|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Dasamasikkhapadam [466] Tena samayena buddho bhagava savatthiyam viharati jetavane anathapindikassa arame . tena kho pana samayena ayasmato udayissa puranadutiyika bhikkhunisu pabbajita hoti . sa bhikkhuni 1- ayasmato udayissa santike abhikkhanam agacchati . ayasmapi udayi tassa bhikkhuniya santike abhikkhanam gacchati. {466.1} Tena kho pana samayena ayasma udayi tassa bhikkhuniya saddhim eko ekaya raho nisajjam kappesi. Ye te bhikkhu appiccha .pe. Te ujjhayanti khiyanti vipacenti katham hi nama ayasma udayi bhikkhuniya saddhim eko ekaya raho nisajjam kappessatiti .pe. Saccam kira tvam udayi bhikkhuniya saddhim eko ekaya raho nisajjam kappesiti. Saccam bhagavati . vigarahi buddho bhagava katham hi nama tvam moghapurisa bhikkhuniya saddhim eko ekaya raho nisajjam kappessasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {466.2} yo pana bhikkhu bhikkhuniya saddhim eko ekaya raho nisajjam kappeyya pacittiyanti. [467] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . bhikkhuni nama ubhatosanghe @Footnote: 1 Ma. Yu. ayam patho. dissati.--------------------------------------------------------------------------------------------- page303.
Upasampanna . saddhinti ekato . eko ekayati bhikkhu ceva hoti bhikkhuni ca . raho nama cakkhussa raho sotassa raho. Cakkhussa raho nama na sakka hoti akkhini va nikhaniyamane 1- bhamukam va ukkhipiyamane sisam va ukkhipiyamane passitum . sotassa raho nama na sakka hoti pakatikatha sotum . nisajjam kappeyyati bhikkhuniya nisinnaya bhikkhu upanisinno va hoti upanipanno va apatti pacittiyassa . bhikkhu nisinne bhikkhuni upanisinna va hoti upanipanna va apatti pacittiyassa . ubho va nisinna honti ubho va nipanna apatti pacittiyassa. [468] Raho rahosanni eko ekaya nisajjam kappeti apatti pacittiyassa . raho vematiko eko ekaya nisajjam kappeti apatti pacittiyassa . raho arahosanni eko ekaya nisajjam kappeti apatti pacittiyassa . araho rahosanni apatti dukkatassa . Araho vematiko apatti dukkatassa. Araho arahosanni anapatti. [469] Anapatti yo koci vinnu puriso dutiyo hoti titthati na nisidati arahopekkho annavihito 2- nisidati ummattakassa adikammikassati. Dasamasikkhapadam nitthitam. Ovadavaggo tatiyo. -------- @Footnote: 1 Ma. akkhim va nikhaniyamane . 2 Ma. annavihito.--------------------------------------------------------------------------------------------- page304.
Tassuddanam asammatatthangata upassaya amisadanena sibbati 1- addhanam navam bhunjeyya 2- eko ekaya te dasati. ---------- @Footnote: 1 Ma. asammata atthangatu passayamisadanena . 2 Ma. sibbati addhanam navam @bhunjeyya ....The Pali Tipitaka in Roman Character Volume 2 page 302-304. https://84000.org/tipitaka/read/roman_read.php?B=2&A=5427&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5427&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=466&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=66 Study Atthakatha :- https://84000.org/tipitaka/attha/attha.php?b=2&i=466 The Pali Atthakatha in Thai :- https://84000.org/tipitaka/atthapali/read_th.php?B=2&A=8061 The Pali Atthakatha in Roman :- https://84000.org/tipitaka/atthapali/read_rm.php?B=2&A=8061 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]