paliTIPITAKA Volume 7 - Vinaya Pitaka 7

page379.

Pancasatikakkhandhakam [614] Athakho ayasma mahakassapo bhikkhu amantesi ekamidaham avuso samayam pavaya kusinaram addhanamaggapatipanno mahata bhikkhusanghena saddhim pancamattehi bhikkhusatehi athakhvaham avuso magga okkamma annatarasmim rukkhamule nisidim tena kho pana samayena annataro ajivako kusinarayam mandaravapuppham gahetva pavam addhanamaggapatipanno hoti addasam kho aham avuso tam ajivakam durato va agacchantam disvana tam ajivakam etadavocam apavuso amhakam sattharam janasiti amavuso janami ajja sattahaparinibbuto samano gotamo tato me idam mandaravapuppham gahitanti tatravuso ye te bhikkhu avitaraga appekacce baha paggayha kandanti chinnapadava patanti ^1- avattanti vivattanti atikhippam bhagava parinibbuto atikhippam sugato parinibbuto atikhippam cakkhum loke antarahitanti ye pana te bhikkhu vitaraga te sata sampajana adhivasenti anicca sankhara tam kutettha labbhati athakhvaham avuso te bhikkhu etadavocam alam avuso ma socittha ma paridevittha nanvetam avuso bhagavata patikacceva akkhatam sabbeheva piyehi @Footnote: ¹ Ma. chinnapatam papatanti. Yu. chinnapapatam papatanti.

--------------------------------------------------------------------------------------------- page380.

Manapehi nanabhavo vinabhavo annathabhavo tam kutettha avuso ^1- labbha yantam jatam bhutam sankhatam palokadhammam tam vata ma palujjiti netam thanam vijjatiti tena kho panavuso samayena subhaddo nama vuddhapabbajito tassam parisayam nisinno hoti athakho avuso subhaddo vuddhapabbajito te bhikkhu etadavoca alam avuso ma socittha ma paridevittha sumutta mayam tena mahasamanena upadduta ca mayam homa idam vo kappati idam vo na kappatiti idani pana mayam yam icchissama tam karissama yam na icchissama na tam karissamati handa mayam avuso dhammanca vinayanca sangayama pure adhammo dippati dhammo patibahiyati avinayo dippati vinayo patibahiyati pure adhammavadino balavanto honti dhammavadino dubbala honti avinayavadino balavanto honti vinayavadino dubbala hontiti. [615] Tenahi bhante thero bhikkhu uccinatuti . athakho ayasma mahakassapo ekenunapancaarahantasatani uccini . bhikkhu ayasmantam mahakassapam etadavocum ayam bhante ayasma anando kincapi sekkho samano abhabbo chanda dosa moha bhaya agatim gantum bahu canena bhagavato santike dhammo ca vinayo ca pariyatto tenahi bhante thero ayasmantampi anandam @Footnote: ¹ idam alapanam atirekam manne.

--------------------------------------------------------------------------------------------- page381.

Uccinatuti . athakho ayasma mahakassapo ayasmantampi anandam uccini . athakho theranam bhikkhunam etadahosi kattha nu kho mayam dhammanca vinayanca sangayeyyamati . athakho theranam bhikkhunam etadahosi rajagaham kho mahagocaram pahutasenasanam yannuna mayam rajagahe vassam vasanta dhammanca vinayanca sangayeyyama na anne bhikkhu rajagahe vassam upagaccheyyunti . athakho ayasma mahakassapo sangham napesi {615.1} sunatu me avuso sangho yadi sanghassa pattakallam sangho imani panca bhikkhusatani sammanneyya rajagahe vassam vasantani ^1- dhammanca vinayanca sangayitum na annehi bhikkhuhi rajagahe vassam vasitabbanti. Esa natti. {615.2} Sunatu me avuso sangho sangho imani panca bhikkhusatani sammannati rajagahe vassam vasantani dhammanca vinayanca sangayitum na annehi bhikkhuhi rajagahe vassam vasitabbanti . Yassayasmato khamati imesam pancannam bhikkhusatanam sammati rajagahe vassam vasantanam ^2- dhammanca vinayanca sangayitum na annehi bhikkhuhi rajagahe vassam vasitabbanti so tunhassa yassa nakkhamati so bhaseyya. {615.3} Sammatani ^3- sanghena imani panca bhikkhusatani rajagahe vassam vasantani dhammanca vinayanca sangayitum na annehi bhikkhuhi rajagahe vassam vasitabbanti . khamati sanghassa tasma tunhi . @Footnote: ¹ Yu. vasanta. ² Yu. vasanta. ³ Yu. sammata.

