บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
[455] |455.151| 5 Ucce kule ahaṃ jātā bahuvitte mahaddhane vaṇṇarūpena sampannā dhītā meghissa 1- atrajā. |455.152| Patthitā rājaputtehi seṭṭhiputtehi gijjhitā pitu me pesayi dūtaṃ detha mayhaṃ anopamaṃ. |455.153| Yattakaṃ tulitā esā tuyhaṃ dhitā anopamā tato aṭṭhaguṇaṃ dassaṃ hiraññaṃ ratanāni ca. @Footnote: 1 Ma. Yu. majjhassa. |455.154| Sāhaṃ disvāna sambuddhaṃ lokajeṭṭhaṃ anuttaraṃ tassa pādāni vanditvā ekamantaṃ upāvisiṃ. |455.155| So me dhammamadesesi anukampāya gotamo nisinnā āsane tasmiṃ phusayiṃ tatiyaṃ phalaṃ. |455.156| Tato kesāni chetvāna pabbajiṃ anagāriyaṃ sājja 1- me sattamī ratti yato taṇhā visositā. Anopamā. [456] |456.157| 6 Buddha vīra namo tayatthu sabbasattānamuttama yo maṃ dukkhā pamocesi aññañca bahukaṃ janaṃ. |456.158| Sabbadukkhaṃ pariññātaṃ hetutaṇhā visositā bhāvitaṭṭhaṅgiko 2- maggo nirodho phusito mayā. |456.159| Mātā putto pitā bhātā ayyikā ca pure ahuṃ yathābhuccaṃ ajānantī saṃsarihaṃ anibbisaṃ. |456.160| Diṭṭho hi me so bhagavā antimoyaṃ samussayo vikkhīṇo jātisaṃsāro natthidāni punabbhavo. |456.161| Āraddhaviriye pahitatte niccaṃ daḷhaparakkame samagge sāvake passa esā buddhāna vandanā. |456.162| Bahūnaṃ vata atthāya māyā janayi gotamaṃ byādhimaraṇatunnānaṃ dukkhakkhandhaṃ byapānudi. Mahāpajāpatī gotamī. @Footnote: 1 Ma. ajja me. 2 Ma. bhāvito aṭṭhaṅgiko. Yu. ariyaṭṭhaṅgiko.The Pali Tipitaka in Roman Character Volume 26 page 462-463. http://84000.org/tipitaka/read/roman_item_s.php?book=26&item=455&items=2 Classified by [Item Number] :- http://84000.org/tipitaka/read/roman_item_s.php?book=26&item=455&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=455&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=455&items=2 Study Atthakatha :- http://84000.org/tipitaka/attha/attha.php?b=26&i=455 The Pali Atthakatha in Thai :- http://84000.org/tipitaka/atthapali/read_th.php?B=34&A=3765 The Pali Atthakatha in Roman :- http://84000.org/tipitaka/atthapali/read_rm.php?B=34&A=3765 Contents of The Tipitaka Volume 26 http://84000.org/tipitaka/read/?index_26
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]