|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Kannakatthalasuttam [571] Evamme sutam ekam samayam bhagava udannayam 1- viharati kannakatthale migadaye . tena kho pana samayena raja pasenadi kosalo udannam anuppatto hoti kenacideva karaniyena . atha kho raja pasenadi kosalo annataram purisam amantesi ehi tvam ambho purisa yena bhagava tenupasankama upasankamitva mama vacanena bhagavato pade sirasa vandahi appabadham appatankam lahutthanam balam phasuviharam puccha raja bhante pasenadi kosalo bhagavato pade sirasa vandati appabadham appatankam lahutthanam balam phasuviharam pucchatiti evanca vadehi ajja kira bhante raja pasenadi kosalo pacchabhattam bhuttapataraso bhagavantam dassanaya upasankamissatiti . evam devati kho so puriso ranno pasenadissa kosalassa patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so puriso bhagavantam etadavoca raja bhante pasenadi kosalo bhagavato pade sirasa vandati appabadham appatankam lahutthanam balam phasuviharam pucchati evanca vadeti ajja kira bhante raja pasenadi kosalo pacchabhattam bhuttapataraso bhagavantam dassanaya upasankamissatiti. @Footnote: 1 Yu. ujunnayam.--------------------------------------------------------------------------------------------- page518.
[572] Assosum kho soma ca bhagini sakula ca bhagini ajja kira raja pasenadi kosalo pacchabhattam bhuttapataraso bhagavantam dassanaya upasankamissatiti . atha kho soma ca bhagini sakula ca bhagini rajanam pasenadim kosalam bhattabhihare upasankamitva etadavocum tenahi maharaja amhakampi vacanena bhagavato pade sirasa vandahi appabadham appatankam lahutthanam balam phasuviharam puccha soma ca bhante bhagini sakula ca bhagini bhagavato pade sirasa vandanti appabadham appatankam lahutthanam balam phasuviharam pucchantiti. [573] Atha kho raja pasenadi kosalo pacchabhattam bhuttapataraso yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho raja pasenadi kosalo bhagavantam etadavoca soma ca bhante bhagini sakula ca bhagini bhagavato pade sirasa vandanti appabadham appatankam lahutthanam balam phasuviharam pucchantiti . kim pana maharaja soma ca bhagini sakula ca bhagini annam dutam nalatthunti . assosum kho bhante soma ca bhagini sakula ca bhagini ajja kira raja pasenadi kosalo pacchabhattam bhuttapataraso bhagavantam dassanaya upasankamissatiti atha kho bhante soma ca bhagini sakula ca bhagini mam bhattabhihare upasankamitva etadavocum tenahi maharaja amhakampi vacanena bhagavato pade sirasa vandahi appabadham--------------------------------------------------------------------------------------------- page519.
Appatankam lahutthanam balam phasuviharam puccha soma ca [1]- bhagini sakula ca bhagini bhagavato pade sirasa vandanti appabadham appatankam lahutthanam balam phasuviharam pucchantiti . sukhiniyo hontu maharaja soma ca bhagini sakula ca bhaginiti. [574] Atha kho raja pasenadi kosalo bhagavantam etadavoca sutam metam bhante samano gotamo evamaha natthi so samano va brahmano va yo sabbannu sabbadassavi parisesam 2- nanadassanam patijanissati netam thanam vijjatiti ye te bhante evamahamsu samano gotamo evamaha natthi so samano va brahmano va yo sabbannu sabbadassavi apparisesam nanadassanam patijanissati netam thanam vijjatiti kacci te bhante bhagavato vuttavadino na ca bhagavantam abbhutena abbhacikkhanti dhammassa canudhammam byakaronti na ca koci sahadhammiko vadanuvado garayham thanam agacchatiti . Ye te maharaja evamahamsu samano gotamo evamaha natthi so samano va brahmano va yo sabbannu sabbadassavi apparisesam nanadassanam patijanissati netam thanam vijjatiti na me te vuttavadino abbhacikkhanti ca pana mam te asata abbhutenati. [575] Atha kho raja pasenadi kosalo vidudabham senapatim amantesi ko nu kho senapati imam kathavatthum rajantepure abbhudahasiti . sanjayo maharaja brahmano akasagottoti . @Footnote: 1 Yu. etthantare bhanteti dissati . 2 Yu. aparisesam.--------------------------------------------------------------------------------------------- page520.
