paliTIPITAKA Volume 7 - Vinaya Pitaka 7

[340] Tena kho pana samayena bhaddiyo sakyaraja sakyanam rajjam kareti ^2- . so ca ^3- anuruddhassa sakkassa sahayo hoti. Athakho anuruddhassa sakkassa mata ayam kho bhaddiyo sakyaraja sakyanam rajjam kareti anuruddhassa sakkassa sahayo so na ussahati agarasma anagariyam pabbajitunti anuruddham sakkam etadavoca sace tata anuruddha bhaddiyo sakyaraja agarasma anagariyam pabbajati evam tvampi pabbajahiti . athakho anuruddho sakko @Footnote: ¹ Ma. Yu. Ra. ammati na dissati. ² Ma. karesi. ³ Yu. so cati natthi.

--------------------------------------------------------------------------------------------- page158.

Yena bhaddiyo sakyaraja tenupasankami upasankamitva bhaddiyam sakyarajanam etadavoca mama kho samma pabbajja tava patibaddhati . Sace te samma pabbajja mama patibaddha va ^1- appatibaddha va ^1- sa hotu aham taya yathasukham pabbajahiti . ehi samma ubho agarasma anagariyam pabbajissamati . naham samma sakkomi agarasma anagariyam pabbajitum ^2- yam te sakka annam maya katum tyaham karissami tvam pabbajahiti . mata kho mam samma evamaha sace tata anuruddha bhaddiyo sakyaraja agarasma anagariyam pabbajati evam tvampi pabbajahiti . Bhasita kho pana te samma esa vaca sace te samma pabbajja mama patibaddha va ^1- appatibaddha va ^1- sa hotu aham taya yathasukham pabbajahiti . ehi samma ubho agarasma anagariyam pabbajissamati. {340.1} Tena kho pana samayena manussa saccavadino honti saccapatinnata ^3- . athakho bhaddiyo sakyaraja anuruddham sakkam etadavoca agamehi samma satta vassani sattannam vassanam accayena ubhopi ^4- agarasma anagariyam pabbajissamati . Aticiram samma satta vassani naham sakkomi satta vassani agametunti . agamehi samma cha vassani .pe. panca vassani cattari vassani tini vassani dve vassani ekam vassam ekassa @Footnote: ¹ Yu. Ra. vasaddo na dissati. ² Ma. pabbajitunti. ³ Ma. Yu. saccapatinna. @⁴ Ma. Yu. ubho.

--------------------------------------------------------------------------------------------- page159.

Vassassa accayena ubhopi agarasma anagariyam pabbajissamati . Aticiram samma ekam vassam naham sakkomi ekam vassam agametunti . Agamehi samma satta mase sattannam masanam accayena ubhopi agarasma anagariyam pabbajissamati . aticiram samma satta masa naham sakkomi satta mase agametunti . agamehi samma cha mase .pe. panca mase cattaro mase tayo mase dve mase ekam masam addhamasam addhamasassa accayena ubhopi agarasma anagariyam pabbajissamati . aticiram samma addhamaso naham sakkomi addhamasam agametunti . agamehi samma sattaham yavaham putte ca bhataro ca rajjam niyyadessamiti ^1-. Na ciram samma sattaho agamessamiti. [341] Athakho bhaddiyo ca sakyaraja anuruddho ca anando ca bhaggu ca kimilo ca ^2- devadatto ca upalikappakena sattama yatha pure ca ^3- caturanginiya senaya uyyanabhumim niyyanti evameva caturanginiya senaya niyyimsu . te duram gantva senam nivattapetva paravisayam okkamitva abharanam omuncitva uttarasangena ^4- bhandikam bandhitva upalim kappakam etadavocum handa bhane upali nivattassu alante ettakam jivikayati. [342] Athakho upalissa kappakassa nivattantassa etadahosi @Footnote: ¹ Ma. Yu. niyyademiti. ² Yu. bhagu ca kimbilo ca. ³ Ma. casaddo @natthi. Yu. ameditam. ⁴ Yu. uttarasange.

--------------------------------------------------------------------------------------------- page160.

Canda kho sakiya imina kumara nippatitati ghatapeyyumpi mam ime hi nama sakyakumara agarasma anagariyam pabbajissanti kimangam panahanti . so bhandikam muncitva tam bhandam rukkhe alaggetva yo passati dinnamyeva haratuti vatva yena te sakyakumara tenupasankami . addasamsu kho te sakyakumara upalim kappakam durato va agacchantam disvana upalim kappakam etadavocum kissa bhane upali nivattositi . idha me ayyaputta nivattantassa etadahosi canda kho sakiya imina kumara nippatitati ghatapeyyumpi mam ime hi nama sakyakumara agarasma anagariyam pabbajissanti kimangam panahanti so kho aham ayyaputta bhandikam muncitva tam bhandam rukkhe alaggetva yo passati dinnamyeva haratuti vatva tatomhi patinivattoti . sutthu bhane upali akasi yam pana nivatto ^1- canda kho ^2- sakiya imina kumara nippatitati ghatapeyyumpi tanti. [343] Athakho te sakyakumara upalim kappakam adaya yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te sakyakumara bhagavantam etadavocum mayam bhante sakiya nama manassino @Footnote: ¹ Ma. Yu. yampi na nivatto. ² Yu. khosaddo na dissati.

