Civarakkhandhakam
[128] Tena samayena buddho bhagava rajagahe viharati veluvane
kalandakanivape . tena kho pana samayena vesali iddha ceva hoti phita
ca bahujana akinnamanussa subhikkha ca satta ca pasadasahassani
satta ca pasadasatani satta ca pasada satta ca kutagarasahassani
satta ca kutagarasatani satta ca kutagarani satta ca aramasahassani
satta ca aramasatani satta ca arama 1- satta ca pokkharanisahassani
satta ca pokkharanisatani satta ca pokkharaniyo ambapali ca ganika
abhirupa hoti dassaniya pasadika paramaya vannapokkharataya
samannagata padakkha 2- nacce ca gite ca vadite ca abhisata atthikanam
atthikanam manussanam pannasaya ca rattim gacchati . taya ca vesali
bhiyyoso mattaya upasobhati.
{128.1} Athakho rajagahako negamo vesalim agamasi kenacideva
karaniyena . addasa kho rajagahako negamo vesalim iddhanca phitanca bahujanam
akinnamanussam subhikkhanca satta ca pasadasahassani satta ca pasadasatani
satta ca pasade satta ca kutagarasahassani satta ca kutagarasatani satta
ca kutagarani satta ca aramasahassani satta ca aramasatani satta ca
arame satta ca pokkharanisahassani satta ca pokkharanisatani satta ca
@Footnote: 1 Po. aramani. 2 Ma. Yu. padakkhina. annattha idisameva.
Pokkharaniyo ambapalinca ganikam abhirupam dassaniyam pasadikam
paramaya vannapokkharataya samannagatam padakkham 1- nacce ca gite ca
vadite ca abhisatam atthikanam atthikanam manussanam pannasaya ca rattim
gacchantim taya ca vesalim bhiyyoso mattaya upasobhantim 2-.
{128.2} Athakho rajagahako negamo vesaliyam tam karaniyam tiretva
punadeva rajagaham pacchagacchi yena raja magadho seniyo bimbisaro
tenupasankami upasankamitva rajanam magadham seniyam bimbisaram etadavoca
vesali deva iddha ceva phita ca bahujana akinnamanussa subhikkha
ca satta ca pasadasahassani satta ca pasadasatani satta ca
pasada satta ca kutagarasahassani satta ca kutagarasatani satta ca
kutagara satta ca aramasahassani satta ca aramasatani satta ca
arama satta ca pokkharanisahassani satta ca pokkharanisatani satta ca
pokkharaniyo ambapali ca ganika abhirupa dassaniya pasadika paramaya
vannapokkharataya samannagata padakkha nacce ca gite ca vadite ca
abhisata atthikanam atthikanam manussanam pannasaya ca rattim gacchati
taya ca vesali bhiyyoso mattaya upasobhati sadhu deva mayampi ganikam
vutthapeyyamati . tenahi bhane tadisim kumarim janatha 3- yam tumhe
ganikam vutthapeyyathati . tena kho pana samayena rajagahe salavati
@Footnote: 1 Ma. Yu. padakkhinam. 2 Yu. upasobhitanti. 3 Yu. janahi.
Nama kumari abhirupa hoti dassaniya pasadika paramaya vannapokkharataya
samannagata . athakho rajagahako negamo salavatim kumarim ganikam
vutthapesi . athakho salavati ganika nacirasseva padakkha ahosi nacce
ca gite ca vadite ca abhisata atthikanam atthikanam manussanam patisatena
ca rattim gacchati. Athakho salavati ganika nacirasseva gabbhini ahosi.
{128.3} Athakho salavatiya ganikaya etadahosi itthi kho gabbhini
purisanam amanapa sace mam koci janissati salavati ganika gabbhiniti
sabbo me sakkaro parihayissati 1- yannunaham gilanam 2- pativedeyyanti.
Athakho salavati ganika dovarikam anapesi ma bhane dovarika koci
puriso pavisi yo ca mam pucchati gilanati pativedehiti. Evam ayyeti
kho so dovariko salavatiya ganikaya paccassosi.
{128.4} Athakho salavati ganika tassa gabbhassa paripakamanvaya
puttam vijayi . athakho salavati ganika dasim anapesi handa je imam
darakam kattarasuppe pakkhipitva niharitva sankarakute chaddehiti .
Evam ayyeti kho sa dasi salavatiya ganikaya patissunitva tam darakam
kattarasuppe pakkhipitva niharitva sankarakute chaddesi.
{128.5} Tena kho pana samayena abhayo nama rajakumaro
kalasseva rajupatthanam gacchanto addasa tam darakam kakehi
@Footnote: 1 bhijjissatitipi patho. 2 Yu. gilanati.
Samparikinnam disvana manusse pucchi kimetam bhane kakehi
samparikinnanti . darako devati . jivati bhaneti . Jivati devati.
