paliTIPITAKA Volume 5 - Vinaya Pitaka 5

[15] Tena kho pana samayena chabbaggiya bhikkhu uccasayana- mahasayanani dharenti seyyathidam asandim pallankam gonakam cittakam patikam patilikam tulikam vikatikam uddhalomim ekantalomim katissam koseyyam kuttakam hatthattharam assattharam rathattharam ajinappavenim kaddalimiga- pavarapaccatharanam sauttaracchadam ubhatolohitakupadhanam . manussa viharacarikam ahindanta passitva ujjhayanti khiyanti vipacenti seyyathapi gihi kamabhoginoti . bhagavato etamattham arocesum . na bhikkhave uccasayanamahasayanani dharetabbani seyyathidam asandi pallanko gonako cittako patika patalika tulika vikatika uddhalomi ekantalomi katissam koseyyam kuttakam hatthattharam assattharam rathattharam ajinappaveni kaddalimigapavarapaccattharanam sauttaracchadam ubhatolohitakupadhanam yo dhareyya apatti dukkatassati.

--------------------------------------------------------------------------------------------- page26.

[16] Tena kho pana samayena chabbaggiya bhikkhu bhagavata uccasayanamahasayanani patikkhittaniti mahacammani dharenti sihacammam byagghacammam dipicammam . tani mancappamanenapi chinnani honti pithappamanenapi chinnani honti antopi mance pannattani honti bahipi mance pannattani honti antopi pithe pannattani honti bahipi pithe pannattani honti . manussa viharacarikam ahindanta passitva ujjhayanti khiyanti vipacenti seyyathapi gihi kamabhoginoti . bhagavato etamattham arocesum . na bhikkhave mahacammani dharetabbani sihacammam byagghacammam dipicammam yo dhareyya apatti dukkatassati. [17] Tena kho pana samayena chabbaggiya bhikkhu bhagavata mahacammani patikkhittaniti gocammani dharenti . tani mancappamanenapi chinnani honti pithappamanenapi chinnani honti antopi mance pannattani honti bahipi mance pannattani honti antopi pithe pannattani honti bahipi pithe pannattani honti . Annataropi papabhikkhu annatarassa papupasakassa kulupako hoti . athakho so papabhikkhu pubbanhasamayam nivasetva pattacivaramadaya yena tassa papupasakassa nivesanam tenupasankami upasankamitva pannatte asane nisidi . athakho so papupasako yena papabhikkhu tenupasankami upasankamitva tam papabhikkhum

--------------------------------------------------------------------------------------------- page27.

Abhivadetva ekamantam nisidi. {17.1} Tena kho pana samayena tassa papupasakassa vacchako hoti taruno abhirupo dassaniyo pasadiko citro ^1- seyyathapi dipicchapo . athakho so papabhikkhu tam vacchakam sakkaccam upanijjhayati. Athakho so papupasako tam papabhikkhum etadavoca kissa bhante ayyo imam vacchakam sakkaccam upanijjhayatiti . attho me avuso imassa vacchakassa cammenati. {17.2} Athakho so papupasako tam vacchakam vadhitva cammam vidhunitva tassa papabhikkhuno adasi ^2- . athakho so papabhikkhu tam cammam sanghatiya paticchadetva agamasi . athakho sa gavi vacchagiddhini tam papabhikkhum pitthito pitthito anubandhi . bhikkhu evamahamsu kissa tyayam avuso gavi pitthito pitthito anubaddhati . ahampi kho avuso na janami kena myayam gavi pitthito pitthito anubaddhati. Tena kho pana samayena tassa papabhikkhuno sanghati lohitena makkhita hoti. Bhikkhu evamahamsu ayam pana te avuso sanghati kim katati. {17.3} Athakho so papabhikkhu bhikkhunam etamattham arocesi . Kim pana tvam avuso panatipate samadapesiti . evam avusoti. Ye te bhikkhu appiccha .pe. te ujjhayanti khiyanti vipacenti katham hi nama bhikkhu panatipate samadapessati nanu bhagavata anekapariyayena panatipato garahito panatipata veramani pasatthati. Athakho te bhikkhu bhagavato etamattham arocesum. @Footnote: ¹ Po. vicitto. ² Ma. Yu. padasi.