--------------------------------------------------------------------------------------------- page382.

Evametam dharayamiti. [616] Athakho thera bhikkhu rajagaham agamamsu dhammanca vinayanca sangayitum . athakho theranam bhikkhunam etadahosi bhagavata kho avuso khandaphullapatisankharanam vannitam handa mayam avuso pathamam masam khandaphullam patisankharoma majjhimam masam sannipatitva dhammanca vinayanca sangayissamati . athakho thera bhikkhu pathamam masam khandaphullam patisankharimsu. [617] Athakho ayasma anando sve sannipato na kho me tam patirupam yoham sekkho samano sannipatam gaccheyyanti bahudeva rattim kayagataya satiya vitinametva rattiya paccusasamayam nipajjissamiti kayam avattesi ^1- . appattanca sisam bimbohanam . Bhumito ca pada mutta . etasmim antare anupadaya asavehi cittam vimucci . athakho ayasma anando araha samano sannipatam agamasi. [618] Athakho ayasma mahakassapo sangham napesi sunatu me avuso sangho yadi sanghassa pattakallam aham upalim vinayam puccheyyanti . ayasma upali sangham napesi sunatu me bhante sangho yadi sanghassa pattakallam aham ayasmata mahakassapena vinayam puttho vissajjeyyanti . athakho ayasma mahakassapo ayasmantam upalim etadavoca pathamam avuso @Footnote: ¹ Yu. avajjesi.

--------------------------------------------------------------------------------------------- page383.

Upali parajikam kattha pannattanti . vesaliya bhanteti . kam arabbhati . sudinnam kalandaputtam arabbhati . kismim vatthusminti . Methunadhammeti . athakho ayasma mahakassapo ayasmantam upalim pathamassa parajikassa vatthumpi pucchi nidanampi pucchi puggalampi pucchi pannattimpi pucchi anuppannattimpi pucchi apattimpi pucchi anapattimpi pucchi dutiyampanavuso upali parajikam kattha pannattanti . rajagahe bhanteti . kam arabbhati. Dhaniyam kumbhakaraputtam arabbhati. Kismim vatthusminti. Adinnadaneti. {618.1} Athakho ayasma mahakassapo ayasmantam upalim dutiyassa parajikassa vatthumpi pucchi nidanampi pucchi puggalampi pucchi pannattimpi pucchi anuppannattimpi pucchi apattimpi pucchi anapattimpi pucchi tatiyampanavuso upali parajikam kattha pannattanti . vesaliya bhanteti . kam arabbhati . Sambahule bhikkhu arabbhati . kismim vatthusminti . manussaviggaheti . Athakho ayasma mahakassapo ayasmantam upalim tatiyassa parajikassa vatthumpi pucchi nidanampi pucchi puggalampi pucchi pannattimpi pucchi anuppannattimpi pucchi apattimpi pucchi anapattimpi pucchi catutthampanavuso upali parajikam kattha pannattanti . Vesaliya bhanteti . kam arabbhati . vaggumudatiriye bhikkhu arabbhati . kismim vatthusminti . uttarimanussadhammeti . athakho

--------------------------------------------------------------------------------------------- page384.

