PaliRoman Vol.25

[83] ⁹ Evamme sutam . ekam samayam bhagava savatthiyam viharati jetavane anathapindikassa arame . tena kho pana samayena sambahulanam bhikkhunam pacchabhattam pindapatapatikkantanam mandalamale sannisinnanam sannipatitanam ayamantarakatha udapadi ko nu kho avuso sippam janati ko kim sippam sikkhi kataram sippam sippanam agganti. {83.1} Tatthekacce evamahamsu hatthisippam sippanam agganti. Ekacce evamahamsu assasippam sippanam agganti . ekacce evamahamsu rathasippam sippanam agganti . ekacce evamahamsu dhanusippam sippanam agganti . ekacce evamahamsu tharusippam sippanam agganti . ekacce evamahamsu muddhasippam sippanam agganti . Ekacce evamahamsu gananasippam sippanam agganti . ekacce evamahamsu sankhanasippam sippanam agganti . ekacce evamahamsu lekhasippam sippanam agganti . ekacce evamahamsu kaveyyasippam sippanam agganti . ekacce evamahamsu lokayatanasippam ^1- sippanam agganti . ekacce evamahamsu khettavijjasippam ^2- sippanam agganti. Ayancarahi tesam bhikkhunam antarakatha hoti ^3- vippakata . atha kho @Footnote: ¹ Ma. Yu. lokayatasippam . ² Ma. khattavijjasippam . ³ Yu. ayam patho natthi.

--------------------------------------------------------------------------------------------- page120.

Bhagava sayanhasamayam patisallana vutthito yena mandalamalo tenupasankami upasankamitva pannatte asane nisidi . nisajja kho bhagava bhikkhu amantesi kaya nuttha bhikkhave etarahi kathaya sannisinna ka ca pana vo antarakatha vippakatati. {83.2} Idha bhante amhakam pacchabhattam pindapatapatikkantanam mandalamale sannisinnanam sannipatitanam antarakatha udapadi ko nu kho avuso sippam janati ko kim sippam sikkhi kataram sippam sippanam agganti tatthekacce evamahamsu hatthisippam sippanam agganti ekacce evamahamsu assasippam sippanam agganti ekacce evamahamsu rathasippam sippanam agganti ekacce evamahamsu dhanusippam sippanam agganti ekacce evamahamsu tharusippam sippanam agganti ekacce evamahamsu muddhasippam sippanam agganti ekacce evamahamsu gananasippam sippanam agganti ekacce evamahamsu sankhanasippam sippanam agganti ekacce evamahamsu lekhasippam sippanam agganti ekacce evamahamsu kaveyyasippam sippanam agganti ekacce evamahamsu lokayatanasippam sippanam agganti ekacce evamahamsu khettavijjasippam sippanam agganti ayam kho no bhante antarakatha vippakata atha bhagava anuppattoti. {83.3} Na khvetam bhikkhave tumhakam patirupam kulaputtanam saddha agarasma anagariyam pabbajitanam yam tumhe evarupam katham katheyyatha

--------------------------------------------------------------------------------------------- page121.

Sannipatitanam vo bhikkhave dvayam karaniyam dhammi va katha ariyo va tunhibhavoti . atha kho bhagava etamattham viditva tayam velayam imam udanam udanesi asippajivi lahu atthakamo yatindriyo sabbadhi vippamutto anokasari amamo niraso hantva ^1- maram ekacaro sa bhikkhuti. Navamam.

The Pali Tipitaka in Roman Character Volume 25 page 119-121. https://84000.org/tipitaka/read/roman_read.php?B=25&A=2420&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=2420&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=83&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=64 Study Atthakatha :- https://84000.org/tipitaka/attha/attha.php?b=25&i=83 The Pali Atthakatha in Thai :- https://84000.org/tipitaka/atthapali/read_th.php?B=26&A=4835 The Pali Atthakatha in Roman :- https://84000.org/tipitaka/atthapali/read_rm.php?B=26&A=4835 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25