PaliRoman Vol.2

page102.

Pattavaggassa pathamasikkhapadam [117] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu bahu patte sannicayam karonti . manussa viharacarikam ahindanta passitva ujjhayanti khiyanti vipacenti katham hi nama samana sakyaputtiya bahu patte sannicayam karissanti pattavanijjam va samana sakyaputtiya karissanti amattikapanam va pasaressantiti . Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu atirekapattam dharessantiti. Athakho te bhikkhu bhagavato etamattham arocesum. Saccam kira tumhe bhikkhave atirekapattam dharethati . saccam bhagavati . Vigarahi buddho bhagava katham hi nama tumhe moghapurisa atirekapattam dharessatha netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {117.1} yo pana bhikkhu atirekapattam dhareyya nissaggiyam pacittiyanti. {117.2} Evancidam bhagavata bhikkhunam sikkhapadam pannattam hoti. [118] Tena kho pana samayena ayasmato anandassa atirekapatto

--------------------------------------------------------------------------------------------- page103.

Uppanno hoti . ayasma ca anando tam pattam ayasmato sariputtassa datukamo hoti . ayasma ca sariputto sakete viharati. Athakho ayasmato anandassa etadahosi bhagavata sikkhapadam pannattam na atirekapatto dharetabboti ayanca me atirekapatto uppanno ahancimam pattam ayasmato sariputtassa datukamo ayasma ca sariputto sakete viharati katham nu kho maya patipajjitabbanti. Athakho ayasma anando bhagavato etamattham arocesi . kivaciram panananda sariputto agacchissatiti . navamam va bhagava divasam dasamam vati. Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave dasahaparamam atirekapattam dharetum evanca pana bhikkhave imam sikkhapadam uddiseyyatha {118.1} dasahaparamam atirekapatto dharetabbo tam atikkamayato nissaggiyam pacittiyanti. [119] Dasahaparamanti dasahaparamata dharetabbo . Atirekapatto nama anadhitthito avikappito . patto nama dve patta ayopatto mattikapatto ^1- . tayo pattassa vanna ukkattho patto majjhimo patto omako patto . ukkattho nama patto addhalhakodanam ganhati catubhagam khadaniyam ^2- tadupiyam byanjanam . majjhimo nama patto nalikodanam ganhati catubhagam khadaniyam @Footnote: ¹ Ma. Yu. itisaddo dissati . ² Ma. Yu. khadanam. evamuparipi.

--------------------------------------------------------------------------------------------- page104.

Tadupiyam byanjanam . omako nama patto patthodanam ganhati catubhagam khadaniyam tadupiyam byanjanam . tato ukkattho apatto omako apatto. [120] Tam atikkamayato nissaggiyo hoti ^1- ekadase arunuggamane nissaggiyo hoti nissajjitabbo sanghassa va ganassa va puggalassa va. Evanca pana bhikkhave nissajjitabbo. [121] Tena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo ayam me bhante patto dasahatikkanto nissaggiyo imaham sanghassa nissajjamiti . nissajjitva apatti desetabba . byattena bhikkhuna patibalena apatti patiggahetabba. Nissatthapatto databbo {121.1} sunatu me bhante sangho ayam patto itthannamassa bhikkhuno nissaggiyo sanghassa nissattho . yadi sanghassa pattakallam sangho imam pattam itthannamassa bhikkhuno dadeyyati. [122] Tena bhikkhuna sambahule bhikkhu upasankamitva ekamsam uttarasangam karitva vuddhanam bhikkhunam pade vanditva ukkutikam @Footnote: ¹ Ma. Yu. sabbattha itisaddo dissati. so atirekoti veditabbo. tassa @atirekata pathamakathinasikkhapade vuttanayena veditabba.

--------------------------------------------------------------------------------------------- page105.

Nisiditva anjalim paggahetva evamassu vacaniya ayam me bhante patto dasahatikkanto nissaggiyo imaham ayasmantanam nissajjamiti . nissajjitva apatti desetabba . byattena bhikkhuna patibalena apatti patiggahetabba . nissatthapatto databbo {122.1} sunantu me ayasmanta ayam patto itthannamassa bhikkhuno nissaggiyo ayasmantanam nissattho . yadayasmantanam pattakallam ayasmanta imam pattam itthannamassa bhikkhuno dadeyyunti. [123] Tena bhikkhuna ekam bhikkhum upasankamitva ekamsam uttarasangam karitva ukkutikam nisiditva anjalim paggahetva evamassa vacaniyo ayam me avuso patto dasahatikkanto nissaggiyo imaham ayasmato nissajjamiti . nissajjitva apatti desetabba . tena bhikkhuna apatti patiggahetabba . nissatthapatto databbo imam pattam ayasmato dammiti. [124] Dasahatikkante atikkantasanni nissaggiyam pacittiyam . Dasahatikkante vematiko nissaggiyam pacittiyam . dasahatikkante anatikkantasanni nissaggiyam pacittiyam . anadhitthite adhitthitasanni nissaggiyam pacittiyam . avikappite vikappitasanni nissaggiyam pacittiyam . avissajjite vissajjitasanni nissaggiyam pacittiyam . Anatthe natthasanni nissaggiyam pacittiyam . avinatthe vinatthasanni

--------------------------------------------------------------------------------------------- page106.

Nissaggiyam pacittiyam . abhinne bhinnasanni nissaggiyam pacittiyam . Avilutte viluttasanni nissaggiyam pacittiyam. [125] Nissaggiyam pattam anissajjitva paribhunjati apatti dukkatassa . dasahanatikkante atikkantasanni apatti dukkatassa . dasahanatikkante vematiko apatti dukkatassa . Dasahanatikkante anatikkantasanni anapatti. [126] Anapatti antodasaham adhittheti vikappeti vissajjeti nassati vinassati bhijjati acchinditva ganhati ^1- vissasam ganhati ^2- ummattakassa adikammikassati. [127] Tena kho pana samayena chabbaggiya bhikkhu nissatthapattam na denti . bhikkhu ^3- bhagavato etamattham arocesum . na bhikkhave nissatthapatto na databbo yo na dadeyya apatti dukkatassati. Pathamasikkhapadam nitthitam. ------- @Footnote: ^1-2 Ma. Yu. ganhanti . ³ Ma. Yu. ayam patho natthi.