|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Sattamasikkhapadam [508] Tena samayena buddho bhagava rajagahe viharati veluvane kalandakanivape . tena kho pana samayena rajagahe giraggasamajjo hoti . sattarasavaggiya bhikkhu giraggasamajjam dassanaya agamamsu . Manussa sattarasavaggiye bhikkhu passitva nhapetva vilimpetva bhojetva khadaniyam adamsu . sattarasavaggiya bhikkhu khadaniyam adaya aramam gantva chabbaggiye bhikkhu etadavocum ganhathavuso khadaniyam khadathati . kuto tumhehi avuso khadaniyam laddhanti . Sattarasavaggiya bhikkhu chabbaggiyanam bhikkhunam etamattham arocesum . Kim pana tumhe avuso vikale bhojanam bhunjathati . evamavusoti. Chabbaggiya bhikkhu ujjhayanti khiyanti vipacenti katham hi nama sattarasavaggiya bhikkhu vikale bhojanam bhunjissantiti. {508.1} Athakho chabbaggiya bhikkhu bhikkhunam etamattham arocesum. Ye te bhikkhu appiccha .pe. te ujjhayanti khiyanti vipacenti katham hi nama sattarasavaggiya bhikkhu vikale bhojanam bhunjissantiti .pe. saccam kira tumhe bhikkhave vikale bhojanam bhunjathati . saccam bhagavati . vigarahi buddho bhagava katham hi nama tumhe moghapurisa vikale bhojanam bhunjissatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {508.2} yo pana bhikkhu vikale--------------------------------------------------------------------------------------------- page336.
Khadaniyam va bhojaniyam va khadeyya va bhunjeyya va pacittiyanti. [509] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . vikalo nama majjhantike vitivatte yava arunuggamana . khadaniyam nama panca bhojanani yamakalikam sattahakalikam yavajivikam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . Khadissami bhunjissamiti patigganhati apatti dukkatassa . Ajjhohare ajjhohare apatti pacittiyassa. [510] Vikale vikalasanni khadaniyam va bhojaniyam va khadati va bhunjati va apatti pacittiyassa . vikale vematiko khadaniyam va bhojaniyam va khadati va bhunjati va apatti pacittiyassa . Vikale kalasanni khadaniyam va bhojaniyam va khadati va bhunjati va apatti pacittiyassa . yamakalikam sattahakalikam yavajivikam aharatthaya patigganhati apatti dukkatassa . ajjhohare ajjhohare apatti dukkatassa . kale vikalasanni apatti dukkatassa . kale vematiko apatti dukkatassa . kale kalasanni anapatti. [511] Anapatti yamakalikam sattahakalikam yavajivikam sati paccaye paribhunjati ummattakassa adikammikassati. Sattamasikkhapadam nitthitam. ---------The Pali Tipitaka in Roman Character Volume 2 page 335-336. https://84000.org/tipitaka/read/roman_read.php?B=2&A=6021&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6021&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=508&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=73 Study Atthakatha :- https://84000.org/tipitaka/attha/attha.php?b=2&i=508 The Pali Atthakatha in Thai :- https://84000.org/tipitaka/atthapali/read_th.php?B=2&A=8712 The Pali Atthakatha in Roman :- https://84000.org/tipitaka/atthapali/read_rm.php?B=2&A=8712 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]