|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Tatiyasikkhapadam [255] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu bhikkhunam bhandanajatanam kalahajatanam vivadapannanam pesunnam upasamharanti imassa sutva amussa akkhayanti imassa bhedaya amussa sutva imassa akkhayanti amussa bhedaya tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattanti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu bhikkhunam bhandanajatanam kalahajatanam vivadapannanam pesunnam upasamharissanti imassa sutva amussa akkhayissanti imassa bhedaya amussa sutva imassa akkhayissanti amussa bhedaya tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattantiti. {255.1} Athakho te bhikkhu bhagavato etamattham arocesum .pe. Saccam kira tumhe bhikkhave bhikkhunam bhandanajatanam kalahajatanam vivadapannanam pesunnam upasamharatha imassa sutva amussa akkhayatha imassa bhedaya amussa sutva imassa akkhayatha amussa bhedaya tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattantiti .--------------------------------------------------------------------------------------------- page184.
Saccam bhagavati . vigarahi buddho bhagava katham hi nama tumhe moghapurisa bhikkhunam bhandanajatanam kalahajatanam vivadapannanam pesunnam upasamharissatha imassa sutva amussa akkhayissatha imassa bhedaya amussa sutva imassa akkhayissatha amussa bhedaya tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattanti netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {255.2} bhikkhupesunne pacittiyanti. [256] Pesunnam nama dvihakarehi pesunnam hoti piyakamyassa va bhedadhippayassa va . dasahi akarehi pesunnam upasamharati jatitopi namatopi gottatopi kammatopi sippatopi abadhatopi lingatopi kilesatopi apattitopi akkosatopi . jati nama dve jatiyo hina ca jati ukkattha ca jati . hina nama jati candalajati venajati nesadajati rathakarajati pukkusajati esa hina nama jati . ukkattha nama jati khattiyajati brahmanajati esa ukkattha nama jati .pe. akkoso nama dve akkosa hino ca akkoso ukkattho ca akkoso . Hino nama akkoso otthosi mendosi gonosi gadrabhosi tiracchanagatosi nerayikosi natthi tuyham sugati duggatiyeva tuyham patikankhati yakarena va bhakarena va katakotacikaya va--------------------------------------------------------------------------------------------- page185.
Eso hino nama akkoso . ukkattho nama akkoso panditosi byattosi medhavisi bahussutosi dhammakathikosi natthi tuyham duggati sugatiyeva tuyham patikankhati eso ukkattho nama akkoso. [257] Upasampanno upasampannassa sutva upasampannassa pesunnam upasamharati itthannamo tam candalo veno nesado rathakaro pukkusoti bhanatiti apatti vacaya vacaya pacittiyassa. [258] Upasampanno upasampannassa sutva upasampannassa pesunnam upasamharati itthannamo tam khattiyo brahmanoti bhanatiti apatti vacaya vacaya pacittiyassa. [259] Upasampanno upasampannassa sutva upasampannassa pesunnam upasamharati itthannamo tam avakannako javakannako dhanitthako savitthako kulavaddhakoti bhanatiti apatti vacaya vacaya pacittiyassa. [260] Upasampanno upasampannassa sutva upasampannassa pesunnam upasamharati itthannamo tam buddharakkhito dhammarakkhito sangharakkhitoti bhanatiti apatti vacaya vacaya pacittiyassa. [261] Upasampanno upasampannassa sutva upasampannassa pesunnam upasamharati itthannamo tam kosiyo bharadvajoti bhanatiti apatti vacaya vacaya pacittiyassa.--------------------------------------------------------------------------------------------- page186.
[262] Upasampanno upasampannassa sutva upasampannassa pesunnam upasamharati itthannamo tam gotamo moggallano kaccayano vasetthoti bhanatiti apatti vacaya vacaya pacittiyassa. [263] Upasampanno upasampannassa sutva upasampannassa pesunnam upasamharati itthannamo tam kotthako pupphachaddakoti bhanatiti apatti vacaya vacaya pacittiyassa. [264] Upasampanno upasampannassa sutva upasampannassa pesunnam upasamharati itthannamo tam kasako vanijo gorakkhoti bhanatiti apatti vacaya vacaya pacittiyassa. [265] Upasampanno upasampannassa sutva upasampannassa pesunnam upasamharati itthannamo tam nalakaro kumbhakaro pesakaro cammakaro nahapitoti bhanatiti apatti vacaya vacaya pacittiyassa. [266] Upasampanno upasampannassa sutva upasampannassa pesunnam upasamharati itthannamo tam muddhiko ganako lekhakoti bhanatiti apatti vacaya vacaya pacittiyassa. [267] Upasampanno upasampannassa sutva upasampannassa pesunnam upasamharati itthannamo tam kutthiko gandiko kilasiko sosiko apamarikoti bhanatiti apatti vacaya vacaya pacittiyassa.--------------------------------------------------------------------------------------------- page187.
