paliTIPITAKA Volume 2 - Vinaya Pitaka 2

[305] Acinnam kho panetam vassam vutthanam bhikkhunam bhagavantam dassanaya upasankamitum . athakho te bhikkhu vassam vuttha temasaccayena senasanam samsametva pattacivaramadaya yena vesali tenupasankamimsu ^2- anupubbena yena vesali mahavanam kutagarasala yena bhagava tenupankamimsu upasankamitva bhagavantam abhivadetva ekamantam nisidimsu . tena kho pana samayena disasu vassam vuttha bhikkhu kisa honti lukha dubbanna uppanduppandukajata dhamanisanthatagatta . Vaggumudatiriya pana bhikkhu vannavanto honti pinindriya pasannamukhavanna vippasannacchavivanna . acinnam kho panetam buddhanam bhagavantanam agantukehi bhikkhuhi saddhim patisammoditum . Athakho bhagava vaggumudatiriye bhikkhu etadavoca kacci bhikkhave khamaniyam kacci yapaniyam kacci samagga sammodamana avivadamana phasukam vassam vasittha na ca pindakena kilamitthati . khamaniyam bhagava yapaniyam bhagava samagga ca mayam bhante sammodamana avivadamana phasukam vassam vasimha na ca pindakena kilamimhati . janantapi tathagata pucchanti janantapi na pucchanti kalam viditva pucchanti kalam viditva na pucchanti atthasanhitam tathagata pucchanti no anatthasanhitam anatthasanhite setughato tathagatanam . dvihakarehi @Footnote: ¹ Ma. vannava. evamuparipi . ² Ma. tena pakkamimsu. Buddha bhagavanto bhikkhu patipucchanti dhammam va desessama savakanam va sikkhapadam pannapessamati. {305.1} Athakho bhagava vaggu mudatiriye bhikkhu etadavoca yathakatham pana tumhe bhikkhave samagga sammodamana avivadamana phasukam vassam vasittha na ca pindakena kilamitthati . Athakho te bhikkhu bhagavato etamattham arocesum . kacci pana vo bhikkhave bhutanti. Bhutam bhagavati. Vigarahi buddho bhagava katham hi nama tumhe bhikkhave udarassa karana gihinam annamannassa uttarimanussadhammassa vannam bhasissatha netam bhikkhave appasannanam va pasadaya .pe. Evanca pana bhikkhave imam sikkhapadam uddiseyyatha {305.2} yo pana bhikkhu anupasampannassa uttarimanussadhammam aroceyya bhutasmim pacittiyanti.

The Pali Tipitaka in Roman Character Volume 2 page 210-211. http://84000.org/tipitaka/read/roman_item_s.php?book=2&item=305&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=305&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=305&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=305&items=1&modeTY=2 Study Atthakatha :- http://84000.org/tipitaka/attha/attha.php?b=2&i=305 The Pali Atthakatha in Thai :- http://84000.org/tipitaka/atthapali/read_th.php?B=2&A=6403 The Pali Atthakatha in Roman :- http://84000.org/tipitaka/atthapali/read_rm.php?B=2&A=6403 Contents of The Tipitaka Volume 2 http://84000.org/tipitaka/read/?index_2