--------------------------------------------------------------------------------------------- page28.

[18] Athakho bhagava etasmim nidane etasmim pakarane bhikkhusangham sannipatapetva tam papabhikkhum patipucchi saccam kira tvam bhikkhu panatipate samadapesiti . saccam bhagavati . vigarahi buddho bhagava katham hi nama tvam moghapurisa panatipate samadapessasi nanu maya moghapurisa anekapariyayena panatipato garahito panatipata veramani pasattha netam moghapurisa appasannanam va pasadaya .pe. vigarahitva dhammim katham katva bhikkhu amantesi na bhikkhave panatipate samadapetabbam yo samadapeyya yathadhammo karetabbo . na ca ^1- bhikkhave gocammam dharetabbam yo dhareyya apatti dukkatassa . na ^[2]- bhikkhave kinci cammam dharetabbam yo dhareyya apatti dukkatassati. {18.1} Tena kho pana samayena manussanam mancampi pithampi cammonaddhani honti cammavinaddhani . bhikkhu kukkuccayanta nabhinisidanti . bhagavato etamattham arocesum . anujanami bhikkhave gihivikatam abhinisiditum na tveva abhinipajjitunti . tena kho pana samayena vihara cammabandhehi ogumphiyanti. Bhikkhu kukkuccayanta nabhinisidanti . bhagavato etamattham arocesum . Anujanami bhikkhave bandhanamattam abhinisiditunti. [19] Tena kho pana samayena chabbaggiya bhikkhu saupahana gamam pavisanti . manussa ujjhayanti khiyanti vipacenti seyyathapi gihi kamabhoginoti . bhagavato etamattham arocesum . na bhikkhave @Footnote: ¹ Po. Ma. Yu. casaddo natthi . ² Ma. Yu. ca.

--------------------------------------------------------------------------------------------- page29.

Saupahanena gamo pavisitabbo yo paviseyya apatti dukkatassati . Tena kho pana samayena annataro bhikkhu gilano hoti na sakkoti vina upahanena ^1- gamam pavisitum . bhagavato etamattham arocesum . Anujanami bhikkhave gilanena bhikkhuna saupahanena gamam pavisitunti. [20] Tena kho pana samayena ayasma mahakaccano avantisu viharati kuraraghare papate ^2- pabbate . tena kho pana samayena sono upasako kutikanno ayasmato mahakaccanassa upatthako hoti . athakho sono upasako kutikanno yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi . ekamantam nisinno kho sono upasako kutikanno ayasmantam mahakaccanam etadavoca yatha yathaham bhante ayyena mahakaccanena dhammam desitam ajanami nayidam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum icchamaham bhante kesamassum oharetva kasayani vatthani acchadetva agarasma anagariyam pabbajitum pabbajetu mam bhante ayyo mahakaccanoti. {20.1} Evam vutte ayasma mahakaccano sonam upasakam kutikannam etadavoca ^3- dukkaram kho sona yavajivam ekaseyyam ekabhattam brahmacariyam caritum ^4- ingha tvam @Footnote: ¹ Yu. upahanena vina . ² Ma. kururaghare papathake . ³ Ma. Yu. evam vutte ... @etadavocati ime patha na disasanti . ⁴ Ma. Yu. ayam patho natthi.

--------------------------------------------------------------------------------------------- page30.