[268] Upasampanno upasampannassa sutva upasampannassa pesunnam upasamharati itthannamo tam madhumehikoti bhanatiti apatti vacaya vacaya pacittiyassa. [269] Upasampanno upasampannassa sutva upasampannassa pesunnam upasamharati itthannamo tam atidigho atirasso atikanho accodatoti bhanatiti apatti vacaya vacaya pacittiyassa. [270] Upasampanno upasampannassa sutva upasampannassa pesunnam upasamharati itthannamo tam natidigho natirasso natikanho naccodatoti bhanatiti apatti vacaya vacaya pacittiyassa. [271] Upasampanno upasampannassa sutva upasampannassa pesunnam upasamharati itthannamo tam ragapariyutthito dosapariyutthito mohapariyutthitoti bhanatiti apatti vacaya vacaya pacittiyassa. [272] Upasampanno upasampannassa sutva upasampannassa pesunnam upasamharati itthannamo tam vitarago vitadoso vitamohoti bhanatiti apatti vacaya vacaya pacittiyassa. [273] Upasampanno upasampannassa sutva upasampannassa pesunnam upasamharati itthannamo tam parajikam ajjhapanno sanghadisesam ajjhapanno thullaccayam ajjhapanno pacittiyam--------------------------------------------------------------------------------------------- page188.
Ajjhapanno patidesaniyam ajjhapanno dukkatam ajjhapanno dubbhasitam ajjhapannoti bhanatiti apatti vacaya vacaya pacittiyassa. [274] Upasampanno upasampannassa sutva upasampannassa pesunnam upasamharati itthannamo tam sotapannoti bhanatiti apatti vacaya vacaya pacittiyassa. [275] Upasampanno upasampannassa sutva upasampannassa pesunnam upasamharati itthannamo tam ottho mendo gono gadrabho tiracchanagato nerayiko natthi tassa sugati duggatiyeva tassa patikankhati bhanatiti apatti vacaya vacaya pacittiyassa. [276] Upasampanno upasampannassa sutva upasampannassa pesunnam upasamharati itthannamo tam pandito byatto medhavi bahussuto dhammakathiko natthi tassa duggati sugatiyeva tassa patikankhati bhanatiti apatti vacaya vacaya pacittiyassa. [277] Upasampanno upasampannassa sutva upasampannassa pesunnam upasamharati itthannamo santi idhekacce candala vena nesada rathakara pukkusati bhanati na so annam bhanati tanneva bhanatiti apatti vacaya vacaya dukkatassa. [278] Upasampanno upasampannassa sutva upasampannassa pesunnam upasamharati itthannamo santi idhekacce khattiya brahmanati bhanati na so annam bhanati tanneva bhanatiti--------------------------------------------------------------------------------------------- page189.
Apatti vacaya vacaya dukkatassa .pe. [279] Upasampanno upasampannassa sutva upasampannassa pesunnam upasamharati itthannamo santi idhekacce pandita byatta medhavino bahussuta dhammakathika natthi tesam duggati sugatiyeva tesam patikankhati bhanati na so annam bhanati tanneva bhanatiti apatti vacaya vacaya dukkatassa. [280] Upasampanno upasampannassa sutva upasampannassa pesunnam upasamharati itthannamo ye nuna candala vena nesada rathakara pukkusati bhanati na so annam bhanati tanneva bhanatiti apatti vacaya vacaya dukkatassa .pe. upasampanno upasampannassa sutva upasampannassa pesunnam upasamharati itthannamo ye nuna pandita byatta medhavino bahussuta dhammakathika natthi tesam duggati sugatiyeva tesam patikankhati bhanati na so annam bhanati tanneva bhanatiti apatti vacaya vacaya dukkatassa. [281] Upasampanno upasampannassa sutva upasampannassa pesunnam upasamharati itthannamo na mayam candala vena nesada rathakara pukkusati bhanati na so annam bhanati tanneva bhanatiti apatti vacaya vacaya dukkatassa .pe. upasampanno upasampannassa sutva upasampannassa pesunnam--------------------------------------------------------------------------------------------- page190.
Upasamharati itthannamo na mayam pandita byatta medhavino bahussuta dhammakathika natthi amhakam duggati sugatiyeva amhakam patikankhati bhanati na so annam bhanati tanneva bhanatiti apatti vacaya vacaya dukkatassa. [282] Upasampanno upasampannassa sutva upasampannassa pesunnam upasamharati apatti vacaya vacaya pacittiyassa . Upasampanno upasampannassa sutva anupasampannassa pesunnam upasamharati apatti dukkatassa . upasampanno anupasampannassa sutva upasampannassa pesunnam upasamharati apatti dukkatassa . Upasampanno anupasampannassa sutva anupasampannassa pesunnam upasamharati apatti dukkatassa. [283] Anapatti napiyakamyassa nabhedadhippayassa ummattakassa adikammikassati. Tatiyasikkhapadam nitthitam. -------The Pali Tipitaka in Roman Character Volume 2 page 183-190. https://84000.org/tipitaka/read/roman_read.php?B=2&A=3270&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=3270&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=255&items=29 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=39 Study Atthakatha :- https://84000.org/tipitaka/attha/attha.php?b=2&i=255 The Pali Atthakatha in Thai :- https://84000.org/tipitaka/atthapali/read_th.php?B=2&A=6092 The Pali Atthakatha in Roman :- https://84000.org/tipitaka/atthapali/read_rm.php?B=2&A=6092 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]