paliTIPITAKA Volume 2 - Vinaya Pitaka 2

page208.

Atthamasikkhapadam [304] Tena samayena buddho bhagava vesaliyam viharati mahavane kutagarasalayam . tena kho pana samayena sambahula sandittha sambhatta bhikkhu vaggumudaya nadiya tire vassam upagacchimsu . Tena kho pana samayena vajji dubbhikkha hoti dvihitika setatthika salakavutta na sukara unchena paggahena yapetum . athakho tesam bhikkhunam etadahosi etarahi kho vajji dubbhikkha dvihitika setatthika salakavutta na sukara unchena paggahena yapetum kena nu kho mayam upayena samagga sammodamana avivadamana phasukam vassam vaseyyama na ca pindakena kilamissamati ^1-. {304.1} Ekacce evamahamsu handa mayam avuso gihinam kammantam adhitthema evante amhakam datum mannissanti evam mayam samagga sammodamana avivadamana phasukam vassam vaseyyama ^2- na ca pindakena kilamissamati . ekacce evamahamsu alam avuso kim gihinam kammantam adhitthitena handa mayam avuso gihinam duteyyam harama evante amhakam datum mannissanti evam mayam samagga sammodamana avivadamana phasukam vassam vaseyyama na ca pindakena kilamissamati. {304.2} Ekacce evamahamsu alam avuso kim gihinam kammantam adhitthitena kim gihinam duteyyam hatena handa mayam avuso gihinam annamannassa uttarimanussadhammassa vannam @Footnote: ¹ Ma. kilameyyamati . ² Ma. vasissama. evamuparipi.

--------------------------------------------------------------------------------------------- page209.

Bhasissama asuko bhikkhu pathamassa jhanassa labhi asuko bhikkhu dutiyassa jhanassa labhi asuko bhikkhu tatiyassa jhanassa labhi asuko bhikkhu catutthassa jhanassa labhi asuko bhikkhu sotapanno asuko bhikkhu sakadagami asuko bhikkhu anagami asuko bhikkhu araha asuko bhikkhu tevijjo asuko bhikkhu chalabhinnoti evante amhakam datum mannissanti evam mayam samagga sammodamana avivadamana phasukam vassam vaseyyama na ca pindakena kilamissamati esoyeva kho avuso seyyo yo amhakam gihinam annamannassa uttarimanussadhammassa vanno bhasitoti. {304.3} Athakho te bhikkhu gihinam annamannassa uttarimanussa- dhammassa vannam bhasimsu asuko bhikkhu pathamassa jhanassa labhi .pe. Asuko bhikkhu chalabhinnoti . athakho te manussa labha vata no suladdham vata no yesam no evarupa bhikkhu vassam upagata na vata no ito pubbe evarupa bhikkhu vassam upagata yathayime ^1- bhikkhu silavanto kalyanadhammati . te na tadisani bhojanani attana bhunjanti matapitunam denti puttadarassa denti dasakammakaraporisassa denti mittamaccanam denti natisalohitanam denti yadisani bhikkhunam denti na tadisani khadaniyani sayaniyani panani attana pivanti matapitunam denti puttadarassa denti dasakammakaraporisassa denti mittamaccanam denti natisalohitanam @Footnote: ¹ Ma. yathayime.

--------------------------------------------------------------------------------------------- page210.

Denti yadisani bhikkhunam denti . athakho te bhikkhu vannavanto ^1- ahesum pinindriya pasannamukhavanna vippasannacchavivanna.

The Pali Tipitaka in Roman Character Volume 2 page 208-210. http://84000.org/tipitaka/read/roman_item_s.php?book=2&item=304&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=304&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=304&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=304&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=304 The Pali Atthakatha in Thai :- http://84000.org/tipitaka/atthapali/read_th.php?B=2&A=6403 The Pali Atthakatha in Roman :- http://84000.org/tipitaka/atthapali/read_rm.php?B=2&A=6403 Contents of The Tipitaka Volume 2 http://84000.org/tipitaka/read/?index_2