Atha kho raja pasenadi kosalo annataram purisam amantesi ehi tvam ambho purisa mama vacanena sanjayam brahmanam akasagottam amantehi raja tam 1- bhante pasenadi kosalo amantetiti . Evam devati kho so puriso ranno pasenadissa kosalassa patissutva yena sanjayo brahmano akasagotto tenupasankami upasankamitva sanjayam brahmanam akasagottam etadavoca raja tam bhante pasenadi kosalo amantetiti . atha kho raja pasenadi kosalo bhagavantam etadavoca siya nu kho bhante bhagavata annadeva kinci sandhaya bhasitam tanca jano annathapi paccagaccheyya yathakatham pana bhante bhagava abhijanati vacam bhasitati . Evam kho aham maharaja abhijanami vacam bhasita natthi so samano va brahmano va yo sakideva sabbam nassati sabbam dakkhiti netam thanam vijjatiti . heturupam bhante bhagava aha saheturupam pana bhante bhagava aha natthi so samano va brahmano va yo sakideva sabbam nassati sabbam dakkhiti netam thanam vijjatiti cattarome bhante vanna khattiya brahmana vessa sudda imesam nu kho bhante catunnam vannanam siya viseso siya nanakarananti. [576] Cattarome maharaja vanna khattiya brahmana vessa sudda imesam kho maharaja catunnam vannanam dve @Footnote: 1 Yu. te.--------------------------------------------------------------------------------------------- page521.
Vanna aggamakkhayanti khattiya ca brahmana ca yadidam abhivadanam paccutthanam anjalikammam samicikammanti . naham bhante bhagavantam ditthadhammikam pucchami samparayikaham bhante bhagavantam pucchami cattarome bhante vanna khattiya brahmana vessa sudda imesam nu kho bhante catunnam vannanam siya viseso siya nanakarananti. [577] Pancimani maharaja padhaniyangani . katamani panca . Idha maharaja bhikkhu saddho hoti saddahati tathagatassa bodhim itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati . appabadho hoti appatanko samavepakiniya gahaniya samannagato natisitaya naccunhaya majjhimaya padhanakkhamaya . Asatho hoti amayavi yathabhutam attanam avikatta satthari va vinnusu va sabrahmacarisu 1- . araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu . pannava hoti udayatthagaminiya pannaya samannagato ariyaya nibbedhikaya samma dukkhakkhayagaminiya . imani kho maharaja panca padhaniyangani . Cattarome maharaja vanna khattiya brahmana vessa sudda te cassu imehi pancahi padhaniyangehi samannagata tam nesam @Footnote: 1 Yu. brahmacarisu.--------------------------------------------------------------------------------------------- page522.
Assa digharattam hitaya sukhayati. [578] Cattarome bhante vanna khattiya brahmana vessa sudda te cassu imehi pancahi padhaniyangehi samannagata ettha pana nesam bhante siya viseso siya nanakarananti . ettha kho nesaham maharaja padhanavemattatam 1- vadami . Seyyathapissu maharaja dve hatthidamma va assadamma va godamma va sudanta suvinita dve hatthidamma va assadamma va godamma va adanta avinita tam kim mannasi maharaja ye dve 2- te hatthidamma va assadamma va godamma va sudanta suvinita api nu te dantava dantakaranam gaccheyyum dantava dantabhumim sampapuneyyunti . Evametam 3- bhante . ye pana te dve hatthidamma va assadamma va godamma va adanta avinita api nu te adantava dantakaranam gaccheyyum adantava dantabhumim sampapuneyyum seyyathapi te dve hatthidamma va assadamma va godamma va sudanta suvinitati . no hetam 4- bhante . evameva kho maharaja yantam saddhena pattabbam appabadhena asathena amayavina araddhaviriyena pannavata tam vata asaddho bahvabadho satho mayavi kusito duppanno papunissatiti netam thanam vijjatiti. [579] Heturupam bhante bhagava aha saheturupam pana bhante bhagava aha cattarome bhante vanna khattiya brahmana @Footnote: 1 Yu. ...vemattam. 2 Yu. ye te dve. 3 Yu. evam bhante. 4 Yu. hevam.--------------------------------------------------------------------------------------------- page523.
