ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
     [78]   Tena   kho  pana  samayena  abhinnata  abhinnata  licchavi
santhagare   sannisinna   sannipatita   anekapariyayena   buddhassa  vannam
bhasanti    dhammassa    vannam   bhasanti   sanghassa   vannam   bhasanti  .
Tena    kho   pana   samayena   siho   senapati   niganthasavako   tassam
parisayam   nisinno   hoti   .   athakho  sihassa  senapatissa  etadahosi
nissamsayam   kho   so   bhagava   araham   sammasambuddho   bhavissati   tatha
hime    abhinnata    abhinnata    licchavi    santhagare   sannisinna
sannipatita    anekapariyayena    buddhassa    vannam    bhasanti   dhammassa
vannam    bhasanti   sanghassa   vannam   bhasanti   yannunaham   tam   bhagavantam
dassanaya upasankameyyam arahantam sammasambuddhanti.
     {78.1}   Athakho   siho   senapati   yena  nigantho  nataputto
tenupasankami     upasankamitva     nigantham     nataputtam    abhivadetva
ekamantam   nisidi   .   ekamantam  nisinno  kho  siho  senapati  nigantham
nataputtam   1-   etadavoca   icchamaham  bhante  samanam  gotamam  dassanaya
upasankamitunti   .   kim   pana  tvam  siha  kiriyavado  samano  akiriyavadam
samanam   gotamam   dassanaya   upasankamissasi   samano   hi   siha   gotamo
akiriyavado   akiriyaya   dhammam  deseti  tena  ca  savake  vinetiti .
Athakho  sihassa  senapatissa  yo  ahosi  gamikabhisankharo  2-   bhagavantam
dassanaya  so  patippassambhi  .  dutiyampi kho .pe. Tatiyampi kho abhinnata
@Footnote: 1 Ma. Yu. abhivadetva .pe. nataputtanti patha na dissanti .  2 Po. gamiya-.
Abhinnata      licchavi      santhagare     sannisinna     sannipatita
anekapariyayena     buddhassa     vannam     bhasanti    dhammassa    vannam
bhasanti    sanghassa    vannam    bhasanti    .   tatiyampi   kho   sihassa
senapatissa    etadahosi    nissamsayam    kho    so    bhagava    araham
sammasambuddho    bhavissati    tatha    hime    abhinnata    abhinnata
licchavi     santhagare     sannisinna    sannipatita    anekapariyayena
buddhassa    vannam    bhasanti    dhammassa    vannam    bhasanti    sanghassa
vannam   bhasanti   kim   hi   me   karissanti   nigantha   apalokita  va
anapalokita   va   yannunaham   anapaloketva  va  niganthe  tam  bhagavantam
dassanaya upasankameyyam arahantam sammasambuddhanti.
     {78.2}  Athakho  siho  senapati  pancahi  rathasatehi  diva  divassa
vesaliya    niyyasi   bhagavantam   dassanaya   yavatika   yanassa   bhumi
yanena   gantva   yana   paccorohitva   pattiko  va  yena  bhagava
tenupasankami     upasankamitva     bhagavantam    abhivadetva    ekamantam
nisidi    .    ekamantam    nisinno   kho   siho   senapati   bhagavantam
etadavoca     sutammetam    bhante    akiriyavado    samano    gotamo
akiriyaya   dhammam  deseti  tena  ca  savake  vinetiti  ye  te  bhante
evamahamsu     akiriyavado     samano    gotamo    akiriyaya    dhammam
deseti   tena   ca   savake   vinetiti   kacci   te  bhante  bhagavato
vuttavadino      na     ca     bhagavantam     abhutena     abbhacikkhanti
dhammassa    ca    anudhammam    byakaronti   na   ca   koci   sahadhammiko
Vadanuvado     1-    garayhatthanam    agacchati    anabbhakkhatukama
hi mayam bhante bhagavantanti.
