[177] 9 Evamme sutam . ekam samayam bhagava rajagahe viharati
veluvane kalandakanivape . atha kho ayasma dabbo mallaputto
yena bhagava tenupasankami upasankamitva bhagavantam abhivadetva
ekamantam nisidi . ekamantam nisinno kho ayasma dabbo
mallaputto bhagavantam etadavoca parinibbanakalo medani sugatati .
Yassadani tvam dabba kalam mannasiti . atha kho ayasma dabbo
mallaputto utthayasana bhagavantam abhivadetva padakkhinam katva
vehasam abbhuggantva akase antalikkhe pallankena nisidi
tejodhatum samapajjitva vutthahitva parinibbayi.
{177.1} Atha kho ayasmato dabbassa mallaputtassa vehasam
abbhuggantva akase antalikkhe pallankena nisiditva tejodhatum
samapajjitva vutthahitva parinibbutassa sarirassa jhayamanassa dayhamanassa
neva charika pannayati na masi 1- . seyyathapi nama sappissa va
telassa va jhayamanassa dayhamanassa neva charika pannayati na masi
evameva ayasmato dabbassa mallaputtassa vehasam abbhuggantva
akase antalikkhe pallankena nisiditva tejodhatum samapajjitva
vutthahitva parinibbutassa sarirassa jhayamanassa dayhamanassa neva
@Footnote: 1 Po. na passi.
Charika pannayittha na masiti . atha kho bhagava etamattham
viditva tayam velayam imam udanam udanesi
abhedi kayo nirodhi sanna vedanapitidahamsu 1- sabba
vupasamimsu sankhara vinnanamatthamagamati. Navamam.
[178] 10 Evamme sutam . ekam samayam bhagava savatthiyam
viharati jetavane anathapindikassa arame . tatra kho bhagava bhikkhu
amantesi bhikkhavoti . bhadanteti te bhikkhu bhagavato paccassosum .
Bhagava etadavoca dabbassa bhikkhave mallaputtassa vehasam
abbhuggantva akase antalikkhe pallankena nisiditva tejodhatum
samapajjitva vutthahitva parinibbutassa sarirassa jhayamanassa
dayhamanassa neva charika pannayittha na masi seyyathapi nama
sappissa va jhayamanassa dayhamanassa neva charika pannayati
na masi evameva bhikkhave dabbassa mallaputtassa vehasam
abbhuggantva akase antalikkhe pallankena nisiditva tejodhatum
samapajjitva parinibbutassa sarirassa jhayamanassa dayhamanassa neva
charika pannayittha na masiti . atha kho bhagava etamattham viditva
tayam velayam imam udanam udanesi
ayoghanahatasseva jalato jatavedassa 2-
anupubbupasantassa yatha na nayate gati
@Footnote: 1 vannanayam vedanasitibhavimsu . 2 Ma. jatavedaso.
Evam sammavimuttanam kamabandhoghatarinam
pannapetum gati natthi pattanam acalam sukhanti. Dasamam.
Pataligamiyavaggo atthamo.
Tassuddanam
nibbana caturo vutta cundo pataligamiya
dvidhapatho visakha ca dabbena ca saha te dasati.
Vaggamidam pathamam varabodhi
vaggamidam dutiyo muccalindo
nandakavaggavaro tatiyo
meghiyavaggavaro catuttho
pancamavaggavaranti sono
chatthamavaggavaranti jaccandho
sattamavaggavaranti ca culo
pataligamiyavaratthamavaggo.
Asitianunakasuttavaram 1-
vaggamidatthamam suvibhattam
dassitam cakkhumata vimalena
saddha 2- hi tam udanantidamahuti.
Udanam samattam.
@Footnote: 1 Ma. asitimanunakasuttavaram . 2 Ma. addha.
The Pali Tipitaka in Roman Character Volume 25 page 226-228.
http://84000.org/tipitaka/read/roman_item_s.php?book=25&item=177&items=2&modeTY=2
Classified by [Item Number] :-
http://84000.org/tipitaka/read/roman_item_s.php?book=25&item=177&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=177&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=177&items=2&modeTY=2
Study Atthakatha :-
http://84000.org/tipitaka/attha/attha.php?b=25&i=177
The Pali Atthakatha in Thai :-
http://84000.org/tipitaka/atthapali/read_th.php?B=26&A=10254
The Pali Atthakatha in Roman :-
http://84000.org/tipitaka/atthapali/read_rm.php?B=26&A=10254
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