Tenahi bhane tam darakam amhakam antepuram netva dhatinam detha
posetunti . evam devati kho te manussa abhayassa rajakumarassa
patissunitva tam darakam abhayassa rajakumarassa antepuram netva
dhatinam adamsu posethati . tassa jivatiti 1- jivakoti namam akamsu
kumarena posapitoti komarabhaccoti namam akamsu . athakho jivako
komarabhacco nacirasseva vinnutam papuni.
{128.6} Athakho jivako komarabhacco yena abhayo rajakumaro
tenupasankami upasankamitva abhayam rajakumaram etadavoca ka me
deva mata ko pitati . ahampi kho te bhane jivaka mataram na janami
apicaham te pita tvam 2- mayapi posapitoti . athakho jivakassa
komarabhaccassa etadahosi imani kho rajakulani na sukarani asippena
upajivitum yannunaham sippam sikkheyyanti.
[129] Tena kho pana samayena takkasilayam disapamokkho
vejjo pativasati . athakho jivako komarabhacco abhayam rajakumaram
anapuccha yena takkasila tena pakkami anupubbena yena
takkasila yena so vejjo tenupasankami upasankamitva tam
vejjam etadavoca icchamaham acariya sippam sikkhitunti . tenahi
@Footnote: 1 Ma. ayam patho nadissati. 2 Yu. ayam patho na dissati.
Bhane jivaka sikkhassuti . athakho jivako komarabhacco bahunca ganhati
lahunca ganhati sutthu 1- ca upadhareti gahitancassa na pamussati .
Athakho jivakassa komarabhaccassa sattannam vassanam accayena etadahosi
aham kho bahunca ganhami lahunca ganhami sutthu ca upadharemi gahitanca
me na pamussati satta ca me vassani adhiyantassa nayimassa sippassa
anto pannayati kada imassa sippassa anto pannayissatiti.
{129.1} Athakho jivako komarabhacco yena so vejjo tenupasankami
upasankamitva tam vejjam etadavoca aham kho acariya bahunca ganhami
lahunca ganhami sutthu ca upadharemi gahitanca me na pamussati satta
ca me vassani adhiyantassa nayimassa sippassa anto pannayati kada
imassa sippassa anto pannayissatiti . tenahi bhane jivaka khanittim
adaya takkasilaya samanta yojanam ahinditva 2- yankinci
abhesajjam passeyyasi tam aharati . evam acariyati kho jivako
komarabhacco tassa vejjassa patissunitva khanittim adaya
takkasilaya samanta yojanam ahindanto na kinci abhesajjam addasa.
{129.2} Athakho jivako komarabhacco yena so vejjo tenupasankami
upasankamitva tam vejjam etadavoca ahindantomhi acariya
takkasilaya samanata yojanam na kinci abhesajjam addasanti .
@Footnote: 1 Ma. Yu. sutthum. 2 Ma. Yu. ahindanto.
Sikkhitosi 1- bhane jivaka alante ettakam jivikayati jivakassa
komarabhaccassa parittam patheyyam padasi . athakho jivako
komarabhacco tam parittam patheyyam adaya yena rajagaham tena
pakkami . athakho jivakassa komarabhaccassa tam parittam patheyyam
antaramagge sakete parikkhayam agamasi . athakho jivakassa
komarabhaccassa etadahosi ime kho magga kantara appodaka
appabhakkha na sukara apatheyyena gantum yannunaham patheyyam
pariyeseyyanti.
[130] Tena kho pana samayena sakete setthibhariyaya sattavassiko
sisabadho hoti . bahu mahanta mahanta disapamokkha vejja
agantva tikicchanta 2- nasakkhimsu arogam katum bahum hirannam
adaya agamamsu . athakho jivako komarabhacco saketam pavisitva
manusse pucchi ko bhane gilano kam tikicchamiti . etissa
acariya setthibhariyaya sattavassiko sisabadho gaccha acariya
setthibhariyam tikicchahiti . athakho jivako komarabhacco yena
setthissa gahapatissa nivesanam tenupasankami upasankamitva
dovarikam anapesi gaccha bhane dovarika setthibhariyaya pavada
vejjo ayye agato so tam datthukamoti . evamacariyati
kho so dovariko jivakassa komarabhaccassa patissunitva yena
setthibhariya tenupasankami upasankamitva setthibhariyam etadavoca
@Footnote: 1 Ma. susikkhitosi. 2 Ma. Yu. ayam patho natthi.
Vejjo ayye agato so tam datthukamoti . kidiso bhane dovarika
vejjoti . daharako ayyeti . alam bhane dovarika kim me daharako
vejjo karissati bahu mahanta mahanta disapamokkha vejja
agantva tikicchanta 1- nasakkhimsu arogam katum bahum hirannam
adaya agamamsuti.