     [79]  Atthi  siha  pariyayo  yena  mam  pariyayena samma vadamano
vadeyya    akiriyavado   samano   gotamo   akiriyaya   dhammam   deseti
tena   ca   savake   vinetiti   .   atthi   siha   pariyayo  yena  mam
pariyayena   samma   vadamano   vadeyya   kiriyavado   samano  gotamo
kiriyaya   dhammam   deseti   tena   ca  savake  vinetiti  .  atthi  siha
pariyayo  yena  mam  pariyayena  samma  vadamano  vadeyya  ucchedavado
samano    gotamo   ucchedaya   dhammam   deseti   tena   ca   savake
vinetiti   .   atthi   siha   pariyayo   yena   mam   pariyayena  samma
vadamano    vadeyya   jegucchi   samano   gotamo   jegucchitaya   dhammam
deseti tena ca savake vinetiti.
     {79.1}   Atthi   siha   pariyayo   yena  mam  pariyayena  samma
vadamano    vadeyya    venayiko    samano   gotamo   vinayaya   dhammam
deseti  tena  ca  savake  vinetiti  .  atthi  siha  pariyayo  yena  mam
pariyayena    samma    vadamano   vadeyya   tapassi   samano   gotamo
tapassitaya  dhammam  deseti  tena  ca savake vinetiti. Atthi siha pariyayo
yena   mam   pariyayena   samma   vadamano   vadeyya  apagabbho  samano
gotamo  apagabbhataya  dhammam  deseti  tena  ca  savake  vinetiti. Atthi
@Footnote: 1 Si. vadanupato.
Siha   pariyayo   yena   mam   pariyayena   samma   vadamano   vadeyya
assattho   samano   gotamo   assasaya   dhammam   deseti   tena   ca
savake vinetiti.
     {79.2}  Katamo  ca  siha  pariyayo  yena  mam  pariyayena  samma
vadamano   vadeyye   akiriyavado   samano   gotamo   akiriyaya  dhammam
deseti   tena   ca   savake  vinetiti  .  ahanhi  siha  akiriyam  vadami
kayaduccaritassa      vaciduccaritassa      manoduccaritassa     anekavihitanam
papakanam    akusalanam    dhammanam    akiriyam   vadami   ayam   kho   siha
pariyayo   yena  mam  pariyayena  samma  vadamano  vadeyya  akiriyavado
samano gotamo akiriyaya dhammam deseti tena ca savake vinetiti.
     {79.3}  Katamo  ca  siha  pariyayo  yena  mam  pariyayena  samma
vadamano    vadeyya    kiriyavado   samano   gotamo   kiriyaya   dhammam
deseti   tena   ca   savake   vinetiti  .  ahanhi  siha  kiriyam  vadami
kayasucaritassa    vacisucaritassa    manosucaritassa    anekavihitanam   kusalanam
dhammanam   kiriyam   vadami  ayam  kho  siha  pariyayo  yena  mam  pariyayena
samma    vadamano   vadeyya   kiriyavado   samano   gotamo   kiriyaya
dhammam deseti tena ca savake vinetiti.
     {79.4}  Katamo ca siha pariyayo yena mam pariyayena samma vadamano
vadeyya  ucchedavado  samano  gotamo  ucchedaya  dhammam  deseti  tena
ca  savake  vinetiti . Ahanhi siha ucchedam vadami ragassa dosassa mohassa
anekavihitanam   papakanam   akusalanam   dhammanam   ucchedam   vadami   ayam
Kho   siha   pariyayo   yena  mam  pariyayena  samma  vadamano  vadeyya
ucchedavado    samano   gotamo   ucchedaya   dhammam   deseti   tena
ca savake vinetiti.
     {79.5}  Katamo  ca  siha  pariyayo  yena  mam  pariyayena  samma
vadamano    vadeyya   jegucchi   samano   gotamo   jegucchitaya   dhammam
deseti   tena   ca   savake   vinetiti   .   ahanhi   siha  jigucchami
kayaduccaritena      vaciduccaritena      manoduccaritena     anekavihitanam
papakanam    akusalanam    dhammanam    samapattiya    jigucchitaya    dhammam
desemi  ayam  kho  siha  pariyayo  yena  mam  pariyayena  samma vadamano
vadeyya   jegucchi   samano   gotamo  jegucchitaya  dhammam  deseti  tena
ca savake vinetiti.
