TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

              Atthamam ambadayakattherapadanam (68)
     [70] |70.53| Anomadassi bhagava         nisinno pabbatantare
                     mettaya aphari loke           appamane nirupadhi.
      |70.54| Kapi aham tada asim              himavante naguttame
                     disva anomamadhikam 1-         buddhe cittam pasadayim.
      |70.55| Avidure himavantassa             ambasum phalino tada
                     tato pakkam gahetvana         ambam samadhukam adam.
      |70.56| Tamme buddho viyakasi        anomadassi mahamuni
                     imina madhudanena              ambapanena cubhayam.
      |70.57| Sattapannasakappani        devaloke ramissati
                     avasesesu kappesu              vokinnam samsarissati.
      |70.58| Khepetva papakam kammam        paripakkaya vuddhiya 2-
                     vinipatadihagantva        kilese jhapayissati.
      |70.59| Damena uttamenaham             damitomhi mahesina
                     pattomhi acalam thanam          hitva jayaparajayam.
      |70.60| Sattasattatikappasate           ambatthajayanamaka 3-
                     catuddasa te rajano        cakkavatti mahabbala.
      |70.61| Patisambhida catasso           vimokkhapica atthime
                     chalabhinna sacchikata        katam buddhassa sasananti.
@Footnote: 1 Ma. anomadassim tam. Yu. anomamamitam. 2 Ma. Yu. buddhiya.
@3 Ma. Yu. ambatthajasanamaka.
        Ittham sudam ayasma ambadayako thero ima gathayo
abhasitthati.
                     Ambadayakattherassa apadanam samattam.


             The Pali Tipitaka in Roman Character Volume 32 page 168-169.
http://84000.org/tipitaka/read/roman_item_s.php?book=32&item=70&items=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=32&item=70&items=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=70&items=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=70&items=1&modeTY=2
             Study Atthakatha :-
http://84000.org/tipitaka/attha/attha.php?b=32&i=70
             The Pali Atthakatha in Thai :-
http://84000.org/tipitaka/atthapali/read_th.php?B=50&A=2491
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=2491
             Contents of The Tipitaka Volume 32
http://84000.org/tipitaka/read/?index_32