|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Dasamasikkhapadam [719] Tena samayena buddho bhagava savatthiyam viharati jetavane anathapindikassa arame . tena kho pana samayena sangho sannipatito hoti kenacideva karaniyena . chabbaggiya bhikkhu civarakammam karonta ekassa chandam adamsu . athakho sangho yassatthaya sannipatito tam kammam karissamati nattim thapesi . athakho so bhikkhu evamevime ekamekassa kammam karonti kassa tumhe kammam karissathati chandam adatva utthayasana pakkami . ye te bhikkhu appiccha .pe. te ujjhayanti khiyanti vipacenti katham hi nama bhikkhu sanghe vinicchayakathaya vattamanaya chandam adatva utthayasana pakkamissatiti .pe. saccam kira tvam bhikkhu sanghe vinicchayakathaya vattamanaya chandam adatva utthayasana pakkamasiti . saccam bhagavati . vigarahi buddho bhagava katham hi nama tvam moghapurisa sanghe vinicchayakathaya vattamanaya chandam adatva utthayasana pakkamissasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {719.1} yo pana bhikkhu sanghe vinicchayakathaya vattamanaya chandam adatva utthayasana pakkameyya pacittiyanti.--------------------------------------------------------------------------------------------- page473.
[720] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . sanghe vinicchayakatha nama vatthu va arocitam hoti avinicchitam natti va thapita hoti kammavaca va vippakata hoti . chandam adatva utthayasana pakkameyyati katham idam kammam kuppam assa vaggam assa na kareyyati gacchati apatti dukkatassa . parisaya hatthapasam vijahantassa apatti dukkatassa . Vijahite apatti pacittiyassa. [721] Dhammakamme dhammakammasanni chandam adatva utthayasana pakkamati apatti pacittiyassa . dhammakamme vematiko chandam adatva utthayasana pakkamati apatti dukkatassa . dhammakamme adhammakammasanni chandam adatva utthayasana pakkamati anapatti . adhammakamme dhammakammasanni apatti dukkatassa . adhammakamme vematiko apatti dukkatassa. Adhammakamme adhammakammasanni anapatti. [722] Anapatti sanghassa bhandanam va kalaho va viggaho va vivado va bhavissatiti gacchati sanghabhedo va sangharaji va bhavissatiti gacchati adhammena va vaggena va na kammarahassa va kammam karissatiti gacchati gilano gacchati gilanassa karaniyena gacchati uccarena va passavena va pilito gacchati na--------------------------------------------------------------------------------------------- page474.
Kammam kopetukamo puna paccagamissamiti gacchati ummattakassa adikammikassati. Dasamasikkhapadam nitthitam. -------The Pali Tipitaka in Roman Character Volume 2 page 472-474. https://84000.org/tipitaka/read/roman_read.php?B=2&A=8488&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8488&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=719&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=116 Study Atthakatha :- https://84000.org/tipitaka/attha/attha.php?b=2&i=719 The Pali Atthakatha in Thai :- https://84000.org/tipitaka/atthapali/read_th.php?B=2&A=10111 The Pali Atthakatha in Roman :- https://84000.org/tipitaka/atthapali/read_rm.php?B=2&A=10111 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]