Ayasma mahakassapo ayasmantam upalim catutthassa parajikassa vatthumpi pucchi nidanampi pucchi puggalampi pucchi pannattimpi pucchi anuppannattimpi pucchi apattimpi pucchi anapattimpi pucchi eteneva upayena ubhatovinaye ^1- pucchi . puttho puttho ayasma upali vissajjesi. [619] Athakho ayasma mahakassapo sangham napesi sunatu me avuso sangho yadi sanghassa pattakallam aham anandam dhammam puccheyyanti . ayasma anando sangham napesi sunatu me bhante sangho yadi sanghassa pattakallam aham ayasmata mahakassapena dhammam puttho vissajjeyyanti. {619.1} Athakho ayasma mahakassapo ayasmantam anandam etadavoca brahmajalam avuso ananda kattha bhasitanti . Antara ca bhante rajagaham antara ca nalandam rajagare ^2- ambalatthikayati ^3- . kam arabbhati . suppiyanca paribbajakam brahmadattanca manavanti . athakho ayasma mahakassapo ayasmantam anandam brahmajalassa nidanampi pucchi puggalampi pucchi samannaphalam panavuso ananda kattha bhasitanti . Rajagahe bhante jivakambavaneti . kena saddhinti . ajatasattuna vedehiputtena saddhinti . athakho ayasma mahakassapo ayasmantam anandam samannaphalassa nidanampi pucchi @Footnote: ¹ Ma. ubhatovibhange. ² Ma. Yu. rajagarake. ³ Yu. ambalatthikayanti.

--------------------------------------------------------------------------------------------- page385.

Puggalampi pucchi eteneva upayena panca nikaye pucchi . Puttho puttho ayasma anando vissajjesi. [620] Athakho ayasma anando there bhikkhu etadavoca bhagava mam bhante parinibbanakale evamaha akankhamano ananda sangho mamaccayena khuddanukhuddakani sikkhapadani samuhaneyyati . Pucchi pana tvam avuso ananda bhagavantam katamani pana bhante khuddanukhuddakani sikkhapadaniti . na khvaham bhante bhagavantam pucchim katamani pana bhante khuddanukhuddakani sikkhapadaniti . Ekacce thera evamahamsu cattari parajikani thapetva avasesani khuddanukhuddakani sikkhapadaniti. {620.1} Ekacce thera evamahamsu cattari parajikani thapetva terasa sanghadisese thapetva avasesani khuddanukhuddakani sikkhapadaniti . ekacce thera evamahamsu cattari parajikani thapetva terasa sanghadisese thapetva dve aniyate thapetva avasesani khuddanukhuddakani sikkhapadaniti . ekacce thera evamahamsu cattari parajikani thapetva terasa sanghadisese thapetva dve aniyate thapetva timsa nissaggiye pacittiye thapetva avasesani khuddanukhuddakani sikkhapadaniti . Ekacce thera evamahamsu cattari parajikani thapetva terasa sanghadisese thapetva dve aniyate thapetva timsa nissaggiye pacittiye thapetva dvenavuti pacittiye thapetva avasesani

--------------------------------------------------------------------------------------------- page386.

Khuddanukhuddakani sikkhapadaniti . ekacce thera evamahamsu cattari parajikani thapetva terasa sanghadisese thapetva dve aniyate thapetva timsa nissaggiye pacittiye thapetva dvenavuti pacittiye thapetva cattaro ^1- patidesaniye thapetva avasesani khuddanukhuddakani sikkhapadaniti. [621] Athakho ayasma mahakassapo sangham napesi {621.1} sunatu me avuso sangho santamhakam sikkhapadani gihigatani gihinopi jananti ^2- idam vo samananam sakyaputtiyanam kappati idam vo na kappatiti . sace mayam khuddanukhuddakani sikkhapadani samuhanissama bhavissanti vattaro dhumakalikam samanena gotamena savakanam sikkhapadam pannattam yavimesam sattha atthasi tavime sikkhapadesu sikkhimsu yato imesam sattha parinibbuto nadanime sikkhapadesu sikkhantiti . yadi sanghassa pattakallam sangho appannattam na pannapeyya pannattam na samucchindeyya yathapannattesu sikkhapadesu samadaya vatteyya. Esa natti. {621.2} Sunatu me avuso sangho santamhakam sikkhapadani gihigatani gihinopi jananti idam vo samananam sakyaputtiyanam kappati idam vo na kappatiti. Sace mayam khuddanukhuddakani sikkhapadani samuhanissama bhavissanti vattaro dhumakalikam samanena gotamena savakanam sikkhapadam @Footnote: ¹ Yu. cattari. ² Yu. gihipi no jananti.

