PaliRoman Vol.13

page310.

Mahasakuludayisuttam [314] Evamme sutam ekam samayam bhagava rajagahe viharati veluvane kalandakanivape . tena kho pana samayena sambahula abhinnata abhinnata paribbajaka moranivape paribbajakarame pativasanti seyyathidam annabharo ^1- varataro ^2- sakuludayi ca paribbajako anne ca abhinnata abhinnata paribbajaka . Atha kho bhagava pubbanhasamayam nivasetva pattacivaramadaya rajagaham pindaya pavisi . atha kho bhagavato etadahosi atippago kho tava rajagahe pindaya caritum yannunaham yena moranivapo paribbajakaramo yena sakuludayi ca ^3- paribbajako tenupasankameyyanti . atha kho bhagava yena moranivapo paribbajakaramo tenupasankami. [315] Tena kho pana samayena sakuludayi paribbajako mahatiya paribbajakaparisaya saddhim nisinno hoti unnadiniya uccasaddamahasaddaya ^4- anekavihitam tiracchanakatham kathentiya seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham surakatham visikhakatham kumbhatthanakatham kumbhadasikatham ^5- pubbapetakatham nanattakatham lokakkhayikam samuddakkhayikam @Footnote: ¹ Yu. anugaro . ² Yu. varadharo Si. varacaro . ³ Yu. ayam saddo natthi. @⁴ Yu. uccasaddaya . ⁵ Yu. ayam patho natthi.

--------------------------------------------------------------------------------------------- page311.

Itibhavabhavakatham iti va . addasa kho sakuludayi paribbajako bhagavantam durato ^[1]- agacchantam disvana sakam parisam santhapesi ^2- appasadda bhonto hontu ma bhonto saddamakattha ayam samano gotamo agacchati appasaddakamo kho pana so ayasma appasaddavannavadi ^3- appevanama appasaddam parisam viditva upasankamitabbam manneyyati . atha kho te paribbajaka tunhi ahesum . atha kho bhagava yena sakuludayi paribbajako tenupasankami. Atha kho sakuludayi paribbajako bhagavantam etadavoca etu kho bhante bhagava svagatam ^4- bhante bhagavato cirassam kho bhante bhagava imam pariyayamakasi yadidam idhagamanaya nisidatu bhante bhagava idamasanam pannattanti . nisidi bhagava pannatte asane . sakuludayipi kho paribbajako annataram nicam asanam gahetva ekamantam nisidi . Ekamantam nisinnam kho sakuludayi paribbajakam bhagava etadavoca kaya nuttha udayi etarahi kathaya sannisinna ka ca pana vo antarakatha vippakatati. [316] Titthatesa bhante katha yaya mayam etarahi kathaya sannisinna nesa bhante katha bhagavato dullabha bhavissati pacchapi savanaya purimani bhante divasani purimatarani nanatitthiyanam samanabrahmananam kutuhalasalayam ^5- sannisinnanam sannipatitanam ayamantarakatha @Footnote: ¹ Yu. va . ² Yu. santhapesi . ³ Yu. appasaddassa . ⁴ Yu. sagatam. @⁵ kotuhalasalayantipi patho.

--------------------------------------------------------------------------------------------- page312.

Udapadi labha vata bho angamagadhanam suladdham vata bho angamagadhanam yatrime ^1- samanabrahmana sanghino ganino ganacariya nata yasassino titthakara sadhusammata bahujanassa rajagaham vassavasam upagata ^2- . ayampi kho purano kassapo sanghi ceva gani ca ganacariyo ^[3]- nato yasassi titthakaro sadhusammato bahujanassa sopi rajagaham vassavasam upagato . ayampi kho makkhali gosalo ... ajito kesakambalo ... Pakuddho kaccayano ... Sanjayo velatthaputto ^4- ... nigantho ^5- nataputto sanghi ceva gani ca ganacariyo ^[6]- nato yasassi titthakaro sadhusammato bahujanassa sopi rajagaham vassavasam upagato . ayampi kho samano gotamo sanghi ceva gani ca ganacariyo ^[7]- nato yasassi titthakaro sadhusammato bahujanassa sopi rajagaham vassavasam upagato . ko nu kho imesam bhavatam ^8- samanabrahmananam sanghinam ganinam ganacariyanam natanam yasassinam titthakaranam sadhusammatanam bahujanassa savakanam sakkato garukato manito pujito kathanca pana savaka sakkatva garukatva upanissaya viharantiti. [317] Tatrekacce evamahamsu ayam kho purano kassapo sanghi ceva gani ca ganacariyo ^[10]- nato yasassi titthakaro sadhusammato bahujanassa so kho savakanam na sakkato na garukato na manito @Footnote: ¹ Yu. yatthime . ² Si. Ma. Yu. osata . 3-6-7-10 Yu. etthantare casaddo atthi. @⁴ Yu. belatthiputto. ito param idisameva. ⁵ Yu. nigantho. ⁸ Yu. bhagavatam. @⁹ Yu. katham.

--------------------------------------------------------------------------------------------- page313.

Na pujito na ca pana puranam kassapam savaka sakkatva garukatva upanissaya viharanti . bhutapubbam purano kassapo anekasataya parisaya dhammam desesi . tatra annataro puranassa kassapassa savako saddamakasi ma bhonto puranam kassapam etamattham pucchittha neso etam janati mayametam janama amhe etamattham pucchatha mayametam bhavatam byakarissamati . bhutapubbam purano kassapo baha paggayha kandanto na labhati appasadda bhonto hontu ma bhonto saddamakattha nete bhavante pucchanti amhe ete pucchanti mayametesam byakarissamiti. {317.1} Bahu kho pana puranassa kassapassa savaka vadam aropetva apakkanta na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno sahitamme asahitante pure vacaniyam paccha avaca paccha vacaniyam pure avaca adhicinnante ^1- viparavattam aropito te vado niggahitosi cara vadappamokkhaya nibbedhehi va sace pahositi . iti purano kassapo savakanam na sakkato na garukato na manito na pujito na ca pana puranam kassapam savaka sakkatva garukatva upanissaya viharanti akuttho ca pana purano kassapo dhammakkosenati. {317.2} Ekacce evamahamsu ayampi kho makkhali gosalo ... ajito kesakambalo ^2- ... pakuddho kaccayano ... @Footnote: ¹ Yu. avicinnante . ² Yu. sabbattha kesakambaliti dissati.