     {79.6}  Katamo  ca  siha  pariyayo  yena  mam  pariyayena  samma
vadamano   vadeyya   venayiko  samano  gotamo  vinayaya  dhammam  deseti
tena   ca   savake   vinetiti  .  ahanhi  siha  vinayaya  dhammam  desemi
ragassa    dosassa    mohassa    anekavihitanam    papakanam   akusalanam
dhammanam   vinayaya   dhammam   desemi  ayam  kho  siha  pariyayo  yena  mam
pariyayena   samma   vadamano   vadeyya   venayiko   samano   gotamo
vinayaya dhammam deseti tena ca savake vinetiti.
     {79.7}   Katamo   ca   siha   pariyayo   yena   mam  pariyayena
samma    vadamano    vadeyya   tapassi   samano   gotamo   tapassitaya
dhammam   deseti   tena   ca   savake   vinetiti   .   tapaniyaham   siha
papake     akusale     dhamme    vadami    kayaduccaritam    vaciduccaritam
manoduccaritam     yassa    kho    siha    tapaniya    papaka    akusala
Dhamma     pahina    ucchinnamula    talavatthukata    anabhavam    kata
ayatim     anuppadadhamma     tamaham    tapassiti    vadami    tathagatassa
kho   siha   tapaniya   papaka   akusala   dhamma   pahina  ucchinnamula
talavatthukata    anabhavam   kata   ayatim   anuppadadhamma   ayam   kho
siha   pariyayo  yena  mam  pariyayena  samma  vadamano  vadeyya  tapassi
samano gotamo tapassitaya dhammam deseti tena ca savake vinetiti.
     {79.8}  Katamo  ca  siha  pariyayo  yena  mam  pariyayena  samma
vadamano   vadeyya   apagabbho   samano   gotamo   apagabbhataya   dhammam
deseti  tena  ca  savake  vinetiti  .  yassa kho siha ayatim gabbhaseyya
punabbhavabhinibbatti    pahina    ucchinnamula    talavatthukata    anabhavam
kata   ayatim   anuppadadhamma   tamaham   apagabbhoti   vadami  tathagatassa
kho   siha   ayatim   gabbhaseyya  punabbhavabhinibbatti  pahina  ucchinnamula
talavatthukata   anabhavam   kata   ayatim  anuppadadhamma  ayam  kho  siha
pariyayo   yena   mam   pariyayena  samma  vadamano  vadeyya  apagabbho
samano gotamo apagabbhataya dhammam deseti tena ca savake vinetiti.
     {79.9}  Katamo ca siha pariyayo yena mam pariyayena samma vadamano
vadeyya  assattho  samano gotamo assasaya dhammam deseti tena ca savake
vinetiti  .  ahanhi  siha  assattho  paramena assasena assasaya ca dhammam
desemi  tena  ca  savake vinemi ayam kho siha pariyayo yena mam pariyayena
Samma   vadamano  vadeyya  assattho  samano  gotamo  assasaya  dhammam
deseti tena ca savake vinetiti.
     [80]  Evam  vutte  siho  senapati  bhagavantam etadavoca abhikkantam
bhante  abhikkantam  bhante  seyyathapi  bhante  nikkujjitam  va  ukkujjeyya
paticchannam   va   vivareyya  mulhassa  va  maggam  acikkheyya  andhakare
va   telappajjotam   dhareyya   cakkhumanto  rupani  dakkhantiti  evamevam
bhagavata   anekapariyayena   dhammo   pakasito  esaham  bhante  bhagavantam
saranam   gacchami   dhammanca   bhikkhusanghanca   upasakam   mam  bhagava  dharetu
ajjatagge  panupetam  saranam  gatanti  .  anuviccakaram  1-  kho siha karohi
anuviccakaro tumhadisanam natamanussanam sadhu hotiti.
