|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Atthamasikkhapadam [512] Tena samayena buddho bhagava savatthiyam viharati jetavane anathapindikassa arame . tena kho pana samayena ayasmato anandassa upajjhayo ayasma velatthasiso 1- aranne viharati . So pindaya caritva bahum pindapatam labhitva 1- sukkham kuram aramam haritva sukkhapetva nikkhipati yada aharena attho hoti tada udakena temetva bhunjati cirena gamam pindaya pavisati . bhikkhu ayasmantam velatthasisam etadavocum kissa tvam avuso cirena gamam pindaya pavisasiti. {512.1} Athakho ayasma velatthasiso bhikkhunam etamattham arocesi . kim pana tvam avuso sannidhikarakam bhojanam bhunjasiti . Evamavusoti . ye te bhikkhu appiccha .pe. Te ujjhayanti khiyanti vipacenti katham hi nama ayasma velatthasiso sannidhikarakam bhojanam bhunjissatiti .pe. saccam kira tvam velatthasisa sannidhikarakam bhojanam bhunjasiti . saccam bhagavati . vigarahi buddho bhagava katham hi nama tvam velatthasisa sannidhikarakam bhojanam bhunjissasi netam velatthasisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {512.2} yo pana bhikkhu sannidhikarakam khadaniyam va bhojaniyam @Footnote: 1 Ma. Yu. belatthasiso. evamuparipi . 2 Ma. idam pathattayam natthi.--------------------------------------------------------------------------------------------- page338.
Va khadeyya va bhunjeyya va pacittiyanti. [513] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . sannidhikarakam nama ajja patiggahitam aparajja khaditam hoti . khadaniyam nama panca bhojanani yamakalikam sattahakalikam yavajivikam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . Khadissami bhunjissamiti patigganhati apatti dukkatassa . Ajjhohare ajjhohare apatti pacittiyassa. [514] Sannidhikarake sannidhikarakasanni khadaniyam va bhojaniyam va khadati va bhunjati va apatti pacittiyassa . sannidhikarake vematiko khadaniyam va bhojaniyam va khadati va bhunjati va apatti pacittiyassa . sannidhikarake asannidhikarakasanni khadaniyam va bhojaniyam va khadati va bhunjati va apatti pacittiyassa . Yamakalikam sattahakalikam yavajivikam aharatthaya patigganhati apatti dukkatassa . ajjhohare ajjhohare apatti dukkatassa . Asannidhikarake sannidhikarakasanni apatti dukkatassa . Asannidhikarake vematiko apatti dukkatassa . asannidhikarake asannidhikarakasanni anapatti. [515] Anapatti yavakalikam yavakale nidahitva bhunjati yamakalikam yame nidahitva bhunjati sattahakalikam sattaham--------------------------------------------------------------------------------------------- page339.
Nidahitva bhunjati yavajivikam sati paccaye paribhunjati ummattakassa adikammikassati. Atthamasikkhapadam nitthitam. ---------The Pali Tipitaka in Roman Character Volume 2 page 337-339. https://84000.org/tipitaka/read/roman_read.php?B=2&A=6063&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6063&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=512&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=74 Study Atthakatha :- https://84000.org/tipitaka/attha/attha.php?b=2&i=512 The Pali Atthakatha in Thai :- https://84000.org/tipitaka/atthapali/read_th.php?B=2&A=8870 The Pali Atthakatha in Roman :- https://84000.org/tipitaka/atthapali/read_rm.php?B=2&A=8870 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]