Sona tattheva agarikabhuto buddhanam sasanam anuyunja kalayuttam ekaseyyam ekabhattam brahmacariyanti. {20.2} Athakho sonassa upasakassa kutikannassa yo ahosi pabbajjabhisankharo so patippassambhi . dutiyampi kho sono upasako kutikanno .pe. tatiyampi kho sono upasako kutikanno yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi . Ekamantam nisinno kho sono upasako kutikanno ayasmantam mahakaccanam etadavoca yatha yathaham bhante ayyena mahakaccanena dhammam desitam ajanami nayidam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum icchamaham bhante kesamassum oharetva kasayani vatthani acchadetva agarasma anagariyam pabbajitum pabbajetu mam bhante ayyo mahakaccanoti. {20.3} Athakho ayasma mahakaccano sonam upasakam kutikannam pabbajesi . tena kho pana samayena avantidakkhinapatho appabhikkhuko hoti . athakho ayasma mahakaccano tinnam vassanam accayena kicchena kasirena tato tato dasavaggam bhikkhusangham sannipatapetva ayasmantam sonam upasampadesi . Athakho ayasmato sonassa vassam vutthassa rahogatassa patisallinassa evam cetaso parivitakko udapadi sutoyeva kho me so bhagava ediso ca ediso cati na ca maya

--------------------------------------------------------------------------------------------- page31.

Sammukha dittho gaccheyyaham tam bhagavantam dassanaya arahantam sammasambuddham sace mam upajjhayo anujaneyyati. {20.4} Athakho ayasma sono sayanhasamayam patisallana vutthito yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi . Ekamantam nisinno kho ayasma sono ayasmantam mahakaccanam etadavoca idha mayham bhante rahogatassa patisallinassa evam cetaso parivitakko udapadi sutoyeva kho me so bhagava ediso ca ediso cati na ca maya sammukha dittho gaccheyyaham tam bhagavantam dassanaya arahantam sammasambuddham sace mam upajjhayo anujaneyyati gaccheyyaham bhante tam bhagavantam dassanaya arahantam sammasambuddham sace mam upajjhayo anujanatiti. {20.5} Sadhu sadhu sona gaccha tvam sona tam bhagavantam dassanaya arahantam sammasambuddham dakkhissasi tvam sona tam bhagavantam pasadikam pasadaniyam santindriyam santamanasam uttamadamathasamathamanuppattam dantam guttam yatindriyam nagam tenahi tvam sona mama vacanena bhagavato pade sirasa vanda upajjhayo me bhante ayasma mahakaccano bhagavato pade sirasa vandatiti evanca vadehi avantidakkhinapatho bhante appabhikkhuko tinnam me vassanam accayena kicchena kasirena tato tato dasavaggam bhikkhusangham sannipatapetva upasampadam alattham appevanama bhagava

--------------------------------------------------------------------------------------------- page32.

Avantidakkhinapathe appatarena ganena upasampadam anujaneyya avantidakkhinapathe bhante kanhuttara bhumi khara gokantakahata appevanama bhagava avantidakkhinapathe gananganupahanam anujaneyya avantidakkhinapathe bhante nahanagaruka manussa udakasuddhika appevanama bhagava avantidakkhinapathe dhuvanahanam anujaneyya avantidakkhinapathe bhante cammani attharanani elakacammam ajacammam migacammam seyyathapi bhante majjhimesu janapadesu eragu moragu majjaru jantu evameva kho bhante avantidakkhinapathe cammani attharanani elakacammam ajacammam migacammam appevanama bhagava avantidakkhinapathe cammani attharanani anujaneyya elakacammam ajacammam migacammam etarahi bhante manussa nissimagatanam bhikkhunam civaram denti imam civaram itthannamassa demati te agantva arocenti itthannamehi te avuso manussehi civaram dinnanti te kukkuccayanta na sadiyanti ma no nissaggiyam ahositi appevanama bhagava civare pariyayam acikkheyyati. {20.6} Evam bhanteti kho ayasma sono ayasamto mahakaccanassa patissunitva utthayasana ayasmantam mahakaccanam abhivadetva padakkhinam katva senasanam samsametva pattacivaramadaya yena savatthi tena pakkami anupubbena yena savatthi jetavanam anathapindikassa aramo yena bhagava tenupasankami upasankamitva bhagavantam

--------------------------------------------------------------------------------------------- page33.

Abhivadetva ekamantam nisidi . athakho bhagava ayasmantam anandam amantesi imassa ananda agantukassa bhikkhuno senasanam pannapehiti . athakho ayasma anando yassa kho mam bhagava anapeti imassa ananda agantukassa bhikkhuno senasanam pannapehiti icchati bhagava tena bhikkhuna saddhim ekavihare vatthum icchati bhagava ayasmata sonena saddhim ekavihare vatthunti yasmim vihare bhagava viharati tasmim vihare ayasmato sonassa senasanam pannapesi. [21] Athakho bhagava bahudeva rattim ajjhokase vitinametva viharam pavisi . ayasmapi kho sono bahudeva rattim ajjhokase vitinametva viharam pavisi . athakho bhagava rattiya paccusasamayam paccutthaya ayasmantam sonam ajjhesi patibhatu tam bhikkhu dhammo bhasitunti . evam bhanteti kho ayasma sono bhagavato patissunitva sabbaneva atthakavaggikani sarena abhasi . athakho bhagava ayasmato sonassa sarabhannapariyosane abbhanumodi sadhu sadhu bhikkhu suggahitani kho te bhikkhu atthakavaggikani sumanasikatani supadharitani kalyaniyasi vacaya samannagato vissatthaya anelagalaya atthassa vinnapaniya kativassosi tvam bhikkhuti . ekavasso aham bhagavati. Kissa pana tvam bhikkhu evamciram akasiti . ciram dittho me bhante kamesu adinavo apica

--------------------------------------------------------------------------------------------- page34.

Sambadha gharavasa bahukicca bahukaraniyati . athakho bhagava etamattham viditva tayam velayam imam udanam udanesi disva adinavam loke natva dhammam nirupadhim ariyo na ramati pape pape na ramati suciti ^1-. [22] Athakho ayasma sono patisammodati kho mam bhagava ayam khvassa kalo yam me upajjhayo paridassiti utthayasana ekamsam uttarasangam karitva bhagavato padesu sirasa nipatitva bhagavantam etadavoca upajjhayo me bhante ayasma mahakaccano bhagavato padesu sirasa vandati evanca vadeti avantidakkhinapatho bhante appabhikkhuko tinnam me vassanam accayena kicchena kasirena tato tato dasavaggam bhikkhusangham sannipatapetva upasampadam alattham appevanama bhagava avantidakkhinapathe appatarena ganena upasampadam anujaneyya avantidakkhinapathe bhante kanhuttara bhumi khara gokantakahata appevanama bhagava avantidakkhinapathe gananganupahanam anujaneyya avantidakkhinapathe bhante nahanagaruka manussa udakasuddhika appevanama bhagava avantidakkhinapathe dhuvanahanam anujaneyya avantidakkhinapathe bhante cammani attharanani elakacammam ajacammam migacammam seyyathapi bhante majjhimesu janapadesu eragu moragu majjaru @Footnote: ¹ Yu. sasane ramati suciti.

--------------------------------------------------------------------------------------------- page35.

Jantu evameva kho bhante avantidakkhinapathe cammani attharanani elakacammam ajacammam migacammam appevanama bhagava avantidakkhinapathe cammani attharanani anujaneyya elakacammam ajacammam migacammam etarahi bhante manussa nissimagatanam bhikkhunam civaram denti imam civaram itthannamassa demati te agantva arocenti itthannamehi te avuso manussehi civaram dinnanti te kukkuccayanta na sadiyanti ma no nissaggiyam ahositi appevanama bhagava civare pariyayam acikkheyyati. [23] Athakho bhagava etasmim nidane etasmim pakarane dhammim katham katva bhikkhu amantesi avantidakkhinapatho bhikkhave appabhikkhuko anujanami bhikkhave sabbapaccantimesu janapadesu vinayadharapancamena ganena upasampadam. {23.1} Tatrime paccantima janapada puratthimaya disaya kajangalam ^1- nama nigamo tassa parena mahasala tato para paccantima janapada orato majjhe . puratthimadakkhinaya disaya sallavati nama nadi tato para paccantima janapada orato majjhe . dakkhinaya disaya setakannikam nama nigamo tato para paccantima janapada orato majjhe . pacchimaya disaya thunam nama brahmanagamo tato para paccantima janapada orato majjhe . uttaraya disaya usiraddhajo nama pabbato tato para paccantima janapada orato @Footnote: ¹ Ma. gajangalam.