--------------------------------------------------------------------------------------------- page314.

Sanjayo velatthaputto ... nigantho nataputto sanghi ceva gani ca ganacariyo nato yasassi titthakaro sadhusammato bahujanassa sopi savakanam na sakkato na garukato na manito na pujito na ca pana nigantham nataputtam savaka sakkatva garukatva upanissaya viharanti . bhutapubbam nigantho nataputto anekasataya parisaya dhammam desesi . tatra annataro niganthassa nataputtassa savako saddamakasi ma bhonto nigantham nataputtam etamattham pucchittha neso etam janati mayametam janama amhe etamattham pucchatha mayametam bhavatam byakarissamati. {317.3} Bhutapubbam nigantho nataputto baha paggayha kandanto na labhati appasadda bhonto hontu ma bhonto saddamakattha nete bhavante pucchanti amhe ete pucchanti mayametesam ^1- byakarissamati . bahu kho pana niganthassa nataputtassa savaka vadam aropetva apakkanta na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno sahitamme asahitante pure vacaniyam paccha avaca paccha vacaniyam pure avaca adhicinnante viparavattam aropito te vado niggahitosi cara vadappamokkhaya nibbedhehi va sace pahositi . iti nigantho nataputto savakanam na sakkato na garukato na manito na pujito na ca pana nigantham @Footnote: ¹ Yu. mayametam.

--------------------------------------------------------------------------------------------- page315.

Nataputtam savaka sakkatva garukatva upanissaya viharanti akuttho ca pana nigantho nataputto dhammakkosenati. [318] Ekacce evamahamsu ayampi ^1- kho samano gotamo sanghi ceva gani ca ganacariyo nato yasassi titthakaro sadhusammato bahujanassa so ca kho savakanam sakkato garukato manito pujito samananca pana gotamam savaka sakkatva garukatva upanissaya viharanti . bhutapubbam samano gotamo anekasataya parisaya dhammam desesi . tatra annataro samanassa gotamassa savako ukkasi . tamenamannataro sabrahmacari jannukena ghattesi appasaddo ayasma hotu ma ayasma saddamakasi sattha no bhagava dhammam desetiti . yasmim samaye samano gotamo anekasataya parisaya dhammam desesi neva tasmim samaye samanassa gotamassa savakanam khipitasaddo va hoti ukkasitasaddo va tamenam mahajanakayo ^2- paccasimsamanarupo paccupatthito hoti yanno bhagava dhammam bhasissati tanno sossamati. {318.1} Seyyathapi nama puriso catummahapathe khuddam madhum anelakam pileyya tamenam mahajanakayo paccasimsamanarupo paccupatthito assa evameva yasmim samaye samano gotamo anekasataya parisaya dhammam deseti neva tasmim samaye samanassa gotamassa savakanam khipitasaddo va hoti ukkasitasaddo va tamenam mahajanakayo paccasimsamanarupo paccupatthito @Footnote: ¹ Yu. ayam . ² Yu. janakayo.

--------------------------------------------------------------------------------------------- page316.

Hoti yanno bhagava dhammam bhasissati tanno sossamati . Yepi samanassa gotamassa savaka sabrahmacarihi sampayojetva sikkham paccakkhaya hinayavattanti tepi satthuno ceva vannavadino honti dhammassa ca vannavadino honti sanghassa ca vannavadino honti attagarahinoyeva honti anannagarahino mayamevamha alakkhika mayam appapunna ye mayam evam svakkhate dhammavinaye pabbajitva na sakkhimha yavajivam paripunnam parisuddham brahmacariyam caritunti . te aramikabhuta va upasakabhuta va pancasu sikkhapadesu samadaya vattanti . iti samano gotamo savakanam sakkato garukato manito pujito samananca pana gotamam savaka sakkatva garukatva upanissaya viharantiti . kati pana tvam udayi mayi dhamme samanupassasi yehi mama savaka sakkaronti garukaronti manenti pujenti sakkatva garukatva upanissaya viharantiti. [319] Panca kho aham bhante bhagavati dhamme samanupassami yehi bhagavantam savaka sakkaronti garukaronti manenti pujenti sakkatva garukatva upanissaya viharanti katame panca bhagava hi bhante appaharo appaharataya ca vannavadi yampi bhante bhagava appaharo appaharataya ca vannavadi imam kho aham bhante bhagavati pathamam dhammam samanupassami yena bhagavantam savaka sakkaronti garukaronti manenti pujenti sakkatva garukatva

--------------------------------------------------------------------------------------------- page317.

Upanissaya viharanti. [320] Puna caparam bhante bhagava santuttho itaritarena civarena itaritaracivarasantutthiya ca vannavadi yampi bhante bhagava santuttho itaritarena civarena itaritaracivarasantutthiya ca vannavadi imam kho aham bhante bhagavati dutiyam dhammam samanupassami yena bhagavantam savaka sakkaronti garukaronti manenti pujenti sakkatva garukatva upanissaya viharanti. [321] Puna caparam bhante bhagava santuttho itaritarena pindapatena itaritarapindapatasantutthiya ca vannavadi yampi bhante bhagava santuttho itaritarena pindapatena itaritarapindapatasantutthiya ca vannavadi imam kho aham bhante bhagavati tatiyam dhammam samanupassami yena bhagavantam savaka sakkaronti garukaronti manenti pujenti sakkatva garukatva upanissaya viharanti. [322] Puna caparam bhante bhagava santuttho itaritarena senasanena itaritarasenasanasantutthiya ca vannavadi yampi bhante bhagava santuttho itaritarena senasanena itaritarasenasanasantutthiya ca vannavadi imam kho aham bhante bhagavati catuttham dhammam samanupassami yena bhagavantam savaka sakkaronti garukaronti manenti pujenti sakkatva garukatva upanissaya viharanti. [323] Puna caparam bhante bhagava pavivitto pavivekassa ca

--------------------------------------------------------------------------------------------- page318.