Vessa sudda te cassu imehi pancahi padhaniyangehi samannagata te cassu sammappadhana ettha pana tesam bhante siya viseso siya nanakarananti . ettha kho nesaham maharaja na kinci nanakaranam vadami yadidam vimuttiya vimuttim . seyyathapi maharaja puriso [1]- sukkham salakattham adaya aggim abhinibbatteyya tejo patukareyya . atha aparo puriso sukkham ambakattham adaya aggim abhinibbatteyya tejo patukareyya . atha ca 2- aparo puriso sukkham udumbarakattham adaya aggim abhinibbatteyya tejo patukareyya . Tam kim mannasi maharaja siya nu kho tesam agginam nanadaruto abhinibbattanam kinci nanakaranam acciya va accim vannena va vannam abhaya va abhanti . no hetam bhante . evameva kho maharaja yam tam tejam viriyanimmathitam padhanabhinibbattam naham tattha kinci nanakaranam vadami yadidam vimuttiya vimuttinti. [580] Heturupam bhante bhagava aha saheturupam pana bhante bhagava aha kim pana bhante atthi devati . kim pana tvam maharaja evam vadesi kim pana bhante atthi devati . yadi va te bhante deva agantaro itthattam yadi va anagantaro itthattanti . ye te maharaja deva sabyapajjha te deva agantaro itthattam ye te deva abyapajjha te deva anagantaro itthattanti. @Footnote: 1 Yu. etthantare sukkham sakakattham ... aparo purisoti dissati. @2 Yu. casaddo natthi.--------------------------------------------------------------------------------------------- page524.
[581] Evam vutte vidudabho senapati bhagavantam etadavoca ye te bhante deva sabyapajjha agantaro itthattam te deva ye te deva abyapajjha anagantaro itthattam te deve tamha thana cavessanti va pabbajessanti vati . Atha kho ayasmato anandassa etadahosi ayam kho vidudabho senapati ranno pasenadissa kosalassa putto aham bhagavato putto ayam kho kalo yam putto puttena manteyyati. {581.1} Atha kho ayasma anando vidudabham senapatim amantesi tenahi senapati tannevettha patipucchissami yatha te khameyya tatha nam byakareyyasi tam kim mannasi senapati yavata ranno pasenadissa kosalassa vijitam yattha ca raja pasenadi kosalo issariyadhipaccam rajjam kareti pahoti tattha raja pasenadi kosalo samanam va brahmanam va punnavantam va apunnavantam va brahmacariyavantam va abrahmacariyavantam va tamha thana cavetum va pabbajetum vati . Yavata bho ranno pasenadissa kosalassa vijitam yattha ca raja pasenadi kosalo issariyadhipaccam rajjam kareti pahoti tattha raja pasenadi kosalo samanam va brahmanam va punnavantam va apunnavantam va brahmacariyavantam va abrahmacariyavantam va tamha thana cavetum va pabbajetum vati. {581.2} Tam kim mannasi senapati yavata ranno pasenadissa kosalassa avijitam yattha ca raja--------------------------------------------------------------------------------------------- page525.