{130.1} Athakho so dovariko yena jivako komarabhacco
tenupasankami upasankamitva jivakam komarabhaccam etadavoca
setthibhariya acariya evamaha alam bhane dovarika kim me daharako
vejjo karissati bahu mahanta mahanta disapamokkha vejja
agantva tikicchanta 2- nasakkhimsu arogam katum bahum hirannam
adaya agamamsuti . gaccha bhane dovarika setthibhariyaya pavada
vejjo ayye evamaha ma kira ayye pure kinci adasi yada
aroga ahosi tada yam iccheyyasi tam dajjeyyasiti . evam
acariyati kho so dovariko jivakassa komarabhaccassa
patissunitva yena setthibhariya tenupasankami upasankamitva
setthibhariyam etadavoca vejjo ayye evamaha ma kira ayye
pure kinci adasi yada aroga ahosi tada yam iccheyyasi tam
dajjeyyasiti . tenahi bhane dovarika vejjo agacchatuti .
Evam ayyeti kho so dovariko setthibhariyaya patissunitva
yena jivako komarabhacco tenupasankami upasankamitva
jivakam komarabhaccam etadavoca setthibhariya tam acariya
@Footnote: 1-2 Ma. Yu. ayam patho natthi.
Pakkosatiti . athakho jivako komarabhacco yena setthibhariya
tenupasankami upasankamitva setthibhariyaya vikaram sallakkhetva
setthibhariyam etadavoca pasatena me ayye sappina atthoti .
Athakho setthibhariya jivakassa komarabhaccassa pasatam sappim dapesi .
Athakho jivako komarabhacco tam pasatam sappim nanabhesajjehi
nippacitva setthibhariyam mancake uttanam nipajjapetva 1-
natthuto adasi . athakho tam sappim 2- natthuto dinnam mukhato
uggacchi . athakho setthibhariya tam 3- patiggahe nutthuhitva 4-
dasim anapesi handa je imam sappim picuna ganhahiti.
{130.2} Athakho jivakassa komarabhaccassa etadahosi acchariyam
vata bho 5- yava lukhayam gharani yatra hi nama imam chaddaniyadhammam
sappim picuna gahapessati bahukani ca me mahagghani mahagghani
bhesajjani upagatani kimpimayam kanci deyyadhammam dassatiti .
Athakho [6]- setthibhariya jivakassa komarabhaccassa vikaram
sallakkhetva jivakam komarabhaccam etadavoca kissa tvam acariya
vimanositi . idha me etadahosi acchariyam vata bho 5- yava lukhayam
gharani yatra hi nama imam chaddaniyadhammam sappim picuna
gahapessati bahukani ca me mahagghani mahagghani bhesajjani
upagatani kimpimayam kanci deyyadhammam dassatiti .
@Footnote: 1 Po. Ma. nipatetva. 2 Ma. Yu. sappi. 3 Ma. Yu. ayam patho natthi.
@4 Ma. nitthuhitva. 5 Ma. Yu. idam pathadvayam na dissati. 6 Po. sa.
Mayam kho acariya agarika nama upajanametassa sannamassa
varametam sappi dasanam va kammakaranam va padabbhanjanam va
padipakarane va asittam ma tvam acariya vimano ahosi na te
deyyadhammo hayissatiti . athakho jivako komarabhacco setthibhariyaya
sattavassikam sisabadham ekeneva natthukammena apakaddhi . athakho
setthibhariya aroga samana jivakassa komarabhaccassa cattari
sahassani padasi . putto mata me aroga thitati cattari
sahassani padasi . sunisa sassu me aroga thitati cattari
sahassani padasi . setthi gahapati bhariya me aroga thitati cattari
sahassani padasi dasanca dasinca assarathanca adasi 1-.
{130.3} Athakho jivako komarabhacco tani solasasahassani
adaya dasanca dasinca assarathanca yena rajagaham tena
pakkami anupubbena yena rajagaham yena abhayo rajakumaro
tenupasankami upasankamitva abhayam rajakumaram etadavoca idam
me deva pathamakammam solasasahassani daso ca dasi ca assaratho
ca patigganhatu me devo posavanikanti . alam bhane jivaka
tuyhamyeva 2- hotu amhakanca 3- antepure nivesanam mapehiti .
Evam devati kho jivako komarabhacco abhayassa rajakumarassa
patissunitva abhayassa rajakumarassa antepure nivesanam mapesi.
@Footnote: 1 Ma. Yu. ayam patho natthi. 2 Yu. tuyheva. 3 amhakanneva.
The Pali Tipitaka in Roman Character Volume 5 page 168-176.
http://84000.org/tipitaka/read/roman_item_s.php?book=5&item=128&items=3&modeTY=2
Classified by [Item Number] :-
http://84000.org/tipitaka/read/roman_item_s.php?book=5&item=128&items=3&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=5&item=128&items=3&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=5&item=128&items=3&modeTY=2
Study Atthakatha :-
http://84000.org/tipitaka/attha/attha.php?b=5&i=128
The Pali Atthakatha in Thai :-
http://84000.org/tipitaka/atthapali/read_th.php?B=3&A=4520
The Pali Atthakatha in Roman :-
http://84000.org/tipitaka/atthapali/read_rm.php?B=3&A=4520
Contents of The Tipitaka Volume 5
http://84000.org/tipitaka/read/?index_5
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