     {80.1}   Iminapaham   bhante   bhagavato  vacanena  2-  bhiyyoso
mattaya   attamano   abhiraddho   yam   mam  bhagava  evamaha  anuviccakaram
kho  siha  karohi  anuviccakaro  tumhadisanam  natamanussanam  sadhu  hotiti
mam  3-  hi  bhante  annatitthiya  savakam  labhitva  kevalakappam vesalim 4-
patakam   parihareyyum   siho  kho  amhakam  senapati  savakattam  upagatoti
atha  ca  pana  mam  bhagava evamaha anuviccakaram kho siha karohi anuviccakaro
tumhadisanam   natamanussanam   sadhu   hotiti   esaham   bhante  dutiyampi
bhagavantam    saranam    gacchami    dhammanca    bhikkhusanghanca    upasakam   mam
@Footnote: 1 Yu. anuvijja- .   2 Ma. Yu. ayam patho natthi.
@3 Ma. Yu. mamam .   4 Po. vesaliyam.
Bhagava dharetu ajjatagge panupetam saranam gatanti.
     {80.2}  Digharattam  kho  te  siha  niganthanam  opanabhutam  kulam yena
nesam   upagatanam   pindakam   1-   databbam  manneyyasiti  .  iminapaham
bhante   bhagavato   vacanena   bhiyyoso   mattaya   attamano   abhiraddho
yam   mam  bhagava  evamaha  digharattam  kho  te  siha  niganthanam  opanabhutam
kulam    yena    nesam    upagatanam    pindakam    databbam   manneyyasiti
sutammetam    bhante    samano    gotamo   evamaha   mayhameva   danam
databbam   na   annesam   danam   databbam   mayhameva   savakanam   danam
databbam   na   annesam   savakanam   danam   databbam   mayhameva   dinnam
mahapphalam   na   annesam   dinnam   mahapphalam   mayhameva   savakanam   dinnam
mahapphalam   na   annesam   savakanam   dinnam   mahapphalanti   atha   ca  pana
mam   bhagava   niganthesupi   dane   samadapeti   apica  bhante  mayamettha
kalam   janissama   esaham   bhante   tatiyampi  bhagavantam  saranam  gacchami
dhammanca    bhikkhusanghanca    upasakam   mam   bhagava   dharetu   ajjatagge
panupetam saranam gatanti.
     {80.3}    Athakho    bhagava   sihassa   senapatissa   anupubbikatham
kathesi    seyyathidam    danakatham    silakatham   saggakatham   kamanam   adinavam
okaram    sankilesam    nekkhamme    anisamsam    pakasesi   .   yada
bhagava    annasi   siham   senapatim   kallacittam   muducittam   vinivaranacittam
udaggacittam     pasannacittam     atha     ya     buddhanam    samukkamsika
@Footnote: 1 Yu. pindapatam.
Dhammadesana   tam   pakasesi  dukkham  samudayam  nirodham  maggam  .  seyyathapi
nama    suddham    vattham   apagatakalakam   sammadeva   rajanam   patigganheyya
evameva   sihassa   senapatissa  tasmimyevasane  virajam  vitamalam  dhammacakkhum
udapadi    yankinci   samudayadhammam   sabbantam   nirodhadhammanti   .   athakho
siho   senapati   ditthadhammo   pattadhammo  viditadhammo  pariyogalhadhammo
tinnavicikiccho      vigatakathamkatho      vesarajjappatto     aparappaccayo
satthu   sasane   bhagavantam   etadavoca   adhivasetu  me  bhante  bhagava
svatanaya    bhattam    saddhim   bhikkhusanghenati   .   adhivasesi   bhagava
tunhibhavena   .   athakho   siho  senapati  bhagavato  adhivasanam  viditva
utthayasana bhagavantam abhivadetva padakkhinam katva pakkami.