Vannavadi yampi bhante bhagava pavivitto pavivekassa ca vannavadi imam kho aham bhante bhagavati pancamam dhammam samanupassami yena bhagavantam savaka sakkaronti garukaronti manenti pujenti sakkatva garukatva upanissaya viharanti . ime kho aham bhante bhagavati panca dhamme samanupassami yehi bhagavantam savaka sakkaronti garukaronti manenti pujenti sakkatva garukatva upanissaya viharantiti. [324] Appaharo samano gotamo appaharataya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum santi kho pana me udayi savaka kosakaharapi addhakosakaharapi ^1- veluvaharapi addhaveluvaharapi ^2- aham kho panudayi appekada imina pattena samatittikampi bhunjami bhiyyopi bhunjami . Appaharo samano gotamo appaharataya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum ye te udayi mama savaka kosakaharapi addhakosakaharapi veluvaharapi addhaveluvaharapi na mante imina dhammena sakkareyyum garukareyyum maneyyum pujeyyum sakkatva garukatva upanissaya vihareyyum. [325] Santuttho samano gotamo itaritarena civarena itaritaracivarasantutthiya @Footnote: ^1-2 Yu. addha....

--------------------------------------------------------------------------------------------- page319.

Ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum santi kho pana me udayi savaka pamsukulika lukhacivaradhara te susana va sankarakuta va papanika va nantakani uccinitva sanghatim karitva dharenti aham kho panudayi appekada gahapatani civarani dharemi dalhani suttalukhani ^1- alavulomasani santuttho samano gotamo itaritarena civarena itaritaracivarasantutthiya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum ye te udayi mama savaka pamsukulika lukhacivaradhara te susana va sankarakuta va papanika va nantakani uccinitva sanghatim karitva dharenti na mante imina dhammena sakkareyyum garukareyyum maneyyum pujeyyum sakkatva garukatva upanissaya vihareyyum. [326] Santuttho samano gotamo itaritarena pindapatena itaritarapindapatasantutthiya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum santi kho pana me udayi savaka pindapatika sapadanacarino uccapake ^2- vatte rata te antaragharam pavittha samana asanenapi nimantiyamana na sadiyanti aham kho panudayi appekada nimantanepi bhunjami salinam odanam @Footnote: ¹ Yu. yattha lukhani . ² Yu. uccepake vate. ito param idisameva.

--------------------------------------------------------------------------------------------- page320.

Vicitakalakam anekasupam anekabyanjanam santuttho samano gotamo itaritarena pindapatena itaritarapindapatasantutthiya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum ye te udayi mama savaka pindapatika sapadanacarino uccapake vatte rata te antaragharam pavittha samana asanenapi nimantiyamana na sadiyanti na mante imina dhammena sakkareyyum garukareyyum maneyyum pujeyyum sakkatva garukatva upanissaya vihareyyum. [327] Santuttho samano gotamo itaritarena senasanena itaritarasenasanasantutthiya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum santi kho pana me udayi savaka rukkhamulika abbhokasika te attha mase channam na upenti aham kho panudayi appekada kutagaresupi viharami ullittavalittesu nivatesu phusitaggalesu pihitavatapanesu santuttho samano gotamo itaritarena senasanena itaritarasenasanasantutthiya ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum ye te udayi mama savaka rukkhamulika abbhokasika te ^1- attha mase channam na upenti na mante imina dhammena sakkareyyum garukareyyum maneyyum pujeyyum @Footnote: ¹ Yu. ayam patho natthi.

--------------------------------------------------------------------------------------------- page321.

Sakkatva garukatva upanissaya vihareyyum. [328] Pavivitto samano gotamo pavivekassa ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum santi kho pana me udayi savaka arannaka pantani senasanani ^1- arannavanapatthani ^[2]- ajjhogahetva viharanti te anvaddhamasam sanghamajjhe osaranti patimokkhuddesaya aham kho panudayi appekada akinno viharami bhikkhuhi bhikkhunihi upasakehi upasikahi ranna ^3- rajamahamattehi titthiyehi titthiyasavakehi pavivitto samano gotamo pavivekassa ca vannavaditi iti ce mam udayi savaka sakkareyyum garukareyyum maneyyum pujeyyum sakkatva garukatva upanissaya vihareyyum ye te udayi mama savaka arannaka pantani senasanani arannavanapatthani ^[4]- ajjhogahetva viharanti te anvaddhamasam sanghamajjhe osaranti patimokkhuddesaya na mante imina dhammena sakkareyyum garukareyyum maneyyum pujeyyum sakkatva garukatva upanissaya vihareyyum. {328.1} Iti kho udayi na mam ^5- savaka imehi pancahi dhammehi sakkaronti garukaronti manenti pujenti sakkatva garukatva upanissaya viharanti. [329] Atthi kho udayi anne ca panca dhamma yehi pancahi dhammehi mama savaka sakkaronti garukaronti manenti @Footnote: ¹ Yu. pantasenasana . 2-4 Yu. etthantare pantani senasananiti dissati. @³ Yu. ranno . ⁵ Yu. mamam.

--------------------------------------------------------------------------------------------- page322.

Pujenti sakkatva garukatva upanissaya viharanti katame panca idhudayi mama savaka adhisile sambhaventi silava samano gotamo paramena silakkhandhena samannagatoti . yamudayi ^1- mama savaka adhisile sambhaventi silava samano gotamo paramena silakkhandhena samannagatoti . ayam kho udayi pathamo dhammo yena mama savaka sakkaronti garukaronti manenti pujenti sakkatva garukatva upanissaya viharanti. [330] Puna caparam udayi mama savaka abhikkante nanadassane sambhaventi janamyevaha samano gotamo janamiti passamyevaha samano gotamo passamiti abhinnaya samano gotamo dhammam deseti no anabhinnaya sanidanam samano gotamo dhammam deseti no anidanam sappatihariyam samano gotamo dhammam deseti no appatihariyanti . yamudayi ^2- mama savaka abhikkante nanadassane sambhaventi janamyevaha samano gotamo janamiti passamyevaha samano gotamo passamiti abhinnaya samano gotamo dhammam deseti no anabhinnaya sanidanam samano gotamo dhammam deseti no anidanam sappatihariyam samano gotamo dhammam deseti no appatihariyanti . ayam kho udayi dutiyo dhammo yena mama savaka sakkaronti garukaronti manenti pujenti sakkatva garukatva upanissaya viharanti. @Footnote: ^1-2 Yu. yam panudayi. sabbattha idisameva.

--------------------------------------------------------------------------------------------- page323.

[331] Puna caparam udayi mama savaka adhipannaya sambhaventi pannava samano gotamo paramena pannakkhandhena samannagato tam vata anagatam va vadapatham na dakkhati uppannam va parappavadam na sahadhammena suniggahitam niggahissatiti netam thanam vijjati . tam kim mannasi udayi api nu me savaka evam jananta evam passanta antarantara katham opateyyunti. {331.1} No hetam bhante . na kho panaham udayi savakesu anusasanim paccasimsami annadatthum mamamyeva savaka anusasanim paccasimsanti . yamudayi mama savaka adhipannaya sambhaventi pannava samano gotamo paramena pannakkhandhena samannagato tam vata ^1- anagatam va vadapatham na dakkhati uppannam va parappavadam na sahadhammena suniggahitam niggahissatiti netam thanam vijjati . ayam kho udayi tatiyo dhammo yena mama savaka sakkaronti garukaronti manenti pujenti sakkatva garukatva upanissaya viharanti. [332] Puna caparam udayi mama savaka yena dukkhena dukkhotinna dukkhapareta te mam upasankamitva dukkham ariyasaccam pucchanti tesaham dukkham ariyasaccam puttho byakaromi tesaham cittam aradhemi panhassa veyyakaranena te mam upasankamitva dukkhasamudayam ... dukkhanirodham ... dukkhanirodhagaminim patipadam ariyasaccam pucchanti tesaham dukkhanirodhagaminim patipadam ariyasaccam puttho @Footnote: ¹ Yu. vatasaddo natthi.

--------------------------------------------------------------------------------------------- page324.

Byakaromi tesaham cittam aradhemi panhassa veyyakaranena . Yamudayi mama savaka yena dukkhena dukkhotinna dukkhapareta te mam upasankamitva dukkham ariyasaccam pucchanti tesaham dukkham ariyasaccam puttho byakaromi tesaham cittam aradhemi panhassa veyyakaranena te mam upasankamitva dukkhasamudayam ... dukkhanirodham ... Dukkhanirodhagaminim patipadam ariyasaccam pucchanti tesaham dukkhanirodhagaminim patipadam ariyasaccam puttho byakaromi tesaham cittam aradhemi panhassa veyyakaranena . ayam kho udayi catuttho dhammo yena mama savaka sakkaronti garukaronti manenti pujenti sakkatva garukatva upanissaya viharanti. [333] Puna caparam udayi akkhata maya savakanam patipada yathapatipanna me savaka cattaro satipatthane bhaventi . Idhudayi bhikkhu kaye kayanupassi viharati atapi sampajano satima vineyya loke abhijjhadomanassam vedanasu vedananupassi viharati ... citte cittanupassi viharati ... dhammesu dhammanupassi viharati atapi sampajano satima vineyya loke abhijjhadomanassam . Tatra ca pana me savaka bahu abhinnavosanaparamippatta viharanti. [334] Puna caparam udayi akkhata maya savakanam patipada yathapatipanna me savaka cattaro sammappadhane bhaventi .

--------------------------------------------------------------------------------------------- page325.

Idhudayi bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati uppannanam papakanam akusalanam dhammanam pahanaya chandam janeti vayamati viriyam arabhati cittam pagganhati padahati anuppannanam kusalanam dhammanam uppadaya chandam janeti vayamati viriyam arabhati cittam pagganhati padahati uppannanam kusalanam dhammanam thitiya asammosaya bhiyyobhavaya vepullaya bhavanaya paripuriya chandam janeti vayamati viriyam arabhati cittam pagganhati padahati . tatra ca pana me savaka bahu abhinnavosanaparamippatta viharanti. [335] Puna caparam udayi akkhata maya savakanam patipada yathapatipanna me savaka cattaro iddhipade bhaventi . Idhudayi bhikkhu chandasamadhipadhanasankharasamannagatam iddhipadam bhaveti viriyasamadhipadhanasankharasamannagatam iddhipadam bhaveti cittasamadhipadhanasankharasamannagatam iddhipadam bhaveti vimamsasamadhipadhanasankharasamannagatam iddhipadam bhaveti . tatra ca pana me savaka bahu abhinnavosanaparamippatta viharanti. [336] Puna caparam udayi akkhata maya savakanam patipada yathapatipanna me savaka pancindriyani bhaventi . idhudayi bhikkhu saddhindriyam bhaveti upasamagamim sambodhagamim viriyindriyam bhaveti ... satindriyam bhaveti ... Samadhindriyam bhaveti ... Pannindriyam

--------------------------------------------------------------------------------------------- page326.

Bhaveti upasamagamim sambodhagamim . tatra ca pana me savaka bahu abhinnavosanaparamippatta viharanti. [337] Puna caparam udayi akkhata maya savakanam patipada yathapatipanna me savaka panca balani bhaventi . idhudayi bhikkhu saddhabalam bhaveti upasamagamim sambodhagamim viriyabalam bhaveti ... Satibalam bhaveti ... samadhibalam bhaveti ... Pannabalam bhaveti upasamagamim sambodhagamim . tatra ca pana me savaka bahu abhinnavosanaparamippatta viharanti. [338] Puna caparam udayi akkhata maya savakanam patipada yathapatipanna me savaka satta bojjhange bhaventi . idhudayi bhikkhu satisambojjhangam bhaveti vivekanissitam viraganissitam nirodhanissitam vossaggaparinamim dhammavicayasambojjhangam bhaveti ... viriyasambojjhangam bhaveti ... pitisambojjhangam bhaveti ... passaddhisambojjhangam bhaveti ... samadhisambojjhangam bhaveti ... upekkhasambojjhangam bhaveti vivekanissitam viraganissitam nirodhanissitam vossaggaparinamim . tatra ca pana me savaka bahu abhinnavosanaparamippatta viharanti. [339] Puna caparam udayi akkhata maya savakanam patipada yathapatipanna me savaka ariyam atthangikam maggam bhaventi . Idhudayi bhikkhu sammaditthim bhaveti sammasankappam bhaveti sammavacam

--------------------------------------------------------------------------------------------- page327.

Bhaveti sammakammantam bhaveti sammaajivam bhaveti sammavayamam bhaveti sammasatim bhaveti sammasamadhim bhaveti . tatra ca pana me savaka bahu abhinnavosanaparamippatta viharanti. [340] Puna caparam udayi akkhata maya savakanam patipada yathapatipanna me savaka attha vimokkhe bhaventi . rupi rupani passati ayam pathamo vimokkho . ajjhattam arupasanni bahiddha rupani passati ayam dutiyo vimokkho . subhanteva adhimutto hoti ayam tatiyo vimokkho . sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharati ayam catuttho vimokkho . sabbaso akasanancayatanam samatikkamma anantam vinnananti vinnanancayatanam upasampajja viharati ayam pancamo vimokkho . sabbaso vinnanancayatanam samatikkamma natthi kinciti akincannayatanam upasampajja viharati ayam chattho vimokkho . Sabbaso akincannayatanam samatikkamma nevasannanasannayatanam upasampajja viharati ayam sattamo vimokkho . sabbaso nevasanna- nasannayatanam samatikkamma sannavedayitanirodham upasampajja viharati ayam atthamo vimokkho . tatra ca pana me savaka bahu abhinnavosanaparamippatta viharanti. [341] Puna caparam udayi akkhata maya savakanam patipada

--------------------------------------------------------------------------------------------- page328.

Yathapatipanna me savaka attha abhibhayatanani bhaventi. {341.1} Ajjhattam rupasanni eko bahiddha rupani passati parittani suvannadubbannani tani abhibhuyya janami passamiti evamsanni hoti idam pathamam abhibhayatanam. {341.2} Ajjhattam rupasanni eko bahiddha rupani passati appamanani suvannadubbannani tani abhibhuyya janami passamiti evamsanni hoti idam dutiyam abhibhayatanam. {341.3} Ajjhattam arupasanni eko bahiddha rupani passati parittani suvannadubbannani tani abhibhuyya janami passamiti evamsanni hoti idam tatiyam abhibhayatanam. {341.4} Ajjhattam arupasanni eko bahiddha rupani passati appamanani ^[1]- tani abhibhuyya janami passamiti evamsanni hoti idam catuttham abhibhayatanam. {341.5} Ajjhattam arupasanni eko bahiddha rupani passati nilani nilavannani nilanidassanani nilanibhasani . seyyathapi nama ummarapuppham ^[2]- nilavannam nilanidassanam nilanibhasam seyyathapi va pana tam vattham baranaseyyakam ubhatobhagavimattham ^3- nilam nilavannam nilanidassanam nilanibhasam evameva ^4- ajjhattam arupasanni eko bahiddha rupani passati nilani nilavannani nilanidassanani nilanibhasani tani abhibhuyya janami passamiti evamsanni hoti idam pancamam abhibhayatanam. {341.6} Ajjhattam arupasanni eko bahiddha rupani passati pitani pitavannani pitanidassanani pitanibhasani . seyyathapi nama kannikarapuppham ^1- @Footnote: ¹ Yu. etthantare suvannadubbannaniti dissati. ² Yu. etthantare nilanti @dissati. ³ Yu. ubhato-vimattham. ⁴ Yu. evamevam.

--------------------------------------------------------------------------------------------- page329.

Pitavannam pitanidassanam pitanibhasam seyyathapi va pana tam vattham baranaseyyakam ubhatobhagavimattham pitam pitavannam pitanidassanam pitanibhasam evameva ^2- ajjhattam arupasanni eko bahiddha rupani passati pitani pitavannani pitanidassanani pitanibhasani tani abhibhuyya janami passamiti evamsanni hoti idam chattham abhibhayatanam. {341.7} Ajjhattam arupasanni eko bahiddha rupani passati lohitakani lohitakavannani lohitakanidassanani lohitakanibhasani . Seyyathapi nama bandhujivakapuppham lohitakam lohitakavannam lohitakanidassanam lohitakanibhasam seyyathapi va pana tam vattham baranaseyyakam ubhatobhaga- vimattham lohitakam lohitakavannam lohitakanidassanam lohitakanibhasam evameva ^3- ajjhattam arupasanni eko bahiddha rupani passati lohitakani lohitakavannani lohitakanidassanani lohitakanibhasani tani abhibhuyya janami passamiti evamsanni hoti idam sattamam abhibhayatanam. {341.8} Ajjhattam arupasanni eko bahiddha rupani passati odatani odatavannani odatanidassanani odatanibhasani . Seyyathapi nama osadhitaraka odata odatavanna odatanidassana odatanibhasa seyyathapi va pana tam vattham baranaseyyakam ubhatobhaga- vimattham odatam odatavannam odatanidassanam odatanibhasam evameva ^4- ajjhattam arupasanni eko bahiddha rupani passati odatani odatavannani odatanidassanani odatanibhasani @Footnote: ¹ Yu. etthantare pitanti dissati. 2-3-4 Yu. evamevam.

--------------------------------------------------------------------------------------------- page330.

Tani abhibhuyya janami passamiti evamsanni hoti idam atthamam abhibhayatanam . tatra ca pana me savaka bahu abhinnavosana- paramippatta viharanti. [342] Puna caparam udayi akkhata maya savakanam patipada yathapatipanna me savaka dasa kasinayatanani bhaventi . Pathavikasinameko sanjanati uddhamadho tiriyam anvayam appamanam apokasinameko sanjanati ... tejokasinameko sanjanati ... Vayokasinameko sanjanati ... nilakasinameko sanjanati ... Pitakasinameko sanjanati ... lohitakasinameko sanjanati ... Odatakasinameko sanjanati ... akasakasinameko sanjanati ... vinnanakasinameko sanjanati uddhamadho tiriyam anvayam appamanam. Tatra ca pana me savaka bahu abhinnavosanaparamippatta viharanti. [343] Puna caparam udayi akkhata maya savakanam patipada yathapatipanna me savaka cattari jhanani ^1- bhaventi . Idhudayi bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati so imameva kayam vivekajena pitisukhena abhisanneti ^2- parisanneti ^3- paripureti parippharati nassa kinci sabbavato kayassa vivekajena pitisukhena apphutam hoti . seyyathapi udayi dakkho nhapako va nhapakantevasi @Footnote: ¹ Yu. cattaro jhane . ² Si. Yu. catusu thanesu abhisandeti . ³ parisandetiti @patho dissati. Yu. catusu thanesu parisandeti.

--------------------------------------------------------------------------------------------- page331.

Va kamsathale nhaniyacunnani akiritva udakena paripphosakam ^1- sanneyya sassa nhaniyapindi snehanuggata ^2- snehapareta santarabahira phuttha snehena na ca paggharini evameva kho udayi bhikkhu imameva kayam vivekajena pitisukhena abhisanneti parisanneti paripureti parippharati nassa kinci sabbavato kayassa vivekajena pitisukhena apphutam hoti. [344] Puna caparam udayi bhikkhu vitakkavicaranam vupasama .pe. Dutiyam jhanam upasampajja viharati so imameva kayam samadhijena pitisukhena abhisanneti parisanneti paripureti parippharati nassa kinci sabbavato kayassa samadhijena pitisukhena apphutam hoti . Seyyathapi udayi udakarahado gambhiro ^3- ubbhitodako ^4- tassa nevassa puratthimaya disaya udakassayamukham na pacchimaya disaya udakassayamukham na uttaraya disaya udakassayamukham na dakkhinaya disaya udakassayamukham devo ca kalena kalam sammadharam anuppaveccheyya atha kho tamha ^[5]- udakarahada sita varidhara ubbhijjitva tameva udakarahadam sitena varina abhisanneyya parisanneyya paripureyya paripphareyya nassa kinci sabbavato udakarahadassa sitena varina apphutam assa evameva kho udayi bhikkhu imameva kayam samadhijena pitisukhena abhisanneti parisanneti paripureti parippharati nassa kinci @Footnote: ¹ Yu. ayam patho dve vare amedito dissati. ² Si. subhanugata. @³ Yu. gambhiroti natthi . ⁴ Yu. ubbhidodakoti dissati . ⁵ Yu. ca.

--------------------------------------------------------------------------------------------- page332.

Sabbavato kayassa samadhijena pitisukhena apphutam hoti. [345] Puna caparam udayi bhikkhu pitiya ca viraga .pe. Tatiyam jhanam upasampajja viharati so imameva kayam nippitikena sukhena abhisanneti parisanneti paripureti parippharati nassa kinci sabbavato kayassa nippitikena sukhena apphutam hoti . seyyathapi udayi uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udakanuggatani antonimmuggapositani ^1- tani yava ca agga yava ca mula tena ^2- varina abhisannani parisannani paripurani paripphutani nassa kinci sabbavatam uppalanam va padumanam va pundarikanam va tena ^2- varina apphutam assa evameva ^[3]- udayi bhikkhu imameva kayam nippitikena sukhena abhisanneti parisanneti paripureti parippharati nassa kinci sabbavato kayassa nippitikena sukhena apphutam hoti. [346] Puna caparam udayi bhikkhu sukhassa ca pahana .pe. Catuttham jhanam upasampajja viharati so imameva kayam parisuddhena cetasa pariyodatena pharitva nisinno hoti nassa kinci sabbavato kayassa parisuddhena cetasa pariyodatena apphutam hoti . Seyyathapi udayi puriso odatena vatthena sisam ^4- parupitva nisinno assa nassa kinci sabbavato kayassa odatena @Footnote: ¹ Yu. antonimuggaposini tani . ² Yu. sitenati dissati . ³ Yu. kho. @⁴ Yu. sasisam.

--------------------------------------------------------------------------------------------- page333.

Vatthena apphutam assa evameva kho udayi bhikkhu imameva kayam parisuddhena cetasa pariyodatena pharitva nisinno hoti nassa kinci sabbavato kayassa parisuddhena cetasa pariyodatena apphutam hoti . tatra ca pana me savaka bahu abhinnavosanaparamippatta viharanti. [347] Puna caparam udayi akkhata maya savakanam patipada yathapatipanna me savaka evam pajananti ayam kho me kayo rupi catummahabhutiko matapettikasambhavo odanakummasupacayo aniccucchadanaparimaddanabhedanaviddhamsanadhammo idanca pana me vinnanam ettha sitam ettha patibaddham . seyyathapi udayi mani veluriyo subho jotima ^1- atthamso suparikammakato accho vippasanno sabbakarasampanno tatrassa suttam avutam nilam va pitam va lohitam va odatam va pandusuttam va tamenam cakkhuma puriso hatthe karitva paccavekkheyya ayam kho mani veluriyo subho jotima ^2- atthamso suparikammakato accho vippasanno sabbakarasampanno tatridam suttam avutam nilam va pitam va lohitam va odatam va pandusuttam vati evameva kho udayi akkhata maya savakanam patipada yathapatipanna me savaka evam pajananti ^3- ayam kho me kayo rupi catummahabhutiko matapettikasambhavo odanakummasupacayo aniccucchadanaparimaddanabhedanaviddhamsanadhammo @Footnote: ^1-2 Yu. jatima . ³ Yu. jananti.

--------------------------------------------------------------------------------------------- page334.

Idanca pana me ^1- vinnanam ettha sitam ettha patibaddhanti . Tatra ca pana me savaka bahu abhinnavosanaparamippatta viharanti. [348] Puna caparam udayi akkhata maya savakanam patipada yathapatipanna me savaka imamha kaya annam kayam abhinimminanti rupim manomayam sabbangapaccangam ahinindriyam ^2- . seyyathapi udayi puriso munjamha isikam ubbaheyya tassa evamassa ^3- ayam isika ayam munjo ^4- anno munjo anna isika munjamha tveva isika ubbalhati ^5- seyyathapi va panudayi puriso asim kosiya ubbaheyya ^6- tassa evamassa ayam asi ayam kosi anno asi anna ^7- kosi kosiya tveva asi ubbalhoti seyyathapi va ^8- panudayi puriso ahim karanda uddhareyya tassa evamassa ayam ahi ayam karando anno ahi anno karando karanda tveva ahi ubbhatoti evameva kho udayi akkhata maya savakanam patipada yathapatipanna me savaka imamha kaya annam kayam abhinimminanti rupim manomayam sabbangapaccangam ^9- ahinindriyam ^10-. Tatra ca pana me savaka bahu abhinnavosanaparamippatta viharanti. [349] Puna caparam udayi akkhata maya savakanam patipada yathapatipanna me savaka anekavihitam iddhividham paccanubhonti @Footnote: ¹ Yu. ayam patho natthi . 2-10 Yu. abhinindriyam . ³ Yu. evancassa . ⁴ Yu. @ayam munjo. ayam isika . ⁵ Yu. pabbalhati . ⁶ Yu. pabbaheyya . ⁷ Yu. @anno . ⁸ Yu. vasaddo natthi . ⁹ Yu. sabbangapaccangim.

--------------------------------------------------------------------------------------------- page335.

Ekopi hutva bahudha honti bahudhapi hutva eko honti avibhavam tirobhavam tirokuddam tiropakaram tiropabbatam asajjamana gacchanti seyyathapi akase . pathaviyapi ummujjanimmujjam karonti seyyathapi udake . udakepi abhijjamane gacchanti seyyathapi pathaviyam . akasepi pallankena kamanti seyyathapi pakkhi sakuna ^1-. Imepi candimasuriye evammahiddhike evammahanubhave panina parimasanti parimajjanti yava brahmalokapi kayena vasam vattenti. {349.1} Seyyathapi udayi dakkho kumbhakaro va kumbhakarantevasi va suparikammakataya mattikaya yamyadeva bhajanavikatim akankheyya tantadeva kareyya abhinipphadeyya seyyatha va panudayi dakkho dantakaro va dantakarantevasi va suparikammakatasmim dantasmim yamyadeva dantavikatim akankheyya tantadeva kareyya abhinipphadeyya seyyatha va panudayi dakkho suvannakaro va suvannakarantevasi va suparikammakatasmim suvannasmim yamyadeva suvannavikatim akankheyya tantadeva kareyya abhinipphadeyya evameva kho udayi akkhata maya savakanam patipada yathapatipanna me savaka anekavihitam iddhividham paccanubhonti ekopi hutva bahudha honti bahudhapi hutva eko honti avibhavam tirobhavam tirokuddam tiropakaram tiropabbatam asajjamana gacchanti seyyathapi akase . pathaviyapi ummujjanimmujjam karonti seyyathapi udake . udakepi abhijjamane @Footnote: ¹ Yu. sakuno.

--------------------------------------------------------------------------------------------- page336.

Gacchanti seyyathapi pathaviyam . akase ^1- pallankena kamanti seyyathapi pakkhi sakuna . imepi candimasuriye evammahiddhike evammahanubhave panina parimasanti parimajjanti yava brahmalokapi kayena vasam vattenti . tatra ca pana me savaka bahu abhinnavosanaparamippatta viharanti. [350] Puna caparam udayi akkhata maya savakanam patipada yathapatipanna me savaka dibbaya sotadhatuya visuddhaya atikkantamanusakaya ubho sadde sunanti dibbe ca manuse ca ye dure santike ca . seyyathapi udayi balava sankhadhamo appakasirena ^2- ca catuddisa vinnapeyya evameva kho udayi akkhata maya savakanam patipada yathapatipanna me savaka dibbaya sotadhatuya visuddhaya atikkantamanusakaya ^3- ubho sadde sunanti dibbe ca manuse ca ye dure santike ca . tatra ca pana me savaka bahu abhinnavosanaparamippatta viharanti. [351] Puna caparam udayi akkhata maya savakanam patipada yathapatipanna me savaka parasattanam parapuggalanam cetasa ceto paricca pajananti saragam va cittam saragam cittanti pajananti vitaragam va cittam vitaragam cittanti pajananti sadosam va cittam sadosam cittanti pajananti vitadosam va cittam vitadosam cittanti pajananti samoham va cittam samoham @Footnote: ¹ Yu. akasepi . ² Yu. appakasireneva. casaddo natthi . ³ Yu. ...manusikaya.

--------------------------------------------------------------------------------------------- page337.

Cittanti pajananti vitamoham va cittam vitamoham cittanti pajananti sankhittam va cittam sankhittam cittanti pajananti vikkhittam va cittam vikkhittam cittanti pajananti mahaggatam va cittam mahaggatam cittanti pajananti amahaggatam va cittam amahaggatam cittanti pajananti sauttaram va cittam sauttaram cittanti pajananti anuttaram va cittam anuttaram cittanti pajananti samahitam va cittam samahitam cittanti pajananti asamahitam va cittam asamahitam cittanti pajananti vimuttam va cittam vimuttam cittanti pajananti avimuttam va cittam avimuttam cittanti pajananti. {351.1} Seyyathapi udayi itthi va puriso va daharo yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano sakanikam va sakanikanti pajaneyya akanikam va akanikanti pajaneyya evameva udayi akkhata maya savakanam patipada yathapatipanna me savaka parasattanam parapuggalanam cetasa ceto paricca pajananti saragam va cittam saragam cittanti pajananti vitaragam va cittam vitaragam cittanti pajananti sadosam va cittam sadosam cittanti pajananti vitadosam va cittam vitadosam cittanti pajananti samoham va cittam ... vitamoham va cittam ... sankhittam va cittam ... vikkhittam va cittam ... Mahaggatam

--------------------------------------------------------------------------------------------- page338.

Va cittam ... amahaggatam va cittam ... Sauttaram va cittam ... Anuttaram va cittam ... samahitam va cittam ... Asamahitam va cittam ... Vimuttam va cittam ... avimuttam va cittam avimuttam cittanti pajananti . Tatra ca pana me savaka bahu abhinnavosanaparamippatta viharanti. [352] Puna caparam udayi akkhata maya savakanam patipada yathapatipanna me savaka anekavihitam pubbenivasam anussaranti seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi ^1- jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evam sukhadukkhapatisamvedi evamayupariyanto so tato cuto amutra udapadim tatrapasim evamnamo evamgotto evamvanno evamaharo evam sukhadukkhapatisamvedi evamayupariyanto so tato cuto idhupapannoti . iti sakaram sauddesam anekavihitam pubbenivasam anussaranti. {352.1} Seyyathapi udayi puriso sakamha gama annam gamam gaccheyya tamhapi gama annam gamam gaccheyya so tamha gama sakamyeva gamam paccagaccheyya tassa evamassa aham kho sakamha gama amum @Footnote: ¹ katthaci satampi jatiyo sahassampi jatiyo satasahassampi jatiyotipi dissati.

--------------------------------------------------------------------------------------------- page339.

Gamam agacchim tatra evam atthasim evam nisidim abhasim evam tunhi ahosim tamhapi gama amum gamam agacchim tatrapi evam atthasim evam nisidim evam abhasim evam tunhi ahosim somhi tamha gama sakamyeva gamam paccagatoti evameva kho udayi akkhata maya savakanam patipada yathapatipanna me savaka anekavihitam pubbenivasam anussaranti seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussaranti . Tatra ca pana me savaka bahu abhinnavosanaparamippatta viharanti. [353] Puna caparam udayi akkhata maya savakanam patipada yathapatipanna me savaka dibbena cakkhuna visuddhena atikkanta- manusakena satte passanti cavamane upapajjamane hine panite suvanne dubbanne sugate duggate yathakammupage satte pajananti ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda parammarana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda parammarana sugatim saggam

--------------------------------------------------------------------------------------------- page340.

Lokam upapannati . iti dibbena cakkhuna visuddhena atikkantamanusakena satte passanti cavamane upapajjamane hine panite suvanne dubbanne sugate duggate yathakammupage satte pajananti . Seyyathapassu udayi ^1- dve agara sadvara tatra cakkhuma puriso majjhe thito passeyya manusse gehe pavisantepi nikkhamantepi anusamcarantepi anuvicarantepi evameva kho udayi akkhata maya savakanam patipada yathapatipanna me savaka dibbena cakkhuna visuddhena atikkantamanusakena satte passanti cavamane upapajjamane hine panite suvanne dubbanne sugate duggate .pe. yathakammupage satte pajananti . tatra ca pana me savaka bahu abhinnavosana- paramippatta viharanti. [354] Puna caparam udayi akkhata maya savakanam patipada yathapatipanna me savaka asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharanti . seyyathapi udayi pabbatasankhepe udakarahado accho vippasanno anavilo tatra cakkhuma puriso tire thito passeyya sippikasambukampi ^2- sakkharakathalampi macchagumbampi carantampi titthantampi tassa evamassa ayam kho udakarahado accho vippasanno anavilo tatrime sippikasambukapi ^3- sakkharakathalapi ^4- macchagumbapi carantipi titthantipiti evameva kho udayi akkhata maya savakanam patipada @Footnote: ¹ Yu. seyyathapassudayi . 2-3 Yu. sippisambukampi . ⁴ Yu. pisaddo natthi.

--------------------------------------------------------------------------------------------- page341.

Yathapatipanna me savaka asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharanti . tatra ca pana me savaka bahu abhinnavosanaparamippatta viharanti. [355] Ayam kho udayi pancamo dhammo yena mama savaka sakkaronti garukaronti manenti pujenti sakkatva garukatva upanissaya viharanti . ime kho udayi panca dhamma yehi mama savaka sakkaronti garukaronti manenti pujenti sakkatva garukatva upanissaya viharantiti. Idamavoca bhagava attamano sakuludayi paribbajako bhagavato bhasitam abhinanditi. Mahasakuludayisuttam nitthitam sattamam. ----------