--------------------------------------------------------------------------------------------- page387.

Pannattam yavimesam sattha atthasi tavime sikkhapadesu sikkhimsu yato imesam sattha parinibbuto nadanime sikkhapadesu sikkhantiti . sangho appannattam na pannapeti pannattam na samucchindati yathapannattesu sikkhapadesu samadaya vattati . Yassayasmato khamati appannattassa appannapana pannattassa asamucchedo yathapannattesu sikkhapadesu samadaya vattana so tunhassa yassa nakkhamati so bhaseyya. {621.3} Sangho appannattam na pannapeti pannattam na samucchindati yathapannattesu sikkhapadesu samadaya vattati . Khamati sanghassa tasma tunhi. Evametam dharayamiti. [622] Athakho thera bhikkhu ayasmantam anandam etadavocum idante avuso ananda dukkatam yam tvam bhagavantam na pucchi katamani pana bhante khuddanukhuddakani sikkhapadaniti desehi tam dukkatanti . aham kho bhante asatiya bhagavantam na pucchim katamani bhante khuddanukhuddakani sikkhapadaniti naham tam dukkatam passami apicayasmantanam saddhaya desemi tam dukkatanti . Idampi te avuso ananda dukkatam yam tvam bhagavato vassikasatikam akkamitva sibbesi desehi tam dukkatanti . aham kho bhante na agaravena bhagavato vassikasatikam akkamitva sibbesim nahantam dukkatam passami apicayasmantanam saddhaya desemi tam dukkatanti .

--------------------------------------------------------------------------------------------- page388.

Idampi te avuso ananda dukkatam yam tvam matugamehi bhagavato sariram pathamam vandapesi tasam rodantinam bhagavato sariram assukena makkhitam desehi tam dukkatanti . aham kho bhante mayima ^1- vikale ahesunti matugamehi bhagavato sariram pathamam vandapesim nahantam dukkatam passami apicayasmantanam saddhaya desemi tam dukkatanti . idampi te avuso ananda dukkatam yam tvam bhagavata olarike nimitte kariyamane olarike obhase kariyamane na bhagavantam yaci titthatu bhagava kappam titthatu sugato kappam bahujanahitaya bahujanasukhaya lokanukampaya atthaya hitaya sukhaya devamanussananti desehi tam dukkatanti. {622.1} Aham kho bhante marena pariyutthitacitto na bhagavantam yacim titthatu bhagava kappam titthatu sugato kappam bahujanahitaya bahujanasukhaya lokanukampaya atthaya hitaya sukhaya devamanussananti nahantam dukkatam passami apicayasmantanam saddhaya desemi tam dukkatanti . idampi te avuso ananda dukkatam yam tvam matugamassa tathagatappavedite dhammavinaye pabbajjam ussukkam akasi desehi tam dukkatanti . aham kho bhante ayam mahapajapati gotami bhagavato matuccha apadika posika khirassa dayika bhagavantam janettiya kalakataya thannam payesiti matugamassa tathagatappavedite dhammavinaye pabbajjam ussukkam akasim nahantam dukkatam passami @Footnote: ¹ Ma. mayimasam.

--------------------------------------------------------------------------------------------- page389.

