paliTIPITAKA Volume 5 - Vinaya Pitaka 5

Bhesajjakkhandhakam [25] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhunam saradikena abadhena phutthanam yagupi pita uggacchati bhattampi bhuttam uggacchati . te tena kisa honti lukha dubbanna uppanduppandukajata dhamanisanthatagatta . addasa kho bhagava te bhikkhu kise lukhe dubbanne uppanduppandukajate dhamanisanthatagatte disvana ayasmantam anandam amantesi kinnu kho ananda etarahi bhikkhu kisa lukha dubbanna uppanduppandukajata dhamanisanthatagattati . etarahi bhante bhikkhunam saradikena abadhena phutthanam yagupi pita uggacchati bhattampi bhuttam uggacchati te tena kisa ^[1]- lukha dubbanna uppanduppandukajata dhamanisanthatagattati. {25.1} Athakho bhagavato rahogatassa patisallinassa evam cetaso parivitakko udapadi etarahi kho bhikkhunam saradikena abadhena phutthanam yagupi pita uggacchati bhattampi bhuttam uggacchati te tena kisa lukha dubbanna uppanduppandukajata dhamanisanthatagatta kinnu kho aham bhikkhunam bhesajjam anujaneyyam yam bhesajjanceva assa bhesajjasammatanca lokassa aharatthanca ^2- phareyya na ca olariko aharo pannayeyyati . athakho @Footnote: ¹ Ma. honti. ² Yu. aharattanca. Bhagavato etadahosi imani kho panca bhesajjani seyyathidam sappi navanitam telam madhu phanitam bhesajjani ceva bhesajjasammatani ca lokassa aharatthanca pharanti na ca olariko aharo pannayati yannunaham bhikkhunam imani panca bhesajjani anujaneyyam kale patiggahetva kale paribhunjitunti. {25.2} Athakho bhagava sayanhasamaye patisallana vutthito etasmim nidane etasmim pakarane dhammim katham katva bhikkhu amantesi idha mayham bhikkhave rahogatassa patisallinassa evam cetaso parivitakko udapadi etarahi kho bhikkhunam saradikena abadhena phutthanam yagupi pita uggacchati bhattampi bhuttam uggacchati te tena kisa lukha dubbanna uppanduppandukajata dhamanisanthatagatta kinnu kho aham bhikkhunam bhesajjam anujaneyyam yam bhesajjanceva assa bhesajjasammatanca lokassa aharatthanca phareyya na ca olariko aharo pannayeyyati tassa mayham bhikkhave etadahosi imani kho panca bhesajjani seyyathidam sappi navanitam telam madhu phanitam bhesajjani ceva bhesajjasammatani ca lokassa aharatthanca pharanti na ca olariko aharo pannayati yannunaham bhikkhunam imani panca bhesajjani anujaneyyam kale patiggahetva kale paribhunjitunti . anujanami bhikkhave tani panca bhesajjani kale patiggahetva kale paribhunjitunti. [26] Tena kho pana samayena bhikkhu tani panca bhesajjani kale patiggahetva kale paribhunjanti . tesam yanipi tani pakatikani lukhani bhojanani tanipi nacchadenti pageva senesikani ^1- . te tena ceva saradikena abadhena phuttha imina ca bhattacchadakena ^2- tadubhayena bhiyyoso mattaya kisa honti lukha dubbanna uppanduppandukajata dhamanisanthatagatta . addasa kho bhagava te bhikkhu bhiyyoso mattaya kise lukhe dubbanne uppanduppandukajate dhamanisanthatagatte disvana ayasmantam anandam amantesi kinnu kho ananda etarahi bhikkhu bhiyyoso mattaya kisa lukha dubbanna uppanduppandukajata dhamanisanthatagattati . etarahi bhante bhikkhu tani panca bhesajjani kale patiggahetva kale paribhunjanti tesam yanipi tani pakatikani lukhani bhojanani tanipi nacchadenti pageva senesikani te tena ceva saradikena abadhena phuttha imina ca bhattacchadakena tadubhayena bhiyyoso mattaya kisa lukha dubbanna uppanduppandukajata dhamanisanthatagattati . Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave tani panca bhesajjani patiggahetva kalepi vikalepi paribhunjitunti. @Footnote: ¹ Po. sineha-kani. Ma. senesitani. ² Po. bhattacchadakena. Ma. Yu. @bhattacchandakena. [27] Tena kho pana samayena gilananam bhikkhunam vasehi bhesajjehi attho hoti . bhagavato etamattham arocesum . anujanami bhikkhave vasani bhesajjani acchavasam macchavasam susukavasam ^1- sukaravasam gadrabhavasam kale patiggahitam kale nipakkam ^2- kale samsattham ^3- telaparibhogena paribhunjitum . vikale ce bhikkhave patiggahitam vikale nipakkam vikale samsattham tance paribhunjeyya apatti tinnam dukkatanam . Kale ce bhikkhave patiggahitam vikale nipakkam vikale samsattham tance paribhunjeyya apatti dvinnam dukkatanam . kale ce bhikkhave patiggahitam kale nipakkam vikale samsattham tance paribhunjeyya apatti dukkatassa . kale ce bhikkhave patiggahitam kale nipakkam kale samsattham tance paribhunjeyya anapattiti. [28] Tena kho pana samayena gilananam bhikkhunam mulehi bhesajjehi attho hoti . bhagavato etamattham arocesum . anujanami bhikkhave mulani bhesajjani haliddam singiveram vacam vacattham ativisam katukarohinim usiram bhaddamuttakam yani va panannanipi atthi mulani bhesajjani neva khadaniye khadaniyattham ^4- pharanti na bhojaniye bhojaniyattham ^5- pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati . tena kho @Footnote: ¹ Ma. susumarasam. ² Si. nippakkam. ³ Si. Po. samsattam. ⁴ Yu. khadaniyattam. @⁵ Yu. bhojaniyattam. Pana samayena gilananam bhikkhunam mulehi bhesajjehi pitthehi attho hoti . bhagavato etamattham arocesum . anujanami bhikkhave nisadam nisadapotanti ^1-. [29] Tena kho pana samayena gilananam bhikkhunam kasavehi bhesajjehi attho hoti . bhagavato etamattham arocesum . anujanami bhikkhave kasavani bhesajjani nimbakasavam kutajakasavam patolakasavam ^2- paggavakasavam nattamalakasavam yani va panannanipi atthi kasavani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [30] Tena kho pana samayena gilananam bhikkhunam pannehi bhesajjehi attho hoti . bhagavato etamattham arocesum. Anujanami bhikkhave pannani bhesajjani nimbapannam kutajapannam patolapannam sulasipannam kappasipannam ^3- yani va panannanipi atthi pannani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [31] Tena kho pana samayena gilananam bhikkhunam phalehi bhesajjehi attho hoti . bhagavato etamattham arocesum . anujanami bhikkhave @Footnote: ¹ Po. Ma. nisadapotakanti. ² Ma. Yu. patolakasavanti patho natthi. ³ Yu. @kappasikapannam. Phalani bhesajjani vilangam pipphalim ^1- maricam haritakam vibhitakam ^2- amalakam gothaphalam ^3- yani va panannanipi atthi phalani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati.

The Pali Tipitaka in Roman Character Volume 5 page 38-43. http://84000.org/tipitaka/read/roman_item_s.php?book=5&item=25&items=7&modeTY=2 Classified by [Item Number] :- http://84000.org/tipitaka/read/roman_item_s.php?book=5&item=25&items=7&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=25&items=7&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=25&items=7&modeTY=2 Study Atthakatha :- http://84000.org/tipitaka/attha/attha.php?b=5&i=25 The Pali Atthakatha in Thai :- http://84000.org/tipitaka/atthapali/read_th.php?B=3&A=3866 The Pali Atthakatha in Roman :- http://84000.org/tipitaka/atthapali/read_rm.php?B=3&A=3866 Contents of The Tipitaka Volume 5 http://84000.org/tipitaka/read/?index_5