu vinipatam gacchatiti
attheva suttantoti . natthi . hanci bodhisatto issariyakamakarikahetu
vinipatam gacchatiti nattheva suttanto no vata re vattabbe bodhisatto
issariyakamakarikahetu vinipatam gacchatiti.
[1887] Bodhisatto issariyakamakarikahetu gabbhaseyyam
okkamatiti . amanta . bodhisatto issariyakamakarikahetu nirayam
upapajjeyya tiracchanayonim upapajjeyyati. Na hevam vattabbe .pe.
[1888] Bodhisatto issariyakamakarikahetu gabbhaseyyam okkamatiti.
@Footnote:1. Ma. mahatapanam.
Amanta . bodhisatto iddhimati . Na hevam vattabbe .pe. Bodhisatto
iddhimati . amanta . bodhisattena chandiddhipado bhavito .pe.
Viriyiddhipado .pe. cittiddhipado .pe. vimamsiddhipado bhavitoti .
Na hevam vattabbe .pe. bodhisatto issariyakamakarikahetu gabbhaseyyam
okkamatiti . amanta . bodhisatto issariyakamakarikahetu
gabbhaseyyam okkamatiti attheva suttantoti . natthi . Hanci bodhisatto
issariyakamakarikahetu gabbhaseyyam okkamatiti nattheva suttanto
no vata re vattabbe bodhisatto issariyakamakarikahetu gabbhaseyyam
okkamatiti.
[1889] Bodhisatto issariyakamakarikahetu dukkarakarikam
akasiti . amanta . bodhisatto issariyakamakarikahetu sassato
lokoti paccagacchi asassato lokoti paccagacchi antava lokoti
.pe. anantava lokoti tam jivam tam sariranti annam jivam annam
sariranti hoti tathagato parammaranati na hoti tathagato
parammaranati hoti ca na ca hoti tathagato parammaranati .pe.
Neva hoti na na hoti tathagato parammaranati paccagacchiti .
Na hevam vattabbe .pe.
[1890] Bodhisatto issariyakamakarikahetu dukkarakarikam
akasiti . amanta . bodhisatto issariyakamakarikahetu dukkarakarikam
akasiti attheva suttantoti . natthi . hanci bodhisatto
Issariyakamakarikahetu dukkarakarikam akasiti nattheva suttanto no vata re
vattabbe bodhisatto issariyakamakarikahetu dukkarakarikam akasiti.
The Pali Tipitaka in Roman Character Volume 37 page 656-659.
https://84000.org/tipitaka/read/roman_item.php?book=37&item=1884&items=7
Classified by [Item Number] :-
http://84000.org/tipitaka/read/roman_item.php?book=37&item=1884&items=7&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=37&item=1884&items=7
Compare with The Royal Version of Thai Tipitaka :-
https://84000.org/tipitaka/read/byitem.php?book=37&item=1884&items=7
Study Atthakatha :-
https://84000.org/tipitaka/attha/attha.php?b=37&i=1884
Contents of The Tipitaka Volume 37
https://84000.org/tipitaka/read/?index_37
https://84000.org/tipitaka/english/?index_37
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
