|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
|
|
[133] Tena kho pana samayena baranaseyyakassa setthiputtassa mokkhacikaya kilantassa antaganthabadho hoti . tena 1- yagupi pita na sammaparinamam gacchati bhattampi bhuttam na sammaparinamam gacchati uccaropi passavopi na paguno . so tena kiso hoti lukho dubbanno uppanduppandukajato dhamanisanthatagatto . Athakho baranaseyyakassa setthissa etadahosi mayham kho puttassa tadiso abadho yagupi pita na sammaparinamam gacchati bhattampi bhuttam na sammaparinamam gacchati uccaropi passavopi na paguno so tena kiso lukho dubbanno uppanduppandukajato dhamanisanthatagatto yannunaham rajagaham gantva rajanam jivakam vejjam yaceyyam puttam me tikicchitunti. {133.1} Atha kho baranaseyyako setthi rajagaham gantva yena raja magadho seniyo bimbisaro tenupasankami upasankamitva rajanam magadham seniyam bimbisaram etadavoca mayham kho deva puttassa tadiso abadho yagupi pita na sammaparinamam gacchati bhattampi bhuttam na sammaparinamam gacchati uccaropi passavopi na paguno so tena kiso @Footnote: 1 Ma. Yu. yena.--------------------------------------------------------------------------------------------- page183.
Lukho dubbanno uppanduppandukajato dhamanisanthatagatto sadhu devo jivakam vejjam anapetu puttam me tikicchitunti. {133.2} Athakho raja magadho seniyo bimbisaro jivakam komarabhaccam anapesi gaccha bhane jivaka baranasim gantva baranaseyyakam setthiputtam tikicchahiti . evam devati kho jivako komarabhacco ranno magadhassa seniyassa bimbisarassa patissunitva baranasim gantva yena baranaseyyako setthiputto tenupasankami upasankamitva baranaseyyakassa setthiputtassa vikaram sallakkhetva janam ussaretva tirokaranim parikkhipitva thambhe upanibandhitva 1- bhariyam purato thapetva udaracchavim uppatetva 2- antaganthim niharitva bhariyaya dassesi passa te samikassa abadham imina yagupi pita na sammaparinamam gacchati bhattampi bhuttam na sammaparinamam gacchati uccaropi passavopi na paguno iminayam kiso lukho dubbanno uppanduppandukajato dhamanisanthatagattoti antaganthim vinivethetva antani patipavesetva udaracchavim sibbetva alepam adasi. {133.3} Athakho baranaseyyako setthiputto nacirasseva arogo ahosi . athakho baranaseyyako setthi putto me arogo thitoti jivakassa komarabhaccassa solasa sahassani padasi . athakho jivako komarabhacco tani solasa sahassani adaya punadeva rajagaham @Footnote: 1 Yu. ubbandhitva. 2 Yu. upphaletva.--------------------------------------------------------------------------------------------- page184.
Paccagacchi.The Pali Tipitaka in Roman Character Volume 5 page 182-184. https://84000.org/tipitaka/read/roman_item.php?book=5&item=133&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=5&item=133&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=5&item=133&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=133&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=5&i=133 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]