Pasenadi kosalo na issariyadhipaccam rajjam kareti tattha 1- pahoti raja pasenadi kosalo samanam va brahmanam va punnavantam va apunnavantam va brahmacariyavantam va abrahmacariyavantam va tamha thana cavetum va pabbajetum vati . Yavata bho ranno pasenadissa kosalassa avijitam yattha ca raja pasenadi kosalo na issariyadhipaccam rajjam kareti na 2- tattha pahoti raja pasenadi kosalo samanam va brahmanam va punnavantam va apunnavantam va brahmacariyavantam va abrahmacariyavantam va tamha thana cavetum va pabbajetum vati. {581.3} Tam kim mannasi senapati suta te deva tavatimsati. Evam bho suta me deva tavatimsa idanipi bhota ranna pasenadina kosalena suta deva tavatimsati . tam kim mannasi senapati pahoti raja pasenadi kosalo deve tavatimse tamha thana cavetum va pabbajetum vati . dassanayapi bho raja pasenadi kosalo deve tavatimse nappahoti kuto pana tamha thana cavessati va pabbajessati vati . evameva kho senapati ye te deva sabyapajjha agantaro itthattam te deva ye te deva abyapajjha anagantaro itthattam te deve dassanayapi nappahonti kuto pana tamha thana cavessanti va pabbajessanti vati . atha kho raja pasenadi kosalo bhagavantam etadavoca ko namayam bhante bhikkhuti . @Footnote: 1 Yu. pahoti tattha . 2 Yu. na pahoti tattha.--------------------------------------------------------------------------------------------- page526.
Anando nama maharajati. [582] Anando vata bho anandarupo vata bho heturupam bhante ayasma anando aha saheturupam pana bhante ayasma anando aha kim pana bhante atthi brahmati . kim pana tvam maharaja evam vadesi kim pana bhante atthi brahmati . yadi va so bhante brahma aganta itthattam yadi va anaganta itthattanti . yo so maharaja brahma sabyapajjho so brahma aganta itthattam yo so brahma abyapajjho so brahma anaganta itthattanti . atha kho annataro puriso rajanam pasenadim kosalam etadavoca sanjayo maharaja brahmano akasagotto agatoti . atha kho raja pasenadi kosalo sanjayam brahmanam akasagottam etadavoca ko nu kho brahmana imam kathavatthum rajantepure abbhudahasiti . vidudabho maharaja senapatiti . vidudabho senapati evamaha sanjayo maharaja brahmano akasagottoti . atha kho annataro puriso rajanam pasenadim kosalam etadavoca yanakalo maharajati. [583] Atha kho raja pasenadi kosalo bhagavantam etadavoca sabbannutam mayam bhante bhagavantam apucchimha sabbannutam bhagava byakasi tanca panamhakam ruccati ceva khamati ca tena camha attamana catuvannim suddhim mayam bhante bhagavantam apucchimha--------------------------------------------------------------------------------------------- page527.
Catuvannim suddhim bhagava byakasi tanca panamhakam ruccati ceva khamati ca tena camha attamana adhideve mayam bhante bhagavantam apucchimha adhideve bhagava byakasi tanca panamhakam ruccati ceva khamati ca tena camha attamana adhibrahmanam mayam bhante bhagavantam apucchimha adhibrahmanam bhagava byakasi tanca panamhakam ruccati ceva khamati ca tena camha attamana yam yadeva ca pana mayam [1]- bhagavantam apucchimha tam tadeva bhagava byakasi tanca panamhakam ruccati ceva khamati ca tena camha attamana handa cadani mayam bhante gacchama bahukicca mayam bahukaraniyati. Yassadani tvam maharaja kalam mannasiti. {583.1} Atha kho raja pasenadi kosalo bhagavato bhasitam abhinanditva anumoditva utthayasana bhagavantam abhivadetva padakkhinam katva pakkamiti. Kannakatthalasuttam nitthitam dasamam. Rajavaggo catuttho. -------- Tassa vaggassa uddanam jotisahayakaratthanamo ca raja maghadevamadhurakathabodhi angulimalo dhammacetiyasamo kannakatthalo dasamo. ---------- @Footnote: 1 Yu. etthantare bhanteti dissati.The Pali Tipitaka in Roman Character Volume 13 page 517-527. https://84000.org/tipitaka/read/roman_read.php?B=13&A=10575&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=10575&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=571&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=40 Study Atthakatha :- https://84000.org/tipitaka/attha/attha.php?b=13&i=571 The Pali Atthakatha in Thai :- https://84000.org/tipitaka/atthapali/read_th.php?B=9&A=6494 The Pali Atthakatha in Roman :- https://84000.org/tipitaka/atthapali/read_rm.php?B=9&A=6494 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]