     {80.4}   Athakho   siho   senapati   annataram  purisam  anapesi
gaccha   bhane   pavattamamsam   janahiti  .  athakho  siho  senapati  tassa
rattiya    accayena    panitam    khadaniyam    bhojaniyam    patiyadapetva
bhagavato   kalam   arocapesi   kalo   bhante   nitthitam   bhattanti .
Athakho    bhagava    pubbanhasamayam   nivasetva   pattacivaramadaya   yena
sihassa      senapatissa     nivesanam     tenupasankami     upasankamitva
pannatte asane nisidi saddhim bhikkhusanghena.
     {80.5}   Tena  kho  pana  samayena  sambahula  nigantha  vesaliyam
rathiyaya     rathiyam     singhatakena     singhatakam     baha    paggayha
kandanti     ajja    sihena    senapatina    thullam    pasum    vadhitva
samanassa     gotamassa     bhattam     katam     tam     samano    gotamo
Janam    uddissa    katam   mamsam   paribhunjati   paticcakammanti   .   athakho
annataro   puriso   yena   siho   senapati  tenupasankami  upasankamitva
sihassa     senapatissa    upakannake    arocesi    yagghe    bhante
janeyyasi   ete   sambahula   nigantha   vesaliyam   rathiyaya   rathiyam
singhatakena    singhatakam    baha   paggayha   kandanti   ajja   sihena
senapatina   thullam   pasum   vadhitva   samanassa   gotamassa   bhattam   katam
tam  samano  gotamo  janam  uddissa  katam  mamsam  paribhunjati  paticcakammanti.
Alam   ayya   1-   digharattampi   te   ayasmanta  avannakama  buddhassa
avannakama    dhammassa    avannakama   sanghassa   na   ca   pana   te
ayasmanta   kiranti   2-   tam   bhagavantam  asata  tuccha  musa  [3]-
abhutena   abbhacikkhanta   na   ca  mayam  jivitahetupi  4-  sancicca  panam
jivita voropeyyamati.
     {80.6}   Athakho  siho  senapati  buddhappamukham  bhikkhusangham  panitena
khadaniyena     bhojaniyena    sahattha    santappetva    sampavaretva
bhagavantam    bhuttavim   onitapattapanim   ekamantam   nisidi   .   ekamantam
nisinnam   kho   siham   senapatim   bhagava   dhammiya  kathaya  sandassetva
samadapetva      samuttejetva      sampahamsetva      utthayasana
pakkami   .   athakho   bhagava   etasmim   nidane   etasmim   pakarane
dhammim    katham    katva    bhikkhu    amantesi    na    bhikkhave   janam
@Footnote: 1 Si. Ma. Yu. ayyo. 2 Po. Yu. jiranti. Ma. jiridanti. 3 Ma. Yu. va.
@4 Si. jivitahetumpi.
Uddissa    katam    mamsam    paribhunjitabbam    yo    paribhunjeyya   apatti
dukkatassa    anujanami    bhikkhave    tikotiparisuddham    macchamamsam   adittham
assutam aparisankitanti.



             The Pali Tipitaka in Roman Character Volume 5 page 98-108. http://84000.org/tipitaka/read/roman_item_s.php?book=5&item=78&items=3&modeTY=2&mode=bracket              Classified by content :- http://84000.org/tipitaka/read/roman_item_s.php?book=5&item=78&items=3&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=78&items=3&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=78&items=3&modeTY=2&mode=bracket              Study Atthakatha :- http://84000.org/tipitaka/attha/attha.php?b=5&i=78              The Pali Atthakatha in Thai :- http://84000.org/tipitaka/atthapali/read_th.php?B=3&A=4045              The Pali Atthakatha in Roman :- http://84000.org/tipitaka/atthapali/read_rm.php?B=3&A=4045              Contents of The Tipitaka Volume 5 http://84000.org/tipitaka/read/?index_5

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :