|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1179] Cattarome bhikkhave iddhipada bhavita bahulikata mahapphala honti mahanisamsa . katham bhavita ca bhikkhave cattaro iddhipada katham bahulikata mahapphala honti mahanisamsa . idha @Footnote: 1 so.--------------------------------------------------------------------------------------------- page356.
Bhikkhave bhikkhu chandasamadhipadhanasankharasamannagatam iddhipadam bhaveti iti me chando na ca atilino bhavissati na ca atipaggahito bhavissati na ca ajjhattam sankhitto bhavissati na ca bahiddha vikkhitto bhavissati pacchapure sanni ca viharati yatha pure tatha paccha yatha paccha tatha pure yatha adho tatha uddham yatha uddham tatha adho yatha diva tatha rattim yatha rattim tatha diva iti vivatena cetasa apariyonaddhena sappabhasam cittam bhaveti . Viriyasamadhi cittasamadhi vimamsasamadhipadhanasankharasamannagatam iddhipadam bhaveti iti me vimamsa na ca atilina bhavissati na ca atipaggahita bhavissati na ca ajjhattam sankhitta bhavissati na ca bahiddha vikkhitta bhavissati pacchapure sanni ca viharati yatha pure tatha paccha yatha paccha tatha pure yatha adho tatha uddham yatha uddham tatha adho yatha diva tatha rattim yatha rattim tatha diva iti vivatena cetasa apariyonaddhena sappabhasam cittam bhaveti. [1180] Katamo ca bhikkhave atilino chando . yo bhikkhave chando kosajjasahagato kosajjasampayutto . ayam vuccati bhikkhave atilino chando. [1181] Katamo ca bhikkhave atipaggahito chando . Yo bhikkhave chando uddhaccasahagato uddhaccasampayutto . ayam vuccati bhikkhave atipaggahito chando.--------------------------------------------------------------------------------------------- page357.
[1182] Katamo ca bhikkhave ajjhattam sankhitto chando . yo bhikkhave chando thinamiddhasahagato thinamiddhasampayutto . ayam vuccati bhikkhave ajjhattam sankhitto chando. [1183] Katamo ca bhikkhave bahiddha vikkhitto chando . yo bhikkhave chando bahiddha panca kamagune arabbha anuvikkhitto anuvisato. Ayam vuccati bhikkhave bahiddha vikkhitto chando. [1184] Kathanca bhikkhave bhikkhu pacchapure sanni ca viharati yatha pure tatha paccha yatha paccha tatha pure . idha bhikkhave bhikkhuno pacchapure sanna suggahita hoti sumanasikata supadharita suppatividdha pannaya . evam kho bhikkhave bhikkhu pacchapure sanni ca viharati yatha pure tatha paccha yatha paccha tatha pure. [1185] Kathanca bhikkhave bhikkhu yatha adho tatha uddham yatha uddham tatha adho viharati . idha bhikkhave bhikkhu imameva kayam uddham padatala adho kesamatthaka tacapariyantam puram nanappakarassa asucino paccavekkhati atthi imasmim kaye kesa loma nakha danta taco mamsam naharu atthi atthiminjam vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medo assu vasa khelo singhanika lasika muttanti . evam kho bhikkhave bhikkhu yatha adho tatha uddham yatha uddham tatha adho viharati.--------------------------------------------------------------------------------------------- page358.
[1186] Kathanca bhikkhave bhikkhu yatha diva tatha rattim yatha rattim tatha diva viharati . idha bhikkhave bhikkhu yehi akarehi yehi lingehi yehi nimittehi diva chandasamadhipadhanasankharasamannagatam iddhipadam bhaveti so tehi akarehi tehi lingehi tehi nimittehi rattim chandasamadhipadhanasankharasamannagatam iddhipadam bhaveti . yehi va pana akarehi yehi lingehi yehi nimittehi rattim chandasamadhi- padhanasankharasamannagatam iddhipadam bhaveti so tehi akarehi tehi lingehi tehi nimittehi diva chandasamadhipadhanasankharasamannagatam iddhipadam bhaveti . evam kho bhikkhave bhikkhu yatha diva tatha rattim yatha rattim tatha diva viharati. [1187] Kathanca bhikkhave bhikkhu vivatena cetasa apariyonaddhena sappabhasam cittam bhaveti . idha bhikkhave bhikkhuno alokasanna suggahita hoti divasanna svadhitthita . evam kho bhikkhave bhikkhu vivatena cetasa apariyonaddhena sappabhasam cittam bhaveti. [1188] Katamanca bhikkhave atilinam viriyam . yam bhikkhave viriyam kosajjasahagatam kosajjasampayuttam. Idam vuccati bhikkhave atilinam viriyam. [1189] Katamanca bhikkhave atipaggahitam viriyam . yam bhikkhave viriyam uddhaccasahagatam uddhaccasampayuttam . idam vuccati bhikkhave atipaggahitam viriyam. [1190] Katamanca bhikkhave ajjhattam sankhittam viriyam . Yam bhikkhave--------------------------------------------------------------------------------------------- page359.
Viriyam thinamiddhasahagatam thinamiddhasampayuttam . idam vuccati bhikkhave ajjhattam sankhittam viriyam. [1191] Katamanca bhikkhave bahiddha vikkhittam viriyam . Yam bhikkhave viriyam bahiddha panca kamagune arabbha anuvikkhittam anuvisatam . idam vuccati bhikkhave bahiddha vikkhittam viriyam .pe. [1192] Kathanca bhikkhave bhikkhu vivatena cetasa apariyonaddhena sappabhasam cittam bhaveti . idha bhikkhave bhikkhuno alokasanna suggahita hoti divasanna svadhitthita . evam kho bhikkhave bhikkhu vivatena cetasa apariyonaddhena sappabhasam cittam bhaveti. [1193] Katamanca bhikkhave atilinam cittam . yam bhikkhave cittam kosajjasahagatam kosajjasampayuttam. Idam vuccati bhikkhave atilinam cittam. [1194] Katamanca bhikkhave atipaggahitam cittam . yam bhikkhave cittam uddhaccasahagatam uddhaccasampayuttam . idam vuccati bhikkhave atipaggahitam cittam. [1195] Katamanca bhikkhave ajjhattam sankhittam cittam . Yam bhikkhave cittam thinamiddhasahagatam thinamiddhasampayuttam . idam vuccati bhikkhave ajjhattam sankhittam cittam. [1196] Katamanca bhikkhave bahiddha vikkhittam cittam . yam bhikkhave cittam bahiddha panca kamagune arabbha anuvikkhittam anuvisatam idam vuccati bhikkhave bahiddha vikkhittam cittam .pe.--------------------------------------------------------------------------------------------- page360.
[1197] Evam kho bhikkhave bhikkhu vivatena cetasa apariyonaddhena sappabhasam cittam bhaveti. [1198] Katama ca bhikkhave atilina vimamsa . ya bhikkhave vimamsa kosajjasahagata kosajjasampayutta . ayam vuccati bhikkhave atilina vimamsa. [1199] Katama ca bhikkhave atipaggahita vimamsa . Ya bhikkhave vimamsa uddhaccasahagata uddhaccasampayutta . ayam vuccati bhikkhave atipaggahita vimamsa. [1200] Katama ca bhikkhave ajjhattam sankhitta vimamsa . ya bhikkhave vimamsa thinamiddhasahagata thinamiddhasampayutta . ayam vuccati bhikkhave ajjhattam sankhitta vimamsa. [1201] Katama ca bhikkhave bahiddha vikkhitta vimamsa . ya bhikkhave vimamsa bahiddha panca kamagune arabbha anuvikkhitta anuvisata. Ayam vuccati bhikkhave bahiddha vikkhitta vimamsa .pe. [1202] Evam kho bhikkhave bhikkhu vivatena cetasa apariyonaddhena sappabhasam cittam bhaveti . evam bhavita kho bhikkhave cattaro iddhipada evam bahulikata mahapphala honti mahanisamsa. [1203] Evam bhavitesu kho bhikkhave bhikkhu catusu iddhipadesu evam bahulikatesu anekavihitam iddhividham paccanubhoti ekopi hutva bahudha hoti bahudhapi hutva eko hoti .pe. yava brahmalokapi--------------------------------------------------------------------------------------------- page361.
Kayena vasam vatteti. [1204] Evam bhavitesu kho bhikkhave bhikkhu catusu iddhipadesu evam bahulikatesu asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti . (chapi abhinnayo vittharetabba). Pasadakampanavaggo dutiyo. Imassa vaggassa uddanam pubbe 1- mahapphala chando moggallano ca brahmano dve samanabrahmanabhi desana vibhangena cati. ---------------- @Footnote: 1 Ma. pubbam mahapphalam chandam moggallananca unnabham @ dve samanabrahmana bhikkhu desana vibhangena cati.The Pali Tipitaka in Roman Character Volume 19 page 355-361. https://84000.org/tipitaka/read/roman_read.php?B=19&A=6925&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=6925&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1179&items=26 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=274 Study Atthakatha :- https://84000.org/tipitaka/attha/attha.php?b=19&i=1179 The Pali Atthakatha in Thai :- https://84000.org/tipitaka/atthapali/read_th.php?B=13&A=7334 The Pali Atthakatha in Roman :- https://84000.org/tipitaka/atthapali/read_rm.php?B=13&A=7334 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]