--------------------------------------------------------------------------------------------- page161.

Ayam bhante upali kappako amhakam digharattam paricarako imam bhagava pathamam pabbajetu imassa mayam abhivadanam paccutthanam anjalikammam samicikammam karissama evam amhakam sakiyanam sakiyamano nimmadayissatiti ^1- . athakho bhagava upalim kappakam pathamam pabbajesi paccha te sakyakumare. [344] Athakho ayasma bhaddiyo teneva antaravassena tisso vijja sacchakasi . ayasma anuruddho dibbacakkhum uppadesi . Ayasma anando sotapattiphalam sacchakasi . devadatto pothujjanikam iddhim abhinipphadeti ^2-. [345] Tena kho pana samayena ayasma bhaddiyo arannagatopi rukkhamulagatopi sunnagaragatopi abhikkhanam udanam udaneti ^3- aho sukham aho sukhanti . athakho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum ayasma bhante bhaddiyo arannagatopi rukkhamulagatopi sunnagaragatopi abhikkhanam udanam udanesi ^4- aho sukham aho sukhanti nissamsayam kho bhante ayasma bhaddiyo anabhirato va brahmacariyam carati tamyeva va purimam rajjasukham samanussaranto arannagatopi rukkhamulagatopi sunnagaragatopi abhikkhanam udanam @Footnote: ¹ Ma. nimmanayissatiti Yu. nimmaniyissati. ² Ma. abhinipphadesi. @³ Ma. udanesi. ⁴ Yu. udaneti.

--------------------------------------------------------------------------------------------- page162.

Udanesi ^1- aho sukham aho sukhanti . athakho bhagava annataram bhikkhum amantesi ehi tvam bhikkhu mama vacanena bhaddiyam bhikkhum amantehi sattha tam avuso bhaddiya amantetiti . evam bhanteti kho so bhikkhu bhagavato patissutva yenayasma bhaddiyo tenupasankami upasankamitva ayasmantam bhaddiyam etadavoca sattha tam avuso bhaddiya amantetiti. [346] Evamavusoti kho ayasma bhaddiyo tassa bhikkhuno patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam bhaddiyam bhagava etadavoca saccam kira tvam bhaddiya arannagatopi rukkhamulagatopi sunnagaragatopi abhikkhanam udanam udanesi aho sukham aho sukhanti . evambhanteti . kim pana tvam bhaddiya atthavasam sampassamano arannagatopi rukkhamulagatopi sunnagaragatopi abhikkhanam udanam udanesi aho sukham aho sukhanti . Pubbe me bhante ranno satopi ^2- antopi antepure rakkha susamvihita hoti bahipi antepure rakkha susamvihita hoti antopi nagare rakkha susamvihita hoti bahipi nagare rakkha susamvihita hoti antopi janapade rakkha susamvihita hoti bahipi janapade rakkha susamvihita hoti so kho aham bhante @Footnote: ¹ Yu. udaneti. ² Yu. Ra. ranno sato.

--------------------------------------------------------------------------------------------- page163.

Evam rakkhitopi ^1- gopitopi santo bhito ubbiggo ussanki utrasto viharami etarahi kho panaham eko ^2- bhante arannagatopi rukkhamulagatopi sunnagaragatopi abhito anubbiggo anussanki anutrasto apposukko pannalomo paradattavutto migabhutena cetasa viharamiti imam kho aham bhante atthavasam sampassamano arannagatopi .pe. abhikkhanam udanam udanemi aho sukham aho sukhanti . athakho bhagava etamattham viditva tayam velayam imam udanam udanesi [347] Yassantarato na santi kopa itibhavabhavatanca vitivatto tam vigatabhayam sukham ^4- asokam deva nanubhavanti dassanayati. [348] Athakho bhagava anupiyayam yathabhirantam viharitva yena kosambi tena carikam pakkami anupubbena carikam caramano yena kosambi tadavasari . tatra sudam bhagava kosambiyam viharati ghositarame.

The Pali Tipitaka in Roman Character Volume 7 page 157-163. http://84000.org/tipitaka/read/roman_item_s.php?book=7&item=340&items=9&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=7&item=340&items=9&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=340&items=9&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=340&items=9&pagebreak=1&modeTY=2 Study Atthakatha :- http://84000.org/tipitaka/attha/attha.php?b=7&i=340 The Pali Atthakatha in Thai :- http://84000.org/tipitaka/atthapali/read_th.php?B=3&A=8764 The Pali Atthakatha in Roman :- http://84000.org/tipitaka/atthapali/read_rm.php?B=3&A=8764 Contents of The Tipitaka Volume 7 http://84000.org/tipitaka/read/?index_7