--------------------------------------------------------------------------------------------- page36.

Majjhe . anujanami bhikkhave evarupesu paccantimesu janapadesu vinayadharapancamena ganena upasampadam . avantidakkhinapathe bhikkhave kanhuttara bhumi khara gokantakahata anujanami bhikkhave sabbapaccantimesu janapadesu gananganupahanam . avantidakkhinapathe bhikkhave nahanagaruka manussa udakasuddhika anujanami bhikkhave sabbapaccantimesu janapadesu dhuvanahanam . avantidakkhinapathe bhikkhave cammani attharanani elakacammam ajacammam migacammam seyyathapi bhikkhave majjhimesu janapadesu eragu moragu majjaru jantu ^1- evameva kho bhikkhave avantidakkhinapathe cammani attharanani elakacammam ajacammam migacammam anujanami bhikkhave sabbapaccantimesu janapadesu cammani attharanani elakacammam ajacammam migacammam . idha pana bhikkhave manussa nissimagatanam bhikkhunam civaram denti imam civaram itthannamassa demati anujanami bhikkhave saditum na tava tam gananupagam yava na hattham gacchatiti. Cammakkhandhakam pancamam. Imamhi khandhake vatthu tesatthi. --------- Tassuddanam. [24] Raja ca magadho sono ^2- asitisahassissaro sagato gijjhakutasmim bahum dassesi uttarim. @Footnote: ¹ Ma. eragu moragu majjharu jantu. Yu. majjharu. ² Ma. Yu. raja magadho sono.

--------------------------------------------------------------------------------------------- page37.

Pabbajjaraddhabhijjimsu vinam ekapalasikam nila pita lohitika manjettha kanhameva ca. Maharanga mahanama vaddhika ca patikkhipi khallaka putapali ca tulatittiramendaja. Vicchika moracitranca ^1- sihabyaggha ca dipika ajinudda majjari ^2- ca kalolukaparikkhata ^3-. Phalitupahana khila dhotakhanukhatakhata ^4- talavelutinanceva munjapabbajahintala ^5-. Kamalakambalasovanna ^6- rupika mani veluri ^7- phalika kamsakaca ca tipusisanca tambaka. Gavi yanam gilano ca purisayuttasivika sayanani mahacamma ^8- gocammehi ca papako. Gihinam cammavaddhehi pavisanti gilayano mahakaccayano sono sarenatthakavaggikam. Upasampadam pancahi gana dhuvasinayana ^9- sammattharananunnasi na tava gananupagam adasime vare panca sonattherassa nayakoti. @Footnote: ¹ Ma. Yu. moracitra ca. ² Si. majjara. Ma. manjari. ³ Ma. Yu. kalaluaparikkhata. @⁴ Si. dhotakhanukhatakhatam. ⁵ Ma. munca - hintala. ⁶ Ma. kampala-. @⁷ Ma. Yu. veluriya. ⁸ Si. mahacamma. ⁹ Ma. upasampadam pancahi ganam gananganadhuvasina. @Yu. upasampadam pancaganam ganangana dhuvasina.

The Pali Tipitaka in Roman Character Volume 5 page 25-37. https://84000.org/tipitaka/read/roman_item.php?book=5&item=15&items=10&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=5&item=15&items=10&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=5&item=15&items=10&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=15&items=10&pagebreak=1&modeTY=2 Study Atthakatha :- https://84000.org/tipitaka/attha/attha.php?b=5&i=15 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5