Apicayasmantanam saddhaya desemi tam dukkatanti. [623] Tena kho pana samayena ayasma purano dakkhinagirismim carikam carati mahata bhikkhusanghena saddhim pancamattehi bhikkhusatehi . Athakho ayasma purano therehi bhikkhuhi dhamme ca vinaye ca sangite dakkhinagirismim yathabhirantam viharitva yena rajagaham veluvanam kalandakanivapo yena thera bhikkhu tenupasankami upasankamitva therehi bhikkhuhi saddhim patisammoditva ekamantam nisidi . ekamantam nisinnam kho ayasmantam puranam thera bhikkhu etadavocum therehi avuso purana dhammo ca vinayo ca sangito upehi tam sangitanti . susangitavuso therehi bhikkhuhi ^1- dhammo ca vinayo ca apica yatheva maya bhagavato sammukha sutam sammukha patiggahitam tathevaham dharessamiti. [624] Athakho ayasma anando there bhikkhu etadavoca bhagava mam bhante parinibbanakale evamaha tenahananda sangho mamaccayena channassa bhikkhuno brahmadandam anapetuti . pucchi pana tvam avuso ananda bhagavantam katamo pana bhante brahmadandoti . pucchim kho aham bhante bhagavantam katamo pana bhante brahmadandoti . channo ananda bhikkhu yam iccheyya tam vadeyya bhikkhuhi channo bhikkhu neva vattabbo na ovaditabbo na anusasitabboti ^2- . tenahavuso ananda tvamyeva channassa @Footnote: ¹ Ma. Yu. ayam patho natthi. ² Ma. Yu. nanusasitabboti.

--------------------------------------------------------------------------------------------- page390.

Bhikkhuno brahmadandam anapehiti . kathaham bhante channassa bhikkhuno brahmadandam anapemi cando so bhikkhu pharusoti . Tenahavuso ananda bahukehi bhikkhuhi saddhim gacchahiti . evam bhanteti kho ayasma anando theranam bhikkhunam patissutva mahata bhikkhusanghena saddhim pancamattehi bhikkhusatehi navaya gantva kosambim ujjavanikaya navaya paccorohitva ^1- ranno udenassa uyyanassa avidure annatarasmim rukkhamule nisidi. [625] Tena kho pana samayena raja udeno uyyane parivarehi ^2- saddhim orodhena pativasati ^3- . assosi kho ranno udenassa orodho amhakam kira acariyo ayyo anando uyyanassa avidure annatarasmim rukkhamule nisinnoti . athakho ranno udenassa orodho rajanam udenam etadavoca amhakam kira deva acariyo ayyo anando uyyanassa avidure annatarasmim rukkhamule nisinno icchama mayam deva ayyam anandam passitunti . tenahi ^4- samanam anandam passathati . athakho ranno udenassa orodho yenayasma anando tenupasankami upasankamitva ayasmantam anandam abhivadetva ekamantam nisidi . ekamantam nisinnam kho ranno udenassa orodham ayasma anando dhammiya kathaya sandassesi @Footnote: ¹ Ma. navaya ujjavanikaya kosambim ujjavi navaya paccorohitva. Yu. navaya @ujjavanikaya kosambiya paccorohitva. ² Ma. Yu. paricaresi. ³ Ma. Yu. ayam @patho natthi. ⁴ Ma. Yu. tenahi tumhe.

--------------------------------------------------------------------------------------------- page391.

Samadapesi samuttejesi sampahamsesi . athakho ranno udenassa orodho ayasmata anandena dhammiya kathaya sandassito samadapito samuttejito sampahamsito ayasmato anandassa panca uttarasangasatani padasi . athakho ranno udenassa orodho ayasmato anandassa bhasitam abhinanditva anumoditva utthayasana ayasmantam anandam abhivadetva padakkhinam katva yena raja udeno tenupasankami. [626] Addasa kho raja udeno orodham durato va agacchantam disvana orodham etadavoca api nu kho tumhe samanam anandam passathati . apassimha kho mayam deva ayyam anandanti . Apinu ^1- tumhe samanassa anandassa kinci adatthati . adamha kho mayam deva ayyassa anandassa panca uttarasangasataniti . Raja udeno ujjhayati khiyati vipaceti katham hi nama samano anando tavabahum civaram patiggahessati dussavanijjam va samano anando karissati paggahikasalam ^2- va pasaressatiti. Athakho raja udeno yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho raja udeno ayasmantam anandam etadavoca agama @Footnote: ¹ Yu. api pana. ² patahikasalam vatipi patho vijjati.

--------------------------------------------------------------------------------------------- page392.

Nu ^1- bho ananda amhakam orodhoti. Agama kho te ^2- maharaja orodhoti . apica ^3- pana bhoto anandassa kinci adasiti . Adasi kho me maharaja panca uttarasangasataniti . kim pana bhavam anando tavabahum civaram karissatiti . ye te maharaja bhikkhu dubbalacivara tehi saddhim samvibhajissamiti . yani kho pana bho ananda poranakani dubbalacivarani tani katham karissathati . Tani maharaja uttarattharanam karissamati . yani pana bho ananda poranakani uttarattharanani tani katham karissathati. {626.1} Tani maharaja bhisicchaviyo karissamati . ya pana bho ananda poranaka bhisicchaviyo ta katham karissathati. Ta maharaja bhummattharanam karissamati . yani pana bho ananda poranakani bhummattharanani tani katham karissathati . tani maharaja padapunchaniyo karissamati . ya pana bho ananda poranaka padapunchaniyo ta katham karissathati . ta maharaja rajoharanam karissamati . yani pana bho ananda poranakani rajoharanani tani katham karissathati . tani maharaja kottetva cikkhallena madditva paribhandam limpissamati . athakho raja udeno sabbe vime samana sakyaputtiya yoniso upanenti na kulavam ^4- @Footnote: ¹ Ma. agama nu khvidha. Yu. agama nu khodha. ² Ma. agamasi kho te idha. @Yu. tedha. ³ Ma. Yu. casaddo natthi. ⁴ Yu. na kulavam.

--------------------------------------------------------------------------------------------- page393.

Gamentiti ayasmato anandassa annanipi panca dussasatani padasi . ayancarahi ayasmato anandassa pathamam civaraparikkharo ^1- uppajji civarasahassam. [627] Athakho ayasma anando yena ghositaramo tenupasankami upasankamitva pannatte asane nisidi . Athakho ayasma channo yenayasma anando tenupasankami upasankamitva ayasmantam anandam abhivadetva ekamantam nisidi . Ekamantam nisinnam kho ayasmantam channam ayasma anando etadavoca sanghena te avuso channa brahmadando anattoti ^2-. Katamo pana bhante ananda brahmadandoti ^3- . tvam avuso channa bhikkhu ^4- yam iccheyyasi tam vadeyyasi bhikkhuhi tvam neva vattabbo na ovaditabbo nanusasitabboti . nanvaham bhante ananda hato ettavata yatoham bhikkhuhi neva vattabbo na ovaditabbo nanusasitabboti tattheva mucchito papati ^5-. {627.1} Athakho ayasma channo brahmadandena attiyamano harayamano jigucchamano eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja vihasi khina jati @Footnote: ¹ Ma. Yu. civarabhikkha. ² Ma. Yu. anapitoti. ³ Ma. itisaddo natthi. @⁴ Ma. Yu. bhikkhu. ⁵ Ma. papato.

--------------------------------------------------------------------------------------------- page394.

Vusitam brahmacariyam katam karaniyam naparam itthattayati abbhannasi . Annataro ca panayasma channo arahatam ahosi . athakho ayasma channo arahattam patto yenayasma anando tenupasankami upasankamitva ayasmantam anandam etadavoca patippassambhehidani ^1- me bhante ananda brahmadandanti . yadaggena taya avuso channa arahattam sacchikatam tadaggena te brahmadando patippassaddhoti. [628] Imaya kho pana vinayasangitiya panca bhikkhusatani anunani anadhikani ahesum. Tasmayam vinayasangiti pancasatikati ^2- vuccatiti. Pancasatikakkhandhakam nitthitam ekadasamam. Imamhi khandhake vatthu ^3- tevisati. ----------

The Pali Tipitaka in Roman Character Volume 7 page 379-394. https://84000.org/tipitaka/read/roman_item.php?book=7&item=614&items=15&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=7&item=614&items=15&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=7&item=614&items=15&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=614&items=15&pagebreak=1&modeTY=2 Study Atthakatha :- https://84000.org/tipitaka/attha/attha.php?b=7&i=614 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7